Le Three (Closed)

同幾個朋友一齊係觀塘食飯 行行下見到呢間藍色小店 係成條街黎講最特別 比人好浪漫舒服嘅感覺😆 坐係入面 感覺置身於藍白小屋 連牆身都掛滿希臘嘅相 感覺超舒服 可以同幾個朋友坐上一整晚😚 我地叫左Dinner set 同埋散叫左黎share 揀其他野食加翻$40 都可以變set 有湯同埋飲品😝 先上雜菌忌廉湯 濃香菇菌味 仲有碎粒係中間 有口感🤤煙三文魚藜麥沙拉🥗 好鍾意食藜麥 煙煙韌韌嘅口感 醎香煙三文魚 爽脆嘅菜 加埋酸甜醬 好開胃👍 然後上小食 叫左炸紫薯餅 呢個好味 炸到外皮脆卜卜 外脆內軟 紫薯好甜 加上有d 栗子混入其他 估唔到又好夾🤤 呢個雞排香煎意大利飯好驚喜 同一般嘅好唔同 佢好似一塊餅咁煎成餅狀 外面飯嘅口感就似煲仔飯飯焦嘅感覺 入面有香濃芝士同埋較鬆軟粒粒分明嘅意大利飯😚 頂級肉眼排 肉味濃 肉汁juicy 而且成隻手掌個大塊 4個人share 都夠飽 有些烤蔬菜在旁邊😆 蕃茄海鮮意粉 我個人好鍾意 尤其係個醬汁好清新juicy 唔乾 撈埋成個偏意粉好夾 有爽脆青瓜同埋酸甜嘅蕃茄 面上仲有各種海鮮 青口 蜆肉😆 最後仲有甜品 係焦糖燉蛋 面上焗得香脆嘅焦糖入面超滑嘅

今天來到位於觀塘一家西餐廳食午餐。門面為粉藍色，店內裝潢亦是以藍白色為主，餐牌上亦有希臘地中海風建築的照片，充滿希臘建築風格。餐牌有沙津、小食作為前菜。主菜則有義大利麵(pasta)、焗飯、義大利燉飯(risotto)、日式咖哩及扒類。另外，午市中亦有套餐。聽店員說，午市套餐的餐牌會每星期轉一次。意大利雜菜湯夠熱，雜菜豐富，建議可加入牛肉粒，提升味道層次。芥末籽忌廉雞扒焗飯 $74份量充足，雞扒size適中,，飯不會太濕,，西蘭花軟硬度掌握得好，唯白汁味道一般。忌廉汁三文魚墨魚汁意粉 $88墨魚汁味重，挺難得，配搭三文魚是很好的選擇。三文魚肉嫩口，整體海鮮味足夠。涷朱古力 $8甜度適中，有足夠可可粉的味道。涷蘆薈汁 $8很高興飲品有蘆薈汁的選擇, 有心思, 有不少蘆薈粒, 但個人覺得甜了少許。另外，店員殷勤服務，常注意客人的需要，亦十分有禮。總括而言，Le Three 是一家良好的西餐廳，價錢大眾化但有水準，是觀塘舊區進食好地點。

觀塘真係太多好野食啦，連放工約食飯都叫朋友黎觀塘附近😂餐廳小店經營，裝飾以希臘作主題，主要係藍同白色，食得好舒適朋友唔貴唔叫，叫左個setF😜同意大利飯，店員話加$40可以轉set，包餐湯沙律同飲品薯仔磨菇忌廉湯 賣相唔錯，舖頭好有心思咁用咗忌廉黎”拉花”，雖然個湯有啲稀(純粹個人喜好比較稠)，但用料依然好足夠，啖啖都食到粒粒香菇，尚算唔錯特色雜果沙律用料好豐富，除了應有既蔬菜外，仲有一大片哈蜜瓜、藜麥同煙三文魚🤩愈食愈開胃黑松露雜菇意大利飯 （$128+$40轉set)一上枱已經聞到陣香味，我一直覺得菇類同意大利飯好夾，果然無令我失望，啲菇令忌廉嘅味道層次更豐富，再加上芝士同羅勒葉，值得推介SetF 香煎鵝肝拼上級紐西蘭牛柳（$258）友人叫了7成熟，煮得岩岩好，不會太生亦不會太韌。鵝肝入口即溶仲要勁大舊，超滿足！但覺得可以再煎耐少少，令面層少少脆會更香口。最特別係配菜既薯蓉🤩一問之下原來係加入了紅菜頭，兩者好夾👍值得一試！

