Le Viet (Closed)

環境都好大，好適合同朋友食野傾計咖哩軟殼蟹鍋，原價$113，而家優惠價$93， 有優惠咁梗係叫一鍋啦， 咖哩用鍋上，用火熱住， 咖哩熱住食係特別好食， 都幾香，辣度適中， 軟殼蟹係另外用碟上，好細心， 用嚟點咖哩，依然食到軟殼蟹既香脆又有咖哩味，或者浸喺咖哩度食，會更淋但吸到更多咖哩汁， 除了軟殼蟹還有微微炸過的薯仔，配咖哩一絕。 呢個鍋仲配有法包， 呢種法包唔係外脆內軟嗰種， 而是比較煙韌， 濕潤有口感，帶微溫， 都幾鍾意呢款法包。還點了印度薄餅配咖哩($25)食烏頭，之前多數都食叫明爐烏頭， 呢度有一款香茅燒烏頭($173)，即點即燒， 所以由下單道上菜都等了差不多十五分鐘，上菜的時候還很熱冒著煙，魚皮非常脆身，但由於還連著魚鱗，所以還是吃魚肉為主，魚肉肉質彈牙，帶香茅香，但比較乾身， 所以蘸酸辣醬更好味最後芒果糯米飯($55) 都唔錯，芒果香甜帶微酸，入口冇渣， 椰汁較淡，有白糯米飯和紫糯米飯，軟綿煙韌

係地鐵站出黎就會見到有位姐姐拎住大大個牌介紹人食le viet，今日係假日都有lunch set一於去食下我食既手撕雞撈檬唔係set lunch但都唔貴，超大碗，炸蒜同蔥令撈檬更有咬口同香口，青瓜絲、蘿蔔絲同生菜配合醬汁非常清新，好耐無食撈檬既我好滿足😋老公叫既lunch set海南雞飯$68連飲品，雞肉底下有唔少菜，健康均衡，肉亦嫩滑，油飯軟綿且香燒香茅烏頭，厚厚既外皮底下係嫩滑無比既魚肉，鐘意食烤魚既人唔好錯過😊

約朋友食飯旺角最就腳，位於銀行中心非常方便。美食多款仲有優惠，可算是經濟實惠，而且環境寬敞，枱與枱距離疏遠可自成一國，食得十分自在。精選越式拼盆 $98小食四款非常滿足，燒豬頸肉口感爽彈，炸蝦餅香脆有咬口，越式春卷脆卜卜餡料肉碎粉絲幾好食。扎肉蒸粉包皮薄餡靚，餡料有木耳肉碎蒜片香蔥扎肉，口感爽脆味道豐富。越式咖哩軟殼蟹鍋配法包 $93咖哩用火加熱食的確好味，咖哩甜而不辣帶少少椰香，法包索汁食都唔錯，炸軟殼蟹食時先沾上咖喱汁保留口感鬆脆。仲有好多薯仔，食完都幾飽。香茅燒烏頭 $173燒烏頭製作需時最尾先上。烏頭大條夠二人食用，魚肚塞滿香料。揭開魚皮香噴噴，魚肉雪白肉質厚實，食落唔腥無泥味，有少許細骨要小心食，醮埋越式酸辣醬，辣酸開胃好食。

今日約左朋友仔出旺角晚餐。想搵個地方不限時，坐得舒服。朋友仔就帶左我去這餐廳食越南菜。餐廳在銀行中心，近地鐵站，十分方便。蒲進去就見地方闊落，非常光猛。而且每張枱也有很高的透明膠片隔住，無論是除罩食飯或是傾偈聊天，我也很安心。細看餐牌，很多菜色也融入了海鮮🦞。身為海鮮控的我點了咖喱炒大蜆和香茅燒烏頭。烏頭也是一貫風格地以鹽焗脆外皮，內放入香茅黃薑等香草料。好不好吃就取決於廚師燒炙的技巧。今次燒到恰到好處，沒有太老，魚肉夠彈牙。另外有香草醬點魚肉，醬汁清新醒神，不過本身魚肉已經好入味，點了香草醬是錦上添花。咖喱炒得蜆很入味。咖喱汁加了香草、洋蔥和蛋花，這個組合很讚，香料的惹味加上蛋香，令咖喱汁生色不少。我們另外也點了薄餅撈上咖喱汁一起吃。薄餅本身也有濃香牛油，製作並不馬虎。另外點了去骨海南雞和煙三文魚紙米卷。紙米卷皮薄餡靚。而且加三文魚這個fusion很特別，平時多見扎肉和軟殼蟹。海南雞也有驚喜，肉質鮮嫩，沒有任何腥味，廚師功不可沒👍🏻點了那麼多肉，也不忘吃一下蔬菜類 - 蒜炒西蘭花🥦。蒜蓉炒得焦香，西蘭花爽脆香口，鑊氣夠火喉。餐飲方面，我們各自點了椰汁紅豆冰和椰汁綠豆冰。椰汁其實是濃濃

