LE BAR (宜必思香港中上環酒店)

Open Now

Now Closed

在中上環Staycation，包雙人早餐、晚餐，可在酒店既西餐廳食或外賣自取在房內慢慢享用。 我選的美式早餐，同全日早餐差不多，有7款食物，歐陸式早餐就有3款麵包加粟米片及水果，2個早餐都有乳酪送，幫助消化。 晚餐就有5款選擇，我們揀既肉眼牛扒同煎魚柳，味道都好有水準。

酒店 set dinner，又唔錯喎 😎好耐無去 staycation，今次選擇佐位於上環嘅 ibis 酒店。🏨海景房 + 晚餐 + 自助早餐，2 人合共只須 $811，以為平野無好野？你咁唸就錯哂 lu。🤭餐廳位於酒店 5/F 全層，名叫 : LE BAR。😉整潔嘅環境，舒服的坐位，未開餐已加分。👍Dinner Set Menu 每人會有 1 個 是日餐湯，今次安排嘅係西式 紅蘿蔔湯，呢個湯已經將精華煮到軟綿，入口順滑。🤤飲完真係好想添加，咁梗係唔得喇 ! 😞Main Dish 可以 6 選 1，我同友人叫佐 2 款不同嘅，估唔到又幾好味喎。😁1) 牛肋肉配白飯 🐂牛肋肉炆到好軟淋，芡汁亦很出色，絕配的好味道 😋2) 黑毛豬扒配薯菜 🐖豬扒煎得非常香口，口感極佳，加上伴碟的薯蓉及聖瓜，完美之作 🤪又食又住，非常抵玩，一定再嚟 😆

週末到訪呢間酒店staycation，琴晚去五樓餐廳食晚餐質素好普通，今日都冇乜期望嚟食呢個早餐。去到門口都有一條人龍，排咗一陣就入到去，拎嘢食嘅情況都係有少少搶食嘅感覺😂 不過呢啲平價staycation我都預咗嘅。個套餐本來係包set嘅早餐，Upgrade咗做自助形式，相對上其實多咗食物嘅選擇嘅～麵包有兩款：白方包同埋迷你牛角包🥐 仲有個麵包機俾你烘熱，基本嘅牛油同果醬都有嘅但就只有一款口味既果醬，我試咗食迷你牛角包，當然唔會做到出邊嗰啲貴貴牛角包嘅外脆內軟，就係一個普通軟林林又算有牛油香個種質素😂 但入得口既～麵包側邊有熱豆漿同埋粥嘅選擇，我到訪嗰日食咗粟米雞絲粥，清淡嘅口味都幾適合早餐暖下胃，仲有幾款配料花生脆脆個啲。其次中式口味仲有一個小小既馬拉糕（？）同炒麵。馬拉糕味道正常，口感紮實都幾飽肚，炒麵賣相一般但食落又唔錯，不過始終咁多人夾，啲麵都有少少碎。早餐有供應兩款炸野，必備嘅薯餅以外仲有炸春卷。另外有好多西式早餐常見嘅：炒蛋、腸仔、火腿、煙肉，有少少菜既選擇例如炒蘑菇茄汁豆同蕃茄。佢個炒蛋係一大盤，有少少喚醒咗我以前食大陸自助早餐嘅記憶，呢種炒蛋真係只有蛋嘅味道，連鹽都好

同🤴🏻Staycation 早餐可以選擇去餐廳或者房內享用，打電話去餐廳講出房號之後落去攞就可以😌😌，但我哋忘記咗直接落去亦都只係等左10 mins 😚😚我哋分別叫咗美式早餐及歐陸早餐😄😄，當🤴🏻拎到上嚟其實都唔識分邊個係美式邊個係歐陸😆😆，因為裏面有啲嘢都重複咗🥸🥸分量方面就非常足夠兩個人食🥳🥳，當中有：多士x2、麵包×2：細細塊，鬆軟😀😀橙汁、藍莓乳酪：正常😃😃另外仲有兩條香腸、煙肉🥓、炒蛋🥚、薯餅、厚厚嘅蕃茄🍅片，茄汁豆！但可能放埋一齊感覺比較油膩😄😄牛奶脆片：牛奶新鮮脆片冇怪味🙂🙂水果：最鍾意就係有水果俾我最後解解膩😘😘同🤴🏻嘆完早餐都係早上10點，Staycation可以4:00 pm check out，同🤴🏻食飽繼續瞓😴😴

