L.D.K. by Ufufu Café (MOSTown新港城中心(4期)) (Closed)

喜歡靚靚西日料理🥳賣相精緻又好味🫶🏻在馬鞍山我就特別喜歡去L.D.K. by Ufufu Café 💗 入面裝修亮麗舒服。主打日式蛋包飯丶漢堡扒丶烏冬等等，還有打卡一流的芭菲～🔶大根蓉和牛漢堡扒 $122鐵板一上來吱吱聲好正🥳圓碌碌的和牛漢堡扒上放了一大球大根蓉。和牛漢堡肉汁豐富，肉味香濃入口嫩，淋上秘製漢堡醬汁🫶🏻好滋味。配菜還有粟米粒和小顆焗薯，整體配搭很吸引。🔶咖哩蛋包飯 $108很有日式家庭Feel🥳滑嫩滑蛋放在熱騰騰的炒飯上，淋上滿滿的咖喱汁👍🏼精粹在於超多超香的醬汁😋沾滿醬後每口米飯都充滿濃郁咖喱香，忍不住一口接一口。🔶 杧果椰果芭菲 $92看到餐牌有10多款口味選擇🥳每款都很精緻🫶🏻大大杯多層配料組合，打卡靚！雲呢拿和芒果雪糕，還有忌廉丶芒果肉丶椰果丶杏仁脆餅丶布甸粒等，口感十分豐富。🔶迷你士多啤梨芭菲 Dinner 主食+$38就有一客餐湯/沙律和迷你芭菲了！🥳還有3個口味可以選擇。迷你士多啤梨芭菲 Size大概是原本芭菲的1/2吧！飯後吃吃1人獨享也很令人滿足呢。

放假好開心可以同屋企人一齊食lunch，但又唔想行太遠，所以就去咗樓下商場嘅日式西餐。 勝左座位多又寬敞，服務好Nice ，而且食物精緻，仲有好多甜品揀😋主菜必點之一～玉子和牛漢堡扒，鐵板上🔥，倒入醬汁，發出滋滋味，漢堡扒厚身juicy 🤤，上面仲有隻流心太陽蛋🍳 伴碟係新鮮色澤鮮艷嘅配菜，鐵板旁圍上紙以防醬汁彈出，好細心💕 午市套餐還包暖笠笠嘅粟米湯🌽及日式沙律🥗追加$20杯熱抹茶拿鐵，配日式杯，放喺日式木托盤上，加一塊脆餅，感覺好治療，抹茶拿鐵濃郁順滑亦好好飲！甜品有紅絲絨蛋糕及Tiramisu朱古力芭菲蛋糕都幾濕潤，芭菲較突出，份量比想像中多，有三層，頂層仲有件Tiramisu 蛋糕、蛋捲、生果、朱古力雪糕😋，中間有另一口味雪糕，而底層就是咖啡啫喱😌

馬鞍山搵食，發現呢間平民日西料理，餐廳幾多位。餐牌都好多選擇。我點咗佢哋嘅汁燒牛肉丼，牛肉同飯都份量好夠，汁燒味道濃郁。溫玉子和牛漢堡扒，漢堡扒結實厚身，喺鐵板上好夠熱，加埋溫玉子🥚，真係豐富。配菜仲有焗薯🥔、粟米粒🌽等。另外加咗焗酥皮粟米湯。湯底濃郁，粟米味道香甜，再加上焗酥皮夠酥香。手製餃子雞翼一份有兩隻，脹卜卜。一隻係芝士，一隻係明太子。最後，我試咗佢哋嘅熱八女抹茶拿鐵，淡香抹茶味及奶香，仲配有杏仁餅乾。

馬鞍山日式洋食之餐廳✌🏻在新港城中心內有間以日本洋食為主的餐廳，餐廳的咖哩蛋包飯尤其出色，另外日本甜品芭菲也深受小朋友和女性歡迎！有很多款式的選擇，總有一款口味是你的心水！👍🏻《吉豚佐咖哩蛋包飯》$158餐廳自慢的咖哩蛋包飯，蛋包飯製作得很出色，是漩渦形式整蛋包飯，雞蛋非常嫩滑，滑嘟嘟的，撈飯簡直是絕配！是此點了吉豚，即是吉列豬扒，炸得很脆脆，香口美味，配蛋包飯很搭！《牛肉壽喜燒烏冬》$108除了人氣蛋包飯之外，亦有意粉、烏冬⋯⋯的日式飯餐。此款是以熱滾滾的鍋上的牛肉壽喜燒烏冬，表面的生蛋黃很搶眼，與牛肉和烏冬撈在一起更惹味，牛肉易咀嚼軟綿綿。《TIRA栗蓉芭菲》$92甜品當然要吃芭菲！個人喜歡吃栗蓉子蓉，所以點了這份，真的太豐富！滿滿的栗子蓉，旁邊更有件Tiramisu，內更有雪糕和脆脆，真是令人吃得很開心！

