小確幸咖啡館

Open Now

Now Closed

沙田第一城有間叫小確幸嘅咖啡館，見menu上嘅食物配撘好多，特別係英式all day breakfast，所以我決定要試下。今次order左all day breakfast A1，有火腿芝士奄列、牛仔腸、脆薯餅、甜粟米、茄汁焗豆、廚師沙律。 火腿芝士奄列芝士味香濃，蛋滑又火腿多，牛仔腸肉質鮮，脆薯餅香脆，甜粟米同埋茄汁焗豆原汁原味，沙律好fresh。另點左海陸空什扒餐配燒汁及意大利粉，豬扒多汁juicy，雞扒好鮮嫩，龍利柳夠鮮美，加埋燒汁意粉食一流。仲有小食香草雞中翼，外表金黃可口，入面就雞肉鮮嫩，仲有黑醋沙律在旁，正！

我妹住沙田呢邊架，今晚過嚟搵佢食飯，所以揀左呢個cafe試吓，呢到除左店舖內有座位，出面亦都有一個區域啲座位係佢地嘅，枱與枱之間都好闊落，座得相當舒服餐牌種類都相當多款式，有晚餐，全日早餐，咖喱，沙律，意大利粉⋯等等餐湯係黑松露忌廉湯，好好飲唔會太稀，重黑松露味👍🏻我地揀左晚餐鐵板西冷扒黑椒汁跟飯，份量好大份，超足料，有腸仔同粟米跟埋，牛扒成隻手噤大塊煎得好好味夠淋，汁醬係另外上的～鐵板龍利柳茄汁跟意粉，又係大大碟真係好鬼抵食～煙三文魚海撒沙律(半份)佢呢到可以叫半份嘅做法相當好，好似我地兩個人叫一份又食唔晒，但又想叫啲小食，有半份叫就岩晒我地，啲煙三文魚好有魚香正朱古力鮮奶咖啡，味道唔錯同超大柸

這間餐廳啲食物同侍應一樣咁差。D飯唔熟兼凍，應該係隔夜冷飯，同佢哋反映，居然無反應，仲要完碟取回。😤😤😤叫佢換意粉，就比左一碟又乾又硬嘅白焯無味意粉。侍應仲要眼超超。不會有第二次😡😡😡

🤎 第一城嘅小確幸咖啡館☺️ 平日去食個All Day Breakfast都幾開心~🤎 All Day Breakfast最平$52就有啦😍不過我揀左個$98既🤣 因為想食Egg Benedict 🤩🤎 除左egg benedict 之外，仲有腸仔, 脆薯餅, 煙肉, 粟米, 雜菜沙律, 厚多士等💟好豐富呀！🤎 睇完menu發現原來仲有扒餐可以嗌😍朋友嗌左 大盛鴛鴦扒餐！原價 $108, 嗰日特價 $88 😁🤎 有牛扒, 雞扒, 法蘭克福腸, 同煙肉~雞扒煎得香脆！另外推薦大家要揀黑椒汁👍🏼因為個黑椒汁真係好惹味😍🤎 跟餐附送飲品，我仲加錢要咗個焦糖咖啡☕️

今日係第一城附近做野，整完野同同事搵左間餐廳食lunch，又意想唔到幾抵食又性價比高，原本以為食lunch所以咁抵，睇返餐牌原來夜晚都好似差唔多。.🍴全日早餐A3 $60煙三文魚班尼迪蛋、脆煙肉、甜粟米、茄汁焗豆、雜菜沙律，ADB有平有貴，呢個Set只係$60好收貨👍🏼 班尼迪蛋醬汁唔錯，配埋流心蛋，同鬆軟既muffin。.🍴紐西蘭肉眼排配薯菜 黑椒汁 $88紐西蘭肉眼排做緊特價，只係$88，牛扒厚身得黎夠淋身，唯獨係無得擇幾成熟，全熟有少少過火左，但牛排本身高質，所以都唔錯既。伴碟既脆薯角好脆身。跟餐+$8 配香烤蒜蓉包，同+8 加左紐倫堡腸。蒜蓉包好正，蒜香味重又濃。.🍴 經典焗豬排飯 $66焗飯好唔錯，芝士滿滿，飯底係夠乾身嘅炒飯底，豬扒有兩大件，厚薄度適中。.跟餐加$4有凍飲，凍咖啡同凍檸茶都正常發揮，餐廳定價唔貴，食物種類多，真係幾唔錯😊