今日行開觀塘，尼左E間朋友介紹話有希臘風味的餐廳，所以心思思尼左。去到門口已經覺得幾靚入面以藍白色為主，感覺好舒服我地叫左3個lunch set，set C G H雜菜湯，唔會好鹹，蔬菜份量挺多的BBQ豬仔軍配蜜糖芥末汁啖啖肉，唔韌，易咬開，而且好入味。醬汁份量唔會太多，食完唔洗驚膩配菜的西蘭花冇菜青味，亦唔硬薯蓉夠香而不膩，不過唔夠蓉，食落仲有少少薯仔感覺。紐西蘭牛柳拼煙肉金菇露荀卷配紅酒燒汁 (廚師推介)牛柳叫左7成熟，平時食開7成會有少少韌，但今次冇，好易入口，好嫩果然係廚師推介配菜同上一道一樣日式醬油雞肉炒飯有雞有茹有日式雞蛋有紫菜，材料豐富，令沒有醬汁的一道飯增加了味道及口感雞肉份量有好多，足夠每啖飯都有雞肉，而且挺嫩的，冇雪味飯粒粒分明，唔會爛蓉蓉兩個staff姐姐好好人啊!!!!

最近聽同事話他家附近的宜安街有間高格調餐廳新開店兩個月左右，選用優質食材和街坊價錢，一於約埋知心友試試。店鋪地方唔算大，但佈置好有心思，似置身在希臘小白屋和帶有點聖誕氣氛feel。Lunch MenuE餐係鹽燒三文魚頭拼咖喱薯餅（配白飯),一上盤見有啱啱炸到熱辣辣嘅咖喱薯餅係我至愛，入口鬆化外脆內軟，令我滋味無窮，三文魚頭好大個肉質嫩滑鮮甜。朋友就叫G餐係BBQ豬仔髀配蜜糖芥未汁有三大件，配菜有翠玉瓜同薯蓉，朋友畀一件我試，入口有驚喜，肉嫩脂香，唔會靱我倆都叫羅餸餐湯，濃郁多料又夠熱。咖啡香滑唔洗落糖都好好味。我倆都同聲讚不絕口話今餐非常滿意，有高尚格調同質素，重係街坊價錢，下次要約埋其他friends再嚟食過。

觀塘除了工廠大廈食店之外,其實在舊區還有不少不錯的餐廳。 上個月豬豬就來到有白屋島餐廳之稱嘅 Le Three,品嘗改良地道西餐,想不到竟然有驚喜。 看來店主真的很喜歡希臘米可諾斯島,餐廳內的裝潢完全貫徹藍白色系。坐在裏面,有輕鬆度假的感覺。 當晚的餐湯是雜菜湯,看下去晶瑩剔透,雖然沒有肉類,但加入了香草,香甜可口。 雖然也吃過有藜麥的沙律,但是把它配合無花果一起食用,還是第一次。藜麥配合不同的食材,會產生不同的味覺享受。這道無花果藜麥 Parma Ham 沙律,酸酸甜甜的,加上爽脆的蔬菜,煙韌的藜麥,和鹹香的Parma Ham,又是另一種享受。 這杯綠茶曲奇香蕉奶昔,香濃可口,加上可愛的燒棉花糖,把整杯喝完,已經飽了一半。個人認為當作早餐或者下午茶更為合適。 這一塊五成熟的紐西蘭牛柳 ,看似其貌不揚,不敢恭維。 切開一塊放在口中,肉質竟然鬆軟無比,而且牛肉味香濃,完全無筋無渣。原來看食物和看人一樣,不能只看外表,內在更為重要。 原粒朱古力打碎沙冰,相對就沒有綠茶曲奇香蕉奶昔好喝了。朱古力雖然香濃,可是朱古力粒比較硬,失去了朱古力幼滑的口感。還是留給咖喱先生喝好了...

今晚約左舊同事嚟到觀塘食晚餐，行到嚟多餐廳嘅宜安街發現左呢間希臘風嘅西餐廳❤️❤️ 好難得觀塘呢個area有間比較靚同靜嘅餐廳，仲要闊落舒適😻 餐廳價錢以西餐嚟講都幾抵，百幾蚊已經有一個set! 餐湯係薯仔菇湯💖好濃郁嘅菇味，食到菇粒粒，有咬口👻👻👍🏻 之後係salad(^^) 好有心思放左龍珠果係上面添^ ！三文魚好大塊，配上沙律菜同藜麥食味道夠fresh🐿🐿 第一個main係雞扒牛油果煎意大利飯🤤好特別嘅菜式，意大利飯煎左再上所以香口d. 入面有豐富嘅牛油果、菇粒等等，食落口感多有層次👅而雞扒係非常juicy! 雞皮又薄又脆口😋😋 另一個係莎娜美腸大蝦意粉🌟意粉煙韌，夠番茄味，比較清新！而大蝦好彈牙:-D 吸左d汁仲惹味👻 2人咁都係食左326蚊其實係抵玩！下次要再嚟食下😺😺

