連文記冰室

Open Now

Now Closed

今日睇完醫生係荔枝角搵食，記得上次去過呢間連文記食蔥油雞扒飯時，見到對面兩位小姐食花膠雞米線，見到個賣相好正今日特登走去試。我叫咗花膠雞米線，大人叫咗胡椒豬肚雞米線。花膠雞個湯底係比較淡味，但可以接受，個花膠唔錯，比起我平時去稻香嗰啲花膠煲啲膠......明顯好好多，仲有雞肶肉食添，真係要感恩。$69仲想點....老婆個胡椒豬肚雞湯底有幾好味，仲有我喜歡嘅酸菜...好好味。之前見到有啲食評麻麻但當你好似我咁係荃灣沙咀道尾近有線工作，每日中午喺美食沙漠搵晏食，你就知點解我會感恩多謝主

朋友介紹這裡有滋補的米線，米線十分大碗。有好多雞肉，當中更有一個大雞腿，啖啖肉，骨頭相對比較少，雞肉鮮嫩幼滑。湯底充滿雞味及雞的精華。不過湯上有些許油，如果店家會幫忙走走油會比較好。米線及花膠的熟度剛好，不會太硬或太稔。店家不吝惜花膠的數量，有數大塊。60多元的價錢算是不錯了，偶爾試試這滋補米線也不錯。

我唔係第一幫襯連文記，過去咁多次都冇問題！今次叫嘅冬菇花膠米粉亦唔係第一次食。我地一食個冬菇已經食到有叔味，試第二舊一樣有叔味，即刻同侍應講，佢話哩隻冬菇係咁，今日賣咗好多，都冇人話有問題，就咁打發我。 OK我唔同你嘈，我出去埋單時，我再講你d冬菇係叔咗，我唔係第一次食，佢話佢係知d冬菇有d味，我話咁你同事仲咁答我！這就是真正嘅連文記！食物中毒係可以預防嘅，明知食物有問題都照賣，就冇乜良心囉。我唔會再幫襯。

話說網上評論一直很好， lunch就去試下啦。花膠雞湯飯因呢個有所以就一於試下。望落去就唔錯架。但食落口好淡，咁真係似無咩味精既。所以，淡都唔緊要，咪落鹽＆胡椒粉囉。湯頭都係好普通。而個雞唔知係咩原因，一d味都無。話明是花膠雞，我完全食唔到過舊雞有咩味道。都知唔會係鮮雞，但連雞既味道＆咸味都無。白烚雞可能仲好食過佢。唔知係d雞用泥淆湯底定點。完全好失望，淡而無味，冰鮮雞都唔會無雞味，但佢真係一d味都無。仲食左差唔多$70蚊。

已經好耐都冇返工lunch time出嚟食今日難得同事有興致就一齊早少少出嚟食不嬲lunch time都好爆我哋早咗啲嚟等兩張枱就到等咗大約10分鐘左右但我哋入去嘅時候已經起碼有7,8張枱等緊所以想食都真係要早少少嚟首先主角雞好嫩滑一啲都唔鞋 份量好足 有3大舊另一主角 花膠就有4,5舊 加埋好吸湯嘅娃娃菜真係齋食餸都飽d米線份量啱啱好 不過我覺得有d太淋d湯好好飲如果有下次我會想試湯飯仲有就係我唔食芫荽佢都好嘅 方便我一下就可以畢起曬

上次初嘗胡椒豬肚米線簡直驚為天人 本身唔好豬肚既我突覺得好食 豬肚爽口彈牙，胡椒味勁濃 ，雞脾仲好嫩今次突登11點到 坐得舒服好多 同唔使同人搭枱叫左雲吞雞米線 同蕃茄豬扒米線但結果令人失望同胡椒豬肚米線同價既雲吞雞 明顯湯底份量都失色不少 上次食既時候飽到肚腩都突埋🤭 今次就食完都只得7成 而湯底都清好多， 冇花膠雞咁濃，最後要落2匙辣椒油食先夠味😐 同可能靚雞留比招牌米線 ，所以雞件比較少同比較柴，冇咁靚仔，有舊雞仲有少少黑色點。至於蕃茄湯底就偏家常，但豬扒比較柴，冇咩特別所以覺得如果突登咁辛苦過黎叫返招牌個幾隻會食得開心好多（有thumb up個d)， 雖然價錢貴，但起碼質素有保證, 足料， 胡椒豬肚真心冇得輸， 同樣58蚊抵好多 附返上次食既圖

平時成日聽朋友介紹食呢間餐廳既胡椒豬肚米🐽但因為唔食內臟，所以試吓食餐牌上都有👍🏻既葱油雞扒飯👻因疫情關係，叫左外賣自取😙 全單9折 開心🥳$44.1 only (跟餐有熱holic!)除左唔夠熱之外，我覺得整體都唔錯。佢係keep喺微暖温度，扣少少分💤份量夠曬！大大塊雞扒🐓好多葱，好多娃娃菜🥬😆 雞扒外脆入面滑嫩😏 haha 食完有少少熱氣😂略嫌乾左少少少少🤏 至於味道，葱油份量十足，每一啖都有好多葱😂 撈飯食岩曬！ 娃娃菜係白烚的，健康！希望可以成盒飯熱多好多就好

