446
44
26
| Restaurant: | Le Saigon Cuisine |
|---|---|
| Info: |
To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html
Video
13-min walk from Exit A3, Tsuen Wan MTR Station
continue reading
Telephone
26876988
Opening Hours
Today
11:00 - 22:00
Mon - Sun
11:00 - 22:00
Public Holiday
11:00 - 22:00
Public Holiday Eve
11:00 - 22:00
*Last order: 21:30
Above information is for reference only. Please check details with the restaurant.
以前在荃灣返工時，經常來小越廚食晏，是晚經過見好耐無食，就入去食個晚餐先。店內轉左用qr code落單，見枱枱都叫二人餐，就知呢個餐抵食啦，$228有前菜、小食同主食，仲包飲品添😋⭐青木瓜沙律酸酸地嘅開胃菜，唔錯呀。⭐火車頭湯檬粉主食朋友叫左火車頭，有生牛片、牛腩、牛丸等，滿滿一碗勁多肉，湯頭鮮甜又夠熱，好味噃。⭐咖哩豬扒配法包自己就叫左咖喱豬扒，呢款可選配飯、粉或法包，我就揀左後者。豬扒係炸豬扒黎，軟腍無渣，仲有啲炸薯角伴碟添，一個鑊隻入面有數件豬扒，份量真係意外地多，好多肉呀😆法包切了六片，香香脆脆，點咖喱醬食一流呀😋⭐雞翼+春卷+扎肉小食可選三樣，揀左雞翼&春卷&扎肉，本身想叫炸魚餅但已售罄。春卷係芋頭春卷，雞翼有香茅味，兩樣都係即炸熱辣辣。扎肉上面放了肝醬，幾香口喎。⭐泰式海南雞另仲加了一份海南雞，雞件嫩滑，已去骨啖啖肉😋⭐順化炭燒豬肉串仲有燒豬肉串，軟綿綿嘅口感😆同香香的香料味，呢個好食喎😆⭐泰式奶茶（凍&熱）飲品點了一熱一凍的泰式奶茶，茶香奶滑又甜甜的，好飲。無諗過主食份量咁大，驚個餐唔夠食仲額外加左小食，搞到好多肉好飽呀，食肉獸朋友表示好滿足🤤
continue reading
如果喜歡食越式泰式口味，這裡又係一個推薦嘅地方，雖然餐廳唔算大，人多時要等位，但係食物質素同價錢絕對好味超值，加上以小店經營，現在更加要多多支持！晚市嘅2人套餐分量足超抵食，以$228哩個價錢就已包括2款餐牌上的粉麵飯/咖喱之餘跟一客泰式青木瓜沙律，3款小食(每款有3件)，2杯飲品，加$30仲可以額外多選其他小食一份今晚就點了冬蔭公香茅豬扒湯河粉及火車頭湯河粉先來泰式青木瓜沙律，青木瓜沙律味道香辣，而且冰冰涼涼，開胃又清爽，入口清新開胃！火車頭湯河粉，以牛骨熬製湯底味道清甜香濃，香味十分濃郁，而湯底相當清徹。配料有充滿膠原蛋白同口感淡嫩不膩嘅牛筋，上枱時仲係微紅肉香嫩滑嘅肥牛及爽口彈牙嘅牛丸，呢一碗絕對係招牌菜，識食都一定會點之選！冬蔭公香茅豬扒湯河粉，冬蔭公湯底有濃郁酸辣味，椰香味十足，而香茅豬扒夠酥香味道唔錯、河粉份量足夠！3款小食就點了蒜香雞翼、河內芋頭海鮮春卷、泰式酸辣鳳爪蒜香雞翼~蒜香濃郁，外面香脆可口，十分美味！河內芋頭海鮮春捲~以糯米製作的透明春捲皮，卜卜脆十分討好，雖然海鮮感覺不多覺，但非常有芋香！泰式酸辣鳳爪口感爽脆，味道刺激，甜、酸、辣同時衝擊味蕾，好吃到停不了口！加了$30點了泰式燒豬頸肉大大份，加埋入口特別軟滑爽彈的口感飲品分別點了牛油果奶昔，由鮮牛油果打成奶昔，口感非常豐厚鹹檸檬七喜有檸檬的酸甜和柑橘香，又有海鹽的鹹鮮，且帶有一絲微苦和滑膩的口感，對於今晚較濃味嘅選擇帶來點潤喉又舒服！
