軍記海鮮菜館 (Closed)

已經食過好多次喇，好欣賞呢到D小菜好夠獲氣，價錢吾算貴，又大碟。我每次都必叫呢几個餸.......咕嚕肉，芝士花甲，黃金鮮魷，荀殼魚。咕嚕肉好香脆，淡淡肉，豉椒花甲平常食得多，呢度有芝士花甲好特平，味道又几夾，有D似忌廉湯味，黃金鮮鱿好香，食落好濃烈嘅蛋黃味，真係好正，至於荀殼魚就炸過嘅，但内裡D魚肉好滑。其實仲有其他餸都好正，但個人推介呢4款係必試。

唔好意思，呢篇食評冇圖片，我唔記得左影相…外母今日由福建來香港，於是我就約埋父母同老婆，去左聞名已久既「軍記」食飯點解聞名已久?係因為小弟食盡港九新界，想搵最好食既肉餅，又有人推介呢間既肉餅手屈一指一行五人，叫左一個套餐，另外五個小菜1. 套餐---風沙雞呢個雞味道相當唔錯，皮脆夠乾身，而且半隻雞份量都唔少，讚！2. 套餐---蒸倉魚小弟唔好食魚，但老婆同外母相當喜歡，上菜發現條魚有返咁上下大小，賣相吸引，老婆話條蒸得岩岩好，讚！3. 套餐---上湯浸時蔬上湯浸白菜仔，賣相味道一般，而且白菜仔偏老，將貨就價算係可接受啦！4. 蠔餅呢味菜真係要讚，上菜賣相一般，但食落十分脆，而且唔油膩，但份量偏細，不過味道搭救，讚！5. 蠔仔粥外母話要食返碗飯，咁就叫個蠔仔粥啦！唔知點解腥味好重，不過五個人一人一碗食晒，算係可以接受！6. 燒乳鴿老豆見隔離臺食，佢又想食，叫左兩隻，我就唔識食，不過老豆話味道一般般，賣相亦好一般！7. 椒鹽豆腐話係招牌菜，言過其實，味道同賣相都麻麻，而且好細，炸到過晒龍，唔合格！8. 土魷蒸肉餅不知是否期望太高，我就真係極之失望，食過其他更好食既，而且上菜賣相唔得，完全冇

「椒鹽九肚魚」在數款下酒小菜之中，包括 「雞蛋焗魚腸」、「金莎鮮魷」、「軍記小炒王」，我就喜歡椒鹽九肚魚，魚肉肥嘟嘟，炸得外脆內軟，椒鹽味足，是送啤酒的不二之選。

以前在九公游完水，一班泳友到軍記叫碟頭飯食晏的，從未試過食晚餐，今次7pm到，估唔到周四都咁多人，埋單離開時有人在門口等位呢！2人叫左超值套餐D 芥菜鹹豬骨煲好快上枱，豬骨好多，夠腍夠鹹香，芥菜沒有㷛得太耐，仍保持菜的翠綠爽甜。 隻雞一定好大隻，半隻沙薑雞好大份，肥瘦適中，肉滑嫩，不過好似放左豉油，雖然都好味，要問才比沙薑醬。 QQ的椒鹽墨魚咀不錯，心諗：真係有咁多墨魚咀？覺得應該有D係墨魚肉  如果不是用蝦膏蒸腩片，相信D肥係唔會食的。鹹度適中的蝦膏味掩蓋了腩片的肥膩，食完一塊又一塊，最啱送 呢個套餐幾好食又幾抵食，不過每碟餸都好似以＂鹹＂為味，如果有D清炒中和番balance一下就perfect喇

其實食物方面無乜大問題，問題係 :1. 無餐牌，得牆上面o既相；2. 無價錢；3. 每人無啦啦收10蚊茶錢，但係D茶係凍；4. 埋單淨係比總數，無比人知每碟餸幾錢；5. 無列明要加二！！ 食左5碟唔飽o既餸，加3支汽水大約450蚊，但係最後收602蚊。點解呢？？收到張單個陣大家嘩左一聲，點解咁貴呢？然後叫佢比返每碟餸o既價錢，先知道原來要收茶錢同加二；隔離枱已經嘈緊，初二都唔洗咁海鮮價，唔通知人就要收茶錢同加二；如果一早講明係無問題，新年大家食飯都係想開心。食完呢次之後，一定唔會再去。

唔計去到廟街，要在佐敦揾間露天的大牌檔便只有這間在白加士街的軍記。原打算來吃海鮮可惜因太夜咩鬼都賣哂，於是兩口子就點了個套餐試吓！這兒的招牌菜風沙雞做得很不錯，炸得皮脆肉嫩，上檯仲係熱辣辣的，半隻也足份量。套餐盛惠$198﹐蒜蓉粉絲扇貝都算幾大隻，厚肉鮮甜，街市行情都知成$15一隻。再加埋碟菜兩個人岩岩好捧腹而回，下次再來試這兒的名物辣酒煮花螺先！

