小肥羊 (Closed)

想去試小肥羊已很久，上星期終於有機會去，誰知清湯底都可以喊得很過份，加了3次水都很喊，奇湯！以後都不會去了

寫開火鍋, 又重提舊事. 話說有三條佬, 星期五放工, 唔返屋企, 出黎食野飲啤. 一齊步出公司門口便由阿頭帶路, 直奔小肥羊.大羊極力推介, 話上次北京食, 幾正幾正, 中羊小羊未食過, follow.點了湯底, 亦被氹了吃推介菜. 結賬時, 三隻羊羊呆了. $600+. 大羊上次係北京食, 價錢當然差天共地, 而且有client 請. 呢次自己俾, 仲要香港食, 三隻羊羊都好肉痛

去完大會操，一行６人去食飯吹水人慶祝有人拎榮譽笛子去小肥羊下午任飲任食飲茶～去到本身叫我地坐對住廚房個位～果下大家都話咁唔食啦～見到廚房門大開個環境係十分ｄｉｒｔｙ,咩胃口都無曬，佢就立刻比左個ｖｉｐ房我地啦～講ｄ好野先啦～甜品真係唔錯～桂花糕同龜拎椰汁糕都不錯～唔會太甜～我地一人食左兩客～蝦餃都唔錯，無偷工減料，其他ｇａ就好十一般啦～食到鯪魚球，我地有人食到界到條脷流血，我朋友以為係魚骨，點知吐出黎竟然係舊利ｇａ透紅色硬膠（都成１．５ｃｍ長）～立刻叫人叫經理黎，點知十分鐘無唔見人，攪到我地火都黎埋，無耐有個話自己係ｓｕｐｅｒｖｉｓｏｒ的人問我地發生咩事，我地講完佢就話唔好意思，跟住就想收左佢，我地要求叫食物安全主任，點知佢話佢去左開會，我有個朋友係呢項的主任，話食物安全主任唔可以長時間唔起餐廳，我地話去ｃｏｍｐｌａｉｎ，佢話免我地兩個人錢，我地話咁ｊｉ係點呀～佢先去ｃｈｅｃｋ話係個ｊｅｌｌｙ杯崩左～我地話等食物安全主任番，佢話佢３個鐘先番，我地話再嘈，個食物安全主任無啦啦出現，我地話唔係想攪，係如果食果個係小朋友咁點算呀～佢ｄ態度好好多～完全係比我地講，跟住免左我地３個人錢～話比我地

今日發神經想去飲茶, 但只得我同阿媽兩個人, 去普通酒樓飲茶的話, 好難叫點心架嘛~~~所以就去左銅鑼灣小肥羊喇~~~2點幾去到, 好在仲有張台, 剛剛好唔駛等位~~唔理咁多即刻落單~必叫:小肥羊春卷: 一定要叫呀~~其實黎呢到食都係為呢樣, 不過佢冇俾沙律醫我~叫佢俾都即刻俾~~蝦餃: 超大粒爽口鮮蝦~正~!!!燒賣: 又有超大粒爽口鮮蝦~~!!菜苖餃: 真係好好食~~皮薄餡靚~!!!保持水準!!灌湯餃: 皮厚左, 但料多左~~又有爽口鮮蝦(粒)~~都係鐘意初初個湯底, 依家變左白色既魚湯~~如果唔鐘意呢個湯底就可以唔叫既~~本人就冇乜所謂~亦要叫:海蜇頭: 爽口~~桂花紅豆糕: 賣相好~不過D紅豆硬左D~~都係以前桂花紀子果個好D~~椰汁西米糕: 味道適中~~唔會太甜~~o岩o岩好~~ok la:好耐冇食山竹牛肉~~又食下啦~~不過"淋"左少少..唔多似山竹牛肉...油菜, 牛柏葉, 鳳爪都ok~豬下青: 本身舊豬下青係冇乜問題的, 但個味好似有點怪怪...食唔出係乜....口水雞: 個味都係好似有點怪怪其實都真係幾鐘意黎呢到食~~樣樣野細細碟~最o岩我地呢D細食但又想食好多款野既

20071012有同事last day，選了這裏，一間房，兩張枱，掛牆Plasma，打開門還是耳聞目見外面的熱鬧，關起來也算是享有自己的空間，可以大張旗鼓的送禮物、合影。只是要有最低消費，對於“打邊爐”這一類東西來說，還真是有點難，最後要買兩瓶酒拎走湊數。事物本身其實沒什麼好說的，自己打邊爐經驗少，也不覺得這裏有格外的過人之處，只是羊肉的選擇多些。我是最晚到的一個，九點多了，座無虛席，外面的人龍還長著，想來畢竟是香港，小肥羊也不能像在國內那樣店子大得像遊花園。舊公司有同事專門組織過一次小小的週末團，上深圳逛街、吃小肥羊再唱K，加上來回路費，依然很抵。話說回來，雖然吃的東西都差不多，不過香港這邊的分店始終乾淨整潔些。

