林昌記 (Closed)

每日收工都會經過依間鋪，每次都有人排隊買，所以我都忍唔住買黎試吓。 有咖哩味同原味揀，我就覺得白魚蛋食原味加xo辣椒油比較食到佢嘅滋味。細嘅size 十蚊有七粒，價錢都算合理。除咗價錢合理，質素都好好，唔會好粉，彈牙，配埋辣椒油食一流！

排緊隊既客就唔理！ 重要話點解唔同唔排隊既人講！重要成個男人大大企企度話你分鐘都唔等得！ 落單唔理我重要比個男人大大聲鬧！ 完全唔尊重人，重大大話全完唔需要道歉！ 好後悔嘗試去幫襯你哋！ 以後都唔會！ 憎死你呢間小店！

今日放學經過尖東試紅磡火車站條橋，落雨濕濕，經過林昌記點都要試試啦喂！行上橋冇耐轉左有段小橋行入去就係林昌記，位置好得意，大家去到就明因為第一次試，所以叫左白黃雙併，睇下邊隻好食啲！白魚旦係原味，會自己加上佢地既香辣油。黃魚旦係已經沾上咖哩汁的個人覺得原味白色最好食 ，加啲佢既香辣油。very good 又彈牙黃色咖哩味既咖哩汁有啲遜色，影響左魚旦原身既口感味道。總體：原味白魚旦加香辣油最正！下次會埋炸炸金角！

林昌記係深水埗經營第一間魚蛋小食而起家，現於尖沙咀、荃灣、旺角都設有分店。而我每次經過尖東，一定去買咖哩魚蛋（大$20/16@），魚蛋白雪雪，每次轉走魚蛋上的油，感覺爽口油膩，質地不俗，魚味鮮濃， 雖然沒有以前爽口彈牙，感覺肉心空氣感多了，不夠扎實，但魚蛋本身香囗，尤其另加辣椒油，更加好食。我叫的咖哩魚蛋咖哩味並不是很濃，不過一口魚蛋連醬汁食，很惹味。如果不喜歡食辣的可以叫原味如果可以接受微微辣的可嘗試叫咖哩如果食得辣的可叫辣味再加辣椒油

自從在荃灣店遇上「林昌記」，記住了它別樹一格的風味，但就這麼的一次，自此再沒有遇上它了。這天在天橋中的某個角落，「林昌記」再次出現在我的眼前，若不是那不經意的一瞥，也許我就會白白錯過它了。就是一場「偶遇」，即使才剛在小食店吃過了魚蛋，還是選擇再吃一次，畢竟林昌記的魚蛋是非一般的，再吃又何妨？咖喱魚蛋($10/7粒)以小杯子盛載，帶微辣的咖哩汁味道溫和，白魚蛋十分爽彈，魚味自然無添加，水準如一。開在熙來攘往的天橋上，能受到青睞是必然的了，不過「林昌記」的風味確是與別不同，是值得停下腳步試試的。

只從有一次朋友帶我去食過第一次林昌記之後，我每次經過poly u 行過尖東的天橋都一定要食林昌記，每次有外國朋友來都一定帶佢地去食。食過林昌記的鮮味魚蛋先叫食過香港魚蛋。林昌記d魚蛋比一般炸過的魚蛋細粒d, 白雪雪，賣相好過潮州灰色魚蛋好多，即叫即滾起魚蛋，最欣賞店員(即係太子爺) 會用離心力瀝乾魚蛋，魚蛋面仲有薄薄一層油，十分彈牙。同一直浸起熱水裡面的魚蛋口感好唔同。其他人話辣油同咖哩味好食，我就覺得咩都唔落最食到魚的鮮味。真. 家族生意，老老嫩嫩的店員都係姓林，真. 香港滋味，一定要支持本地家族生產。

低溫侵熟高溫速熱離心走油，係紅磡落尖東既天橋有間用呢十二字炮製成既港式魚蛋。見到都幾多人排隊買，不過好在去既時候無咩人一去就買到喇！！一定要食咖喱魚蛋($20/16粒)用左白魚蛋勁彈牙，咖喱唔係好辣不過勁香。成日收工行過一都整番兜，真係會愈食愈上癮架，另外佢都有普通魚蛋可以加辣油，都係好出名既產品，可以淨係叫一兜之後自己落多落少都得，幾辣都可以自己控制。店名: 林昌記地址: 尖沙咀科學館道9號新東海商業中心1樓108A舖餐牌:

約咗幾個好朋友去紅磡食Tea Buffet不過未夠鐘，紅隧落車每次嘅指定動作當然係去林昌記食食魚蛋啦...次次嚟到都係食咖哩魚蛋，今次老闆娘問要咖哩定香辣？香辣係白魚蛋加（自己加）香辣油，今次就試咗香辣味，真係幾好味喎😋佢哋細心到喺個煲度攞魚蛋出嚟之後再用個篩去乾水至放喺隻紙杯俾我哋💖

