Little Fresh Cafe & Bar

Open Now

Now Closed

Dinner Set Menu HK$688🔸前菜前菜係沙律加雜菜湯，比較普通。🔸伏特加醬蕃茄青口驚喜🤩伏特加醬辣辣地，好惹味，有啲泰式小炒感覺😋而蕃茄食得出係用真蕃茄整，唔係茄汁，抵讚👍🏼青口感覺係藍青口，細細隻好鮮甜💓🔸罐罐燒生蠔有小小清酒煮蠔的感覺，呢啲野梗係要益男朋友食曬兩隻啦😈肚臍有啲海水味，幾有肉地，新鮮😚🔸法式紙包白酒盲曹魚肚腩叫左呢道魚，紙包雞就聽得多，真係第一次見真。紙包魚🤣打開紙可以保留到個溫度🔥掂❣️盲曹魚冇骨，所以食落去啖啖肉超正😋個皮有迷迭香同黑椒，烤得小脆，而魚肉有檸檬同白酒味🍾好好食🔸四天風乾12小時慢煮油鴨脾究竟又慢煮又風乾，同平時嘅油鴨脾有咩唔同呢🤔食落你就知😏肚腩之前試嘅鴨脾都比較乾同咸，或者炸得油膩啲，今次係第一次試到咁多汁同嫩，又清淡嘅油鴨脾😆😍主菜都有好多焗蔬菜🍆🥕🥔所以食落去幾健康🥰🔸日本柚子雪芭配布朗尼柚子雪芭真係好好食🤤🍋超清新👍🏼布朗尼都唔會太甜🥰基本食物質素好滿意，環境都靜靜地，set 包埋飲品🍹🍭Little Fresh Cafe & Bar🍭銅鑼灣耀華街3號百樂中心18樓1801號舖

樓上西餐有好多，要突圍而出唔容易，而呢到雖然地方唔大，裝修行簡約水泥風，特別既地方係用左幾特別同有創意既烹調方法，有心思之餘野食會有層次同好食啲，價錢亦都唔貴值得試下～ 如果想預訂生蠔🦪或者酒🍷記得要早一個鐘，至於油封鴨髀🦆🍗同日本原個生果雪葩🍧就要啲緣分，小編唯有等下次啦🥹(5 😍 係滿分，🤩係半分） Set Menu (Meal for 2) - $688浴鹽水邪道牛肉眼扒 🧂🐮🥩 (好味指數：😍😍😍😍🤩)通常好多時出面既牛排🥩都靠鬆肉粉，雖然肉質鬆軟左但粉感比較重同埋肉味淡… 而今次既牛排🥩食得出有唔同，佢地用左浴鹽水邪道既方法整，即係喺鍋裡面放凍鹽水🧂💧，跟住再加入醃過既牛排🥩，開大火🔥煮到水滾就移去另一個平底鍋開始煎～ 所以牛排🥩煎出黎表皮焦香，入面顏色粉嫩，質感軟腍juicy帶有油香，肉味香濃幾唔錯👍🏻 下面仲有啲炒香左既清爽翠玉瓜🥒、清爽西蘭花🥦同埋酸甜多汁既番茄仔🍅都幾好～墨西哥牛油果慢煮雞肉卷 🇲🇽🥑🐥 (好味指數：😍😍😍😍🤩)平時食好多卷都會乾，但今次既唔會，煙煙韌韌，質感濕潤😜 裡面有清香creamy既牛油果茸🥑同軟腍既牛油果粒🥑，配埋香口嫩滑既雞肉🐥一齊食，健康

