果子｜海南雞飯·喇沙摻摻 (啟昌樓) (Closed)

果子 Life Cafe| 喇沙摻摻·海南雞飯📍大埔汀角路11-13號啓昌樓地下13號上次聽細佬妹推介，話大埔果子cafe啲嘢食好高質，性價比高，今日收工同老公入大埔行街，就決定去試下佢。裝修簡潔乾淨，入到去，有好多卡位，相當舒服，木系設計，燈光明亮，牆身仲有掛畫，而燈光附近亦有綠色植物陪襯，望落去幾舒服。我哋order咗1️⃣馬來西亞肉骨茶煲（配白飯）💰84佢嘅湯底好濃郁，滿滿嘅肉骨茶香味。啲肉骨煮得好軟好入味，啖口唔會太硬。湯裏面有煮得爛爛嘅豬肉，一入口即化。湯汁濃郁香甜。配埋碗熱騰騰嘅白飯，真係一餐飽足又美味嘅馬來西亞肉骨茶煲！唔可以唔提嘅係佢喺個煲下面有蠟燭，保持住湯嘅溫度，真係好細心。2️⃣馬拉盞炒通菜💰50呢個炒通菜火候掌握得好，通菜爽脆又保持住營養。加入馬拉盞，味道又唔會太辣，好香口開胃。3️⃣軟殼蟹喇沙摻摻💰96這道菜結合咗軟殼蟹同喇沙嘅美味。軟殼蟹炸得金黃酥脆，外脆內嫩，每一口都有滿滿嘅蟹肉香味。喇沙湯底濃郁而香辣，有椰漿嘅香甜同辣椒嘅刺激。湯底裏面仲有椰漿、參巴醬同香茅嘅味道，增添咗層次同風味。加埋啲豆芽、魚蛋同米粉，令味道更加豐富。一啖湯底，鮮香濃郁，再加埋脆軟嘅軟殼蟹，真係

餐廳係消防局附近，對住公園，太和站行過去大約10分鐘左右。軟殼蟹火山包$168 有齊不同種類的海鮮，包括軟殼蟹、青口、大蝦、蜆肉，及農夫包及面包糠，CP值超高，配上秘製醬汁，絕對會令人食不停口。藍蝶花椰漿飯 (三餸)有二餸/三餸揀，價錢相距不多，當然叫三餸啦，餸材款式唔馬虎，有南乳雞翼、去殼蝦、豬頸肉、香茅豬扒、咖喱牛腩…………太多了，總之就係雞牛豬全部都有，實有款岩🤣唔計要揀的餸，已經有蝦片、滷蛋、江魚仔、花生及青瓜，超級豐富😍椰漿飯除咗份量多外，椰香味超超超重，每啖入口都感受到個飯落足料，暫時係筆者係香港食過最香口的椰漿飯👍👍👍馬拉盞炒通菜沒有用上太多辣椒，適合唔食辣的筆者，通菜葉多過枝，worth it.串燒拼盤雞牛豬+豬頸肉，食完呢個就會好飽，建議一齊分享。 豬頸肉都有成差不多10片，仲要唔係薄切🤭 另外3款串燒就正正常常咁～餐廳內座位主要係卡位，裝修簡約，牆上掛有數幅東南亞風情壁畫，增添不少東南亞風味😆🏝🏞🏖🏝🏞🏖

