巨一麵堂 (Closed)

很少寫食評，這次真的忍不住，因為實在太●難●食！吃了牛舌拉麵，麵質不好，湯不好，牛舌也不好還要價格是85還是88元,還要加一如果一間餐廳不是太難吃的話,一般有第2次機會這一家永不再到!太難食!難怪沒有甚麼人!**不過公平的來說,我朋友又覺得他的叉燒味噌拉麵OK,沒有我所講的那樣誇張所以大家自行衡量了

一碗88蚊既炸豬扒拉麵原本你會好期待佢係會超級好食，但可惜整出黎既真係理想與現實既惡夢！d豬扒係可以唔脆仲淋晒，咬落去完全冇口感！d湯飲落去似味精湯多，如果呢碗野收40蚊我會覺好食返d！但收88蚊我真係寧願去第2間！好彩唔係自己出錢

個人感覺是又貴又不好吃，完全中伏，十分不推薦。看到餐牌的時候已經感覺不對勁，麪的各種配料的搭配非常奇異。麪端出來發現肉和蛋的分量的確夠多，但麪的量很少。十分不明白爲甚麼要把荷蘭豆和捲心菜（或者椰菜）放進去。整個麪非常不清爽，甚麼亂七八糟的料都有。味增湯（麪豉湯）做得非常鹹，說是豆豉湯我都信（當然麪豉和豆豉沒甚麼關聯，單純形容一下鹹度）。最可怕的是價格一點都不便宜，大概是八十到一百港元以上一個麪這樣的消費水平。

呢家開咗有一排，成日經過都冇入去，這天落雨近近地搵左呢間入去，叫咗叉燒拉麵，除咗一個咸字，冇乜味道，$79+10%，價錢都唔平。另外叫咗炸豬扒飯，$79+10%，來到枱面已經覺得賣相唔靚，冇香味，嗰件豬扒好薄身，切到1條條好細，，幼過手指，好似醃左好耐，好鹹，好似食緊一件鹽豬扒。同埋跟飯上的一碗湯，真是不知所謂，蔥油湯，好鹹，見湯里面只有蔥花及油，沒有別的，好像洗鍋水，日本餐唔係跟味噌湯嗎？連薯餅都好鹹。絕沒有下次！

因工作今日去到佐敦~聽說個度有間接近日本嘅拉麵, 既然今日經開, 就一於去試下啦拉麵店雖然位於佐敦, 不過就係冷巷位置, 如果唔熟悉地方都真係要搵下。而我地2人因為剛好過晒食飯時間幫襯, 所以都唔需要等位。因為本身主打拉麵, 所以只有拉麵食, 而聽聞牛舌好食所以2個都叫左牛舌, 但湯底就唔一樣😊😊先黎左蔥花牛舌拉麵(醬油湯底), 果然蔥花十足💕滿滿嘅蔥令鍾意食蔥嘅朋友心心眼, 之後最重要先飲一啖湯底先, 湯底就有少少失望, 因為絕對唔夠濃郁呢樣比較失望。之後係牛舌玉子拉麵(鹽味湯底), 飲一啖湯同樣的問題, 唔夠濃郁麵係合格的, 軟硬度適中👍玉子都好好食, 起碼真係半生熟, 連麵一齊食剛剛好。但係牛舌就相對失望, 可能期望高, 但味道不似預期濃郁, 唔夠入味。總結: 2個人食左接近 HKD200, 以拉麵黎講係比較貴嘅價錢, 質素亦冇預期嘅好。但係係香港, 呢個拉麵質素已經唔錯啊！所以如果各位掛住日本嘅拉麵, 又想頂下癮, 不防一試!

