利小館 (Closed)

之前我同朋友都泥呢一間到食過既....之前D野食感覺麻麻....不過今次我同D FD睇完戲諗住食D野點知經過呢間野....諗緊入唔入去食但係我地實在大肚餓啦...我地決定入去食....點知一打開本Menud菜色轉左...有好多菜色都未見過跟我地就叫野食啦蘿蔔千絲酥，呢個就好好味....千絲酥唔油，入面夠晒熱，好新鮮。石窩魚 ok 好似食鐵板燒咁....d香味好勁...未上枱都已經聞到陣味...好香荷葉飯 好正...上一次食果個荷葉飯好唔得....食次呢個好好食...好入味 值得推介天麻燉魚頭 服務生推介我地試...我地就決定試下, 好重天麻味....d湯好清甜(值得一試)冇去呢間野一排...估唔到轉左新菜牌同菜色d服務好左...我諗我會再去多次

工作關係.是日遠渡中環.黃昏時順道相約愛人在銅鑼灣時代醫肚.愛人話去翡翠食.但當到了翡翠门口時.看見前少少有間利小館記起它是利苑的副線.應該有水準呱.于是行前入去.見裝修簡單.似想走平民化(合我).坐下愛人急急點餸(因我全日未有東西落肚)小籠包 ok 但比不上翡翠及霸王山莊芥末沙律 不是我杯茶(大多醬)茶薰鴨 食不出同燒鴨有何分別(價錢就有分別)荷葉飯 不錯竹庶矛根 太甜夫妻腎片 可以拉麵 口感差少少煎餃 算不錯了一共叫了八樣.但我張枱好細.當時6:15.店內一半客人都未有.我倆口子就迫住迫住食(心想稍後可能好多人).仲迫過麵檔.好掛住翡翠的大卞位呀.到走時7:10店內都係一半客人多少少..我倆口子就迫住迫住食左一餐.(銅鑼灣寸金尺土)

有時都係以品牌去選擇，今次試下這個副牌。冷盤要左醉雞，係隻雞脾黎，肉幾滑下，不過暖暖地，奇怪，無咩酒味，古怪，好普普通通的醉雞。燒排骨，得九件，睇落色水唔錯，燒骨味道夠，係真的覺得少了點。小籠包，皮厚厚，肉餡唔太特別，肉汁勁多，其實唔係多就好，今次覺得過左火。娃娃菜，D菇有D苦。菜肉雲吞麵，用上係日式拉麵，見張點心紙都係寫拉麵，無言，只是好奇點解用上日式拉麵。雪梨茶，見有凍供應，要杯，原來只係唔熱，唔係凍。杏仁茶，只有輕輕杏仁味，中規中矩。以食物水準計，真係跟同系集團水準有很大差距，對於服務也不太滿意，收我這價錢，沒有喊臉算是這樣。

想食下中菜，離不開酒樓架啦，但同朋友想傾下計黎呢度都幾好；加上之前好多報章都有介紹過，今雲就親身試試看。要左個招牌菜冰燒三層肉 (即係燒肉)，68蚊得果9件仔，又冇咩好取之處，快餐店既燒腩仔可能仲好味。皮真係好脆既，但肉唔香，而且夠夠肥美 (燒肉應該有肥有瘦架嘛)，好似得啖肉，但都唔係好味呢...小食要左蘿蔔千絲酥，呢個就好好味。 千絲酥唔油，夠晒熱，好新鮮。酥皮內除左有蘿蔔絲之外，仲有個蘿蔔汁，濕濕地唔會乾身好熱氣，而且果汁好好味，調味剛剛好!! 讚!! 主菜要荷葉污糟雞，雞件好滑，但甜甜左少少同冇咩荷香，中規中矩吧~飯類就要左蒜香金貝吳炒飯，即是蒜蓉瑤柱菜粒炒飯。個樣真係好掂! 但一食就唔得啦...... 飯粒係冇做到一粒粒，但有點兒過左火，炒到 飯粒好硬好難咬，真係少D牙力都唔得架!! 味道方面都幾好，有好多瑤柱，但係都係好韌!! 飯又係咁，佢唔係翻叮翻炒架嘛....總括黎講，呢餐係又貴又唔好食既，以佢既價錢可以食得好好。而且菜式方面都冇咩特別，唔專，仲有好多上海野，同一般酒樓無異，但就貴好好多!!! 真係唔抵!! 又冇服務!! 咁樣海好難做得住果喎!

