意法私房餐廳 (Closed)

星期六晚一心相試jamie's 但係full booking 所以就去咗對面嘅La Bon 試下。我同我個friend叫左個2人意粉dinner set $224超抵. Appetizers 叫咗煙三文魚沙律&帶子牛油果沙律. 個三文魚沙律普普通通冇乜特別但係個帶子牛油果沙律就整得好好味。帶子好新鮮配個酸酸哋嘅牛油果沙律都幾好食。之後個餐湯係意大利雜菜湯好味道有D似羅宋湯。main course 我哋叫咗蟹肉黑松露天使麵同parma ham 卡邦尼蜆殼粉。個蟹肉黑松露天使麵，黑松露醬好香配埋個忌廉汁好match。卡邦尼出面都食得多但係配蜆殼粉同Parma ham 就未食過。個卡邦尼汁好香蛋黃味配蜆殼粉又幾好味。甜品我哋叫咗兩個藍藍莓芝士餅，芝士味都幾濃。整體嚟講咁嘅價錢for兩個人啲嘢又幾好食都算係咁。

五月除了是母親節，又是母親大人的生日，去年食過buffet今年帶媽媽試下私房西餐! La Bon不算難找，就在jamie's italian對面乘電梯到10樓，只是正值晚飯時候電梯可能要等一等⋯⋯因食材問題，店員告知我們$298那個set暫停供應，剩下的3個套餐2個是4 courses; 1個是6 course, 我們全部都點了，至在一試嘛!黑毛豬沙律&芝士煮青口我喜歡沙律菜的甜酸度，不過黑毛豬有點硬⋯⋯ 青口較細隻而且味道偏淡法式煎鵝肝＆龍蝦湯鵝肝是我最滿意的一碟，煎得香之餘鵝肝本身非常滑，入口即溶，不過可能較油膩，小心注意健康 相反龍蝦湯是最不討好的，實在是太咸了，咸到根本無辦法完成⋯⋯我的主菜是香芒煎銀鱈魚，魚肉還不錯，尚算滑溜有少許軟身，不過芒果味不突出，整體有點失望媽媽的主菜澳洲M5牛排配龍蝦，份量不大，牛排叫了6成熟，肉身仍帶紅不過不會太韌，龍蝦偏乾⋯⋯ 但我妹妹的龍蝦好像未熟似的，本身已經難離殼，看上去還有點透明，肉質明顯是霉了⋯⋯ 廚房替我媽媽的朱古力慕絲加了字，不過是在我再三吩咐下才沒有出錯⋯⋯ 慕絲都偏甜，食畢一個都有點濟濟的⋯⋯  而且妹妹的那個慕絲上枱已經溶了，

今日一個人誤打誤撞去到登龍街食lunch 見到佢哋傳單幾吸引所以上左10樓間西餐廳試下。選左個佢哋既budget lunch set$69有沙律有飯有甜品，叫左個bbq無骨燒春雞飯。 估唔到個份量都幾大，賣相已經覺得唔錯。個雞煮到剛剛好，唔會太熟，加埋個bbq汁幾match, 個汁撈飯幾好食同幾開胃。其實食完沙律同個飯已經好飽，仲有甜品跟個餐。$69 有3 道菜同食到咁飽真係好過食茶記。

這間餐廳一直也在我的心水餐廳list上.今年男朋友生日終於決定來這裡。來到餐廳，暗暗的燈光，還有餐桌上的燭台和英文歌，很有情調，感覺十分舒適。4道菜裡只有頭盤，湯，主菜和甜品可以自由選擇頭盤我們選了parma ham及ceasar salad。Parma ham，很新鮮爽口，十分開胃。Ceasar salad dressing 同其他餐廳不同， 可能係自己整既dressing, 味道很濃.湯是黑松露蘑菇濃湯，本來我們都不太愛黑松露，覺得味道太濃，出奇地松露沒有蓋過湯的味道，加進湯後散發淡淡幽香，感覺不錯。南瓜濃湯味道好濃南瓜味，我比較喜歡南瓜。主菜之一龍蝦配M5。我是很喜歡食牛扒，所以看到menu 就立刻決定要龍蝦配M5 set, 牛扒叫了5成，沒有令我失望，剛剛好5成，龍蝦也剛剛好沒有太熟。另一道主菜是香煎三文魚扒。這碟確實煮得很出色。因為我一直不太喜歡熟的三文魚，可是這碟卻完全不一樣，肉煮得很滑，我們都十分欣賞。甜品我們選了綠茶奶凍蛋及蘋果金寶。奶凍很滑，沒有過甜。蘋果金寶也不錯，很多蘋果，如果金寶再多一點更好。