搵到個好平嘅Staycation，同🤴🏻去感受下偽 . 旅遊先☺️☺️成個package $598 包一晚房間+晚餐+早餐+mini飲品bar ( 四罐飲品），真心真係幾抵😚😚休息左陣大約8:00pm就同🤴🏻食晚餐啦😁😁，一人一份指定晚餐🙂🙂～～～是日餐湯🥣～～～應該係蘑菇西蘭花湯🥣，OK正常😀😀但係睇返張Menu我初初以為係有頭盤同埋餐湯🥣，睇真啲原來頭盤就係 ‘ 是日餐湯 ’ 🤣🤣我揀咗：～～～香煎肉眼牛扒🥩配燒蔬菜🥬～～～7成熟牛扒🥩正常size，有厚度唔係薄切切😁😁，有牛味但韌咗少少😅😅！配嘅薯蓉好Creamy有薯🥔味👍🏻👍🏻🤴🏻揀咗:～～～黑松露本菇蔬菜🥬意大利粉～～～有🤴🏻鍾意食嘅本菇，幾有菇味😚😚，意粉彈性剛好，但可惜只有少少黑松露味😗😗～～～凍檸🍋茶、凍奶茶～～～送上嚟已經冇左一小半🤣🤣，味道非常之淡，檸🍋冇檸🍋味、奶冇奶味😭😭

今次買的ibis宜必思酒店食宿package，性價比十分高！🥰好啦～講下入住當日的酒店餐廳 (LE BAR) 晚餐 + 第二朝早餐～！ 餐廳在5/F，同辦理入住、退房counter同一層～🍽 晚餐 🍽沙律/ 餐湯 甘荀湯 ： 幾濃甘荀味，適中的濃稠度，味道同質感唔稀、唔淡口！主菜 🥩 香煎肉眼牛扒配燒雜菜唔算好韌，口感偏向超級市場自家品牌的肉眼牛扒質素～ 燒汁正常～🐟 香煎鯛魚柳配蕃茄汁魚柳大塊，煎得香口，蕃茄汁其實是由天然蕃茄打成的茄蓉，所以味道比較偏澀冷/熱餐茶 1杯檸檬茶有紅茶味🍽 早餐 🍽美式早餐炒蛋香滑度適中煎蕃茄無過燶薯餅剛炸起，十分香脆！😋中式早餐牛肉碎粥 (是日粥品)牛肉碎多，但無乜味，落左附上的蔥+ 薄脆 + 鹽花生，會好味d～ 好難得有薄脆送粥！兒時回憶！依家已經好少見薄脆配粥啦！😚炒銀針粉 (是日炒粉麵)好大碟，夠味，唔算好淡～冷/熱餐茶 1杯橙汁以餐廳食物質素來講，味道同一般坊間的酒店食堂 / 日常西餐差不多，正常、唔難食～ 而且早、晚餐份量都大碟！___________________LE BAR (上環)上環德輔道西28號宜必思香港中上環酒店5樓______

人均二百幾蚊就包Set dinner , Breakfast, 海景房間一晚，咁高CP值既餐飲入住酒店之旅，真係好乜邊間做到。雖然唔係五星級質素，但起碼絕對值回票價。對於餐飲上都算唔錯了，雖然唔係自助餐，但晚餐都有肉眼扒食，所謂差極都有限度吧。香煎肉眼扒配燒雜菜：肉眼扒沒有熟成度選擇，都係廚師發板形式，由於碟上，基本上唔會做到五成熟，而我哩塊都有7成熟既，未至於乾柴，起碼仲明顯分辨到肉質同脂肪，肉質結實、都食得出有肉味，醬汁搭配唔錯。整體上好食同高級過普通茶餐廳既質素，哩個價錢絕對無得挑剔。