一入餐廳先發現原來入面咁大間好多卡位仲有啲窗口位空間闊落坐得好舒服岩晒傾計聚餐✨芝士溶岩和牛漢堡$122Burger超厚身麵包鬆軟芝士溶岩視覺同味覺都好正！🧀️夾住既菜同番茄都好新鮮不得不讚舊和牛漢堡扒！超厚身好足料食落仲超juicy and moist另外仲跟埋薯條同沙律菜薯條粗身夠長又白脆炸出黎睇得出啲油都好新鮮👍🏻+$38可以升級升級就多個沙律🥗/湯+mini芭菲湯係粟米湯🌽Mini芭菲望落矮矮地但因為闊底所以份量都好夠有啫喱、脆米脆片、cream、雪糕同士多啤梨好多層次建議要加餐！抵食✨溫玉子和牛漢堡扒$128鐵板上超厚身同juicy既漢堡扒另配小焗薯因為肉既份量好足加埋焗薯好夠飽肚✨脆炸烏賊🦑$58外皮炸到勁香脆好正炸物控必食好想encore了壽喜燒牛肉烏冬近排天氣轉涼點多個烏冬壽喜燒汁甜甜地加埋烏冬冬天食好暖身！

今日下午去左附近新港城食午餐，本身打算食新開泰式餐廳，但因為座位不算理想，最後入左L.D.K. by Ufufu Café食餐廳食物款式選擇亦不少，同朋友叫左兩款凍食試試- 壽喜燒牛肉冷烏冬牛肉同冷烏冬係分開上，份量多，牛肉味道不過不失冷烏冬方面，麵身彈牙好有咬口，溫泉蛋係用大蛋，蛋味濃整體算中上水平- 忌廉明太子冷烏冬麵身一樣彈牙有咬口，配搭明太子帶有微辣感，層次豐富，而且份量足夠，天氣炎熱既時候十分透心涼

咖喱雞肉蛋包飯 路過遇上下午茶時間,咁啱有啲肚餓,就叫咗個下午茶餐.   咖喱汁好味,飯有加醬汁調味好食.蛋夠嫩滑.雞反而一般.原本以為下午茶份量一定唔會多, 我都係打算輕食小小嘢頂吓肚. 結果我食完飽到晚飯都唔使食. 加埋一$80有找,抵食.

LDK 午飯時都幾滿座， 要稍為等等先可以入座。餐廳主打的是日式西餐， 即和食，係日本在地化嘅西餐， 概念有啲似我哋嘅鼓油西餐，不過就比較精緻嘅叫咗個lunch set, 有沙律，湯同主菜。煙三文魚沙律嘅三文魚夠油香， 煙燻味唔會太過， 仲食到三文魚本身嘅魚油香味，沙律份量都算足料， 開胃嘅前菜嚟。餐湯係忌廉湯， 個面有少少香草點綴。忌廉湯質地濃稠creamy, 建議可稍加胡椒粉調味吉列豬扒鍋燒烏冬配半熟玉子豬扒好脆，剛剛炸起，熱辣辣。粉漿唔會過厚，豬扒肉質軟嫩，質素幾好。烏冬湯底夠味，配合豬扒一齊食，幾夾

對於日式洋食都有一定程度嘅期望，不過so far食過幾次都係覺得一般般，無太大驚喜，份量較少，價錢亦偏貴。今次試的蜆肉意粉重有小小沙同貝殼碎，紫蘇葉太搶味，整體都麻麻地。

本身單扒$120加午餐配沙律、飯、飲品另加$25。前菜：煙三文魚沙律過鹹，醬汁過多。主菜：漢堡扒未夠熟，粟米係罐頭粟米本身重味道，加埋醬汁整體過鹹。餐廳冷氣過大，肉外圍好快凍哂入面仲未熟透。飲品：檸檬茶係現成檸檬茶，好重甜，果汁程度。環境：位夠闊，但冷氣過大，食物好快凍哂。服務：無服務可言，自行搵位，QR code落單，服務員一直傾計，牙籤都係自己拎，成枱menu都無收過，再自行出去收銀處埋單。成單過貴，$150呢個漢堡扒質素唔值