屋企人睇雜誌見到呢間話想試下, 即刻打去訂定位, 估唔到假日都有訂位服務. 坐位方面比較迫, 枱與枱之間好近, 所以都比較嘈. 當晚點咗以下食品:煄魚 - 肉厚味濃, 唔錯荷香污糟雞 - 以為咩咁特別, 原來只係荷葉蒸雞, 份量唔多, 雞肉尚算嫩滑紅燒獅子頭 - 味道一般小籠包 - 皮薄多汁, 食完忍唔住再encore一籠蜂巢芋盒 - 味道同酒樓芋角差唔多擔擔麵 - 好惹味, 值得一試以後又多一個食小籠包既好地方~

第一次跟家人到此晚餐，屋企人話食評都唔錯，試下啦...叫左以下食物︰- 生煎包︰包的皮好軟熟，D 餡OK，唔算太油，個底可以煎 lone 少少- 小籠包︰賣相麻麻地，個整好似散散地咁，但肉汁好甜，個皮唔算太厚或太薄，但係食得出D肉係較肥的... 味道都OK- 羅白絲酥︰呢個幾好味，唔油- 擔擔面︰呢個係最好食，唔會得麻醬味，有少少辣，好食...- 梨山醬骨煲︰呢個味都好好食，好送飯，我以為梨山係酸汁，但原來係有豉油、蒜頭..- 荷香污糟雞︰雞有荷葉香味，但係都幾油，因為雞皮出左的油，會積左係荷葉上面，但佢同紅棗呢個配搭唔錯...價錢唔算好平，小食都幾貴...基本上，服務都唔錯，加茶加得好密，食物都好快到...食物的水準都算中上....我會再幫親...

同朋友都早放工,早d黎食dinner,早d食,唔駛等位.雞絲粉皮: 一般貨色,青瓜仲有d老.鴨舌: 個汁好味鳳爪: 呢個最好味,炆到好入味,連墊底既花生都好好味! 馬拉盞炒雜菜: 好香口,不過有d辣.嫩雞煨麵: 個湯太杰,d麵又太糊,唔好食.小籠包: 正常水準總括黎講都ok,尤其係叫左咁多野都唔駛300,合理.

1-9-2010一早聽聞呢度係利苑 (http://www.openrice.com/restaurant/commentdetail.htm?commentid=1859914) 開出來的, 加上早前 C 太太話「幾好食」, 是日收工約朋友到銅記食 dinner walk-in 嚟試試. 叫了 3 款點心/包點, 2 款小食及 1 碟菜, 再一人一凍飲, 但整體印象認真麻麻:-「爽脆海蜇」: 海蜇夠爽的 (但其實海蜇要「唔腍」有幾難呢?), 浸喺一灘酸得很的汁液內, 食落有輕微的辣味, 亦酸到阿媽都唔認得, 幾大煞風景.五香牛腱: 醬汁聞落夠香, 味道濃甜, 不過朋友話覺得「個 aftertaste 好似豬腳薑」, 係醬汁混了鎮江醋產生的「幻覺」? 牛腱薄切, 亦鬆化入味, 幾好食, 亦係全晚唯一好食的一味...蘿白絲酥餅: 據聞係利苑「名物」, 不過我未食過利苑的點心, 無得比較. 呢度的做得酥化, 唔會好「粉」又唔油膩, 蘿白絲餡料亦清甜爽身, 不過最幾少吓 , 感覺有點到喉唔到肺.蒸銀絲卷: 做得熱辣鬆軟, 蘸埋煉奶都幾難唔好食, 不過邊有「絲」呀, 絕對唔係

近期學校放假, 好想襯機會試菜, 難得有假期!2010-8-6 小籠包(26) 新鮮熱辣，皮薄餡靚，肉既份量適中又有湯 雞絲粉皮(42) 一點不像涼拌, 點解噤咸? 不夠花生醬及青瓜, 雞好"鞋" 2010-8-28椰皇燉鷓鴣(58) 應該是減了材料 (只得一隻鷓鴣腳, 一片鷓鴣肉, 幾條代蟲草, 3粒杞子, 2小粒瘦肉, 好在d 湯都幾甜 青芥末汁伴螺花(46) 不會再有下次 生煎鍋貼(28) 等了很久才有, 因阿姐不知台號, 送錯給別台, 味道好好, 我鍾意

Luxury Brands developing a more affordable line of clothing or accessories seems like a good way to expand its market, or target audience, After all, fashion magazines are becoming more popular among audience at increasingly younger age groups, 'Style at every age' is finally being realized, and while trendsetters may not want to admit, it's great to see that those who think they can create styles, or influence their change with details and trends, are developing variations or alternatives to re

與女友在UA時代由夢境回到現實世界，第一件就是知道肚餓，未吃飯我們立即走去先醫肚，就近近地來了這所也挺火，又人氣的利苑延伸小店，看看又好不好吃。近十時仍是要等位，幸好也是不消十分鐘已經有位了，與女友安頓好之後，坐下第一件事就是發覺此處勁嘈！我不是想投訴，因為來得這些地方也是在預算之內，只不過在此希望可以如實告知讀者。之後我們都研究餐牌了，除了印刷精美的餐牌，店家另有一張如點心紙的落單紙，印得密麻麻的有齊飯麵、點心、頭盤及小菜，我們圈好之後就交給店員。先來的是冷盤醉雞，但我取了一件雞一吃，為何雞是暖暖的，莫非醉雞不是冷盤來的嗎？這個感覺已叫人覺得奇怪，加上浸着雞的汁很油底，看來此雞不是煮好了用酒浸，而是用上雞湯煮好了雞之後，連帶一點雞汁再加點酒了事，個人感覺有點難以置信，雞肉如不蘸上大量的汁吃是丁點酒味也沒有，雞肉入口雖然嫩滑，但其實又偏腍且散，看來都是冷藏貨，最突出反而是那雞皮，透薄而皮下又不多脂肪，最後忍不住吃了數塊呢。之後來的是女友主打的嫩雞煨麵，但我一見到個麵又是令人打個突，繼上回在夏麵館吃到的假煨麵之後，是日又是同一情況，可知煨麵是淮揚菜的一種麵食，其製法是將麵條以高湯煮製很久