個個都話大埔多美食，上網見到好多人推介呢個火山包，我就專登慕名而來😍喺太和火車站行大約5分鐘，消防局對面馬路，就算唔識路都好易搵👍🏻設計上好似coffee shop，木系裝修令人好舒服☺️晚餐時間有兩個Menu ，主menu有埋圖片軟殼蟹辣蟹醬火山包$168有軟殼蟹，大蝦，青口同埋蜆肉，醬汁食落唔會太油膩，而且好大份R2無骨海南雞飯配海鮮喇沙湯$86味道正宗，海南雞夠滑，海鮮喇沙湯有一大隻蝦同蜆肉，足料好味😋R6大串燒拼盤$128呢個拼盤冇得輸👍🏻蝦餅魚餅全部炸得好好食，串燒醬明顯係特製，唔係普通沙嗲醬！最推介係馬鈴薯炸蝦卷，口感一流😋😋😋跟餐有飲品優惠，揀咗芒果梳打同埋Coke Zero芒果梳打唔會太甜😋都幾大杯整體嚟講呢間餐廳值得再食☺️價錢合理，食物同環境適合打卡，搵日會再黎食😋

早幾日踩單車去大埔，經過見到呢間新加坡菜個喇沙摻摻好吸引，所以就同朋友入咗去食。海鮮喇沙摻摻勁得意，佢係油麵+米粉，每一啖都有2種口感，米粉索晒啲湯，油麵中和返個口感。湯底都好出色，湯底嘅香辣、椰香同海鮮味混合平衡，個湯好好飲，仲愈飲愈開胃。豆卜索晒湯，每啖都有湯。蝦同蜆都好有鮮味，昇華咗個湯。魚蛋都好彈牙，有魚香味，又唔會太咸。整體成個麵好香口，份量都好多好大份。海南雞飯啲雞好嫩好滑，雞油飯勁香噴噴，啲飯仲要係粒粒分明，配埋啲嫩滑雞一齊食，好香口好惹味。仲有3款醬比我點，包括黑醬油（甜甜哋）、薑蓉、秘製橙醬（勁開胃勁惹味）。炸蝦餅蝦味好香，點酸辣醬絕配，炸得好脆。檸檬薏米水一飲落就覺得同平時餐廳飲嘅唔同味，原來係果子自家製，每次都煮幾個鐘，逼咗薏米真正嘅香甜味出嚟，口感仲好好。

早兩日呀媽話想食東南亞嘢所以我就帶咗佢嚟食呢間「果子」聽講呢度嘅火山包好好食一於試下係咪真係咁正軟殼蟹火山包($168)個賣相已經足以令人「嘩」一聲，好打卡-able，因為真係超大份，兩個人share都差啲食唔晒！有大大隻軟殻蟹、大量蜆肉同青口、金黃色嘅大蝦，真係超足料。麵包比較soft，蘸埋甜甜地辣辣地嘅咖哩汁，超級惹味！軟殻蟹有大量蟹膏、大蝦就新鮮又好滑，真係有驚喜！168蚊嚟講絕對係物超所值！燒豬頸肉沙律($58)豬頸肉燒到微微有焦香，沙律菜好新鮮脆口，加埋酸酸甜甜嘅醋，好解膩同埋幫消化馬拉𦾟炒通菜 ($50)馬拉𦾟炒通菜呢，真係要讚下佢！通菜炒得香脆，每一啖都有咬勁，食落好有滿足感。馬拉𦾟唔會太辣，充滿鑊氣但又唔會太油，不得不讚！香脆吉列蝦($18)蝦炸得好香脆，外酥內嫩，點埋泰式辣醬咁食，好好食！青檸梳打($12)梳打好清爽，青檸酸酸嘅味道好正，好解渴，消滯一流！凍黑糖珍珠奶茶($26)黑糖味好重，偏甜，鍾意甜嘢嘅朋友一定啱飲！一開始飲奶味偏重，飲到一半個茶味就越嚟越出，茶味勁香！整體嚟講都係一杯高質嘅珍珠奶茶！個人認為呢間果子都幾高質，價錢合理、打卡able！會再幫襯！