朋友今次帶我去間佢以前成日幫襯嘅法國菜小店，仲話以前喺油麻地，而家搬左去銅鑼灣"Little Fresh Cafe & Bar" ，好少食法國菜，一於去試下😋大家都懶得諗食乜，就直接嗌左個二人餐😂⭐️⭐STARTER⭐️Daily Soup忌廉湯跟多士，多士好香脆⭐️Daily Salad沙律菜好新鮮⭐️⭐ΑΤΤΡΕΤΙΖER⭐️伏特加醬蕃茄青口伏特加醬嘅醬汁少少辣，好惹味，同青口好夾⭐️罐罐燒生蠔生蠔燒得啱啱好，有海水味⭐️⭐MAIN(四選二）⭐四天風乾12小時慢煮油封鴨髀望落隻鴨髀嘅色已經好靚，擺碟又靚，仲有5點芥末伴碟，又靚，li隻芥末又啱我嘅口味，伴碟嘅菜都唔孤寒，好大堆頭，仲加左d 橄欖油，鴨髀仲好嫰滑添😋⭐️法式紙包白酒盲曹魚除左盲曹魚，仲有翠玉瓜西蘭花，仲跟左個檸檬角，加埋檸檬汁吊味盲曹魚本身好香，食落仲好滑，正呀😍簡單調味已經帶出食物嘅鮮味，另外，職員話如果下次黎想食生蠔同飲酒，提前一小時預訂就ok la👍⭐️⭐DRINK⭐️蜜桃梳打⭐️蘋果梳打清清嘅果味，伴隨薄荷嘅清新，好fresh⭐️⭐Daily Dessert朱古力味泡芙，好香朱古力，好滑

以前同朋友間唔時都會約黎百樂中心啲餐廳食飯但係疫情之後呢度既餐廳越執越見少從排隊既人龍就可以見到百樂中心既人氣已經一去不復返 🥹希望大家都多啲留港消費，尤其支持下一啲埋頭苦幹經營緊既小店！今日同朋友黎到呢間小cafe，主打西餐即使今日係星期六都依然有做lunch set menu 👍我同朋友都分別叫左個set首先打頭陣既係餐湯 🥣羅宋湯酸酸甜甜，又夠熱，唔會錯架啦係要讚讚個餐包，岩岩焗好，又熱又脆 😄法式香煎煙鴨胸配薯條因為想食薯條所以二話不說揀呢個餐 😆薯條炸得好脆 like ❤️鴨胸有啲筋 but other than that 我欣賞佢個portion都幾generous同埋啲配菜都好味有啲西蘭花、小蕃茄同埋脆肉瓜牛肝菌汁雞肉蘑菇燴義大利飯呢個係穩陣之選，聽個名都估到味道果種朋友話覺得呢度個risotto有啲特別既係佢好似加左啲金不換黎調味（？）因為每啖都少少泰式（？）香草味 🌿係幾特色既最後以熱咖啡作結 ☕️

今日同朋友好鍾意去銅鑼灣行街睇戲，因為銅鑼灣有好多美味嘅食店，我同朋友比較喜歡食西式食品，到食晚飯嘅時間我哋就去銅鑼灣耀華街3號百樂中心18樓1801號舖，係我個同事介紹我哋嚟食，這間餐廳叫做 Little Fresh Cafe & Bar，港鐵銅鑼灣站A出口，行幾分鐘就到，非常方便，我哋入到餐廳見到裝修乾淨光猛，枱凳擺放整齊，令人坐得舒服，餐廳店員有禮貌服務態度好，餐牌嘅食物款式都不錯，尤其是主菜，睇落令人好有興趣叫來食，我就叫咗四天風乾12小時慢煮油封鴨髀，我朋友叫咗雞肉拿破崙扁意粉，仲有每日靚湯配搭。牛肉雜菜湯這是一道營養豐富的湯品，通常以牛肉為主要食材，搭配多種蔬菜如胡蘿蔔、洋蔥、芹菜、馬鈴薯等，慢火熬煮而成，湯汁濃郁，蔬菜吸收了湯汁的精華，味道鮮美，這道湯品不僅美味，還能提供豐富的蛋白質和維生素。四天風乾12小時慢煮油封鴨髀這是一道法式經典料理，製作過程較為繁複，首先將鴨腿用鹽和香料醃製，然後進行四天的風乾處理，以去除多餘水分並濃縮風味，接著將鴨腿浸泡在鴨油中，以低溫（約80-90°C）慢煮12小時，使鴨肉變得極為軟嫩，最後將鴨腿取出，皮朝下煎至金黃酥脆，這道菜外皮酥脆，內裡