<佐敦唯一露天大牌檔 - 軍記>唔計去到老廟，要在佐敦揾間露天的大牌檔便只有這間在白加士街的軍記。原打算來吃海鮮可惜因太夜咩鬼都賣哂於是兩口子就點了個套餐試吓！套餐盛惠$198﹐蒜蓉粉絲扇貝都算幾大隻，厚肉鮮甜，街市行情都知成$15一隻；這兒的招牌菜風沙雞做得很不錯，炸得皮脆肉嫩，上檯仲係熱辣辣的，半隻也足份量。再加埋碟菜兩個人岩岩好捧腹而回，下次再來試這兒的名物辣酒煮花螺先！

今日老友生日, 因為小弟去左外國所以都有好幾年無親身同佢慶祝, 今年終於返黎, 梗係要食返餐好既賀一賀佢!!!軍記我都好耐無食過, 所以約左班friend 黎再戰依間地道小菜館!!! 我仲記得好近地鐵站, 以前響九龍公園打完波就落黎食,依度真係咁多年都無乜變過, 次次黎親都咁有水準 等左十分鐘就入得, 一坐低梗係即刻叫左風沙雞先啦聽老闆娘講, 佢地既風沙雞仲係用舊式燒雞爐黎燒, 再拎去炸, 咁先可以整到咁脆咁香, 真係十個讚!! 之後仲叫左避風塘炒蟹, 非常惹味! 加入左大量既炸蒜,豆豉既避風塘料, 真係無馬虎清蒸黃立鎗, 金銀旦莧菜, 牛肉炒菜心依D 都唔錯其實我覺得一間街坊菜館除左食正野, 仲係食佢既老街坊溫情我一早叫老闆娘收埋左個蛋糕,老闆娘趁我地食得七七八八, 拎個蛋糕出黎果陣已經點曬candle, 仲即席唱左幾句生日歌 hahahahaha街坊小店唔單止係我地香港人既共同回憶, 仲係我地一齊成長既地方。要食, 梗係去依D啦, 唔通又去益大財團咩依家開始返工無乜時間, 但係幾忙我都一定會約返D朋友食下飯聚下舊, 最後講多次, 生日快樂 XD

很久沒有到軍記了，朋友聚會，大家都想再來，因忙不了那裡的風沙雞，今晚一行多人，一早便訂了枱。又是這位越南妹妹招呼我！她用半鹹淡的廣東話為我們點菜，有點兒好笑！首先我們要了風沙雞，必吃！跟著點了黑椒茨仔牛柳粒蒜茸蒸蝦，蒜香炸豬手，上湯豆苗，還有這道生炒骨，是我們的致愛！那麼久沒來，這裡的食物還是過去一樣，超水準！非常滿足！下次一定帶我的家人再來！

今晚同外國朋友去食飯, 5個人食. 點了個$198 魚倉 魚套餐, 加了個壕餅 同 蘇炸蛋黃魷魚唔洗五舊水埋單, 算系咁啦講下d餸豉汁魚倉 魚 - 幾好味, 條魚蒸到啱啱好, d肉好滑. 新鮮半隻炸子雞 - 肉都好滑黃牙白 - ok 蘇炸蛋黃魷魚 - 好香呀, 分量唔多全碟掃清. 個個都話好味壕餅 - 中等可以, 唔係好crispy.員工d阿姐都幾有禮貌, 收$個老闆娘, 我估係啦 幾風趣 

我以前已經去過軍記數次因為爸爸喜歡這類飯店今次我們六時去到當時只有一台人不消半小時就接近全場爆滿我們點了三餸兩飯風沙雞半隻雞很香、皮很脆、肉很嫩！可是媽媽説雞背後的淮鹽太多，吃得多的話太鹹。不知道為什麽每一件雞背後也有很多淮鹽，似乎廚師重手了一點！蒜蓉蒸鮮魷這個菜一向也是我的最愛！鮮魷蒸的時間剛好！不會太'韌'也不會太腍！碟底的粉絲吸了汁也很好吃！可是我覺得蒜蓉太多，差不多每件鮮魷也沾上了很多蒜蓉，太重味了！蝦醬炒通菜這個菜上台時「熱辣辣」，冒煙！最愛吃這些熱辣辣和有穫氣的菜！這個菜的味道也是普普通通，不太特别。不知道是否我們都點了太鹹的菜，還是廚師太重手，我們吃畢後也覺得太鹹。不過仍然愛這些有穫氣的飯店！

星期五七點半嚟到呢度大把位。已感覺到不對勁。睇到餐牌價錢加左，小菜約70-90蚊，這一刻想到好似(太x)價錢，叫左生炒骨(太酸了)土魷蒸肉餅(太霖了)啫啫雞煲(太多油仲有d雞唔太熟)炒菜加炸豬大腸(味道正常) 結脹四百多元。十分貴，這次應該都是最後一次了