星期六晚同朋友行完apm去左宜安街搵食，行行下比粉藍色既門面吸引，呢隻粉藍色令人感覺好舒服，於是同朋友入左呢間餐廳食晚餐。店內同樣以藍白色為主色，牆上掛上希臘圖片，仲有串小燈飾，成個環境好舒服又靚。主餐牌同樣貫徹希臘風情，食物種類同飲品款式都有好多選擇。雜菌忌廉湯，好濃菇菌味。沙律有鮮無花果，好特別有藜麥，曾經聽聞過藜麥係一種營養豐富既健康食品，對身體腸胃有益處。沙律菜新鮮，醬汁酸甜開胃。牛肝什菌扁意粉，菇菌份量多，意粉個醬汁好香濃，好食。牛扒，選了五成熟，肉味濃。配有一些烤蔬菜，有薯仔片，豆角等，可作平衡健康。餐飲方面有士多啤梨梳打同焦糖紅豆，前者味道較淡，後者較甜，味道幾特別最後買單四百多元，不算昂貴

今晚諗住喺觀塘覓食，本身諗住食米線，但係諗諗吓都係麻麻地想～然後就經過呢間充滿希臘風情的餐廳跟住望吓門口嘅餐牌又覺得幾吸引所以就入咗去食啦！佢個價錢都幾親民，百零蚊有個湯、沙律、餐飲同埋主菜！佢個餐牌同埋d裝修都係希臘嘅小鎮風景feel~令到我感覺好似置身係希臘當中雖然冇得去旅行， 但係坐係度個感覺都非常之良好，好似去左一轉旅行咁！佢個餐牌其實都有好多選擇~例如沙律都見到有好多款揀，但係數黎數去最抵食都係個set Menu入邊嘅set dinner $200唔使有個湯同沙律餐飲仲有主菜！我哋叫咗set A芝士肉醬千層麵同埋set c鹹豬手配炸薯條~分別叫咗凍朱古力同埋凍檸茶先來個煙肉蘑菇湯，呢個蘑菇湯質地非常之順滑，調味亦都唔會太咸～上碟仲有棵樹，令到成個觀感非常之好我都唔忍心搞散個拉花之後就嚟咗先三文魚藜麥沙律～ 沙律個醋汁酸酸甜甜咁非常之開胃！藜麥都非常之有咬口～菜同青瓜爽脆，番茄就酸酸甜甜，而梨既襯托之下成個沙律都令人感覺非常之清新！呢個係set A嘅芝士肉醬千層麵，呢個千層麵實在係十分之出色！辣肉腸非常之脆口，面與面之間亦都夾左適當份量嘅肉醬，面層鋪滿芝士食落口非常之咁豐富！邊

今日同朋友黎觀塘覓食，想靜靜食下西餐，經過呢間藍白色招牌嘅小店，就決定入去試試。一入到去有少少驚喜，原來除左門口，𥚃面整間都以藍白色為主調，甚至連餐枱，餐牌都充滿希臘風情。點咗兩個dinner set，餐湯係煙肉薯蓉湯，簡單的好味道。餐飲就要咗店員推薦嘅檸檬薄荷茶，檸檬配上薄荷葉嘅獨特香味，感覺非常清新，再倒入少少蜜糖味道更豐富。主菜有德國鹹豬手配酸菜炸薯條，好貼心地豬手已切成一片片。豬手略為乾身，但入味香口，再配上蜜糖芥末籽醬非常夾。海膽墨魚汁海鮮意大利飯，賣相好靚。個墨魚汁飯好夠味，再拌上少少海膽一齊食，正呀海鮮配料都唔少，有蝦，青口，貝柱，墨魚仔等，非常豐富。

放假經過呢間餐廳，見佢粉藍色門面睇落唔錯，又好耐無食西餐,就入去試下。餐廳用藍白色海洋做主題，整體裝修風格一致，連餐牌都令人好似置身希臘愛琴海一樣。我地點左套餐D再加碟意粉，餐湯椰菜花煙肉薯蓉湯嘅調味唔錯，唔會太濃，仲有粒粒煙肉。三文魚黎麥沙律亦好開胃，蔬菜全部切得大細恰當，少少帶酸嘅醬汁加黎麥好夾，本身唔太鐘意食黎麥，但今次成功令我改觀，值得一讚！主菜西班牙黑豚豬肉眼扒擺碟精美，豬扒煎得啱啱好，肉質鮮嫩多汁，配合醬汁食味道一流，功力十足嘅一道菜！之後嘅車厘茄香草汁大蜆扁意粉亦唔錯，扁意粉入口質感佳，大蜆亦份量十足。飲品焦糖曲奇沙冰好創新，味道略甜但飲得出焦糖曲奇味，表面嘅綿花糖同cream非常好味！甜品係法式焦糖燉蛋，焗得表面金黃，燉蛋香滑有蛋香，唔會太甜😋總括而言，餐廳環境舒適寧靜，食品質素高，想食西餐嘅朋友可以一試。

