檸檬冰室 (荔枝角道)

Open Now

Now Closed

去到已經聽到廚房入面不停係度大叫 似開睹咁 嘈到不得了 出面侍應又不停吹水又大笑 真係懷疑間餐廳食品質素好有問題 希望有改變善 唔要求質素 深水埗區已經唔會高要求 但諗起大聲講野 口水周圍飛 好恐怖

茶記文化我喜歡，「檸檬冰室」在茶餐廳畀都算非常高質，尤其喜歡早餐和常餐，佢哋嘅沙嗲牛肉超級正，今次第一次幫襯晚市，睇睇餐牌都好多選擇，例如碟頭飯、咖喱、焗飯、炒粉麵、煲仔菜、連羊腩煲都有，我哋就睇中超值套餐，可以自選兩個餸，包埋白飯、餐湯、飲品都係$168，而且餸菜份量超大，真心超抵食👍⭐️超值套餐 $ 168配送：白飯、餐湯、熱飲，各2份（凍飲加$3）餐飲轉鮮磨蛋白杏仁茶 加$8餐湯可以選擇羅宋湯和中式湯，用料十足飲得出完全冇味精，飲品非常推薦熱辣辣，新鮮即磨蛋白杏仁茶，充滿杏仁香，而且蛋白香滑得來又有口感，呢個天氣飲就最啱👍✨XO醬西蘭花蝦球 西蘭花鮮嫩爽口，配上彈牙嘅蝦球，加上蒜蓉和辣椒，再用XO醬爆炒，夠晒鑊氣✨菠蘿生炒骨每件外層金黃酥脆，肉質鮮嫩，醬汁酸甜調味剛好，包住每一件排骨，搭配烹調的菠蘿粒、青紅黃椒、紫洋蔥，茶餐廳嚟講真係做得好好，口感層次豐富，細緻又美味▪️香菇蟲草花蒸滑雞 $ 60 我哋再追加咗一個店舖推介嘅蟲草花蒸雞，雞件非常不錯，夠晒入味，而且肉質嫩滑帶點咬口，配上蟲草花、冬菇和香蔥，令醬汁更加鮮味

檸檬色既檸檬冰室好易認, 佢地D小菜有D水準, 叫套餐有埋白飯同湯, 湯冇味精飲完唔口渴, 碗飯裝到滿一滿。西蘭花蝦球炒得好靚夠乾身又惹味, 蝦球爽又大隻。土魷蒸肉餅有粒粒土魷蒸出黎好咸香, 肉餅滑又唔會太薄, 好香好好送飯~粟米斑塊哩個同樣係送飯之選, 佢個斑塊做到外層仲係脆脆地魚肉又夠厚身, 粟米汁香甜同埋濃稠度岩岩好, 經典美味!叫左杯冬檸蜜同埋椰汁涼粉紅豆冰, 杯紅豆冰很巨型, 紅豆同涼粉都比到好足, 整體出品好食又大份, 抵~~

放工後約朋友聚餐嚟咗呢間位於深水埗嘅冰室，店內環境清潔光猛，裝潢比其他分店更靚，五點後有晚市套餐供應，包餐湯同飲品，值得一讚嘅係會每星期更換，所以次次去都有新嘢食！餐廳招牌有秘製無骨海南雞，份量唔多但勝在雞肉嫩滑唔乾柴，香茅油飯香氣十足，點埋醬汁啱啱好。紅燒豆腐斑腩煲上枱時咋咋聲，豆腐煮至入味，吸滿醬汁，肉塊大啖啖肉，真材實料👍私心推介板燒肉眼扒配乾蔥紅酒汁，牛扒有成兩大塊，厚切，肉質鬆軟，牛味突出，調味適中，值得一試。主食有茄茸汁芝士焗鰻魚腸仔飯，味道鹹香，口感層次豐富，炒飯底粒粒分明，性價比高，會回訪。

講左2次話去水吧睇下有冇單都可以hea我話有就會叫number 問題係你入面有冇單先得㗎我都唔知佢哋去咗屯門抓雞定係去西貢收菜一個人生勾勾棟喺門口一個鐘你地係完全0違和感定係你地覺得呢個係公司請返嚟嘅新門神？😅一個餐可以等1個鐘都係人才我個人棟喺個門口一個鐘唔熱死都渴死睇嚟我之前都係太睇小香港茶記嘅強度今次認知刷新小弟下次叫完外賣返屋企set 2個鐘後嘅鬧鐘 咁樣落去攞外賣就啱啱好喇我唔鍾意玩sm下次我唔會再嚟㗎啦🙏🏿