見網上d人對依間食店評價好好，今日同女友冒名而來試下先😆佢地嘅米線睇落都幾吸引😚，亦都可以轉泡飯我地叫左竹笙雲吞雞泡飯同胡椒猪肚雞米線竹笙雲吞雞泡飯個湯都好鮮味唔油膩，唔覺得有落到味精，竹笙索左d湯，食落都幾滋味😋😋雲吞入面舊蝦🦐都正常，夠彈牙雞肉亦都好嫩滑🐔，一d都唔老，幾有鮮味👍胡椒豬肚雞米線個湯勁重胡椒味，飲完個身好暖😄，豬肚份量都唔少，好味，正😆😆

這家食肆在荔枝角一直都有很高評價，平日一到lunch time必定大排長龍，為的只是一碗米線。到底有咩咁巴閉? 今日一於去試試。在長義街隱閉的樓梯口上一層，已有六七個人在等。大概七八鐘後便輪到我們，人多關係，要與2個食客搭枱，我和同事打對坐。看看餐牌，有飯有米線，米線較貴，最貴三款米線接近$70。我點了竹笙雲吞雞米線配凍奶茶，同事點了牛魔王米線配熱奶茶。碗米線都算大碗，芫荽用匙盛開，算周到。雞肉算多，充滿油味好有雞味，竹笙好爽，雲吞不算很大粒，有3粒，不過不失。凍奶茶好夠凍，咁熱天氣夠哂解暑，冇叫少甜走甜但味道都唔算太甜，加分位。今次唯一扣分位係啲米線好碎，斷開哂，懷疑廚師用埋最後啲碎濕濕嘅貨尾嚟煮。

今天午餐想吃米線,走到荔枝角D2隔的連文記一試,一試難忘的胡椒豬肚湯米線,原本叫了胡椒豬肚雞米線,由於2点多来吃,沒雞了,轉為魚腩,胡椒豬肚湯配魚腩也很配,吃得胡椒辣味的,必試,很夠味份量夠,魚腩新鮮大件豬肚胡椒豬肚魚腩米線$58,凍O茶+$3=$61👏一試難忘,注意這店沒晚市.

最緊轉咗去荔枝角返工，人生路不熟就要靠新同事帶，一放午餐新同事就帶我去食米線，佢話呢間都好多人要早啲去等位，坐抵揀了一輪就點了呢個胡椒豬肚雞湯米線，配熱檸檬茶，不過可惜雞賣哂了，要轉配瑞士汁雞翼，只好接受啦，一上粗檯就聞到好重好濃嘅胡椒味，先飲一啖湯真係勁濃胡椒味，仲有鹹酸菜嘅返鹹香味，豬肚都有5-6件，都幾腍身，仲帶點爽口，而瑞士汁雞翼就比較普通，左汁有啲乾身，肉質都有啲斯嚡，米線就正常有少少過腍了一啲，整體都唔錯～

去到荔枝角區當然要去工廈發掘下小店啦。呢間冰室嘅湯米線喺區內都幾出名，今日終於有機會去試下。一到入門，招牌好有舊冰室嘅感覺，幾有風味。見天氣凍凍地，我就叫咗個胡椒豬肚雞米線暖下胃。碗米線都幾足料，大約有四份一隻雞，皮薄唔多油，仲煮得幾嫩添。配料有黃牙白，芫茜同酸菜，食落幾醒胃。同事就揀咗豬扒腿蛋飯。雖然佢唔係招牌菜，但就充滿住男人嘅浪漫，非常野味。豬扒香口，火腿有特登煎過，少少燶邊，加啲豉油汁同蛋黃送飯，實在係大滿足！下次一於再嚟試埋佢嘅滋補推介 - 藥膳雞米線！

葱油雞扒撈公仔麵，好香，好味。出面好多唔夠葱唔夠多汁去撈，會好淡，好無味，但連文記既葱油雞扒撈公仔麵葱油夠晒香，夠晒多汁，公仔麵撈到完全夠味。食過豬扒同雞扒，都係覺得雞扒唔會乾，仲嫩。正，推介！

lunch 一個人去左食花膠雞，上次食左米線。但花膠雞的精髓在於湯汁，點可以唔摞湯飯索一索個汁。有同事話初初食的時候，湯更加粘稠，不過宜家稀左好多。我覺得還好，花膠都比的幾重手，好幾件大大隻，食落彈彈滑滑，有d爽雞係香滑嫩，同埋唔腥(有可能有人嫌雞清淡左，但我個人覺得好好)。食完好飽btw 佢杯熱奶茶係我最愛，奶香味重，啱我口味。奶茶都不是普通小瓷杯，而是一個高身小小的杯子，鐵做。感覺幾新奇，茶味不算重

其實同同事嚟幫襯不下十次，次次都係食湯米線，湯底係唔錯，份量足。今次因為天氣涼咗嘅關係就點咗個胡椒豬肚雞米線。份量超大，有成四份一隻雞，雞皮唔太厚同肥，雞肉略嫌有啲啲嚡，雞肉味濃。大量酸菜，唔太酸或甜。豬肚都有6-7件，質地唔會太淋亦唔靭，味香唔似食橡膠，算係咁。不過最強同重點就係個胡椒湯底，清香而味濃，濃濃胡椒味又唔會太辣，配上酸菜嘅味道係會一啖一啖唔停咁飲盡個湯為止。其實仲有酸菜魚、花膠雞，雖然我未試過，相信我會去試勻佢啲出名湯底。價錢方面普通米線係正常，其他湯底個價錢會高啲，不過係值得一試！