今次來到最近的第一城！想坐得舒舒服服～來到小確幸！主菜。。必點當然是 All day breakfast 啦！叫了這個好豐富的11號！有：法式多士配白糖霜、法蘭克福腸、紐倫堡腸、脆薯餅、脆香煙肉、甜粟米、茄汁焗豆、雜菜沙律！見到就開心🥳！多士與白糖霜一定是絕配～再加上糖漿，好滋味！腸仔們充滿肉味，煎得剛剛好！薯餅、煙肉好香，都脆脆脆！其餘蔬菜加埋食，夠健康，夠清新！另一主菜，西班牙海鮮意大利飯！好大盤呢～滿滿的海鮮🦞！食啖飯，好香的蕃茄味！再食啖海鮮，好香好鮮味！海鮮和飯的味道好配合！食晒全碟好飽肚！飲品分別叫了。。水蜜桃梳打！好解渴～仲好香水蜜桃🍑味添！精神晒～薄荷鮮奶咖啡！飲啖先，好薄荷，好清爽！鮮奶同咖啡的分量剛剛好，互相分配又互相配合！飲飽食醉了！好滋味呀👍🏻👍🏻

今日去沙田第一城，跟住去左小確幸咖啡館食dinner，依度環境光猛而且地方寬敞。坐低order左海陸空什扒鐵板餐，及白酒香辣蜆肉意大利粉，飲品有芒草綠茶蘆薈及檸檬柚子蜜。海陸空什扒鐵板餐有豬扒、雞扒、龍利柳、法蘭克福腸、煙肉、太陽蛋。豬扒夠腍夠入味，雞扒肉質幼嫩，龍利柳魚肉鮮滑又脆口，法蘭克福腸點燒汁食一流，煙肉就更香口，太陽蛋鐵板上份外好食，加埋配菜熱炙炙食，好正。白酒香辣蜆肉意大利粉d蜆肉夠多又肥美，加埋特製白洒香辣汁上嘅意大利粉，好食到停吾到口。芒草綠茶蘆薈及檸檬柚子就好fresh。

小確幸咖啡館沙田第一城，置富第一城地下G93B號舖W5 秘制意大利黑醋鴨胸意大利粉呢個廚師推介，真係做得好好食，好鍾意食黑醋嘅我絕對岩哂我🥰🥰，味道有驚喜，冇諗過黑醋都可以用嚟煮意粉🫶🏻，值得一試。煙三文魚凱撤沙律（半份）個煙三文魚卷得好靚！好似玫瑰花咁！沙律份量好大碟！2個人食會岩岩好！醫生話要食多啲菜先得架🤓西冷牛扒配薯菜牛扒估唔到有兩塊！好多！又會鞋口！配埋個黑椒汁！正🥰🫶🏻想講個薯條！超級脆！擺勁耐都唔會淋！唔知點整😈真心好食黑松露炒蛋配蒜蓉包炒蛋好滑好香，黑松露都好多！唔孤寒！🫶🏻蒜蓉包好好食，好香口好脆，同朋友一人一件！岩岩好❤️

咁啱爸爸要開會，我又超級耐冇同媽咪一齊出去食飯，於是我就叫媽咪陪我出去食。叫左個all day breakfast ,入面有個煙三文魚班尼迪蛋、粟米🌽、煙肉、沙律菜，個煙三文魚班尼狄蛋超級好食😋煙肉唔會好似出面其他舖頭咁樣整到又乾身又硬，口感勁正薯條炸到超級香脆一條又一條好好食而且個安格斯burger啲肉好正，好彈牙，超級香嘅牛肉味伴碟仲有煙肉同埋蘑菇，煙肉都係咁正，蘑菇就一般般啦卡邦尼意粉算係我最愛所以我都有叫….超香濃嘅芝士同忌廉汁整體CP值超高，因為價錢唔貴，而且每個餐都可以有一碗忌廉粟米湯我仲嗌咗一杯熱情果蘆薈特飲，超級多熱情果同蘆薈嘅果肉佢哋有室內同室外嘅座位，本人亦超鍾意佢呢一個字眼，吃真係一種幸福

呢度超抵食，都多人幫襯。不過只收現金，係一個食的好地方。雖然係食西餐，但個feel似茶記，食物普通，但勝在大份，平!!個收銀一腳踢，收$侍應都係佢，佩服! 😌我個All day大大份，真係食唔晒，所以俾咗d我個fd。少少唔滿意的是2條腸，煎都唔煎下，食落冇味😅好彩分咗一條俾人😆😆好啦，下次記得煎一煎，多謝款待❤

自從屯馬線🚇開通咗之後，開始同朋友🤓去個頭揾食。今晚去咗第一城站附近置富第一城嘅一間悠閒Cafe叫「小確幸咖啡館」!☕️💕我地點咗一個沙律🥗、兩個主食🍝同兩杯飲品🥛🥤！1️⃣煙三文魚凱撒沙律🍣🥗（全份）$56🍣煙三文魚份量多，鹹度適中，帶有少許煙薰味，加上香脆麵包粒，再配酸酸甜甜嘅凱撒沙律醬同新鮮沙律菜🥗，好正👍🏻2️⃣松子仁香草雞肉意大利粉🐔🍝$70雞肉醃到好入味，煎到好嫩滑，配上大量嘅香草，意粉煮到好煙韌👍🏻3️⃣紐西蘭牛肉眼扒配燒汁🐮🥩$108肉眼扒份量十足，肉質淋滑，配上香脆薯條🍟，值得推介👍🏻最後埋單$242！好抵食！大滿足！下次想品嚐佢地嘅All Day Breakfast！😋