依家夜晚食餐飯人均消費都要$150-$200 ，好難得俾我搵到大埔一間星馬菜小店，食物有水準之餘仲要唔貴，好值得推薦俾大家！首先我哋兩個人食，忍唔住叫到成枱都係😂😂有無骨走地海南雞飯，依個主力推介俾大家，六七十蚊一個餐，有雞湯、雞配埋香茅飯，物超所值！用料絕對唔馬夫，用上走地雞，皮脆肉嫩特別有雞味同埋啲雞係周圍跑來跑去，所以脂肪含量相對較低！出面好多地方都係用雪藏雞，食落係雪味……海鮮喇沙摻摻都係店舖主打，湯底香濃正宗！有蝦、魚旦、豆卜、蜆…非常豐富😊麵底加入米粉，食落好有口感另外仲有串燒拼盤（雞、牛、豬頸肉）即叫即燒，熱辣辣又香口再配埋杯檸檬薏米水消滯解渴！整體上…食物質素高、價錢合理親民！

假期當然要捐窿捐罅搵好野食，今次黎到太和唔食熟食市場，試試馬拉菜小店—果子！幾時食Lunch set都係最抵，加埋野飲🍹同小食🍢都唔肉痛！無骨海南雞+油飯+熱latte 海南雞係雞胸部位，雖然食雞髀先正，但而家大家崇尚健康，而且雞胸都做到好滑。可以免費轉油飯，比較乾身但我中意。餐廳latte本身都冇乜預期，但居然加咗2隻貓耳拉花，有誠意！肉骨茶飯+凍檸檬薏米水個肉骨茶湯底冇坊間咁重藥材味，不過反而啱我口味！材料豐富：一字骨、雞蛋、豆卜，好養生🤣檸檬薏米水就比較普通啦🙈小食：沙嗲雞肉串燒$20必嗌！醃得好好味，雞肉鮮甜～香辣魚餅$15比較重香茅味同袖珍🤣都唔錯！唔錯！可以再encore☺️

太耐冇食過新馬菜，難得同屋企人黎到太和，就幫襯下呢度出名既街坊愛店「果子」喇。周末好多一家大細黎幫襯，都要等10分鐘左右先有位。Lunch set包一杯野飲，我地加錢轉特飲，再加小食。我當然必選海鮮叻沙摻摻$63海鮮配料豐富，有2隻大蝦、4隻蜆、魚蛋、豆卜，湯底唔太辣，岩香港人口味，摻摻有油面加米粉夠正宗，配上美碌恐龍，完全解渴，加配既森巴醬通菜$20唔會太油膩，岩哂健康人士！屋企人嗌左香茅豬扒油面$52油面口感唔錯，唔會太軟/淋，豬扒唔會太厚，佢話炸得岩岩好，加配既吉列蝦$15都average，青檸梳打夠哂refreshing! 以人均$75黎講，呢間餐廳經濟實惠，性價比一流，難怪成為街坊愛店～

一字骨多，味道可口首先，這碗湯裡有4舊肉骨，有一粒蛋，2-3個豆卜，看起來令人垂涎三尺。湯底香氣撲鼻，混合著藥材的香味，令人胃口大開。一口咬下，雖然肉質普通，但湯汁濃郁，令口感豐富，每一口都能品味到肉骨的精華。然而，這碗肉骨茶的缺點是附上的飯有些硬。雖然飯的份量充足，但質地偏硬，讓人咀嚼起來有些吃力。希望餐廳在烹調飯食時能更加注重細節，使飯的口感更為柔軟。總結而言，這家餐廳的肉骨茶絕對值得一試。無論是湯底的美味還是肉骨的豐富，儘管飯有些硬，但這並不影響整體的口感享受。如果你是肉骨茶的愛好者，這家餐廳絕對不容錯過！

