檸檬王

Open Now

Now Closed

勸喻各位旅客前往門店前先到官網查詢貨存，今天到店一堆旅客沒買到檸檬乾，對，檸檬王不一定有賣檸檬，還有店員跟客人說蜜餞檸檬到貨後再買甘草粉，那就是甘草檸檬了，是不是很周到 🙂

我這幾天，老是覺得喉嚨有少少痕癢之前朋友介紹這個老字號，所以在 Google map 地圖上，找到這個店店舖很新，裝修簡單，但很舒服，剛剛有一個員工有空，問問有什麼可以介紹店員用心介紹唔同產品，其中他們的王牌是甘草檸檬，可惜已經賣晒，所以介紹他們的甘草八仙果，重點是甘草可以幫助喉嚨痕癢之前可能其他地方都見過，安全啲都係去上環本店買，質量比較放心，加上員工提供服務和介紹，唔會亂買錯的東西老字號品牌，果然唔同啲值得介紹

行過永吉街，見到檸檬王入鋪，入去逛逛。一包甘草檸檬價值50蚊， 舊包裝係用雞皮紙包檸檬，新包裝改良後，有一個密封式包裝，乾淨衞生，但係我總覺得舊包裝有懷舊的感覺，款式比較適合檸檬王呢個老字號。買咗之後即刻打開嚟試一試，一打開裏面附有一包甘草粉，檸檬都幾香， 再打開包甘草粉，甘草味道好濃，加埋落去搖一搖， 再試檸檬，喉嚨回甘，仲好解渴。我見到有好多人一買就買成十幾廿包，其實以呢一個做手信都幾好呀!有益又健康。

位於上環的檸檬王一向口碑不錯，是旅客來港必買手信次之一。這次應台灣朋友的要求，帶他們去買甘草檸檬。永吉街外擺放著一小攤子，昔日的涼果都是以小攤攤檔販賣。現在檸檬王已變成一家別緻的店鋪，台灣朋友們說朋友托他們買十包回台灣呢！我猜香港本地人可能常吃涼果口立濕，所以我們對這些涼果都沒有多大的興趣， 但偶然吃一下也是不錯的。店舖內有許多懷舊的擺設，呈現出昔日的香港情懷。店舖內擺放著許多各式各樣的乾果。我好奇之下也買了一包甘草檸檬回家吃。甘草檸檬隨包內附有一小袋甘草粉，可隨個人口味喜好可自行添加。甘草有清熱解毒的功效，但甘草粉微苦，個人還是喜歡單吃微微酸甜的檸檬乾。涼果是港人昔日最喜愛的零食，而有功能性的零食可是賣少見少，所有偶爾支持一下還是不錯的。

呢個天氣忽冷忽熱，我身邊的朋友同事家人，個個都咳唔停。記得細個果時，阿媽會去買檸檬王的冬薑啱啱下，幾日就好番哂。不過我大個咗，患有選擇困難症，見到陳皮、甘草檸檬、冬薑、鹹檸檬等，真是樣樣都好，咁食邊種好呢?哈哈，老板好好人，你講個症狀佢知，佢會有建議㗎👍🏼。最後，我擇咗陳皮，要化痰咁話…

幫台灣朋友買了10 包檸檬王，之前去了兩次也買不到，也不明白為什麼要排隊買。我也買了2包來吃，吃過後，跟其他牌子比較，檸檬王的檸檬味很好，沒有苦味，這點很重要。檸檬感覺是新鮮的，沒有哪種好似放了很久的感覺。個人不喜歡放粉，更好味。

還記得以前係港島返學的時候,都會偶爾去檸檬王買涼果,不但好食,而且老板都仲好好人。不過現在沒有返學,都好少特地出上環,呢排突然口痕,又岩岩想起要出港島,所以都特地走過上環買包涼果。原來現在除了去門市買之外,也能上網買,真的好方便!原先想買甘草檸檬,不過老板話賣晒...要過年後先有,既然難得去到,都不能兩手空空打道回去。所以都乘機買了甘草柑橘和檸汁薑。不過現在都加左價,每包都$45,都比一般涼果為貴一點,但偶爾食下的話,也是不錯的選擇。每包的甘草柑橘,都有一包甘草粉,可以令到柑橘的味道提升起來。不過我自己就不愛沾粉,喜歡這樣直接食柑橘。每塊的柑橘都幾大件,如果切得細件一點的話,會更容易咬開。入口有一種甜甜地,也有柑橘的甘香,不會太硬和太乾。味道都不錯,因為比較大件,很快就不知不覺就容易食光XD至於檸汁薑,都是微酸和微甜的交錯味道,有著檸汁的味道,配上薑獨有的微辣感,食下去很也協調,不會覺得太搶味,令到胃口太開。也是不錯的涼果。其實那裡還有很多涼果賣,也有很多遊客,但每次見到老闆,都依舊是很友善,相信是除了涼果的水準不錯之外,也吸引了遊客來的另一原因。希望我下次去的時候,能夠買到我想要的甘