係第一城附近收工就順便係個商場就食埋飯先返屋企~~見到間叫小確幸咖啡館既CAFE有晚餐就入去坐咯....呢間CAFE係食物方面都有好多選擇喎~有all day breakfast, 飯, 意粉, pizza, 小食等等...晚餐包餐湯&飲品~是日餐湯係忌廉湯~~~個湯好似雪一樣咁白, 質感頗為杰身, 味道中規中舉All Day Breakfast (煙三文魚班尼迪蛋, 脆香煙肉, 甜粟米, 茄汁焗豆, 廚師沙律) $60班尼迪蛋比較糖心大於流心, 麵包鬆軟唔乾~~ 荷蘭醬汁香濃幼滑!沙律菜新鮮卜卜脆~海陸空什扒 (豬, 雞, 龍行柳, 法蘭克福腸, 煙肉, 太陽蛋) $128好大份喔!!! 份量非常多~~豬扒薄切得黎好軟腍, 雞扒嫩滑!有3款醬汁選擇, 我揀左黑椒汁, 黑椒味夠濃呢炒蛋火腿牛角酥 $35牛角酥非常酥脆, 炒蛋嫩滑餐飲凍飲+$4~

今次同朋友去咗佢屋企附近食晚飯，見到間餐廳叫小確幸咁得意，咁就試下喇。紐西蘭肉眼扒牛扒岩岩好5成熟，表面煎得好脆，肉汁配埋黑椒汁好好味！朋友仔唔係好食得辣，佢都話個黑椒汁好香好惹味😆配咗個薯角係有椒鹽調味過的，夠脆又夠香！All Day Breakfast 最近都好迷丹麥多士，好開心呢到有呀！啲牛油搽係個面都烘到好香好脆呀🤣個奄列成半隻碟咁大個，勁吸引😍食落啲芝士周火腿爆曬出嚟🤣見到餐牌仲有Benedict egg，決定下次再嚟食先！最尾仲有杯咖啡

在置富第一城內，有一家性價比頗高的餐廳，環境也是別緻，服務水平不俗，侍應會主動端上你的食物，但卻不收服務費，明碼實價值得一讚在商場內的座位也頗好坐，空間感更大扒燒春雞 全隻 配燒烤汁$108春雞的件頭很巨大，而且$108有一整隻雞，這真的是春雞嗎？皮薄肉厚，外皮香脆，比想像中更大份更抵吃焗雞胸的表現算是不俗，不算超嫩滑但絕對有肉汁另外意粉超大盤，差不多二人份燒烤汁酸酸甜甜，疑似是以茄汁做base製作出來，頗提胃最後配一杯伯爵茶，提一提神！總結：整個套餐超大份，性價比非常高

今日晏咗起身，食完早餐再做吓家務，原來已經過咗午飯時間。突然收到好姊妹嘅即興聚會，一於近近哋去到屋企附近嘅小確幸咖啡館。小確幸咖啡館坐得舒服，食物選擇又多，最重要係價錢非常親民。碎蛋牛角包配黑醋雜菜沙律唔係太肚餓嘅姊妹H就叫咗茶餐，碎蛋嘅份量非常多，一咬落去就會滿瀉，至於牛角包非常鬆脆，夠晒滿足！旁邊仲有雜菜沙律，用黑醋提味，非常醒胃，而且比沙律醬健康，唔會有咁大罪惡感，食得夠晒輕盈。卡邦尼意粉配料有煙肉同蘑菇，份量十足。但重點當然係非常creamy嘅醬汁，每條意粉都掛晒汁，好香滑濃郁！芝士焗咖喱雞扒飯即叫即焗，上台非常熱辣辣！芝士焗到溶晒，配埋濃郁咖喱，唔會太辣，撈埋飯食就最match！至於雞扒肉厚，焗嘅時間啱啱好，唔會太嚡太老。All Day Breakfast小確幸咖啡館嘅All Day Breakfast有唔同組合，我就揀咗最豐富嘅選擇！食物擺到成隻碟都係，有特濃班尼迪蛋、法蘭克福腸、紐倫堡腸、牛仔腸、辣肉腸、脆香煙肉、脆薯餅、甜粟米、炒蘑菇、㕑師沙律同丹麥多士。最驚喜係班尼迪蛋，一切開就流出蛋汁，蛋香滿溢！另外，丹麥多士油香鬆軟，試過一定返唔到轉頭，好好味呀！