今天去了深水埗一間裝修色調以黃色為主檸檬冰室，環境寬敞，設有卡位😁檸檬牛油鷄翼🐔$58鷄翼炸至香脆可口，帶有牛油的香氣與檸檬的清新酸味，味道香濃😋香菇蟲草花蒸雞🐔$60雞肉嫩滑，香菇和蟲草花的風味增添香氣😝分有$168超值套餐 菜心炒牛肉🐮牛肉的香嫩，配上爽口菜心，形成了豐富的口感😝黑松露脆蝦炒滑蛋🦐🥚將新鮮的脆蝦與滑嫩的炒蛋結合，並使用黑松露來提升整道菜的風味😚鹹檬雪碧 $8 (跟餐)口味清爽怡人，將檸檬的酸甜與雪碧的氣泡完美結合😬凍紫薯凉粉冰🍠🥤$8 (跟餐)甜而不膩，口感滑順，帶有紫薯的天然香甜味，清涼解暑🥵整體得分: 4.5/5味道: 4.5/5環境: 4/5🎇檸檬冰室 (荔枝角道)🎈深水埗荔枝角道246-248號地舖

平時黎到檸檬𣲙室多數食晚飯時間，今日難得同老媽子下午茶時間黎到 。我就想試下呢到既下午茶，而老媽子一向鍾情呢到既蕃茄豬扒飯，貪佢呢到既蕃茄份量特別多，而且豬扒肉質軟唸，岩晒佢口味。我就點左沙爹牛肉麵下午茶，雖然沙爹牛肉偏咸了一點，但麵既軟硬度煮得剛好。下午茶餐只要+$8 丁轉特飲，我就轉左紅豆𣲙，個人特別推薦，好多紅豆而且好大杯。🔎檸檬冰室 (荔枝角道) (深水埗)📍深水埗荔枝角道246-248號地舖

走進這家餐廳，個個都忙得嘩嘩聲，空氣中漂浮著各式各樣嘅廚藝香氣🍜，真係引人入勝！一坐下就點咗份招牌沙嗲牛肉麵，頭啖湯入口，齋講，味道正中！沙嗲醬香味係咁濃郁，少少辣味啱啱好，牛肉又夠火候，嫩滑得嚟仲保留咗肉香，好吃到停唔到口！跟住上嘅牛乳炒滑蛋，嗱，賣相靚靚，咬落去蛋香四溢，個個微微嘅牛乳味令人驚喜—層次分明，滑唔溜手！而丹麥多士就係烘焗得啱啱好，外皮脆卜卜，就算喺蛋汁裡浸泡，都仲能保持住絲絲入口嘅韌性，真係夾得好！最後來咗杯熱咖啡，品嚐咗一口，頓時精神一振—香氣撲鼻，唔會太苦，微微嘅甜味引出其餘食物嘅美味。呢個餐真係令人滿足到，食物嘅口感同味道都做得出彩，下次經過，我一定會再黎順便試吓其他菜式㗎！😋👍🏽💡

聖誕節唔一定要去高級餐廳食大餐，揀啱間好食嘅冰室都可以好滿足😌。#超值套餐 $168（二人餐）#鮑魚雞煲上枱打開煲蓋熱辣辣、滋滋聲、噴晒煙咁就知呢煲嘢應該唔錯，雞肉食落夠嫩滑，小鮑魚彈牙有口感，最抵讚一定係個醬汁，浸入晒喺食材入面，每啖雞肉同鮑魚都好惹味好正，送飯超一流。#椒鹽肉排好夠鑊氣嘅椒鹽肉排，肉排咬落鬆軟而且有肉汁，有好香嘅椒鹽咸香味同少少辣，加埋鋪上面嘅炸蒜，整體口感味道都好正。（店員有俾埋碟仔我哋裝骨，好貼心👍🏻）#黑牛 跟餐+$12呢杯係我第一次飲嘅黑牛，真係一飲愛上，可樂加朱古力雪糕真係絕配，佢哋嘅朱古力雪糕入面仲有朱古力碎碎，飲得好爽😎。#檸檬王子 跟餐+$12另一杯就係每次嚟都必叫嘅檸檬王子，C++同雲呢拿雪糕又話超夾，下次想試埋佢哋另一杯白雪公主🤤。

今早這餐廳在某平台上做緊折扣優惠，於是就叫咗個沙嗲牛肉麵做早餐，個沙嗲牛肉有驚喜好食，有沙嗲味、汁仲掛到麵上，牛肉唔會嗱到淋晒，炒蛋都係炒滑蛋跟丹麥多士，因是叫外賣關係所以沒有影相。

