LAB ZERÕ

Open Now

Now Closed

朋友大推呢間位於尖沙咀嘅文青Cafe LAB ZERÕ ，餐廳主打日式刨冰，一入門口亦設有雲朵燈打卡位可以打卡！一於就睇吓餐廳係咪真係朋友講到咁正先～櫻花蝦帶子明太子忌廉扁意粉💰HK$128帶子煎到表面微微焦，肉質柔軟！扁意粉掛汁能力高，表面仲有木魚絲做點綴，整體充滿住濃厚嘅海鮮鮮味同好Creamy～避風塘單骨雞翼💰HK$70單骨雞翼炸到外皮香脆，雞翼保持鮮嫩多汁，加埋避風塘口味嘅調味料，令人食得好滋味～芋泥芋圓牛乳刨冰💰HK$98賣相吸睛，而且份量超大，適合2-3個人開心share！芋泥芋圓牛乳刨冰口感多元化，充滿自然嘅芋頭香味，牛乳刨冰比人一種又冰涼又綿密嘅感覺！旁邊仲有香滑濃郁嘅北海道牛乳雪糕！餐廳仲可以喺碟上面寫祝福語～凍髒髒摩卡💰HK$46杯邊沾滿咗可可粉，每一啖都飲到非常嘅濃厚嘅朱古力味，隨後咖啡香味再慢慢湧現出來，係一杯朱古力味非常重嘅Mocha！味道超正，進店必飲推薦👍🏻～凍Oreo鮮奶💰HK$50Oreo碎碎mix鮮奶，味道原來係咁夾㗎～餐廳除咗係一個睇得又食得嘅文青靚靚打卡Cafe之外，仲係一個可以同閨蜜慶祝生日嘅好地方～

雲朵打卡Cafe，招牌日本冰磚刨冰，開業已經有一段時間但依然好受歡迎，幾乎坐滿咗。招牌名物係日式刨冰，使用日本直送冰磚，加上配料和淋醬，仲有近期熱潮開心果口味。另外亦有Pizza薯條雞翼、意粉、特色飲品。門口亦有一個雲朵擺設打卡位☁️👓櫻花蝦帶子明太子忌廉扁意粉 $128滿滿嘅明太子醬，蒜片添加香口，仲有兩粒大帶子👓6寸 五重芝士薄餅 $78薄餅係薄底可能未必個個鍾意食。用上多種芝士 滿滿嘅芝士，香芝士味。👓蒜香牛油單骨雞翼 $68外皮炸到好脆，上枱已經聞到好香蒜蓉牛油香，不過食落反而冇聞落咁香口蒜香味。單骨食落夠幾方便！👓開心果糖不甩刨冰 $128刨冰一律使用日本直送冰磚，加上配料和淋醬依款每層冰底淋上自製奶醬，中間加入開心果味牛乳雪糕、小丸子食落香開心果堅果味，碎冰質感幾好，食到中間明顯開心果汁好多，而且白玉丸子配埋花生椰碎真係有糖不甩嘅感覺。👓晴天雨天 $52打卡影相好靚，面頭係棉花糖，將咖啡倒入杯入邊變成鮮奶咖啡，飲得出有咖啡味👓香橙朱古力鮮奶咖啡 $46飲落有香橙朱古力味道，亦都有咖啡味，重點係拉花好靚！

Lab Zero的裝潢非常可愛，以雲朵為主題，整個環境充滿了夢幻的氛圍。囡囡一進來就抬頭到處望，眼神中充滿了好奇與驚喜。這裡的打卡食物也吸引了我們，拍照打卡是必需的! 哈哈!我們點了幾款必試的食物：🌟明太子櫻花蝦陪珍寶帶子意粉 - 這道意粉看起來色香味俱全，明太子的鮮香搭配櫻花蝦，味道超贊！🌟辣肉腸Pizza - 薄脆的底加上香辣的肉腸，口感層次豐富，讓人一口接一口！🌟蒜香牛油單骨雞翼 - 這道雞翼外脆內嫩，蒜香濃郁，真是好下飯！🌟晴天雨天 - 這杯咖啡非常特別，杯子上的雲層造型棉花糖讓人驚艷，囡囡忍不住偷吃了上面的棉花糖！🌟熱朱古力 - 精緻的拉花設計，口感濃郁，讓人心情愉悅。🌟朱古力刨冰 - 裡面有各種配料，包括nuts、棉花糖和巧克力脆脆，囡囡搶著吃，笑得特別開心！