平時由紅磡車站行過去尖東都是怱怱走過今日約了朋友又未夠鐘於是心血來潮去食白魚蛋平時不會點辣油的但每次來這裡吃白魚蛋必定會點少少配了辣油分外惹味每粒白魚蛋都非常彈牙又入味$10有7粒真是很抵

同肥髀行完玩具展覽後，行緊天橋去隧道口，見天橋接駁大廈一個隱蔽位，記得介紹過呢度有間魚蛋店好食！所以行入去，見到兩間小店，其中一間係魚蛋檔😂，店面好細，無座位，店內嘅位置已是廚房，食物只有幾款，去到櫃臺落單，櫃檯上放咗啲辣椒油，可惜我同肥髀一齊，唔落得辣！伯伯店員好友善，收咗錢佢就入廚房預備！原味魚蛋（$10/7粒）一個小紙杯盛裝，欣賞店家將魚蛋熱咗之後，會放入脫水器去油，白魚蛋細細粒，非常熱，咬落彈牙，有魚味！好味店員伯伯友善，雖然係小生意，對魚蛋都好認真，所以好味！

有些地方，總有些地標，叫你一想起就知道那裡。 紅磡代表有紅館，中環有中銀大廈，尖沙咀有尖沙咀鐘樓。 紅磡與尖沙咀交界呢，有乜野特別的地方令人深刻呢?除了那條天橋，還有就是天橋中間的角落，有間林昌記。 如果你有去過桂林夜市，你應該記得這個幾日賣十多萬粒魚蛋的佳蹟。 呢度嘅手法係低溫浸熟，高溫浸熱，離心走油的方法來造出舊式風味的港式魚蛋，還有自家的辣油。 Menu好簡單，咖哩魚蛋分大小，大有20粒16蚊，細7粒十蚊。 大食又貪平，當然叫16粒。 魚蛋經那三部曲做過當然係爽口彈牙，魚味極濃，咖哩汁惹味得很，以街邊小吃來說，價錢質素滿分。 當然，魚蛋有好多地方出名，然這裡的特色是非常港式有風味，和現在的魚蛋，總有些分別。 當你走過紅磡與尖沙咀交界的天橋，不要錯過吃粒魚蛋，感受下那香港特色香港美。 林昌記 尖沙咀科學館道9號新東海商業中心1樓108A號舖

食過幾次林昌記魚蛋都係食尖東呢間，雖然有炸蛋，但係次次都會忍唔住叫原味。食過一次咖哩魚蛋，但係個汁太惹味，太搶魚蛋嘅鮮味了。原味食得到魚鮮味，口感又爽又彈牙，加埋佢個辣椒油真係冇得輸。對於鐘意食辣嘅我，次次都要落好多好多辣油先夠皮店員哥哥姨姨都好親切好好人，有笑容又願意同你講多2句 價錢抵到喊，$10/7粒 或者 $20/16粒，真係食得好爽好開心。我frd鐘意到買左一包16粒返屋企慢慢煮 誠意推介！因為店仔細細，聽講旺角多幾款野揀，下次去第間試先

炸金旦 經常去食的 "林昌記" 魚蛋是 自加製 魚蛋又滑又白 好好食 當有人買魚旦 便把適量的魚蛋放進離心機內 把其表層的油份逼出減少油膩之餘又可以令到肉質爽滑彈牙。好 細心今次介紹 既係 「炸蛋」用左薄脆炸漿與 又滑又白的魚蛋一起炸食落去 特別香脆 口感比原味的更爽更滑 加上 沙律醬 簡直絕配

一向也喜歡吃街頭小食，這天和大笑（我兩歲的兒子）去完香港歷史博物館就慕名去找那白色的魚蛋！原來接駁尖東及紅磡車站天橋有入口一入就到舖頭，我們仲沿路面上商業大廈，笨！😛專程來到，梗要試原味魚蛋。😋大笑一向不喜歡吃魚蛋，去親食魚蛋粉只會食河粉，今次就嘗試戳2粒佢試下。嘩⋯⋯連佢都話好味，要追食。不過，Sorry...已落秘製辣油，是我和爸爸架 lor...😁😁總結：魚蛋彈牙，味道簡單（就係魚蛋），辣椒油香！👍🏻👍🏻連小朋友也喜歡！😍可惜時間尚早，未有炸魚蛋供應（閒日要每天五點後放工時間才開始供應）。下次有機會再試。😉推介！👍🏻👍🏻

童年回憶，啊公煮既鹽油水大頭菜白魚蛋湯，如今變了上課前充飢之選🍢這就是香港的街邊檔小食，速食文化。一夥白魚蛋，平平無奇，但是堆積了很多香港文化和典故，以前香港是一個漁港，人民生活水平一般較低，在艇上生活的漁民每日都是靠打魚為生，賣淨的魚獲會把它們打成一夥夥魚蛋，方便儲存之餘，又可用來做餸菜。伴辣椒醬食，味道更佳！