continue reading
去完荃灣廣場行街，因為唔想食連鎖餐廳就去左隔離街食呢間越南野，呢度係人手差啲但食物質素都好好味👍🏻而且2人餐真係好抵食，有2個主食，又有沙律、小食同飲品，小食十分推介+$30升級，因為真係好抵食🥰.味道：🌕🌕🌕🌕🌑人均消費：$100～1502人餐 $228泰式蕃茄椰汁 - 雪花肥牛湯河粉椰汁蕃茄湯好好飲，有一種唔辣嘅冬蔭公湯Feel😋肥牛份量都多，唔係啲好Cheap嘅牛肉，配埋湯整體好食👍🏻咖哩雞髀扒飯估唔到係偏港式咖哩，食落唔會好辣但香料味較重😋個飯有驚喜，用左薑黃飯而唔係普通白飯🤩雞髀扒好大塊，但唔係太滑所以普普通通☺️泰式青木瓜沙律木瓜沙律唔係太辣而且食落好爽口，酸辣酸辣好開胃👍🏻升級小食+$30（揀2款)泰式海南雞估唔到俾$30會有半隻海南雞，雞肉比較嫩滑而且無骨係幾方便☺️醬汁係酸辣酸辣，配埋一齊食好正😋泰式燒豬頸肉豬頸肉都好多，俾$30好值得👍🏻即刻燒所以有埋香味😍美中不足係淋咗啲，無左果種豬頸肉嘅口感🥹咖央多士$48呢個推薦一定要叫👍🏻兩款多士夾坐厚厚嘅牛油係好邪惡🤩同埋咖央醬都好多，食落好好味🥰
continue reading
餐廳裝修充滿南洋風情，從牆上的壁畫，到天花的草帽燈罩，都讓人客感到猶如置身東南亞。餐廳提供多款越南、泰國、馬來西亞菜式，更推出優惠的「二人套餐」，包括：沙律+自選兩個主食+小食+飲品。「泰式青木瓜沙律」，爽脆的青木瓜絲，配上生菜、菠蘿、番茄、芫荽等，加上泰式香料，微辣醒胃，木瓜絲有咬口。「火車頭湯檬粉」馬來叻沙湯底+$10，一大碗，份量不少。有：牛筋丸、肥牛片、牛筋及幼滑越式檬粉。牛筋丸夠彈牙，大大塊肥牛肉，腍軟香滑的牛筋腩，牛味十足，再配上椰香味濃的微辣叻沙，滋味無窮，果然是招牌菜式。「三寶飯」有：越式札肉、河內炸春卷、香茅豬扒，照樣是很大碟，炸春卷脆卜卜，炸豬扒滲透濃濃的香茅香味，配上惹味薑黃飯，更加錦上添花。升級小食 +$30「泰式燒豬頸肉」，有十大塊，而且很香口，肉質又爽口，真讓人驚喜的“小食”。「泰式海南雞」，半隻雞份量，去骨啖啖肉，雞肉嫩滑，口感特別好。「泰式奶茶」，味道特別香。「牛油果奶昔」+$20，冰涼、香甜、軟滑，牛油果混合牛乳，香味濃郁，食完辣味最合宜的飲品。最後，除了食物的性價比奇高之外，服務員姐姐的服務尤其值得稱讚，讓客人有賓至如歸的感覺。
continue reading
今晚下班跟爸爸到了荃灣晚餐，看過這間越南餐廳便入座了，時間尚早人流未算很多，但我們吃了一會兒餐廳便坐滿人客了。這個的二人餐十分抵吃，$228有兩款主食，可以自選三款小食，有一款青木瓜沙律，仲有兩杯飲品。今晚我跟爸爸加了$30轉配了特色小食兩款。餐廳食物份量相當大十分飽肚，而且十分好吃。泰式青木瓜沙律，酸辣辣很開胃惹味，份量很足好大份。主食方面，我們點了兩款粉，由各款不同的食材、湯底、河粉、檬粉、撈檬、飯可以選擇。咖喱雞髀肉撈檬粉，咖喱相當惹味，帶有濃濃的椰香，而且把咖喱撈上了檬粉，令每一啖檬粉都份外惹味。雞髀肉也相當樂吃，啖啖肉好好味，雞肉嫩滑、咖喱又香。這個主食我十分喜歡，而且份量超多。另一碗是蕃茄雪花肥牛湯檬，湯底酸甜甜的蕃茄為主，配上了肥牛，又香又啖啖肉，仲有檬粉可以吸入蕃茄香味。正。大大碗好抵食。我們升級了小食，點了一款泰式豬頸肉，想不到份量超多，豬頸肉啖啖肉又厚又好咬口，沾埋個醬汁食，酸酸甜甜十分惹味。泰式海南雞份量也很多，海南雞件嫩滑，啖啖肉，豐富好味。飲品點了熱奶茶和梳打汽水！這間小店的食物相當出色，而且價錢相宜，抵食夾大件，食物選擇又多，都會吃到捧着肚走。下次來又會再試吓其他款式。
continue reading