📍果子｜海南雞飯·喇沙摻摻 (啓昌樓)搬入大埔之後發掘咗唔少好餐廳😋作為“無飯煮婦”專門負責四圍搵食🤤因為大埔真係好多好野食！我嚟緊嘅目標就係試晒屋企附近嘅餐廳😍今晚朋友想食海南雞飯🐔岩岩好屋企附近有間可以試下正唔正先😂🌋軟殼蟹火山包 $168一放上枱面已經俾佢豐富嘅食材震攝😳大蝦、軟殼蟹、青口、蜆肉堆砌而成嘅火山包😍醬汁滿瀉真係好似火山爆發🌋麵包唔會太硬身蘸滿咖哩味醬汁超惹味🤤唔會太辣帶點甜！軟殼蟹好大隻又多膏🤤岩晒我呢類鐘意食蟹但唔鐘意剝殼既懶人😂🍜香茅豬扒喇沙摻摻 $63朋友仔鐘意食香茅豬扒😋味道濃郁好香香茅味！摻摻由油麵＆米粉混合而成👍🏻食落口感多層次而且喇沙湯底唔辣！越食越惹味🤤🐔果子無骨海南雞飯 $64重點當然係油飯😍我最鐘意個油飯夠香！無骨海南雞夠香夠滑！仲啖啖肉添👍🏻鐘意食海南雞嘅我覺得超正😋仲有3種醬汁任君選擇🐔特飲加配$12🍋青檸梳打🍑水蜜桃梳打食完濃味食物最岩飲返啖梳打飲品🍑🍋酸酸甜甜夠晒清爽get fresh！味道唔太甜有清新口腔感👍🏻配搭喇沙＆海南雞餐味道唔錯！T-able指數：4.2/5

大埔附近好多隱世餐廳～今日就帶大家嚟食星馬菜，喺太和站步行10分鐘左右就到啦，即使佢位置唔算方便，但平日晚市去到都超多人😳一於試試佢點解咁受歡迎先！🌟 海南雞喇沙摻摻 $76嚟到呢度，無理由唔食佢嘅喇沙吧！喇沙湯濃郁椰香味出，雖然睇落好似好紅好辣，但入口只係輕微辣味，唔食得辣都可以放心嗌😙海南雞好似敷咗十塊mask咁，入口嫩滑，雞皮都爽口有彈性，點埋三款醬汁各有風味🐥🌟 辣蟹醬火山包 (軟殼蟹) $168呢個火山包 好 痴 線 ！唔單止有軟殼蟹，仲有蝦、青口同蜆，超級足料！同埋餐廳好細心咁另上辣蟹醬，等個包唔會比汁整淋曬～個醬更加係cls，每一啖都有絲絲蟹肉，入口充滿濃郁鮮甜蟹味🦀🦀🦀🌟 串燒拼盤 $86包括：雞、牛、豬串燒各2，豬頸肉選擇困難症都唔怕！呢個拼盤乜都有齊～串燒汁充滿新加坡風味，花生味濃，入口偏甜同時重炙燒香味🤟🏻豬頸肉更加軟淋入味，點埋自家製酸辣汁就更惹味🫶🏻🌟 美祿恐龍 (跟餐$12)好耐無飲過啦！之前去新加坡真係周圍都見到美祿😍當美祿飲品再加上面頭啲美祿粉，簡直係Double濃郁🤍🌟 黑糖珍珠奶茶 (跟餐$14)珍珠煙靭，茶味出，可能因為我嗌咗少甜，令黑糖味欠奉🥺

海南雞非常滑溜又有濃雞味，肥瘦適中，油飯粒粒分明又香且存油膩感 ！雞皮爽口彈牙，雞肉沾上三色醬汁，無得彈！海鮮喇沙摻摻，哇，碗內好多餸，有彈牙的魚蛋、雞蛋、蝦、蜆、豆腐泡，最重要是湯汁好足喇沙味～ 馬拉盞炒通菜，這碟是必叫的，推介！好香好惹味亦微辣，這個醬汁調味冇得輸，四碟中最like 這個！小食拼盤有豬頸肉同六串串燒豬頸肉薄切，微烤得香脆肉質彈牙串燒配上沙嗲汁，夠哂正！芒果沙冰百香果沙冰跟餐$20就有一杯，酸酸甜甜好開胃，食泰國菜怎能没有它？🤣