地點方便，環境舒適，食物高質！SET MENU (MEAL FOR TWO) $688，有齊STARTER+ATTPETIZER+MAIN+DRINK+Daily Dessert👉🏻蕃茄雜菜湯配蒜蓉包酸甜濃郁，清新口感，配有蒜蓉包，蒜香味重！👉🏻伏特加醬蕃茄青口微辣惹味，鮮嫩，配以伏特加酒香嘿蕃茄酸甜完美融合，層次豐富！👉🏻罐罐燒生蠔蠔肉飽滿肥味，非常creamy！👉🏻四天風乾12小時慢煮油封鴨髀肉質極為軟嫩，而且入味，慢煮入口濃郁不膩口！👉🏻浴鹽水邪道牛肉眼扒肉質均勻入味，牛味濃，鮮嫩多汁！👉🏻荔枝薄荷梳打荔枝香甜加上薄荷清新，氣泡感十足，口感清爽宜人！👉🏻蘋果薄荷梳打蘋果天然甜味配薄荷清涼，果香同薄荷清新！👉🏻日本芒果雪葩雪葩口感細膩綿密，冰涼感同芒果果香交織，令人回味無窮！

隱世清幽典雅西餐豐富既二人餐，包晒湯、前菜、主菜、甜品。羅宋湯，好濃既慢燉牛尾湯底，配合開胃既酸酸沙律。伏特加醬蕃茄青口淡淡vodka酒香，烹煮後有少少殘留既微辛，加埋酸甜既蕃茄醬，青口質感彈牙。罐罐燒生蠔酒香加埋鮮甜蠔肉，一人一隻都唔夠喉。浴鹽水邪道牛扒粗鹽醃製既肉眼扒但又唔會蓋過肉味，七成熟剛好鎖住肉汁，肉質幼嫩有咬口。法式紙包白酒盲曹魚白酒蒸氣將蒜蓉與大串注入雪白魚肉，盲曹肉質熟成剛剛好，鮮味入口即溶。布朗尼配百香果雪芭朱古力味濃郁既布朗尼與雪芭既清冽，剛好互相平衡。價錢少少偏高，但好滿足。Little Fresh Cafe & Bar耀華街3號百樂中心18樓1801號舖#西餐 #銅鑼灣 #銅鑼灣美食 #百樂中心 #littlefreshcafe #chill #foodie #foodiehk #高性價比

l這間法國餐廳小店舊址由油麻地6年店正式搬去銅鑼灣，由老闆親自主理店舖。這晚生日點了二人套餐🥰如果食多啲生蠔就一定要預訂。salad有青瓜🥒、羅馬菜、伴黑醋蟹籽，是一味讓人打開味蕾的開胃前菜。好好飲呀個湯唔到人哋好啊洋蔥清嘅牛尾洋蔥🧅牛尾洋蔥湯洋蔥🧅味好濃厚，好真係好清甜，淡淡的牛尾香味。伏特加醬蕃茄 青ロ用voka 來煮青口，令到青口更加入味，青口雖然不是大隻，但係肉質卻脹卜卜。蕃茄醬有青椒蕃茄和煙肉一起，配菜餡料幾豐富幾開胃。罐罐燒生蠔2隻用清酒燒生蠔有剩餘的揮發清酒味道，不會搶去生蠔本身的味道。四天風乾12小時慢煮油封鴨髀用刀一切開未吃都已經感受到鴨肉嘅鮮嫩質感，味道剛好不會帶帶有鹹味。法式紙包白酒盲曹魚魚肉好嫩滑完全沒有骨，有好豐富肉汁好香，喜歡魚的質感。布朗尼北海道芒果雪葩法式紙包白酒盲曹魚甜品布朗尼有驚喜，平時吃的布朗尼很甜，這個甜度適中，而且不會好硬，這個芒果說吧超乎想像好香嘅芒果味，有少少似熱情果，作為全晚晚飯嘅ending😍

最近發現一間超正嘅法國小店 Little Fresh Cafe & Bar，個裝修好有文青風，啲傢俬都係淨色系，成個feel好舒服。今次去試咗幾個招牌菜，真係意外驚喜！落咗order仲會包埋個餐湯同埋麵包首先上場嘅係佢哋嘅瑪格麗特PIZZA。睇落好似好普通，但係食落先知道有幾出色！個餅底薄薄脆脆，邊緣仲有少少charred嘅香味，配埋上面香甜嘅番茄醬同埋香濃嘅水牛芝士，食落唔會覺得太heavy，反而好清新。最正係個芝士夠香又夠韌，拉絲效果一流，影相一流食落都一流！另一個重點推介係油封鴨髀。呢個菜真係大大個surprise！鴨肉外皮炸到金黃香脆，一啲都唔油膩，反而有陣陣蒜香。入面嘅肉質軟嫩到爆，一夾就散開，仲要多汁得嚟唔會乾身。個醬汁係有少少紅酒味嘅，配埋鴨肉就更加突出個層次感。青口肉質飽滿鮮甜。煮過之後嘅青口一啲腥味都冇，味道香辣👍🏻好開胃！飲品方面，今次試咗佢哋兩款特色梳打。蜜桃薄荷梳打帶有陣陣清甜嘅水蜜桃香，配埋新鮮薄荷葉，好解渴又清新。至於蘋果薄荷梳打就比較特別，用嘅係青蘋果juice，酸酸甜甜配埋薄荷嘅香，飲落好提神。兩款都係用梳打水調配，個氣好足，配餐一流。