以平價"利苑"之名, 聲稱品質味道不變. 但價錢真的唔算好平 (一般酒樓價錢), 但服務極差, 先是有出面等叫票時, 我仲差兩步行唔切, 佢已經按另一張票號, 仲同我講話已經按了2次無人應, 當時咁多人阻住點行? 入到去好似無侍應咁 (全部都是年輕, 無咩經驗那種), 點心選擇少, 無茶選, 每次都要叫侍應加水, d位又迫, 好似茶餐廳, 一d都唔似酒樓, 唔好坐亦坐唔耐!! 個個食完即走, 好知上去魚翅城飲茶好過.同利苑差十倍!! 唔好以為執到寶. 唔會再去~~

新店開張，真係好多人等位。我地兩個人叫左﹣小籠包 ﹣ 皮簿但唔易穿，內裡好多汁雞絲粉皮 ﹣ 不過不失，但有點辣雙芹魚餃 ﹣ 皮好 “痴”，一般上海粗炒 ﹣ OK，好快就凍左蔥油餅 ﹣ 呢個最好，唔油但好鬆脆D 傳菜唔係好熟手，其他 WAITER 就好好。

上來OPENING RICE,見到好多食家都話呢間唔多好,但其實利小館係利苑集團的新開菜館,就同朋友一齊來試試! 早一日已經BOOK左位,所以唔洗等,大枱最入,但坐得好舒服,唔以近門口位的細枱坐得咁辛苦!第一輪我地先叫椰皇燉鷓鴣 好清甜,無油,好正 ($58)峰巢芋盒 好食過美心酒樓,唔油,仲好脆 ($22)上海粗炒 師父手藝好好,吃到尾多數會好咸,但呢個一D都唔咸 ($54)小籠飽 : 皮薄,肉汁好鮮,一定要叫 ($26)第二輪 : 蘿蔔絲酥餅 翡翠上海拉麵整呢個好難吃,都唔明WHY咁多人仲叫,但呢度水準好高,皮唔厚, 蘿蔔絲好甜之餘仲係外面脆,內暖,吃完你就知咩叫好吃! ($22)麻香蔥油餅都OK,SO FAR SO GOOD LA ($24)荷葉蒸污糟雞呢個要叫白飯,因為上面有D冬茱,送白飯會好D ($68)荷葉飯 D飯好企身,粒粒都好香,D餸係底,吃時要用匙係底將D餸同飯MAX埋,會仲好吃($65)第三輪: 楊枝金露好夠凍,好甜($24)蛋白杏仁茶好香杏仁,有D粒粒的杏仁粒,唔錯($22)擂沙湯丸呢個係最差,呢皮好厚,仲唔多熟,大粒無用啊,都唔好吃

近來食運都尚算不俗，有食友在這店食完後的評語是完全水準以下，而我倆來過兩次，整體質素中等，部份食物水準偏高。第一次致電訂座九時半兩位，對方說九時不設訂座請 walk-in，因為如果晚飯時間第一轉的客人未買單交檯也沒法準時讓我倆入座，... 嗯，那是否完全不設電話訂座？非也，第一轉晚飯時間六時多七時可以訂座，明白了。不過食友說現在星期五、六、日很旺，店子在這幾天不設電話訂座。 第一次光顧點了酸辣湯拉麵 $44，上檯時見賣相不大吸引，以為麵條一定是腍身糊口，但出乎意料之外麵條不會很腍，而湯雖不很辣但酸味適中。 上海小籠包 $26 四只。皮不易破帶點柔韌，雖頂部也有少許「頂太豐」，但肉餡鮮味湯汁豐沛，因為湯汁味道不會太濃重，我喜歡這個更勝「蘇浙匯」的小籠包。 香茅烤豬仔腿骨 $98，肚餓點菜容易眼闊肚窄，這晚點了兩款肉類兩款澱粉質，太多了吃的撐肚皮。炸漿雖然脆口但太厚很飽滯，豬仔骨的肉很腍身但沒味道，主要靠蘸同上的酸辣香茅汁，這個不推介。 荷香污糟雞 $68，雞肉十分嫩滑但不像有梳打化，醬汁味道香甜但滲不進雞肉，反而同蒸的冬菇絲吸收了醬油和紅棗絲的味道很好吃。 始創楊枝金露 $24 （7