沒有來這店經已有幾年了, 今年由於太座家團年飯的關係, 再次來了這間佐敦名店, 我們一行9個大人4個細路哥, 坐在店內側最大張枱,奈何仍覺好迫夾, 食物要了: 風沙雞- 炸雞同出面的差不多, 皮脆肉滑但隻雞明顯細隻咗好多,蔥油雞- 這口味是大嫂的推介, 不過又是一個比較大路的口味, 沒太大的特色生炒骨- 豬肉夠鬆化, 個汁調得也不錯而且兜炒得均勻,炸豬手- 雖說是炸過的豬手但同想像中的炸至硬皮的又很不一樣,原來炸過的鹵豬手重可以豬皮只是小脆而不是硬硼硼的, 皮下脂肪保留得住, 一個幾有趣的菜式, 在家也可以試一次呢!鮮魷- 材料非常新鮮好味!蒸水蛋- 質地超水準的”滑”份量也比想像中大很多, 可能因為材料較平的緣故!焗魚腸- 味道沒有以前的好吃, 比較乾身及炸得較濃面,當日所見雖則已經年二十九但九點過後, 吉枱開始多出來, 直至我們差不多走的時候才有些較多人数的團體進來,當天雖說是團年飯但最後發覺卻忘記了叫湯!

佐敦一帶一向食店林立，小店競爭激烈，選擇多籮籮。多得某食友介紹，來試了「軍記」，並聲稱必要點海鮮云云。好，即管試試這小店的功駕，先來「蒜茸粉絲蒸扇貝」：好吃的，我愛它的蒜茸沒有太鹹而搶去扇貝的鮮味，扇貝肉厚，蘸汁的粉絲份量也多。而且味鮮的汁是少油，怕肥的少女們也不怕多吃兩隻。「豉椒炒花甲蜆」花甲算大隻，但煮得太熟了，肉也有點韌 (其實也不是有太多肉)，不是我杯茶。椒鹽類別分別點了「椒鹽九肚魚」及「椒鹽排骨」：椒鹽其實弄得不錯，九肚魚肉我略嫌唔夠肥，肉太瘦，似吃炸鳳尾魚，入口鬆化還是可接受，排骨幸好也弄到內裡有肉汁的效果。香口的也來了個「煎蠔烙」，這個我則有點意見。。。整塊蠔餅是太「炸」了吧，貌似天婦羅，但粉漿太多，蠔太小及少, 吃到滿嘴油，我個人是完全不推薦！「豉汁蒸黃立䱽」這道是阿姐的推介，說是游水的，那就來一條。配豉汁蒸，肉剛剛熟，是完全沒有不好吃的理由，這個不錯。「風沙雞」「軍記」的另一招牌菜，基本上每檯都必點，皮脆與肉滑都有做到，尤其雞髀位置很滑，沒有炸乾，這點抵讚。「咕嚕肉」炸豬肉外皮酥脆，內裡肉汁蠻豐厚，與「椒鹽排骨」同樣都做得好。「梅菜蒸肉餅」肉餅又是太實，食味一般，學

第一次食軍記因為爸爸生日而佢又好中意食海鮮同小菜知道軍記海鮮係新鮮即整又唔貴所以帶左佢去軍記食！睇食評話風沙雞一定唔可以走雞所以即刻叫左黎試真係名不虛傳咼不但脆皮 啖啖肉都有汁老豆對呢個超滿意話呢個真係正 之後係避風塘蟹本人好中意食避風塘蟹 貪香口！但有好多食店都會炸到蟹無哂汁但係呢個香得黎有汁辣度適中 唔錯！叫左個召絲腐付通菜通菜新鮮唔老可惜本人對腐付麻麻不過老豆中意就ok老豆中意食新鮮蒸魚所以叫左條豉汁蒸倉魚老闆娘仲撈左條大條生猛既！睇落賣相真係吸引味道都好好本人中意佢魚蒸得岩岩好倉魚正老左唔好食嘛但佢正得岩岩好 唔知用咩秘訣呢而且豉汁蒸都無cum到佢魚鮮味十分推介！！！！！！下一味係雞蛋焗魚腸伙記話呢個都係招牌菜黎一岀黎丫妹好大聲話好似蛋糕個伙記話食落都似架咁答佢好好笑我妹好欣賞呢個佢話魚腸都可以整到咁好正味道不錯最後一味黑椒牛柳我中意佢隻汁好好味唔會話係果d一patpat果d黑椒汁又夠大碟又多牛柳不錯不錯諗住話又蟹又魚咁應該至小要1千以上啦點知埋單都係540!!真係平唔係講笑三個surprise 老豆對呢餐生日飯好滿意哈哈 又做翻次孝子啦