Video
Exit A1, Tsuen Wan West MTR Station, Exit A2, Tsuen Wan West MTR Station, Exit E2, Tsuen Wan West MTR Station
continue reading
Introduction
The restaurant name means ‘dessert’ in Spanish. It aims at providing high quality homemade desserts. Besides, the Spanish dishes are served in a large portion. The decor is elegant and comfy for gatherings.
continue reading
Opening Hours
Mon - Fri
12:00 - 17:45
Sat - Sun
11:30 - 19:15
Above information is for reference only. Please check details with the restaurant.
黑松露鮮蝦忌廉意粉（$70）一上枱已經聞到好香，賣相亦很好。試試味道如何？忌廉汁濃度剛剛好，唔太稀唔太杰，每條意粉都掛到啲汁，味道夠哂creamy。意粉又煮得好啱我口味（微微偏硬那種口感）。蝦肉彈牙，加上大量雜菇同三色椒，好味。美國牛肉芝士漢堡配黑松露薯條（$70）服務員細心問要唔要廚房一開二，當然好啦，方便食嘛。Burger 就比較普通，味道是可以的，但沒太特別。反而薯條值得一讚，大大份，即炸之餘，條條都外脆內粉，仲有嗰個疑似撈咗黑松露粉嘅他他醬，點薯條又幾夾喎。另外要咗份 Tapas Set（$138），包三款$48嘅小食，但可以加$15/$28升級。炸魷魚配西班牙蒜蓉醬（+$15）即炸，脆口，脆粉有醃過未，但稍稍油咗啲。魷魚正常，彈牙。蒜蓉醬味道不錯。西班牙紅酒蕃茄肉丸（+$15）肉丸有肉味，蕃茄醬勁香濃，混合咗少量青椒、紅椒、香草，層次好豐富，值得一試。（但小心入面有一粒甜辣椒，都幾辣）芝士煎蟹餅（+$28）應該係即叫即焗（大約需時廿分鐘以上），上枱時鐵兜超熱。賣相滿分。焗蛋入面有蟹肉絲、薯仔粒、菇，味道比預期中淡，食唔出芝士味，反而洒係面嘅木魚啲味仲出，感覺比較普通。
continue reading
留意番，我叫嘅係牛油果三文魚焗飯但係搵雲成個飯都搵唔到半粒牛油果然後我哋叫店員過嚟。係咪送錯咗啊？咩啊係咁個喎！然後，我哋以為係自己睇錯咗Menu，但原來佢真係叫牛油果焗飯。。。這是一次不愉快的用餐體驗…各位食神自己睇路🥲🥲
continue reading
經常出尖沙咀都有留意到呢間餐廳，但未曾有機會光顧，今年聖誕走咗轉荃灣，抱住一試無妨嘅心態訂咗枱兼付訂金，點知就係惡夢嘅開始…😓當日一行3人order咗佢哋特定嘅Christmas set menu，另外再加咗幾款聖誕版單點菜式，整體上係咩種類嘅食材都有…🍵 首先個黑松露蘑菇湯，係好多菇好足料，但”稀了了”完全唔係西湯應有嘅濃郁口感…🍟 小食炸薯條炸過龍搞到乾晒，條條都硬框框…🥓 前菜係火腿凍肉拼盤，立立雜雜咩都有幾片，但全部都係超市包裝食物拎出嚟咁嘅質素，再加塊好似搭枱咁嘅麵包又乾又硬…🐔 隻燒春雞除咗脾位比較嫩之外，中間雞胸部份係鞋到咬唔到…🥘 招牌西班牙海鮮飯超級酸，啲飯杰到一餅嘢咁，難食到每人食咗一啖之後頂唔順成盤放棄…🦞 波士頓龍蝦配慢煮牛柳，兩樣都Overcook，啲蝦肉黐實晒個殼，搞咗好耐終於起到肉，但咬落好鞋，旁邊放咗隻蝦箝但完全冇開，係咪當伴碟唔諗住俾人食？🥩 舊牛柳終極差，我未食過慢煮可以做到呢種韌度，我咬咗成分鐘都咬唔爛，直接放棄，立即吐出！🍰 聖誕樹頭蛋糕好難食，膠味朱古力，macaron係糖尿級數嘅甜…😩🤢🤮最後我哋同職員反映食物質素實在太差，冇一樣嘢係合格，人生未試過如此浪費食物，但真係太難食，就算肚餓都食唔落口🤮 最後餐廳為表歉意free咗個甜品：抹茶麻薯窩夫，估唔到呢個甜品係全餐飯最高質、最好食嘅item，俾我哋極速清晒😳 估唔到係一間西班牙餐廳用膳，成餐飯最好食嘅係呢款日式甜品…! 😨當日係聖誕節，但都唔爆場，整體上你隨時Walk in都有位，會唔會係呢間野喺荃灣街坊心目中早被Blacklist，係我哋啲港島區嘅鄉里出城先中伏？我都有嘗試幫佢諗啲原因，會否平時打骰嘅大廚聖誕要放假，交俾啲下屬處理所以搞到咁？Anyway，好地地食個聖誕大餐得到如此失望嘅結局…唯一要讚嘅係職員都好helpful，我知食物質素差其實唔關樓面事，但冇辦法佢哋要直接面對客人嘅投訴但同時愛莫能助，成餐飯得到咁差嘅體驗，罪魁禍首應該歸咎廚房同入貨嘅食材🙅🏻♀️🙅🏻餐飯三個人食咗千幾蚊，簡直同倒錢落海冇分別💸
continue reading
La Postre地址: 荃灣大壩街4-30號荃灣廣場B1樓B109-B110號舖朋友發板試新野，揀左間氣氛唔錯既餐廳， @la_postre 都裝修到好有歐陸風情，非常有氣氛同情調。芝士煎蟹餅 🦀 $168黎到熱辣出爐蟹餅加上超多木魚絲，賣相一流。開頭我以為係用薯餅整，點知切開先知，原來係好似蠔仔焗蛋砵咁㗎。雖然中間個心有芝士拉絲🧀，而且都幾重芝士味，但個人認為味道一般，驚喜不大。西班牙海鮮飯 🥘 $298食西班牙菜點可以唔食海鮮炒飯呢。海鮮飯賣相一流，色澤紅潤，而且有青口、蜆、蝦及臘腸，所以都算幾用足料。本來仲好擔心啲飯會煮到好硬，點知個飯夠濕，一啲都唔乾，而且辣辣地幾惹味添，整體味道都幾好食。#nicefoodie尖沙咀
continue reading
尋日（08／12）喺臨時book餐廳同fds預早慶祝birthday, 呢間餐廳職員自動自覺打嚟confirm尋晚食飯時間外，仲會主動問我，需要响甜品上加上我fds名字嗎？我即刻回覆好！ 感覺呢間餐廳職員態度好好，好有親切感！fds揀甜品後同甜品上枱後，佢哋感覺喺“哇”，好靚！謝謝你哋親切嘅安排！
continue reading