在中環工作，難得好近呢間檸檬王，對上一次幫襯仲係木頭檔嘅時候，已經好耐無來開呢度， 今次來已經變成排檔，門面光鮮，涼果種類好多，不過來到當時買甘草檸檬，阿姐好爽手即刻攞比我， 包裝都唔同咗，錫紙袋有zip，不過自己都覺得以前啡色紙袋配涼果多啲！ 回家打開錫紙袋，入面一包甘草粉，倒晒入去，再Shake Shake ! 一塊沾滿甘草粉嘅檸檬王出現了，檸檬肉唔乾，有咬口，檸檬醃得唔太鹹，味道好味不過$40（150克）幾貴！涼果小食用心做都可以好好味，不過已經唔係小時候一角幾毫就可以享受到嘅價格！

呢個零食檔仔味道如何都不用多介紹, 反而想講下檔仔當今之經營手段。記得以前唐伯伯還在的時候, 生意唔係咁樣做法, 做到幾多檸檬就賣幾多。 人走茶涼, 到佢個仔接手, 係人想買野, 佢都話「無呀無呀」。用來用去都係嗰幾個藉口, 「檸檬失收返唔到貨呀」「今朝都唔想開喇, 無檸檬賣呀」「菜瀾今朝嚟買都買唔到呀」「唔信你問下佢地吖」「賣晒喇返唔切貨呀」「無呀無呀」。雖然唐仔接手後我平均一年幫襯唔到一次, 呢幾個爛藉口都依然loop住次次聽到。其實好多街坊都知(隱約記得雜誌訪問都有提過), 檔仔對面商廈有個倉, 達官貴人等等熟客來到, 佢就會自動上樓攞出嚟賣, 根本貨源沒有大問題。當中最匪夷所思嘅思維竟然係, 如果擺晒啲貨出嚟, 一次過俾人買晒, 明日咪無貨賣囉。 OK, 非常理解香港地明買明賣, 老細絕對有權打開門口做生意, 不過唔賣俾你。唔知道好彩/唔好彩, 最近幾次去到, 依舊有堆人圍住個檔, 一樣聽到「無呀無呀」「真係無喇」「賣晒喇」, 初頭幾次都諗住可能真係要摸門釘了, 人群稍退, 上前問一問, 老細又叫我等陣, 果然佢上樓落返嚟, 又拎到十包八包出來 。(雖然當時無人爭, 但我

吃了一次就愛上的好味道，喜歡他的甘草檸檬，配上他們家獨特的甘草粉，檸檬乾微甜中帶點微微的甘草苦味，每次到香港必定會買的零食，加上老闆很親切，回到攤子買檸檬王感覺真的很有舊香港的感覺。

我平時唔多鐘意食啲酸尾尾嘅口立濕，響街邊見到檸檬乾話梅呢啲都會彈開幾尺久咳咗好耐，咁啱睇到新聞介紹中環永吉街嘅檸檬王，話D甘草檸檬有止咳化痰嘅功效，半信半疑走咗望吓，見到有張紙寫住啲檸檬賣哂？一問之下，原來仲有少少貨仔收起咗，老闆話因為貨源果邊檸檬失收，整唔到新貨住，如果唔貼紙會即刻俾人掃哂，嚟緊就會正常供應番怕酸嘅我為咗止咳買包試一細啖，咦？只係有少少微酸，好甘甜好醒胃啵！完全顛倒我對檸檬乾嘅印象！裡面仲有包甘草粉，張紙寫話可以止咳袪痰、清熱解毒加咗啲落去，喔！別有一番風味，令人忍唔住一口接住一口食！咁就冇咗半包啦哈哈！老闆好NICE好友善，大家去開果頭都幫襯吓呢啲咁有人情味嘅老字號啦，冇介紹錯！