每次去觀塘宜安街都係食小菜，今次經過無意中見到有間新開既西餐廳就，間餐廳裝修到好似去咗希臘愛琴海咁🤣一坐低店員就好細心咁問我地要唔要杯熱水，又好用心介紹每一款食物，好抵讚😆👍🏻最後叫左個套餐，套餐包餐湯同沙律，今次係忌廉蘑菇湯，唔會太濃味，有淡淡既蘑菇味😋佢仲話餐湯每日一款日日唔同，沙律就係煙三文魚藜麥沙律小食叫左個天婦羅蝦，同出面嘅好唔同，呢度脆卜卜又啖啖肉🤤Main就叫左個西班牙黑毛豬肉眼扒，非常大份😍仲好juicy，肉質嫩滑，睇得出食材方面非常之講究帶子墨汁意粉味道都唔錯，帶子煎到好香又鮮甜飲品方面叫左橙汁橙酒同埋棉花糖香蕉朱古力曲抹茶，好鍾意呢杯野飲，因為冇落任何添加劑同糖，好健康😆仲有好香嘅香蕉味，同埋一粒燒到好好食嘅棉花糖，入口即溶🤤至於甜品就係藍梅果茶奶凍中間層啫喱係用果茶整出嚟，食落口有淡淡茶味同埋好香既梅味，加埋奶凍配合得好好，成個感覺好清新唔會太甜，就算食到飽飽都食得晒成杯奶凍🤣

而家好多創新cafe小店已經靜靜地起革命，要令顧客重臨，一定要係環境，服務和廚師出品落心思，好似係牛頭角宜安街以往祇是蛇舖，海鲜火鍋，而家連西式餐廳也進場，令一眾食客選擇多左。呢間新開業不久嘅小店絕對落左唔少心思和功夫，街外好容易俾佢裝飾設計吸引，用上天空藍，温暖舒服用餐好重要小店不大經常滿座，最好還是訂枱服務員好細心介紹廚師推介出品，最後當然不會令佢失望，選了兩set dinner B 和 D先來兩杯餐前飲品，賣相已經好吸精，鮮橙梳打加上少許酒精，透心涼之外，還特別醒神開胃而朱古力忌廉太甜，飲落舒服餐前湯係羅宋，湯味濃又熱，料十足炸紫薯十分香口，外脆金黃，内軟熱薯真的很夾風乾巴馬火腿黑松露意大利雲吞，廚師精心擺設已滿分，再用上貴材火腿和松露鋪面，而雲吞好似港式奄列，但皮薄煙韌有口感已經贏晒西班牙黑豚豬肉眼扒，又另一傑作煎黑豚豬恰到好處，口感十足，配上温和醬汁帶出香味，肉質嫩滑，再加配健康伴菜，用心之最沙律係西餐不可缺，廚師用上藜麥配搭大塊三文魚和鲜菜，淋上酸汁消消滯最後上甜品，暖暖布甸面上一層薄薄焦糖，帶出甜暖嫩滑層次，出色小品埋單都係五百幾，絕對抵吃

老闆係由五星級酒店過黎開鋪，下午2點先有機會食lunch,很到門口見到2點仲有客起，所以非常放心叫野食，今次叫左個芝士雞肉意粉，芝士味唔過濃非常配合到雞肉意粉，食飽仲到見不斷有熟客來食飯，證明其他灣應該都唔差，期待下一次食飯

WEEKDAY放工晚上同朋友一共同3個人喺觀塘宜安街搵食，宜安街一向最多食平民海鮮同內食蛇，今次想搵個地方靜靜地傾計，就入左去試呢間好有希臘FEEL嘅餐廳， 店內裝修好relaxing，服務亦一流！是日餐湯係磨菇湯，CREAMY得黎又唔會太「杰」，岩岩好前菜有藜麥三文魚沙律，醬汁調味恰到好處，蔬菜亦好新鮮！我地主菜ORDER 左香草三文魚忌廉意大利飯，硬度適中，好易入口，唔會過硬～而豬手配薯條，豬手塊皮脆卜卜，薯條炸得岩岩金並黃，一D都唔燶～至於燒春雞，唔會燒得太乾，肉質亦夠嫩滑！而且份量幾大， 3個人差D食唔晒！最令我地IMPRESSIVE嘅係配菜亦有飾心烹調，一D都唔馬虎，菇都好好味！3個人最後食左600幾，質素唔錯價錢合理！值得一提係小店服務一流，好詳細為我地介紹～但座位唔多，建議訂枱～！