Lab Zero at TST一間好啱打卡既雲朵cafe，杯dirty幾好飲，飲到冷熱既唔同層次，另外仲叫左tiramisu法式吐司，明明唔多人但製作時間勁耐🤦🏻‍♀️味道方面個吐司唔夠脆口，雪糕幾香幾creamy，整體黎講比較普通唔值呢個價。

【☁️天空夢幻雲朵Cafe☁️ 】之前已經嚟過呢間位於尖沙咀嘅人氣打卡cafe 。餐廳走小清新工業風，高樓底，座位闊，坐得幾舒服。餐廳右邊仲有一個特設打卡位，坐係白色泡泡梳化可以盡情打卡，唔使驚尷尬幾貼心🥰▹ 炸海苔魷魚 $68雖然叫小食，但份量一d都唔小😝大大碟，外皮炸得幾脆，炸粉亦唔厚。魷魚煙煙韌韌，有咬口，再配埋黑松露芝士醬，食落好惹味😋▹ 大閘蟹意粉 $158一上碟已經見到意粉有滿滿大閘蟹膏 好邪惡😈 冇諗過原來大閘蟹肉同蟹膏 配埋creamy意粉🍝 都幾夾，有驚喜。▹ 晴天雨天 （咖啡） $52可愛雲朵造型飲品，好適合打卡📸本來係蝶豆花嘅藍天白雲⛅️加咗配上嘅竹炭咖啡後，即刻變咗灰陰天又好飲又好玩～

一直知道呢間係打卡名店，舖面真係有個打卡位好靚（不過因為我去傾偈所以無影相，但個雲朵好值得影）我哋一行三個女仔，雖然佢寫用餐時間係90分鐘，不過我哋由七點半坐到十點半都無人特別趕走，而我哋點咗兩個main course 加兩個小食，芝士忌廉耳朵粉真係好濃郁芝士香，但都好膩，個耳朵粉煙煙韌韌唔錯，所以唔太食得晒啦；再叫咗個櫻花蝦帶子明太子忌廉扁意粉，櫻花蝦鹹香唔錯，帶子咬好都好好。至於小食都係雞翼，蜜糖柚子雞翼酸酸甜甜夠開胃，但我都係鍾意避風塘單骨雞翼，因為帶微辣，夠惹味！飲品我自己試咗竹炭鮮奶咖啡，口感唔錯，個雪糕真係好好味，好香好滑！但再點咗美式咖啡，幾鍾意果個果香味，唔會太Strong！當然最後點都要叫個刨冰，因為佢我先揀試呢間，大碗到真係食唔晒！芋頭味好正，有晒芋圓、芋泥，若果芋頭控真係必點，會想再去試另外嘅唔同口味，若果想係尖沙咀同朋友慢慢傾偈，真係一個不錯之選