之前已經經過這間麵店很多次，今晚九點半喺Poly U 做完嘢，就特登過嚟捧下場。可能接近打烊的關係，全店都沒有其他客人，只得我一個食客。成間餐廳 serve我一個，有點不太自然。睇完餐牌就叫咗一個鹽味叉燒拉麵。 麵嚟度睇完個outlook就有點失望。 點解會有荷蘭豆嘅？ 嗰塊紫菜有四分三浸咗喺個湯裏面， 未食就已經知道淋哂。再試下個湯底，淡而無味。 叉燒算大塊，不過又唔夠熱。 麵質食落 一啲都唔似日式拉麵， 似港式多啲。餐牌價錢明明係$79㗎，點解收我$87嘅？原來呢度係有加一㗎。

叫左一個湯麵同一個撈麵，湯麵的湯好似鹽水加蔥一樣，麵條、牛舌都很一般。撈麵說有秘制醬，但無驚喜，秘制呢個詞再一次不可信，而且偏鹹，但都比湯麵好，說是清湯底，但真是好一般，埋單仲要+1，無下次！

位於九龍佐敦「長樂街」的日本拉麵店「巨一麵堂」，雖然不算由正宗日本拉麵店來港發展的版本食肆，但是它還是有一點點名堂，因為它的名稱「巨一麵堂」跟香港「T電視臺」某著名歌唱比賽真人騷，有着間接的關係。「巨一麵堂」裡面的「巨」字，大概應該就是代表該電視臺的歌唱比賽真人騷名稱《超級巨X》。「巨一麵堂」其中一位老闆，就是《超級巨X》二幫裡面，那位體格頗為強壯的隊長，「陳隊長」。雖然「陳隊長」沒有正式在樂壇出過唱片，但是曾經在電視頻道做過主持，而廣為人知。後來「陳隊長」夥同其他人和日籍拉麵店師傅朋友，在佐敦「長樂街」開了一間日本拉麵店，引來不少電視臺的朋友慕名幫襯。「巨一麵堂」門口就正正展示着，大量作為老闆「陳隊長」跟「巨一麵堂」的故事和報導。「巨一麵堂」亦引來不少電視臺藝人朋友光顧，跟留下大量相關的留言和支持簽名板記錄。我一進入到「巨一麵堂」的樓面裡頭，就看到食店廚房水吧，被大量藝人明星，和朋友的簽名名牌幾乎遮掩覆蓋着。因為「巨一麵堂」不像是正宗過江日本地道拉麵食店，所以餐廳內部的樓面，不像正宗的日本拉麵餐廳，反而有點像港式的日本菜居酒屋。星期日下午五點四十五分左右，是「巨一麵堂」剛剛準備進入晚

經過見到入去試下 內外都好日本feel 日本人事頭婆用唔咸唔淡廣東話招呼 好有親切感 温柔同有禮貌到真係有啲唔好意思店仔細細都有幾多款式揀㗎 依個套餐其實都好吸引 但當時太餓 見到個細字就無叫到 但後來見到隔離枱叫 原來一啲都唔細 足夠食飽 全店都係用雞湯底 估計會比較淡口 所以我同老公都叫左個面豉湯底拉面 個湯真係非常之唔錯 但係個面質就唔係我地兩個鍾意食嘅彈牙拉面 係比較硬身實淨嗰種拉面雖然面質未如理想 但個湯底我鍾意 所以都會再去幫襯 試下個細面+細飯套餐

平時好少會去佐敦，都唔知有咩食，今日去開緊係要openrice一下啦，見到呢間餐廳啲評論話成日full，咁啱又想食拉麵咁就試下🙈拉麵款式都算多，雖然冇數冇影，但好似都有十幾款架！我叫左味噌湯叉燒拉麵。其實餐牌寫明係重口味湯底，諗住平時自己都中意食重口味濃味野，應該冇咩所謂，點知真係好咸🙈建議如果唔係真係好中意食濃味野既都要考慮清楚呀😂啲麵冇咩特別，都唔算話好大碗，但勝在啲叉燒夠大塊🤤朋友叫左個清淡啲即醬油味湯底，呢個就啱啱好啦，個湯唔錯🙈

