LINLEE手打檸檬茶

Open Now

Now Closed

今日見到某外賣平台推出推廣優惠$108就可以買到四杯手打檸檬茶，真係好吸引！🍋咁啱天氣又熱熱地，我又想飲啲甜嘢於是就決定試下呢個優惠😋唔使好耐，半個鐘內就已經送到，真係好快！🚀四杯飲品整齊地放喺一個大袋入面冇倒瀉亦冇比錯單，服務真係唔錯👍飲過咁多間手打檸檬茶我特別中意LinLee呢隻嘅甜度，啱啱好，唔會太甜檸檬嘅澀味亦都好突出，令到整體味道更加豐富🍹不過，唯一美中不足嘅係杯飲品一到手後要盡快享用因為放耐咗會開始有檸檬嘅苦味出現😅總括嚟講，呢個套餐優惠真係抵，值得一試！如果你都鍾意飲檸檬茶，不妨試下呢個優惠，可能會有驚喜🎉 #手打檸檬茶 #外賣優惠 #LinLee #夏日消暑 #飲品控

LINLEE開咗咁耐第一次幫襯 聽聞飲一杯送一隻鴨仔 為咗隻鴨仔試吓杯檸檬茶先😉點知…有啲失望lor 飲咗幾啖就冇 2/3杯都係冰 小冰都係咁多冰🫠🫠苦瓜檸檬茶 苦瓜清熱去火 苦瓜真係唔苦 苦瓜+檸檬茶幾特別吓 入口清香 值得一試😅西瓜檸檬茶 味道其實唔錯嘅 夏天飲真係好解暑 唔知係咪我揀咗三分鐘 完全飲唔出西瓜嘅甜味 個人覺得有啲淡 而且勁多冰 又大粒 飲晒先發現底下有脆啵啵🌚

旺角一條街有很多間手打檸檬茶，這間只有甜度可選擇，冰量不可選擇，不可以選少冰。幾啖就飲完，原來整杯裝滿冰，茶量很少，收30元一杯，好唔抵飲呢！不會再有下次！！！

上次試左阿一檸檬茶 今次就試下呢間Linlee 🙈試左杯桃桃烏龍手打檸檬茶 （$30）蜜桃味好香加埋烏龍茶幾清新既配搭👍🏻重要既係有隻好得意鴨仔送🐥😂😂唔鍾意飲咁甜所以嗌左半糖 不過都有啲甜 下次可能要嗌3分甜至得😛📍 LINLEE手打檸檬茶 (旺角)旺角西洋菜南街4號昌記大樓地下A1號舖

《LINLEE手打檸檬茶》經過見到兩間分別黃色同綠色的店鋪，好奇為何分開不同，但同一間是手打檸檬茶，我們揀左邊這間，看一看餐牌 有多好便宜 嘗嘗試飲 決定這杯～突然送一個可愛既綠色小鴨，下次遲遲另外這間林香檸試一試飲～1. 海底椰冰檸茶 $32嘗嘗飲～要攪一攪下透明...飲下...有椰子的味道，加落檸茶真是好飲～～#貓狗の情戀旅遊記 #美食推薦 #餐廳推薦 #美味 #香港好去處 #吃貨 #hkfood #yummy #food #香港の吃喝玩樂 #香港 #HongKong #香港美食 #香港美食推薦 #美食 #美食拍攝 #打卡熱點#hkfoodie #吃貨日常 #美食記 #手打檸檬茶#港式 #台式飲品 #果汁 #外賣店

一路飲開覺得幾好飲，最近去買霸王杯，一攞點知俾人好似偷飲咗兩啖咁，問店員點解得咁少，店員答我，霸王杯係咁少㗎啦，杯嘢已經多冰，仲要好似俾你哋偷飲咗兩啖咁，作為消費者真係唔會再幫襯，服務態度又差！希望你快啲執笠

一直想試手打檸檬茶經過見到呢間就去試下鴨屎香檸檬茶______________________________今日天氣唔熱所以嗌左杯少冰本身都預茶飲舖少冰會俾半杯冰點知呢次一拎起手係一杯冰😅😅唔該曬～冰量見舖頭格局唔想飲太凍嘅一定要嗌走冰走冰走冰______________________________但老實講茶底本身幾香，唔差🤔🤔🤔茶味同檸檬幾夾，檸檬亦都唔太酸👍🏽

手打檸檬茶開到成行成市，相信大家都成日飲。不過喺香港試過咁多間，個人覺得最高質都係LINLEE，味道最貼近深圳手打檸檬茶嘅水準。😍私心推薦：1️⃣招牌手打檸檬茶手打檸茶fans必選🔥勁濃既檸檬味，但入口都仲係好清新，食完正餐飲番杯即刻爽返晒😍😍2️⃣鴨屎香檸檬茶呢間嘅鴨屎香檸檬茶同平時深圳丘大叔嘅味道非常接近，勁清香，另外佢甜同酸嘅配合平衡，唔會有甜到漏或者酸到澀嘅感覺每次買一杯仲會送一隻鴨仔，我已經儲咗好多隻鴨仔，準備可以換大鴨仔啦🩷🩷