[ LAB ZERÕ ]收藏一段📌時間嘅打卡Cafe，餐廳位於尖沙咀，今日約埋朋友一齊去食嘢打卡先📸📸。✿ 櫻花蝦帶子明太子忌廉扁意粉 $128意粉🍝配上櫻花蝦&明太子忌廉醬，好香口😋✿ 6寸辣肉腸薄餅 $80薄餅🍕焗得香脆，配上辣肉腸，夠哂惹味‼️✿ 蒜香牛油單骨雞翼 $68雞翼充滿着蒜香牛油🧈味，外皮脆脆卜。✿ 蜂蜜海鹽焦糖脆脆牛乳 $98食完咸食必須點刨冰🍧，鋪滿Crumble焦糖脆脆，內裡仲有瑪利餅碎，整體口感好豐富😛😛。✿ 焦糖鮮奶咖啡 熱 $46✿ 抹茶鮮奶 熱 $44總結🫦Cafe食物種類多，咸食甜食都有齊，而且餐廳環境裝潢好打卡，好適合去食嘢影下靚相💖。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿LAB ZERÕ地址: 尖沙咀金巴利道68號地下B號舖電話: 57204888✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

在尖沙咀！有家打卡咖啡店，可以同時間打卡和吃刨冰欵，看到就被吸引去試試看啦！店舖在金巴利道街尾，簡單裝修環境舒適，這裡有多個雲朵在浮動，感覺挺悠閒欵。食物選擇算是多的，價格中等不算貴🙈。-晴天雨天 HKD$52｜熱香橙朱古力 HKD$46來到尖沙咀打卡咖啡店，當然點打卡飲品，點了兩杯賣相吸引的📸。晴天雨天是店家大熱飲品，藍天白雲的賣相，加入竹炭咖啡把棉花糖融化，攪拌均勻味道更香。熱香橙朱古力有聖誕老人拉花，滿滿de節日氣氛，朱古力味道香濃，淡淡橙香口感順滑。-蒜香牛油單骨雞翼 HKD$68金黃色的賣相堆砌成小山丘，單骨雞翼吃起來更方便欵。外脆內軟的質感，肉質嫰滑帶點肉汁。蒜味香濃惹味，散發著淡淡牛油香味。-6寸辣肉腸薄餅 HKD$80熱辣辣的味挺香，趁熱時還有芝士拉絲效果。薄餅外層微脆質感鬆軟，辣肉腸微咸，跟芝士味道挺配合的。這個份量剛好，自私吃或跟朋友分享吃也可以的。-明太子櫻花蝦拌珍寶帶子意粉 HKD$128這個賣相挺吸引，還有木魚絲在舞動的感覺。用了明太子和櫻花蝦調味，兩款也是香口食材，吃起來味道挺惹味的。帶子大隻厚身，肉質爽口鮮甜，意粉質感煙韌，意粉掛汁味道可以的。-開心果糖不

職員態度好差，唔知以為我得罪咗佢。我同個朋友食完嘢，仲有杯一半未飲完嘅奶昔係枱面。叫咗個甜品拎咗去打卡位影下相，因為打卡位唔食得嘢，影完打算返位食時，見到枱面俾人執清晒，連杯水都俾人執埋。個位有放外套同私人物品表示有人，見到咁都執走晒啲嘢，感覺好似想趕客走咁。

我一直都很想來這家cafe, 因為他的打卡位超美，超大的雲朵燈還會動的，我的to do list內打卡必到cafe之一，終於可以在聖誕後約到朋友一起來打卡。今天點的朱古力熱飲仍可以有聖誕樹🎄拉花，當然小不了要點的打卡特飲-晴天雨天（可選額外濃縮咖啡，而奶也可以加少少💲改為燕麥奶）主食點了明太子櫻花蝦陪珍寶帶子意粉及辣肉腸pizza，整體好食，明太子味道香濃creamy, 帶子軟軟腍腍，意粉配櫻花蝦一齊食，味道豐富。小食是蒜香牛油單骨雞翼（極推薦）好香蒜香味加上用牛油🧈雞翼咸香，十分引起食慾最後甜品點了開心果糖不甩，刨冰上灑上糖不甩粉（炒過的花生碎，芝麻，椰絲），刨冰內有開心果雪糕及小丸子，我個人覺得是尖沙咀最好味的甜品啊！