同朋友食lunch,試下唔同嘅餐廳。見到有分店又咁多好評，就試試。平日中午時間唔多人，客人唔多店員都唔多。朋友唔肚餓，就一個lunch set risotto , 要左餐湯,同埋mocha，另外加一個taco。味道嚟講樣樣都幾好食。出事有2件事，員工話個咖啡機壞左，佢唔訃4整，要等老細返先可以整返好部機，叫我哋揀其他嘢飲，但結果好彩老細返得切黎就整好個咖啡機。另一件事係，收錯錢，本身無睇張單就比錢，走左之後諗諗下覺得點解比想像中貴，就check返，原來員工打錯左個晚餐的risotto 而唔係lunch果個，結果我打電話去問一問，老細都check到係收錯錢，就即刻退返比我。

Little Fresh位於食肆林立的銅鑼灣耀華街百樂中心，看Openrice介紹，才知這間主打法國菜餐廳的本店已穩守在油麻地區六年！老闆現選址銅鑼灣開分店，還親自主理店內一切事務。今晚和閨密選了Set Menu for two($688)，包括Starter、Attpetizer、Main，Drink及Dessert共五道菜。Starter :🥦🥣西蘭花忌廉湯～喝厭了坊間的磨菇湯、雜菜湯及龍蝦湯，這裡的忌廉湯給我一種新鮮感。湯底非常清，不像普遍忌廉湯的濃稠質感。搭配西蘭花蓉，十分鮮味。Attpetizer :🦪 罐罐燒生蠔兩隻及🍽伏特加醬番茄青口～青口和生蠔size夠大隻。Main：🐟法式紙包白酒盲鰽魚～盲鰽魚先以孜然粉調味，再淋上白酒，最後用紙包焗至剛剛熟。魚肉鮮嫰之餘又吃到與別不同的味道。🐔🌯墨西哥牛油果慢煮雞肉卷～牛油果蓉及雞肉以煎香了的餅皮包裹着，食材健康之餘亦非常滋味。Dessert：🍰Tiramisu ～Tiramisu 切成四小格，朱古力粉及忌廉比例剛剛好，朱古力味濃郁，甜度適中。值得一提，假如想吃生蠔及喝酒，必須要提前一小時致電餐廳預訂！

今日約咗中學同學敘舊，就約咗一間位於銅鑼灣嘅西餐廳，好食程度令人讚嘆🤩餐廳只有一個廚師，包辦晒烹飪、落單、上菜等，上菜速度稍慢，等咗半個鐘先上菜，但廚師嘅心機同埋烹飪能力一啲都冇少到，食物質素更加令人驚艷我哋叫咗兩碗湯同埋兩個主菜，全部都好好食✨雜菜湯加蒜蓉包✨雜菜湯好濃蕃茄味，入邊料都好足，熱辣辣，配上酥脆嘅蒜蓉包，令人食慾大開✨黑松露蠔肉意大利飯✨淡淡嘅黑松露味配上蠔肉意大利飯，份量都唔少。最驚喜嘅係蠔肉，蠔肉十分滑溜，有濃郁嘅海水味，但係一啲都唔腥。✨慢煮油封鴨髀✨鴨髀採取慢煮嘅烹飪方法，配上翠玉瓜、西蘭花同蕃茄等嘅配料，鴨髀煮得十分軟腍，調味亦適中，不會過鹹。總括而言，係一間令人驚艷嘅西餐廳，值得一試。