飢詩向來都是重口味😆，又喜歡試新嘢，所以經常都叫錯伏嘢， 今次來到巨一麵堂， 點咗喺 menu 角落頭 一個比較少見嘅拉麵，好有驚喜喎 😋😋黑芝麻擔擔肉醬拉麵 $82 加一服務費 = $90~ 好一個黑媽媽嘅湯底， 用極多嘅黑芝麻加高湯做成的， 黑芝麻味實在太濃郁，非常 nutty 充滿烘焙烤過的香味， 飢詩很喜歡芝麻 所以大愛 😍😍 麵條比較幼身，好快淋 😅配料的確唔多， 擔擔肉醬是主角， 有種特別嘅香味， 唔知用咩炒過， 淨係見到有啲一絲絲嘅纖維，問廚師之後先知道係薑， 味道微辣帶酸， 配合黑芝麻湯底，每一口都很有層次感。😘雖然我很喜歡這個湯底， 但當麵條及肉醬食完之後， 想飲多幾啖個湯底， 都是頂唔住的，因為芝麻味實在太太太濃， 沒有肉醬 湯底都變得很單調 😂😂😂當天的侍應是 日本阿姨，感覺非常有禮貌，但是只有她一對手，好忙 ， 雖然我坐到老遠，但感覺到廚師哥 對她不是很有禮貌，希望這是錯覺吧~ 😆😆飢Point : 8/10#hungermarch #飢詩 #非飢詩 #非常飢餓嘅阿詩

星期六上午去油麻地食拉麵，比我發現文化差異衝擊！話說入到拉麵館，店員係一位年約40的日本女士，用日文同你打招呼，禮貌地安排座位等，馬上覺得呢間舖d拉麵一定好正宗！但問題發生在點餐的環節，我其實想點麵豉牛利糖心蛋麵，我指左落去，店員馬上用日文問我問題，當然唔明啦！用英文答佢到佢唔明，佢係咁指住幅圖隻蛋，我以為係問我要唔要蛋，我就不停點頭，之後又問我問題喇！今次仲圈埋隻蛋，我以為佢又問隻蛋，我立即say yes！點頭表示要蛋啦！點知上黎碗麵，變左鹽味牛脷蔬菜拉麵，除左冇左隻蛋，仲變左口味，我常試換但當然雞同鴨講，算啦！我食啦！但其實鹽味真係唔鍾意，食拉麵我最欣賞個湯底，呢個唔濃又唔特色，仲要好肥，fail！而且我無左隻蛋，食左一半就同我男友交換左，大家都唔欣賞！但其實最唔舒服係聽到個廚師不停鬧個店員落單唔清晰，雖然我知個日本人聽唔明，但我都幾嬲！我黎食野唔係接收負能量，你不停鬧，我覺得係文化欺淩！雖然我個麵唔岩，我都冇叫入去廚房求救，因為我覺得問題係出係經營人士問題唔係店員問題，但廚師你應該檢討下，你鬧人會影響煮食進度，當日上麵都偏慢！

本來想出去旺角做嘢，做嘢前吃個午飯。去到佐敦才發現做嘢地點改了去銅鑼灣，因為時間有限,所以立刻落車,隨便找個地方吃飯,再到銅鑼灣做嘢。加上天開始落雨,見到拉麵包店巨一麵堂,就想也不想走了入去。店內環境裝修都好似日本的拉麵店,還有一個日本人侍應生。入到佢，煮麵廚師就話店外有路面工程,十二點半就冇電,不過都有時間煮到給你食。見要趕時間,就立刻坐低,點餐。叫了醬油拉麵配細鰻魚飯。在等食物及進食的期間,店內越來越熱,又不停聽到廚師駡那日本人侍應生,坐得很不舒適。食完滿頭大汗。醬油拉麵就正如個名,非常醬油,醬油味蓋過其他味道鰻魚飯就不過不失,日本米軟綿綿 ,鰻魚味香。整體感覺就是有點不爽。

被圖片吸引了入去食，諗住日本人開應該冇死。點知中巨伏呀，價錢全部都偏貴，仲要冇服務情況下加一服務費。食物方面，兩位朋友叫了牛舌和味增拉麵，醬油湯底居然有胡椒味，味增湯底得個咸字。我叫了撈麵，味道完全沒有層次，都算啦，越食越鹹，越食越辣，完全唔知自己食咗啲咩...... 小食叫咗一個餃子，＄35 / 5隻，同公仔點心個隻鍋貼差不多味道食物用料都係非常普通的材料，但一碗拉麵起碼＄70，未計＋1 ,完全覺得不值。唯一優點係食水唔係水喉水

非常港式之拉麵，味道像超市購買之拉麵。上面的配菜份量又少又不合格，沒有吃過拉麵配荷蘭豆。價格又不便宜，很多比它做得好太多的拉麵店也是差不多這個價格。整體感覺很不好。