Le Viet 令我驚喜嘅係，菜式唔單止係越式咁簡單，加入左好多不同風味，泰式法式越式港式，當然佢出眾嘅當然是越式河粉，但今次專登約左朋友K嚟試吓佢其他特色菜式。因為位置真係好方便，銀行中心一上電梯就望到，佢唔少人嚟聚腳嘅地方，座位好寬宏，岩多人聚餐，不過，依家就三四個就算啦！我地都遲左少少，但好彩係有訂位，唔洗等，坐左一陣，人流開始多，不過唔會好迫，鋪位相當大，坐落非常舒服唔吵。兩位都係食肉同肉，今日唔叫越南湯河撈檬，我地大膽叫左香茅烏頭，半只海南雞，咖哩炒大蜆配印度簿餅，蒜蓉西蘭花🥦，煙三文魚紙米卷，加兩杯椰汁紅豆/綠豆，好少餐廳有綠豆冰，但一試愛上。我欣賞兩個主菜，烏頭烤得非常香，香茅已入晒烏頭度，食落有淡淡香茅加香草🌿清香，另外配上特色越泰酸汁，酸酸辣辣啲，好野味，跟烏頭好配搭。海南雞值得一贊，太細心同做得唔錯，肉嫩香濃，加上黑油同酸辣汁。細心在於，佢連雞翼都幫你起埋骨，食咁多間，只le viet 係咁，但一啲唔影響口感，都係濃香肉嫩滑。咖哩咖太嫩岩晒港人口味，加上有滑蛋香濃中加啲滑，配上大蜆鮮甜，是唔錯。總括，Le Viet香烤菜式，咖哩海鮮加埋特色酸嫩汁，係其他越南餐廳食唔

自己一向都幾鍾意嚟呢度食越南菜，尤其係佢嘅越式牛油焗大蝦頭🍤，今次同朋友嚟食，我哋叫咗一份午餐，另外再叫咗一份牛油大蝦頭。買單計每人都係百零蚊左右，特別想提一提嘅係，呢到店員服務都非常好。一坐低嘅時候，餐廳準備嘅餐具都非常完備，絕對好似已經知道我哋會來食海鮮一樣。特別欣賞佢嘅係會為我哋準備消毒濕紙巾，真係任何時候都用得着。我哋落單，叫咗個生牛肉湯粉，$59，包一杯飲品，咁我哋就叫咗滴漏咖啡，因為始終係越南餐廳，梗係要叫番啲有越南特色嘅飲品。咖啡一嚟到嘅時候，就會見到佢一個好熱嘅鐵壼，面有咖啡慢慢咁樣滴出嚟，而下面就厚厚的一層煉奶。一路滴嘅時候，香氣慢慢滲出嚟，咖啡係好苦嘅，但有咗煉奶之後，就溫和好多。由於我鍾意飲凍飲，所以餐廳亦都另外加咗個冰底俾我。生牛肉河粉送上黎，我可以講，我最鍾意嘅除咗係佢嘅牛肉之外，牛肉非常嫩口，係有牛味，冇雪藏味。仲好鍾意佢個湯底，甜甜嘅牛骨湯，令到成碗牛肉河粉嘅質素昇華左，飲落去嘅時候，絕對唔會感覺係一碗味精湯。河粉亦都非常高質素，條條分明。之後就到重頭戲，牛油焗大蝦頭，$228，我有一個好深嘅印象就係一嚟到嘅時候，全部人都望住我個牛油焗大頭蝦。我估背後個原

這家東南亞餐廳之前社會運動時食過一次，感覺唔錯，年幾後的今天，疫症來到疫苗注射前，剛好經過，與友人來光顧，同之前一樣咁多人幫襯，在此市況下實屬難得👍👍👍海鮮沙律清新🤗🤗🤗開胃不過魷魚有點生😂餐廳要注意海南雞 好好食👍👍👍👍👍👍好surprise 2個人好快好快清左成碟我話必食😂😂😂咖哩虎蝦咖哩味就無咩🥲虎蝦個粉拉油 有點厚可以唔叫這個...有點失望總結：虎蝦外，海鮮沙律、海南雞都好好服務員都好主動有禮