慢煮雞胸希臘沙律 ，佢放落嚟,我仲等咗20幾分鐘,以為佢俾咗個前菜,點知原來我已經食緊個主菜. 慢煮雞數埋都無十粒，又乾 有相為証，嬲到爆。服務員態度是可以 。下次千祈唔好再叫食咗都唔飽

Lunch Time食個經濟實惠嘅牛扒朋友推薦呢間，坐得舒服又好味嘅Le Bar味道前菜：芒果醬配沙律一上枱就聞到芒果醬嘅甜香，只係有點太甜火箭草苦澀，個人唔喜歡主菜： 香煎肉眼牛扒配炸薯條牛扒：Medium > Medium WellMedium Well > Well Done雖然煎老咗，但都鎖到肉汁。欣賞佢汁分開上，加黑椒鹽更好味薯條：香脆唔油膩👍🏻配菜：麻醬沙律，9成9都係火箭草，棄食。之前係原隻焗薯加焗西蘭花/瓜，好味好多飲品：黑啡偏酸，飲到尾有咖啡粉環境一入到黎，雙人位較多個邊光線明亮舒適4人位為主嘅呢邊光線傾向紅橙（玻璃貼原因？），個人唔太欣賞服務落單時，侍應雙手放後聽我講當時幾欣賞佢好記性，點知野飲落錯晒😂之後向一位女侍應拎醬汁時，等咗一段時間都無返黎再向另一位拎，女侍應先拎到黎，雖然又拎漏過咗陣另一位再拎返要求嘅野服務有啲慢，出錯多，彼此無交流🥴但服務態度是不錯的👍🏻

最近成日去宅渡假，雖然ibis吾係5星級🏨但佢哋的Corner海景房俾我地😍😍😍落地玻璃海景靚過好多5星酒店🏨而晚餐直接落左大堂La Bar食Set Dinner😋有牛扒🥩、魚🐟、Pasta🍝同雞🐥揀！仲有湯同沙律🥗包野飲🥰每set餐都好大份好抵食！上碟時仲熱辣辣嫁！味道ok😋平時吾住入來食晚餐都吾算好貴😋第2日仲落去試左佢哋的中、西Set早餐😝正啊！我地訓到11:30先落去當食Brunch😋24小時入住🙌🏻食完再上房休息陣先走人😝住一晚食足兩餐！又有中西式揀！真的不錯！

無得去旅行長期喺香港太悶，見到Klook有package staycation🛌包早🍞+晚餐🍱+minibar🥤仲免費升級海景房🌃都係7百幾蚊2個人，梗係試一試佢!晚餐可以喺餐廳食，不過為左快啲番房舒服睇奧運📺所以都係外賣自取😜。叫左①香煎肉眼牛扒配雜菜🥩 ②印式咖哩雞配絲苗白飯🍛，配餐湯☕️同野飲🥤，等左大約15分鐘就拎得。順便叫埋第二日早餐，唔洗到時再叫。呢間酒店幾強調環保，所以外賣盒包裝都係好環保，但好有質感，拎到番房影完一輪相都仲熱！值得一讚！😈①香煎肉眼牛扒配雜菜🥩落order時無問幾多成熟，大約五成左右啱啱好，唔un但都唔鞋口。雖然賣相普通，但相當唔錯。牛扒set亦配有薯蓉，唔怕唔夠飽！😂②印式咖哩雞配絲苗白飯🍛呢個咖哩真係出乎意料好食😱，以為係普通咖哩但係好濃印度香料味，少少辣，雞肉亦都唔會得啲骨，肉都唔鞋口，吸晒咖哩汁！最後個飯撈埋咖哩汁竟然可以食晒！😝早餐就2個人都食美式早餐，遲左少少送黎🛎，不過野食都係仲熱辣辣。煙肉🥓同薯餅都煎到好脆好香，蛋🍳亦都炒得好滑好嫩！對比起煙肉薯仔，腸仔就比較普通，兩條腸就唔太食得出有分別，應該有一條係有黑椒，一條無。茄汁豆都係正常無乜特別