頭盤：意大利雜菜湯賣相無問題，但湯沒有蔬菜味道，不能說是清，反而是淡而無味。頭盤的菜湯失準並不構成很大問題，但接下來的主菜就……主菜：香煎紐西蘭肉眼扒配紅酒燒汁 (肉眼扒要五成熟)肉眼上桌時，已經看到深深黑黑，但深色不一定代表有問題。於是切開，看到的卻是九成半熟。也沒有大不了，煎牛扒的生熟程度有偏差也是正常的，於是我有點不好意思地叫侍應前來看看情況，侍應也將肉眼送回廚房。Thank you!一會兒後，第二塊肉眼上桌，顏色明顯較第一塊淺。切開，看到鮮紅色的生肉，無可否認很新鮮，但又真的很raw。我的嘴 O 了，但我不好意思再reject。結果我只能吃比較熟的邊緣位置。儘管生熟程度兩度失誤，但我總也不能一鎚定音，也得中肯持平，是其是，非其非。要說讚的，是肉眼並沒有滲出血水。但肉質不敢大膽評分，因為只吃了邊緣位置，而幾乎都是八成生的肉。但可以客觀地說，這塊肉眼有條牛孖筋。而味道方面就一般，也許因為太raw而未能發味，理解的。最後，仍有紅酒燒汁作佐醬，但它也自身難保，不能將整道主菜妙手回春。甜品：朱古力泡芙，普通，不詳述。凍檸茶 (加入$12)：茶底不合格。埋單：$156.2(130+12+1

我book 左間朋友介紹既私房菜餐廳同我妹妹慶祝生日。原本諗住問佢地可唔可以free corkage, 原來佢地星期一至四已經係free corkage, 又可以係甜品上寫字，蛋糕都唔使買。平時好小食西餐私房菜，因為感覺上私房菜有點貴，不過慶祝生日一年一次，如果捨得食la bon又真係幾好食。我妹妹生日緊係要食好d, 叫左個最貴6 個course 既set比佢，我自己叫左個最平既set, 不過最平既set 都有牛排食。因為太肚餓，前菜到湯都好快食完，main course 我叫左個牛排5 成， 個waiter 同我講因為$298 N.Z牛排叫得太熟會有d 韌，如果叫$398 Angus 就幾成都無所謂，所以本來叫左7成改5成食落都ok. 妹妹叫左香芒銀雪魚，個銀雪魚真係正！我地覺得好好食，好滑同配個薯蓉好味道。最後就係寫左字既心太軟同blue berry cheese cake. 朋友無介紹錯， 可能有機會會再黎。

今日lunch 去左好小行開既登龍街揾野食。原來成條街都係食市。我簡左間係永光中心上樓既西餐廳食lunch, 因為我覺得上樓會坐得舒服d 同唔使等位等咁耐。上到去永光中心10 樓望到個lunch menu 都幾抵食同環境唔錯，決定入去試一試。我一個人佢地比左sofa 位我坐。個lunch set有湯或沙律，我叫左個煙三文魚油醋沙律。等左無幾耐就有得食，跟住食完無幾耐個意大利飯就到，我叫左個黑松露雞胸野菌意大利飯。我好鐘意食個意大利飯，味道剛剛好唔會太鹹。其實食完個沙律同個飯都好飽， 個set 仲有跟甜品。Lunch 黎講算抵食， 平時去食碟頭飯都要五，六十蚊咩都冇跟。同埋真係坐得幾舒服又唔嘈。我下次會約埋同事去食。

今次3 週年紀念簡左間環境比較有情調既西餐廳同女朋友慶祝。打去book 位個陣同佢地講左係慶祝，個receptionist 話會幫我安排係甜品度寫字， 到時點甜品就可以。我地叫左兩個set, 我叫個set 有6 道菜， 我女朋友叫左個4 道菜。首先講下我個set 先， 前菜係個黑毛豬腸仔沙律，平時都有去super market 自己買黎送沙律， 佢地隻腸仔都算係大塊同新鮮。跟住叫左帶子，然後龍蝦湯。我幾鐘意個龍蝦湯因為夠濃。跟住上左個sorbet , 我覺得好奇怪，未食完就食sorbet, 所以我問個侍應點解咁快食sorbet, 佢話係比我清一清口既味再食main course, 無幾耐main course 就到。我叫左法國鴨脾， 燒鴨脾就食得多，法國鴨脾都係第一次。原來係脆口，我覺得幾好食。女朋友就叫左鵝肝配藍莓醬，佢係鵝肝fans 好鐘意食鵝肝，佢話配藍莓醬都幾特別，下次自己煮個陣都可以試下配藍莓醬。跟住係湯同main course, 佢唔係好鐘意食肉所以叫左龍蝦。龍蝦好大隻好食，不過切個陣真係有 d 難度。甜品係心太軟同蘋果金寶， 我女朋友見到個寫左字既心太軟好surprise