大約半年前食過一次，今日行過見到有個期間限定既新menu，所以就試多次呢間日式cafe見佢個餐牌 ，新同舊加埋都有好多款，但依家天氣咁熱，都係食番啲凍野先，呢個海鮮柚子凍烏冬，帶子ok新鮮 烏冬爽口彈牙 加上柚子汁酸酸地幾開胃，整體黎講都算唔錯漢堡扒蛋包飯上次試左炸豬排飯，所以今次試下漢堡扒，漢堡肉味道唔錯有肉汁，比薩莉亞的好食，蛋炒得很香很滑 可惜入面的飯炒得不夠香還加左一個酥皮湯，酥皮焗得好鬆脆最後仲叫左一個焦糖香蕉法式多士，多士焗到好香 加埋雪櫃同忌廉一齊食好夾，但如果係朱古力雪糕應該會更好今餐食得好滿足，但價錢有點貴，間唔中食一次都可以

前幾日食過哩間餐廳嘅龍蝦配番茄忌廉汁意粉好好味龍蝦🦞又新鮮，所以今次想試下佢其它嘢，今次就㨂咗海鮮番茄湯烏冬睇相幾吸引，但一放枱就見到嗰兩隻蝦係黑嘅食落仲更加明顯唔新鮮，除蝦外海鮮有蜆、青口，份量與相片相符，湯底番茄味夠濃，唔係因為嗰兩隻蝦唔新鮮影響我唔會專登俾。一碗海鮮番茄湯烏冬價錢係$118唔平都可以俾啲咁嘅貨，煮嗰個見唔到？整嘅時候攞上手都感覺到啦！分明有心呃人，放啲咁嘅質素俾客究竟係員工有心玩客定玩公司？唔好淨係識講香港舖租貴要以貨就價，啲客食過一次好就再嚟中過伏好難再令人返轉頭，到時要執唔好問點解，講返轉頭我第一次係食佢嘅龍蝦🦞配番茄忌廉汁意粉嗰時都驚未食過嘅餐廳第一次就食咁貴怕中伏，但嗰次真心龍蝦🦞好新鮮，唔明點解今次衰到咁，令人氣憤另外除咗短頭髮女收銀外其餘員工大部分都有禮貌

再次食芝士焗龍蝦配蝦蕃茄忌廉汁意粉😋，好好味龍蝦新鮮，芝士味唔太濃如果可以加多啲芝士味就好，蕃茄味剛好唔會太酸汁裏面仲有忌廉味道剛好唔會食到太膩😋另外鹿兒島縣知覧檸檬紅茶配埋個甜餅，一口甜餅一口淡檸檬紅茶味道剛好😋我晚市叫套餐+38有沙律/餐湯 & 3款芭菲可選擇今餐計埋加一服務費咗差不多一人食咗300蚊，如果水準保持到間唔中嚟食下都可以會再去試其他主菜順便試埋其他甜品，好期待下次再去，難得馬鞍山區有間比較高級坐得舒服又好食嘅餐廳，希望繼續保持水準

喺東涌分店食過，味道、賣相都中上但可惜呢日去馬鞍山分店，好失望首先午市時間，人唔算多，門面仲有好多位但偏偏帶位到最入轉彎區域可能集中啲人坐? 唔明。。。算.....手機自助落單ok但想搵個人問下，就完全係叫天不應午市加$25轉套餐但兜沙律真係離哂譜，啲菜啡哂，一啲都唔新鮮菠菜芝士餃子，啲菠菜少到只係啱啱夠墊底，個餃子表面又焗得唔夠脆

半年冇食，而家轉咗QR code 落單，但佢個server廢廢地，我哋幾個人輪流落單都失敗，顯示系統繁忙。問咗幾次服務員，服務員淨係叫我哋等下，完全冇意欲過嚟幫我哋人手落單，最後搞咗三個字先等到個server respond。中途倒瀉水，服務員明明睇到但完全冇諗住過嚟幫手抹下枱。跟餐嘅湯係常溫嘅，完全唔熱。海老意粉啲意粉唔得，漢堡扒係硬嘅，牛肉烏冬嘅牛肉係老牛肉，豚肉蕃茄烏冬嘅豚肉亦都係老豚肉。芭菲一上嚟已經溶溶地，而且都頗難食下。杯同碗都腥腥地，有漬，明顯冇洗乾淨。結論：呢間嘢嘅水準持續下跌，已經到咗唔會再幫襯嘅地步，仲要服務同衛生都差到咁，難怪當出面嘅餐廳間間都要排隊時，佢都係大把空位長期可以直入。