食完飯同朋友去試吓手打檸檬茶。我哋叫咗2杯凍嘅鴨屎香手打檸檬茶(3分糖)同鳳梨陳皮冰檸茶。杯鴨屎香手打檸檬茶真係唔甜而且好夠檸檬味，而且唔會太酸，非常好飲。而鳳梨陳皮冰檸茶都好夠陳皮味，同鳳梨好夾。本來佢送嘅鴨仔只係普通嗰隻，但係我2位朋友都想要有頸巾嗰款，所以佢哋就去問職員可唔可以換，可惜已經冇晒。但係個職員哥哥仔都好好人又好好態度，送咗2頂鴨仔嘅小帽俾佢咃。雖然喺我哋之前仲有好幾個人，但係唔駛等好耐就到我哋，下次一定會再幫襯。員工態度好，飲品又好味，抵俾個like佢!!

點左苦瓜檸檬茶，但出來變左招牌手打檸檬茶，睇得出店員根本冇心聽客人講野。招牌手打檸檬茶味道唔錯，但杯有2/3成都係冰，十分無癮，真係賺屎佢，冰仲超大粒，真係好無奈，飲管又薄，好易爛又難吸，d冰又阻住。其他店既手打檸檬茶都可以少冰，呢間又唔比人少冰

嘩朋友係台灣過黎。 點知等我個陣就買左呢杯檸檬茶俾我飲🤣佢話係網上好火！！我係香港都未叫過！！一飲！ 真心有驚艷到！勁香檸檬茶味 又唔係酸個隻。係好好飲！！仲要有香水檸檬係入面 keep住一直咁Fresh. 呢家打打下都上黎多杯 因為真心好飲🥺🥺🥺

越來越多手打檸檬茶店進駐香港，依間聽講都幾有名嘅手打檸檬茶都唔例外。門面都係手打檸檬茶既代表顏色-綠色。 位置上咁岩係另一間有名既對手店隔離。 認真爭崩頭又岩哂消費者選擇🤣🤣呢一間手打檸檬茶嘅最主要特色我覺得係隨杯送鴨。 隻隻唔同style 超得意😂😂 又可以飲野又可以草鴨 新開業嘅優惠直頭五隻鴨鴨可以玩一隻中鴨，最後換大鴨。 不過我認為細鴨款式較多，中鴨大鴨得基本黃色款 ，都係草細鴨得意啲🤣🤣店員亦都好好人，如果咁啱你有相同款可以試吓同店員講想轉邊款同咩飾物。講番飲品方面， 比較大路既鴨屎香、泰綠是必有 ，除咗依啲，仲有啲相對罕見既例如山茶花、咖啡等手打檸檬茶。照舊叫左必試既兩款：泰綠同苦瓜。泰綠手打檸檬茶（$30） ： 依間好好既係可以少冰 ，唔會話飲完成杯冰咁黑人憎😂😂 甜度方面簡左正常 即係7成。 飲落去一如既往既清爽， 岩哂行到熱辣辣嗰啲降溫 ，而依間既泰綠， 飲落去仲有糯香既口感香味， 個人認為好好飲苦瓜檸檬茶（$29） ： 飲落冇乜苦瓜味，檸檬茶味相對較濃， 入面都飲到少少苦瓜粒。 仲有加左脆波波（一般需加$5，但唔知點解咁好彩今次冇加都有，可能店員唔記得左落埋😆😆） ，

自從大陸開關之後 👧🏻 就經常往返內地，手打檸檬茶店係內地開到成行成市，熱潮亦到蔓延到香港 🍹 尤其旺角街頭仲有一間係附近。話說突然想飲一杯檸檬茶，人肉搜尋到某林店，但排完隊買完之後發覺買錯隔離鋪 😂 錯有錯著試到新店🍋 鴨屎綠檸檬茶半糖少冰附送鴨仔一隻，味道同平時飲開有啲不一樣，檸檬味同茶味都比較淡，整體味道好淡，重點叫左少冰飲完仲有三分一冰🧊雖然小店做緊活動，儲小鴨換大鴨🐣但應該唔會再買下一次

Love this tea！The specific ingredients used in Linlee may vary depending on the product variant or formulation. However, Linlee typically incorporates a combination of natural ingredients to create its unique flavor and provide nutritional benefits. Linlee enrich its with essential vitamins and nutrients to provide added health benefits. This can include vitamins like vitamin C or antioxidants that are commonly found in fruits.It's important to note that the exact ingredient list and proportions

近排發現的新店，Linlee！之前在內地喝到，很驚喜，香港也開新店。我最喜歡嘅係Linlee嘅鴨屎香檸檬茶！佢真係非常清新，每次飲落肚都令人心曠神怡。鴨屎香同檸檬嘅結合簡直完美，帶出一種獨特嘅風味。我鍾意佢嘅清新感覺，每一口都彷彿沁涼嘅微風拂過般，真係好舒暢。無論係喺炎熱嘅夏天，定係需要提神嘅時候，我都會選擇呢款鴨屎香檸檬茶，因為佢真係令人心情愉快，又帶嚟一份活力。如果你鍾意清新嘅飲品，我絕對推薦你試下呢款Linlee嘅鴨屎香檸檬茶！