今日同屋企人黎到旺角，特別想食燒魚就黎到呢間性價比咁高既餐廳開餐啦。講食物之前，一定要讚一讚呢間店既一名女經理，超級有禮貌，亦會同我地講解下d食物，好體貼。食物方面最好食係香矛燒烏頭 ＄173女經理同我地講，因為呢道餸係生燒所以會需要多少少時間。當見到呢道餸上台既時間，真係冇失望，超級香，肉質鮮嫩多汁，香料亦配搭得好出色。去骨海南雞飯 ＄68 連餐湯好多菜係底，而且雞肉大大件，超級好食。牛油雞翼 絕對可以算係必點之選，牛油味勁香。

男朋友打完排球經過旺角忽然覺得肚餓於是去了一間真正的越南特色風味餐廳。地鐵站走上嚟唔到三分鐘非常之方便。我同男朋友都鍾意食魚所以叫咗個香茅燒烏頭食。這款魚特別之處就係鮮甜無比而且非常新鮮。裏面配上香茅同埋其他唔同嘅泰國薑材料。可以講係分外入味而且入木三分。令人覺得一再懷念這種越南風情。我自己另外叫咗個真正越南海南雞飯。別之處還有油雞香而且雞香鮮嫩肉滑。其他餐廳唔一定享受得到。不同的香料炮製不同的食物加上服務我覺得很滿意。

今天天氣好，帶爸爸出旺角Le Viet吃午餐。爸爸愛吃魚，便叫了一條香茅燒烏頭。魚即叫即燒，等了約半個鐘便送來給我們享用。魚很大條放在生菜上，魚皮擦了鹽來燒，魚肚內塞滿香料。切開魚揭開魚皮內面是雪白香甜的魚肉。用隨魚附上的酸甜醬汁點魚吃，令魚肉更鮮美。魚沒有腥或泥味，真材實料，保持肉質鮮嫩，香茅燒比蒸或明爐烏頭更好味。爸爸很開胃，一個人吃了半條魚。魚不油腻不咸，有營易消化，魚骨亦不多，值得推介。我愛吃串燒，叫了半打，有豬，牛和雞。三種都好吃，燒得不過火，保持肉質鮮味。沙嗲醬香甜，用來點串燒超好味。青瓜菜絲清甜。午市有多種超值套餐供應。我們選了咖喱牛腩飯，跟湯及飲品。咖喱牛腩用爐仔上，熱辣辣更好味。牛腩淋，牛筋更正，咖喱香甜不辣，配菜薯仔洋葱青椒都美味。冬瓜餐湯和熱奶茶都不錯。吃得滿意，經濟實惠，招呼好。下次再來。

今日難得放假又放寬晚市就同老公岀左旺角食晚餐，老公話想食越南菜我之前食過le viet 覺得幾好食就帶距去試下，不過我地因為買左七點半睇戲，所以五點半去到嗰陣時都唔係好多人。原來11:30到6:30會有set meal 價錢仲超級優惠添所以我哋叫左一份串沙嗲配香辣炒飯包一杯飲品，我地加八元轉左越南滴滴咖啡另外叫左條香茅烏頭同一份精選拼盤。沙嗲配香辣炒飯串燒一共有三串包括有牛，豬同雞啲串燒係即叫即燒全部都新鮮熱辣咬落唔會好硬配埋個沙嗲醬真係冇得輸，個炒飯就唔係想像中咁辣食落都非常惹味。越南滴滴咖啡杯底有一層煉奶，可以中和返苦澀嘅咖啡，我哋叫咗凍飲，所以佢另外俾咗杯冰我哋，滴滴咖啡真係非常之珍貴，因為加入杯冰到只係得半杯飲，真係飲到唔夠喉。香茅燒烏頭一上台都嚇親因為都真係幾大條下而且好重香茅味，佢啲魚皮用啲鹽醃過所以比較硬身容易打開淨係食入邊啲肉，肉質食物都好嫩口配埋啲青色嘅蒜蓉辣醬非常之夾！精選拼盤入邊包括有春卷，炸蝦餅，扎肉蒸粉包同埋有豬頸肉，食物全部都新鮮熱辣美味可口，令人食到停唔到口。