-朋友帶我黎朝聖下呢間尖沙咀cafe--以工業風裝修，白雲和仙人掌為主題座位寬敞舒適，特點係半空中會上下浮沉嘅白雲--晴天雨天好似本店主題招牌一樣，綿花糖以白雲造型呈現，藍天使用蝶豆花調味，微微清新香氣!!加入溫熱的咖啡，真係一秒變雨天！好適合打卡影相📸️--開心果味刨冰主打日式綿密刨冰，尤其冬天食，冇融得咁快，開心果口味推薦!!~表面撒上焦糖脆脆，中間就有麻糬和椰子絲🥥，層次口感好豐富！--抹茶鮮奶嘅聖誕拉花好靚～--仙人掌主題好清新--Pizza大細啱晒我！--櫻花蝦帶子明太子忌廉扁意粉-

同朋友去開尖沙咀見到呢間靚靚Cafe又唔使等位就入咗去食個Tea 。我哋分別叫咗個牛肉多士同芝士通粉（唔係好記得佢個實際名，不過入邊嘅成份就係咁上下啦）個牛肉多士，勁牛肉偏生，我估係一整塊牛，然後再切細嘅，所以中間嘅部份只有兩面就比較生，有啲難咬開。上面醬汁應該加咗芥末所以同牛肉好夾。芝士加澱粉係冇得輸嘅組合，上枱嘅時候熱辣辣好惹味，美中不足嘅係通粉係相對比較大條嘅，就唔會好似Mac can cheese咁黐汁，有時要食兩啖再點啲汁先至有味 。奶昔做得唔錯，唔會係化學味嗰種，唔記得咗影相，但整體嚟講，環境，以至到所有菜式都幾靚好適合影相打卡 。

叫左兩個意粉一個薯條加三杯野飲，本應開開心心想食個生日飯，點知一黎個薯條跌左一條落枱，個男侍應見到，執起左，正常以為佢會拎去掉，但佢竟然將佢擺返上碟野度，真係世界級，咁既餐廳就算幾好食，比我都唔會再去，完。

尖沙咀小清新工業風Cafe，佈滿可愛雲朵打卡一流!!主打日本直送冰磚的綿密日式刨冰及特式咖啡，絕對值得一試!!☁️- 特濃香蕉朱古力 HK$118 🍧🍫🍌超驚喜刨冰!!超濃朱古力味刨冰佈滿朱古力脆皮，綿密輕盈口感加上雙重可可香氣超好食!!刨冰中間加入朱古力脆餅及牛奶雪糕，香甜又層次感十足!!- 晴天雨天 HK$57 🌥️🌨️超可愛主題咖啡!!綿花糖白雲造型襯晒店主題，晴天使用蝶豆花藍天，微微清新香氣!!加入溫和順口竹炭咖啡，立即變成雨天超好玩!!- 薄荷朱古力鮮奶咖啡 HK$53 🍫🌱薄荷朱控必試!!香甜朱古力奶中，散發濃濃咖啡甘香，後勁帶有清新薄荷香氣，非常有層次!!- 慢煮封門柳玫瑰醬扁意粉 HK$138 🥩🍝超嫩滑封門柳!!肉質非常柔軟，滿滿牛肉香氣!!濃厚玫瑰醬忌廉奶香超濃，微微香辣與蒜香特別惹味!!- 避風塘單骨雞翼 HK$70 🧄🐣超惹味!!香脆單骨雞翼非常香口，強勁辣道加上炸蒜食得超過癮!!

LAB ZERÕ 📍尖沙咀金巴利道68號地下B號舖雲朵cafe☁️初初一開要排晒隊，唔鍾意排隊嘅我緊係等到散水先去打卡，真係只去打卡好喇📸，唔好對食物有任何其望🍧糖蔥餅刨冰可以自己加花生粒小丸子，焦糖脆餅，同埋煉奶醬一邊淋一邊食，刨冰入面有糖蔥餅+黑芝麻倒煉奶之後d冰溶得好快，最後好似飲糖蔥餅水，只食到一半🍦開心果雪糕開心果味道唔濃，同白玉唔夾