-檸檬冰室📍 深水埗荔枝角道246-248號地舖*･゜ﾟ･*:.｡..｡.:*･‘･*:.｡. .｡.:*･゜ﾟ･*今日食左1間裝修超吸晴既新派連鎖茶餐廳、估唔到唔係得個樣😹啲野都幾好食🍋 西檸雞球 （跟餐）$72+12本身想叫沙嗲牛、但見依間嘢叫檸檬冰室、menu又有一頁叫「檸檬系列」、所以忍唔住叫咗個西檸雞黎試下😹雞球炸得好香脆而且仲有肉汁、出面包住酸酸甜甜既檸檬汁、送飯1流🍋 檸檬王子 $16叫左個又係「檸檬系列」既野飲、其實就係黑牛檸檬版🔥C+氣水配雲呢拿雪糕、估唔到又幾夾、有驚喜-🥞 法蘭西多士 $29 去茶餐廳點可以唔叫西多士、切開入面見到滿滿既花生醬餡、已經知道唔會難食😹配埋牛油同糖漿、嗚啊！🔥總結🔥檸檬冰室深水埗、葵涌、觀塘都有分店、社畜們食晏/放工可以1試啊～社畜魚見到隔離枱食焗飯都好似幾正

今日點左兩個飯同特飲～彩椒薯仔牛柳粒煲 $85三色椒加埋黑椒同洋蔥，夠香口夠惹味，好啱送飯食，我好快就爬曬成碗飯。，如果牛柳粒可以切得細粒啲相信會更入味更加分。馬來咖哩牛筋腩飯 $68佢哋嘅咖哩係我鍾意嘅口味，質感較濃稠，味道著重香口同惹味唔會太甜，辣味唔夠係比較可惜嘅地方，但整體味道係ok嘅。檸檬王子 跟餐+$12及+$16大大杯檸檬梳打+雪糕球，好食又好飲，次次嚟都必點😂，中秋過後仲咁熱的天氣飲落真係好爽架！

近排好興「檸檬」, 今日唔飲「檸檬茶」🤪😙食一間同樣以「檸檬🍋」為題的🇭🇰港式茶記餐廳內外一貫以鮮黃色🍋為主調, 十分切合餐廳名😉💡燈光充足, 但唔知係咪射燈太強, 感覺越食越熱🙈環境整潔, 座位寬敞🍽️食物種類多元化, 有中有西✔️如鐵板扒, 意粉, 港式小食, 中式小菜等🥣份量大, 價格貼地💰😌難怪咁受街坊歡迎🤩。。晚市超值套餐。。 $168*🉐5pm後供應*☑️餐湯+2小菜+白飯+熱飲♨️小菜即叫即整, 新鮮熱辣♨️・・餐湯・・🔸粉葛湯 (中湯) 7/10最中意飲粉葛湯😚真材實料, 味道鮮甜🙌🏻🔸羅宋湯(西湯) 6.5/10✔️入面有椰菜花, 番茄🍅🥕等蔬菜味道帶微辣・・小菜・・🔸粟米滑蛋斑塊🐟 6.5/10🍚餸飯の選❕🐟斑塊約有6-7塊, 每塊都大大件外皮少厚, 肉質結實芡汁調味恰宜👍🏻🔸欖菜肉鬆四季豆🫛 7/10🫛四季豆唔會過淋, 軟硬適中👌🏻欖菜鹹香味香濃🤤又一款超好餸飯嘅小菜～・・餐飲・・🔸檸檬水(熱)🔸檸檬茶(凍) +$3

今日經開鴨寮街買旅行用嘅電話卡，見到呢間以黃色做主題嘅冰室幾吸引，就同朋友入去試下。鮑魚雞煲 ($80, 7.5/10, +$12 轉套餐)首先要試嘅就係他們的招牌菜：鮑魚雞煲。呢個煲仔菜的外觀就已經足夠吸引，煲內的鮑魚與雞肉份量十足，鮑魚一啲都唔韌，雞肉亦好嫩滑，仲有冬菇同埋洋蔥索晒煲底的湯汁，係非常送飯嘅煲仔菜。隨餐附送嘅粉葛湯都好鮮甜，仲有唔少粉葛同排骨卡邦尼海蝦意粉 ($72, 7.5/10)海蝦肉質爽口彈牙，意粉煮得恰到好處，外韌內軟，每一啖都吸收了卡邦尼醬嘅味道，仲有雞脾菇同煙肉令個意粉嘅口感更豐富雪糕紅豆冰 (特飲+$16, 8/10)超大杯嘅雪糕紅豆冰，睇到都已經好消暑。粒粒飽滿的紅豆煮得軟糯，加埋香甜的雲呢拿雪糕同埋香滑嘅椰汁，搭配得岩岩好，甜而不膩，作為飯後甜品真係好正。飯後甜品，真係好正💰人均: $100

晚市有套餐可以叫~中湯冬瓜湯幾好飲👍🏻雞油飯好香,海南雞好滑,有兩款醬汁👍🏻真心唔錯見冰鎮咁特別,散叫左個嚟試吓!上枱好大盆賣相好吸引,係好食嘅不過食落同普通嘅咕嚕肉其實冇咩分別😂要讚一下放耐左啲咕嚕肉都仲脆口,口感唔錯!都值得一試!