【 眼睛好享受｜超靚景觀嘆早餐 】 上次和大家介紹過「宜必思香港中上環酒店」的家庭特色晚餐。這篇就同大家分享佢哋提供的特色早餐啦！早餐係LE BAR食，有四個唔同款式的早餐選擇 : 美式早餐，歐陸式早餐，中式早餐和三文治早餐，每份的都好豐富呀，擺盤精細，味道唔錯，弟弟好鍾意食碗粥和多士，哥哥就話每樣都好yummy～～～另外我哋仲留左一份美式早餐上房食，望住成個海景食早餐真係好嘆呀！好享受！美式早餐係4份當中最好味的，份炒蛋好滑好香。

【 酒店套餐送的家庭特色晚餐 】💕無得去旅行，留係香港都可以搵到好多節目玩架！當然Staycations又係一個好選擇啦！我哋今次選擇左「宜必思香港中上環酒店」，因為佢哋而家有個「夏日家庭歡樂時光」住宿計劃，只需要$1200起，就可以4人入住海景家庭相連客房，包早餐及家庭特色晚餐，再送1輪房內迷你酒吧，仲可以免費延遲退房至4pm，最多住足26小時，夠晒時間休息，真心抵玩呀！講番晚餐係套票包埋的，係酒店LE BAR享用，套餐包埋「精選四人套餐」，有一大碟炸物拼盤（份量真係多到好誇張，我哋都有分享一些給隔離枱），牛肉漢堡包配炸薯條，蕃茄汁牛肉丸意大利粉和一個夏威夷薄餅，仲有4杯餐飲，份量夠多，絶對夠食，而且味道都唔錯呀。個牛肉漢堡勁多汁，好好味，哥哥就最愛牛肉丸意粉，自己食咗一大半。

參加了Big Bus Tour的香港半天遊，最後一站是宜必思酒店Late Lunch。說是Late Lunch，因為用餐時間是差不多五點。不算是Early  Dinner，因為餐點都是正常Set Lunch的。每人一份餐，有湯、主菜和餐飲。湯是磨菇忌廉湯，磨菇應該是鮮磨的，菇味香濃，忌廉湯底香滑，很不錯！兩個人的主菜分別選了燒汁雞扒薯茸，和香煎龍脷柳。雞扒King Size，明知是急凍貨但肉質處理得不錯，味道還好。薯茸滑溜溜，沒有過量的牛油味，不太膩。龍脷柳煎的很香，輔以煎過的瓜茄等配菜，頗有高檔餐廳feel。餐飲是一般茶啡，不多提了。

今次Staycation Package嘅CP值超高，住足24小時，仲要包埋早餐、晚餐同房間mini bar添！講緊嘅係位於上環嘅宜必思香港中上環酒店（詳情：24小時食住玩兼有維港景打卡），呢個Package嘅人頭價錢只係$352起，晚餐選擇咗喺酒店嘅Le Bar享用，餐廳並無將貨就價，選擇相當多，味道仲要唔錯添！是日餐湯今日嘅餐湯係南瓜湯，夠晒熱辣辣，相信用咗勁多南瓜，所以南瓜味濃郁，湯底夠甜又厚身，味道豐富。雜菜沙律新鮮沙律菜配上車厘茄同粟米粒，沙律菜非常新鮮爽口，加上秘製嘅沙律醬汁，令胃口大增。香煎鯛魚柳配蕃茄汁呢個擺盤非常靚，鯛魚柳竟然有兩條，全部都無骨，啖啖肉，同蕃茄汁非常夾。至於配菜有黃瓜、翠玉瓜、茄子同薯蓉，份量夠晒多！印式咖喱雞配絲苗白飯另外一個嘅選擇，就揀咗印式咖喱雞配絲苗白飯。咖喱汁微辣又夠香；雞則採用雞脾肉，所以非常嫩滑，同樣地份量非常多；仲有兩舊薯仔，主到勁腍勁入味。飲品晚餐仲包一人一杯飲品，整體嚟講非常豐富。