尋日見到有人分享檸檬王......今日就即刻買咗兩包"甘草檸檬"~ haha好耐無買了...而家要$30包(半磅)...真係有啲貴呢...不過係幾好食嘅 ~ 太耐無食...一食唔停唔到口 !!檸檬是濕濕潤潤的...有別於一般又硬又乾又多糖精的...甜甜的沒有苦澀味...食完之後口腔留有檸檬的芳香...食咗半包都無好口涸 ... 落埋包"甘草粉"甘甘涼涼的 ...甘草味沒有很苦...味道好清新.... ^~^包裝有唐伯個樣就係真正"上環檸檬王"(只此一家) 仲可以試食呀 .....買檸檬個伯伯仲好好人呢 !!不過其實只要好食...邊檔都OK照食啦~ heehee但係用咗人地"上環永吉街"個名誤導人...就唔係太好呢...係好食嘅應該用返自己過名....以超越佢為目標才對呢 !返工唔小心偷食咗半包...食一塊包返好....食一塊包又返好...呢個動作不斷重覆又重覆 XDD

題目只是聊博一粲也...來到上環永吉街看「朱義盛」, 走在街上, 見其中有一檔被人們重重包圍, 正是風行全港三十餘年的永吉街檸檬王。但見擺檔的叔叔 (後來找資料時方知是第二代傳人, 始創人「唐伯」的兒子) 不停向圍觀和試食的人群介紹其各式產品的功效。其實他廣告也不用賣, 自有人慕名摸上門, 檔口也掛滿旅遊書和名人的推介。檸檬王的出品基本上有兩大類, 就是檸檬和薑, 都放了樣品來供人試食。有些人怕試食品好吃但售賣的卻是另一回事 (因為用紙袋包裝看不到裡面), 檔主唐先生說他才不怕你試, 畢竟也是幾十年的老字號, 他甚至可以開一包讓人當場試吃以證真偽。不過看人人都一包二包的買 (看來也不像是「媒」), 試了所有的口味, 包括冬薑 (最貴的, 不過挺鹹) 、霉薑 (也真是梅梅地的)、檸汁薑 (個人不算喜歡), 最後還是買了最出名又最受歡迎的甘草檸檬。半磅裝的賣 $24 一包, 「口立濕」來說倒不便宜。袋內有一包秘製甘草粉, 加入另一袋檸檬內, 然後像 shake shake 薯條般搖勻後便可以吃了。未加甘草粉之前的檸檬乾是甘甘甜甜的, 而且是不乾的, 頗有生津止渴之效; 加了甘草粉後, 甘味

因為附近返工, 所以先識去永吉街的檸檬王買嘢食第一次因為咳咳地就買左半磅檸汁薑黎食 , 平時食開o個d d 味好假, 可能有好多糖精或者味精 而且好硬 . 但係lee 度的檸檬薑好軟身, 又有汁, 而且有薑味之餘唔會太辣, 所以都好易入口, 食完唔會口渴 (約20 - 24 / 半磅)第二次就買左甘草檸檬, 同檸檬薑一樣, lee 度的甘草檸檬都係好軟同好多汁, d 甘草可以自己灑上去, 份量由你定~~我就全包放哂入去~~好好味~~ ($48/ 磅 , $24/ 半磅)第三次想食話梅, 於是就買左一包試下, 不過都係覺得甘草檸檬好咊d , 因為唔係太特別, 始絡話梅都係較咸同肉少, 個人喜歡味無咁濃的~($20 一兩, 約17粒)另外, 其實可以俾你試食架,試左覺得邊食好味先買~~ 如果你有咪唔明可以問下老闆仔, 佢都好樂意解答你~~~就過年, 下次買返包甘草檸檬放假食先~~上網睇到d 人覺得永吉街好難揾, 其實o係中環中心附近, 行過左中銀同萬寧就到喇~

甘草檸檬王是很古老的一種港味，相信它的存在肯定比我年紀還大，今天託表姐的福，從澳洲回來的她也要特地找來吃，和我媽飲完茶後，買了回家讓我也有幸品嚐。一包甘草檸檬足有一磅，甘草粉及乾漬檸檬是分開的，首先試試不放甘草的，是頗甜的，酸味不重，大人小朋友也合吃；而在放了甘草粉後，個人覺得比之前更好吃，甘草的甘香使整粒檸檬王的味道複雜化了，不單單是甜甜酸酸的 (其實也不太酸！)，甘草在帶來微甘的同時，從鼻子也可感受到香氣從口腔中攻上去，很好受的。相信以後也會支持支持，實在是很耐吃的小吃，而以下的價錢是以每人半包計算出來的，以供參考。