男朋友之前預早打電話訂位for情人節問定餐廳有無得散叫 餐廳話有 所以就book左 去到餐廳坐低 侍應先話淨係小食可以散叫 主食要叫set （$688）🤯咁都算 照叫個set 嘢食係ok嘅！但係份量好少 食曬成個set都唔夠飽餐廳廚房就係我地後面 一路等嘢食一路聽住入面應該係一個有多啲經驗嘅廚師鬧另一個full booking但得兩個廚師同一個侍應我地等左個牛排好耐 問左幾次個侍應 佢又入廚房問廚師 但廚師話無我地張單 咁姐係漏單啦～9:15pm個牛排先到 個廚師擺碟牛排係我地張檯話：爭你份牛排要人等咁耐但一句sorry/唔好意思都無甜品係一個好mini嘅芒果雪芭我以為呢個價錢會係一人一個點知係要兩個人share一份💀基本上每一檯都等緊唔同嘅嘢見到有檯情侶已經頂唔順 啲嘢食未嚟齊 佢地已經埋單俾錢我地之前其實食過呢間餐廳嘅dinner 覺得嘢食質素幾好 所以今次先再嚟但永無下次！😡

朋友揀左呢間銅鑼灣既樓上cafe, 見網上好多人推介，一於去試試！一坐低老闆已經過泥同我地推介有咩好食，好friendly~餐廳既大小唔算大，但坐等好舒服又夠寧靜，好適合同朋友上泥開枝酒慢慢傾計首先，洋蔥湯既味道都算不錯，湯底幾香，湯裡面既材料都唔少，配埋外脆內軟既蒜蓉包，食得好舒服開胃。沙律份量ok, 沙律汁好食，青瓜勁fresh🥒之後仲叫左雞肉拿破崙意粉，意粉口感ok,平時都中意食開偏硬既意粉，醬汁的濃郁程度岩岩好，雞肉幾嫩口同份量好多，兩個人share都夠食！主菜叫左ribeye，肉質還可以，亦好有肉味，搭配埋洋蔥增添左味道，蔬菜勁juicy yumyum，薯條份量好多😋炸物拼盤有雞翼、咖哩角同麥樂雞，雞翼幾好食，辣味好夠，外皮酥脆，雞肉都好嫩滑，好適合同朋友一齊當小食分享。飲品方面，叫左蘋果薄荷梳打、百香果薄荷梳打，薄荷野飲好清新，亦有好濃既蘋果同百香果味，個味唔會太甜太假，幾好飲推介🥰最後，叫左tiramisu~質感柔滑，本身已經甜，加埋朱古力醬好邪惡呀，平時的唔中意食朱古力既我都覺得唔錯，唔會太膩。總括呢間cafe環境都幾舒服，食物都唔錯，好適合同一大班朋友泥食飯傾計🥳

店名: Little Fresh Cafe & Bar 地址: 銅鑼灣耀華街3號百樂中心18樓1801號舖銅鑼灣站A出口，行5分鐘環境: 4/5價錢: 4/5味道: 4/5Little Fresh Cafe & Bar 係一間法式菜餐廳，餐廳位於銅鑼灣，佢地係油麻地同樣有分店，今日就黎試試佢既功夫😆法式紙包白酒盲曹魚 ❤️❤️❤️❤️$218盲曹魚用左法式紙包既煮法，再加上白酒，煮法同白酒起到辟腥既作用🥰而魚肉本身亦因為紙包原因，大大保持肉質既鮮嫰🤩四天風乾12小時慢煮油封鴨髀❤️❤️❤️❤️❤️$218呢到嘅油封鴨髀大有名堂，正如菜名，用左四日風乾，之後仲要用12小時慢煮，以保留左肉質既爽嫰，而肉質亦呈粉紅色，推薦一試😍伏特加醬蕃茄青口 ❤️❤️❤️❤️$58青口用左蕃茄煮，令到青口充滿濃濃既茄味，而因為加左伏特加醬，所以整鍋都有非常濃厚既酒香味，充滿滿足感😆蜜桃薄荷梳打 ❤️❤️❤️❤️$48蜜桃味非常香甜既一杯梳打，加上薄荷，非常解膩🤩蘋果薄荷梳打 ❤️❤️❤️❤️$48蘋果薄荷梳打同蜜桃版同樣出色，但取而代之既係蘋果既鮮甜味，蜜桃味相對地無咁甜😆