Video
Read full review
2023-07-17
358 views
總有一啲時間係會心癮起，想怒食填鴨。但係下下去酒店，甚至出面普通茶樓，最起碼都五百到一千蚊up一隻鴨🥹今次就約左班朋友黎老掌櫃放開懷抱咁食😆對上一次黎，仲未搬新舖，未有得online訂～今次我地openrice訂台，但見到想要嘅時間得book到三位。我地book完remark埋留一隻鴨（需要提早起碼一日留定），再打去餐廳問可唔可以加做五位，都好爽快加到位！因為去到餐廳時，大家都超級肚餓，少少眼闊肚窄咁叫左好多樣菜😀😂🥔醋溜土豆絲 💰$70薯仔嚟講要$70都算係幾貴（相比d肉黎講🤣但係呢味算係我哋成餐入面其中一個最鍾意嘅餸～個味較得好好，少少酸少少辣，但係又唔會太酸，開胃！🐟酸菜桂花魚（原條）💰$268原條魚黎講就唔貴嘅～酸菜比得足，夠酸，魚肉唔老，但桂花魚本身比較多骨，食嘅時候要注意⚠️同埋調味比較重手，有點太鹹。一到嘅時候入面嘅紅薯粉好好食，之後浸得耐，有D鹹到食唔到。🦆北京填鴨 （半隻$168/一隻$318） 今次嚟嘅重點就係要食佢，所以一下叫咗一隻。其實份量都真係好多，一隻鴨分到兩大疊鴨片出嚟，同埋係比較肉多皮少嘅style，但都有切d皮比較多嘅鴨片放面。配料方面，每碟鴨都跟一份青
但係下下去酒店，甚至出面普通茶樓，最起碼都五百到一千蚊up一隻鴨🥹今次就約左班朋友黎老掌櫃放開懷抱咁食😆
對上一次黎，仲未搬新舖，未有得online訂～今次我地openrice訂台，但見到想要嘅時間得book到三位。我地book完remark埋留一隻鴨（需要提早起碼一日留定），再打去餐廳問可唔可以加做五位，都好爽快加到位！
因為去到餐廳時，大家都超級肚餓，少少眼闊肚窄咁叫左好多樣菜😀😂
🥔醋溜土豆絲 💰$70
薯仔嚟講要$70都算係幾貴（相比d肉黎講🤣但係呢味算係我哋成餐入面其中一個最鍾意嘅餸～個味較得好好，少少酸少少辣，但係又唔會太酸，開胃！
19 views
0 likes
0 comments
🐟酸菜桂花魚（原條）💰$268
原條魚黎講就唔貴嘅～酸菜比得足，夠酸，魚肉唔老，但桂花魚本身比較多骨，食嘅時候要注意⚠️同埋調味比較重手，有點太鹹。一到嘅時候入面嘅紅薯粉好好食，之後浸得耐，有D鹹到食唔到。
酸菜桂花魚
$268
11 views
0 likes
0 comments
23 views
0 likes
0 comments
🦆北京填鴨 （半隻$168/一隻$318）
今次嚟嘅重點就係要食佢，所以一下叫咗一隻。其實份量都真係好多，一隻鴨分到兩大疊鴨片出嚟，同埋係比較肉多皮少嘅style，但都有切d皮比較多嘅鴨片放面。
配料方面，每碟鴨都跟一份青瓜京蔥同momo皮，冇詳細數有幾多，總之我哋食到最後食極都仲有😂😂
要挑剔嘅係鴨皮唔算十分脆，同埋momo皮會凍得快。但今次個重點都係想過口癮，但同埋呢個價錢黎講，真係算係咁！可以大口吃肉仲可以要求d咩👀🙊
五個人來講，每一塊皮都可以包到兩三件鴨，到最後鴨係食唔曬要打包🤣
北京填鴨
9 views
0 likes
0 comments
北京填鴨
17 views
0 likes
0 comments
🐷鍋包肉 💰$96
朋友上次食過話好食，所以encore。但今次有少少失望，係酸酸甜甜嘅，但炸粉太太太厚，但又炸得唔脆（唔知關唔關油溫唔夠高事？）所以食得好滯，最後包左好多走。
鍋包肉
21 views
0 likes
0 comments
🐔山東燒雞 💰$74
之前冇叫過諗住試吓，估唔到佢係手撕雞啲friend😂呢個燒雞版手撕雞仲有少少汁，唔難食嘅，但整體唔係好出彩，下次會揀返醉雞。呢個又係剩左大半份，最後打包。
山東燒雞
6 views
0 likes
0 comments
🍜蔥油拌麵 💰$44
呢個簡簡單單，但係好好食！唔會中伏之選！
蔥油拌麵
46 views
0 likes
0 comments
🍞炸饅頭（三隻） 💰$26
（無影相）
本身想叫兩份，好彩冇叫！今次炸得唔好😢估唔到炸饅頭都會出事，覺得可能都係油溫嘅問題（？）或者放咗一陣先出菜，食落去成口都係油🫠
食到最後飽到連甜品都食唔到，剩低嘅嘢都冇做大嘥鬼，比朋友包走第日帶飯🙊
總結：最後五個人連埋嘢飲+外賣盒，$971埋單。雖然有啲嘢食失手，但係每個人average平過$200落樓🤣呢個價錢又唔可以要求有酒店嘅質素ge🙊
如果都係四至五個人去，如果食量唔大，真係叫半隻鴨都得。如果都係好似我地咁focus怒食填鴨，咁就唔使叫原條桂花魚，要例牌嘅酸菜魚/少少其他小菜就夠！🙊🙊
整體都係推薦大家去試下，性價比都確實係高！
Post