前菜的沙津汁入喉酸性过高、那喉。法式田螺平平无奇餐汤感觉是学徒出品牛扒如吃纸皮、完全无肉汁，是肉赁问题。牛肉祇吃二口、但配莱很好，全吃了甜品蛋糕不错、是全个晚餐最好。价钱$298元加一。第一次及最后一次。

星期五同朋友黎到環境寫意既意法私房菜餐廳。我地簡左好耐决定左叫幾個唔同既dinner set share，因為覺得dinner set 係真係幾抵食。通常私房菜都係會食dinner set。Dinner set 有平到貴選擇，所以平有平食，貴有貴食。我地叫左個價錢普通既set 同兩個special set。頭盤有鵝肝，青口，parma ham。賣相唔錯之如，味道都唔錯。鵝肝好香口，青口個汁我地當湯飲晒，parma ham 同出面食無咩分別。湯味道好濃烈，我地都好鍾意個湯。主菜叫左羊架，黑毛豬，同龍蝦和牛。估唔到都幾有水準，叫5 成真係5成。龍蝦和牛係出邊應該咁既價錢唔會食到咁既配搭。味道岩晒我地口味，黑毛豬係平時都有食，不過佢地既黑毛豬算有口感。羊架都幾juicy, 肥瘦均暈。跟住個set仲有甜品。整體上都滿意，有d friend 已經book 左話想試。想傾計既話係個好地點。

這是我第三次來到la bon，印象中，是一家環境蠻浪漫，食物挺不錯，適合拍拖吃晚飯的地方。以前有在附近工作，也有來過食lunch。lunch的質素和價格是我們常推薦的原因。不很貴，但很好坐，也很好吃！這次來dinner，waiter只給了我們set dinner menu。那些menu，價格都蠻貴的，還有，價格較平的set dinner，又不是很吸引，挑好一點的就差兩百多。。。最後我們就問有沒有散叫的，那就挑了一些其他的。食物我覺得沒以前的好，一般的質素但價格反而貴了。。。妹妹挑了一個龍蝦risotto，risotto的米飯不很creamy，龍蝦也只有一隻小龍蝦伴碟。媽媽選的是black truffle天使麵，這個煮得還不錯。我的是creamy crab meat with baked black cod,魚還可以，但我覺得那塊魚不太像black cod。還有朋友挑了set dinner的烤小排骨，他就覺得肉煮得太乾，不ok。整體來說，我們挑的食物都是普通義大利餐廳有的，這裡弄得還ok,但真的有點over priced。

早幾日想同女朋友慶祝週年紀念,終於都有機會黎試下呢間係openrice咁高食評既餐廳。 我係訂位果陣就落左request, 其實落果陣都驚驚地，因為之前去過其他地方食野明明落左request去到最後都竟然會話冇record 呢D情況發生得太多,我今次都有D擔心,好彩呢間餐廳都安排得幾好。打比我re confirm booking時會講埋我個request出黎對一次, 真係要比個like佢 XD 當晚去到好快安排到座位，差唔多接近0等待，又要比個like佢先~ 坐低望落間野幾骨緻，周圍環境同個mood都好match，不過如果大多少少會再好DD。 佢地有4set 唔同既dinner set, 我地果晚就揀左2個岩心水既黎食。 Parma Ham擺得好靚，食落去甜甜地帶小小鹹咁，我好鍾意~ 香芒蝦蝦沙律食落去酸甜得黎又幾開胃 黑松露野菌忌廉湯好香好濃菇味,我好鍾意果種又香又滑既湯。 甘荀忌廉湯女人話一入口就已經有甘荀味同蓉, 百份百肯定係自己整! 比多個like佢 羊架個羊架我要左7成熟, 個廚拿揑個成數都好好，起碼唔會要7成比舊全熟黎,而且擺得好精美同埋配埋個mint醬食, 好味得黎又ma