難得嚟到大埔睇下戲棚踩roller 就緊係搵下好西食先向戲棚附近搵左間星馬菜餐廳餐廳裝修企理，食物多元化海鮮喇沙摻摻$68材料豐富，好爽既蝦，冇沙又肥美既蜆，白魚蛋豆卜雞蛋，配埋椰奶香味濃郁嘅湯底，好好味無骨走地海南雞半隻（配油飯）$138平時就咁無骨海南雞就食得多，今次試下走地海南雞，油脂唔會多，肉質尚算嫩滑，唔會太硬，適合減肥人士白雲酸辣鳳爪$18味道酸酸辣辣又夠凍，但怕辣既我都覺得好開胃超好食，唔會有麻痺麻既感覺，大推！小食拼盤$62南乳雞翼好香南乳味，唔會過鹹，夠晒香口吉列蝦皮薄春卷夠哂卜卜脆，勁好食香辣魚餅味道香辣，不過比較鹹，一般沙嗲雞肉串燒$22沙嗲醬好香花生味同椰香味，勁正！配埋燒得恰到好處既香嫩雞肉，仲食到juicy既感覺認真驚喜！忍唔住encore 多次黎食青檸梳打$12熱薑蜜$8餐廳行親民路線，做街坊生意多，但估唔到食物質素好好，CP值好高，回頭率高，難怪長做長有

「果子」是太和街坊一定不能錯過的星馬菜，性價比非常之高，而且菜式非常地道，值得一試。餐廳有幾款主打菜式，包括無骨海南雞飯、海鮮喇沙摻摻、辣蟹醬火山包等等。無骨海南雞油飯是星馬菜中的經典之作，雞肉嫩滑無骨，不會好韌，配三款醬汁，有蔥油、甜酸醬和甜豉油，增添了一抹獨特的風味。另外試了馬來西亞肉骨茶煲，它以豬骨、香料和中藥材熬煮而成，湯底鮮香濃郁。湯中的肉塊十分軟嫩，將湯底的微辣完美吸收，配上油飯，十分惹味。馬拉盞炒通菜炒得非常地道，通菜脆嫩爽口，並且完美地吸收了馬拉盞醬料的辛辣香氣。總括而言，餐廳的性價比很高，菜色選擇很多，值得推介。果子｜海南雞飯·喇沙摻摻 📍大埔汀角路11-13號啓昌樓地下13號

今日同朋友係大埔食晚餐，去咗人氣高嘅果子食星馬菜。店鋪裡面闊落，有好多卡位，坐得舒服。我地點咗好出名嘅辣蟹醬火山包(軟殻蟹)，藍蝶花椰漿飯(兩餸)，馬來西亞肉骨茶，同2杯黑糖珍珠奶茶。辣蟹醬火山包 (軟殼蟹) $168香脆嘅農夫包中間夾住原隻軟殼蟹、3隻大蝦，同3隻蜆，周圍仲有好多蜆仔。麵包沾上新加坡辣椒蟹醬好惹味。兩餸藍蝶花椰漿飯(香茅豬排&咖喱牛腩) ＄69飯嘅椰漿味好濃郁，仲配有蝶豆花，有抗氧化、紓壓瘦身、預防眼疾、提神醒腦嘅功效。香茅豬排味道正，牛腩嘅咖喱味好濃郁，配椰漿飯食好夾。馬來西亞肉骨茶 $84肉骨茶係整道菜嘅精髓，味道甘甜，加入當歸、黨蓉、川芎、玉竹、甘草、陳皮等多種藥材炮製。仲配一個白飯，肉骨茶撈飯食絕配。黑糖珍珠奶茶(凍) 單點$26 跟餐+$14珍珠好煙靭，黑糖味濃郁，跟餐加$14好抵飲。