雖然疫情並未減退，不過年近歲晚，始終要辦年貨，便到旺角逛街，適逢午飯時間，想起了這裏，便來到了。香茅燒烏頭$173，需時約20分鐘，以粗鹽烤焗的烏頭，魚肉沒有泥味，只有鮮甜味道，加上泰式酸辣汁，就更加美味，值得推薦。海南雞飯$68，雞肉已經起骨，啖啖都是肉。雞油飯味道香濃，點些海南雞醬和黑醬油，味道更加好。青檸梳打加$8，青檸味到十足，非常配合吃海南雞飯。豬頸肉撈檬$64，豬頸肉炭燒味道香濃，配上酸辣醬汁，非常開胃，亦可減少油膩感。凍咖啡加$5，雖然不是泰式咖啡，但咖啡味道十足，跟餐來說說是不錯。

有時都會想食下越南菜，但之前試過呀來又覺得一般，今次Le Viet幾岩我口味😋牛油焗大頭蝦🌟🌟🌟🌟友人好鍾意食蒜，我又好鍾意食蝦🦐所以試下😝🦐有手掌🖐️咁大隻，即使炸過，d肉質都唔會梅👍有時食哩種調味料好重既菜式，都會發現d材料唔係太新鮮，但哩隻🦐d肉仲係實既，個蝦頭都有膏🤤豬頸肉炒金邊粉🌟🌟🌟🌟🌟好有鑊氣！！！之前食過其他果d真係霉霉爛爛，d粉斷曬..哩個我真心鍾意！加埋d青檸汁就會清鮮d，豬頸肉都好食😆唯一美中不足就係份量唔夠多，唔夠我食😝海南雞飯+ 青檸梳打特飲哩個set幾抵食，海南雞都滑，青檸梳打枝梳打水原枝上，無特別落糖漿，飲得健康d😊平時d青檸梳打如果冇糖漿真係好難飲，但係呢一個真係覺得唔錯😗總結大家鍾意越南菜🇻🇳都可以過黎試下🤩

旺角Le Viet and係食越南菜，香茅燒烏頭好似烤嘢，好大一條，即叫即燒，要等一陣，一上檯香味撲鼻，魚肚裡塞滿了香茅、薑片，味道複雜又獨特！魚皮香脆，魚肉緊實鮮嫩，魚肉咸香配泰式青辣椒酸汁，好開胃。豬頸肉米紙卷一個個圓卜卜，表面撒些花生碎，米紙薄薄啲晶瑩剔透，口感滑溜，夾埋豬頸肉粉絲生菜，點酸甜汁一起食，入口有香茅味，味道好好。手撕雞撈檬，手撕雞還蠻多，撈檬加埋佢個啲酸甜汁撈埋一齊食覺得幾開胃同幾清爽，鍾意食凍食嘅朋友可以試下。椰汁紅豆冰，椰汁香滑濃厚，紅豆軟糯香甜，好好飲。

今日晏晝請左半日假，收工後約左個朋友係旺角食lunch，放假mode決定食好啲啲🤣我地叫左份香茅燒烏頭，咸魚炒芥蘭（我兩日無食過菜🤦‍♀️）同埋串燒雞牛豬配香辣炒飯套餐(配餐湯同飲品)✌️餐湯係雞湯，似平時食海南雞飯配果隻湯，清甜唔油膩👍以往食泰國菜既烏頭通常都係明爐煮，今次就試下越式煮法👉燒～烏頭一上檯就聞到超級香！雖然係燒但就算就咁食唔點汁都唔會乾身，肉質依然嫰滑，點埋酸辣汁食就係另一種風味，更加開胃😋咸魚炒芥蘭嫰綠爽脆，芥蘭唔會有澀味，咸魚味好香好濃郁👍串燒雞牛豬配香辣炒飯有齊晒三款肉岩晒我呢個三心兩意既人🙊串燒燒得好靚，每樣一串加埋Ｄ飯其實份量都唔少😮雞肉好滑，炒飯乾濕度岩岩好，呢隻辣真係幾香唔係一味死辣，非常惹味🤤期間見到有其他客人叫左個賣相勁靚勁吸睛既蝦，好似好吸引，下次要試下😁 原來宜家出左到會，其實我覺得新年一班人食呢啲仲吸引過盆菜🤣