晚上在銅鑼灣，不想到人多擠擁的餐廳去排隊等位，於是找到了這家在登龍街的樓上意法私房菜。La Bon地點很好，就在時代廣場旁，好讓我們能在繁華的商業中心享受一頓平靜的晚餐。La Bon的環境也不錯，餐廳是簡潔的意式風格，牆上有比薩斜塔的剪影，點上點點的燭光也十分浪漫。點了兩份晚餐，先來的是沙律及餐湯。煙鴨胸沙律味道不錯，咸香的鴨胸配上新鮮的凱撒沙律味道清新，當中也有麵包乾及巴馬芝士，用料算是一絲不苟。餐湯是西蘭花忌廉湯。湯上的奶油拉花為外觀加了分，可是湯本身的味道帶著半點多餘的草青味道，影響了整體味道；而質感也不算細滑，可能廚房要多加留神。紐西蘭肉眼扒烤得香嫩，肉質紅潤亦保留了豐富肉汁。烤的肉眼扒在烤的過程時除了把多餘油脂都迫出外，還在肉的表面加上了油脂的炭燒香，令味道更上一層樓。燒豬肋骨則燒得過度乾身，令肉質比較硬，而肉骨亦未盡分離，吃起來也要花上點功夫才能把肉弄出來。幸而BBQ醬汁入味，為整體補回分數。餐後的甜品是芝士蛋糕，味道不過不失，為這一頓晚飯作結。

星期一電視睇到銅鑼灣有間食法國同意大利野既私房菜, 睇落好似好吸引就約埋女朋友一齊上去開餐。前一日打去卜定位, 一上到去就舒舒服服咁坐低啦。一睇個餐牌真係花多眼亂，total有4個唔同既set選擇。老實冇得揀就由至可, 一有得揀呢就死火喇... 果個set又好似幾好，果個set又好似唔錯對於我呢D選擇恐雛症既人黎講真係好辛苦。好彩waiter哥哥都算細心，見我地都唔知點揀好會主動黎推薦下每個set有咩好食。 更值得一提，果個哥哥真係每個set都會介紹一個多似既菜式而且全程都好好笑容，唔似其他咁樣一係會推介貴既set一係就交行貨話咩都好食!!!結果我係佢既推介下同女朋友要左兩個唔同既set。事關我前菜已經非我所好，對於醋我更好聞風喪膽。呢間餐廳既沙律據waiter哥哥講用既都係意大利既上等黑醋，一放低我都已經嗅到陣陣醋香。鍾意食醋既朋友呢道沙律一定岩你，但係我就真係好麻麻，一放低已經隨即轉交到女朋友手上，所以相片欠奉。第二道菜係餐湯，為左可以食多小小野又唔想同女朋友個餐湯都係一樣，我就加錢轉左waiter哥哥推介既黑松露野菌忌廉湯。黑松露野菌忌廉湯，3個字形容晒 鮮、濃、滑。我都飲過唔少

一早聽聞過這間餐廳的名, 但久久都未嘗試到, 今晚趁還有聖誕氣氛, 就去試試啦 其實都唔難找, 係登龍街~上到去門口, 覺得這間餐廳坐滿了7成客人, 都已經覺得好嘈了~Waiter叫我們坐入裡面, 因為太嘈了, 於是我們選擇了在水吧出餐位坐~頭盤(鵝肝沙律): 鵝肝是這裡的招牌, 諗住試下啦, 食落口真係好油好油....恕我唔識欣賞好了....這道菜還要加$30...(50分) 餐湯(黑松露磨姑湯): 黑松露好似無乜, 但磨姑就食落係新鮮的, 喜歡這碗湯(80分) 主菜(牛扒+波士頓龍蝦): 龍蝦好正, 牛扒反而煎得太過火了, 煎得好"lon".....知道麼廚師想補救, 但我覺得這塊牛扒已經無得補救了...可惜....(60分) 煎黑豚肉: , 睇落賣相好似羊扒, 好大件, 係出面未試過, 食落口好過好好味, 煎得恰到好處(75分)甜品(心太軟): 另外這個甜品都是這間店的招牌, 一來到後便立即切開, 諗住那些朱古力會流出來啦, 但是始終都沒有流到出來, 真係不似預期...朱古力唔好食....這款甜品都要另外加$18.....(65分) Waiter好nice, 叫他們幫我