一行七人叫了一個火鍋套餐, 原價1480, 此套餐內的食物可加可減, 由於得7個人, 所以減了幾樣食物, 減了之後, 一個操不純正廣東話的女待應計了一個價錢給我們..價值$1310, 我們同意彼, 她才去落order, 食食下, 伙記送來一碟烤羊架, 我們有懷疑是否套餐包埋的, 於是走去問個戴假髮的男部長, 男部長話是, 還double confirm 個餐是$1310, 點知埋單的時候, 張單是$16xx, 差左成三百幾蚊, 再問佢點計出來, 個不純正廣東話的女待應就羅左d 單出來, 話我地除左order左個餐, 仲額外加左食物, 仲羅左3張被人"tick"左野既order 紙出黎, 嘩...我地即刻呆左, 全晚食野, 除開頭落單之外, 全程無order 過野, 是不是明屈呀..?? 我地死人都吾肯比, 叫佢去check單, 佢行來行去, check 來check 去都話係我地order, 我地先後再問了3個部長, 擾攘左成45分鐘, 都仲未肯改番張單過黎, 攪到成台人都燥晒, 差不多12點都未走得, 個部長仲話check 緊係咪我地欺騙, 我地都吾係善男信女, 其中兩個企係身同佢地

尋日同朋友仔食粥，佢忽然想飲茶，於是今日就走黎呢度。2個人叫左口水雞、豬下青、XO醬蘿蔔糕、春卷、蝦餃、牛肉腸粉、山竹牛肉、燒賣、奶皇包、鮮蝦菜苗餃、家鄉薄餅、灌湯餃、涼瓜羊肉水餃、蒸排骨、桂花紅豆糕。除左山竹牛肉、奶皇包、灌湯餃、蒸排骨外，其他可以一試。

估唔到今時今日都有呢種服務態度, 下午茶時段我地點左點心左, 佢送錯黎, 我地只係同佢地個傳菜講我地無點呢樣, 誰不知已經有一個操絕不純正廣東話的女部長同個傳菜講, .小肥羊....我以後都唔會再去.

星期六同朋友去食下午茶(係49蚊任食), 等位果陣有個女部長叫人搭檯, 佢仲話唔搭檯就慢慢等啦, 我等到2點半就有位入座, 2點7入單叫野食. 等到3點2都未有野食, 就叫個女部長跟跟, 見佢同個載假髮男部長講完次後, 就一去無回頭, 等多幾分鐘就問返果個載假髮的男部長, 佢就答你地張單唔見有,可能走左單卦.....大哥, 如果你check到走左單, 就應該立刻同個客講返啦.... 我地已經等到一肚火, 不過都再入多一次單, 今次由3點2等到3點半, 我又再問個假髮的男部長, 佢就答d野要蒸ma, 你等下先啦... \./ 終於3點8先有野食, 食唔夠15分鐘就比張單叫我地埋單, 佢話下午茶4點完. 我地唯有係剩餘5分鐘食哂果幾碟野.我真係唔知呢間野d部長有無接受過禮貌訓練, 人地黎食野姐, 唔係問人攞錢, 洗唔洗下下黑口黑面. 反而d waiter 就醒目同好禮貌好多. 食物選擇小味道普通唔在講, 食到一肚火下次都唔洗預我再去.

去到唔駛等位,立刻坐!必食有:蝦餃-好多蝦,冇肥豬肉春卷-炸得好皮蛋瘦肉粥-多瘦肉,GOOD!雙菇栗米粥-多雙菇,夠味海哲頭-夠爽,但味冇,不過食得過OK有:肥午伊麵-少肥午,不過最好唔食,太飽就唔抵食啦!口水雞-D汁味有D怪,不知是甚麼汁,紅色的!黃金大餅-小肥羊話是餅,其實是飽,搞到我食到太飽!唔好食的有:豬下青-D紅色的汁味有D怪小肥羊的公關,待應,部長,傳菜員都幾OK,不過清潔阿肥嬸就多口啦,人哋洗手又話小心D,唔好整濕,真麼煩!就是肥嬸拉低小肥羊的服務分!今日我認為小肥羊整體上都幾好,食得過!

去到唔駛等位,立刻坐!必食有:蝦餃-好多蝦,冇肥豬肉春卷-炸得好皮蛋瘦肉粥-多瘦肉,GOOD!雙菇栗米粥-多雙菇,夠味海哲頭-夠爽,但味冇,不過食得過OK有:肥午伊麵-少肥午,不過最好唔食,太飽就唔抵食啦!口水雞-D汁味有D怪,不知是甚麼汁,紅色的!黃金大餅-小肥羊話是餅,其實是飽,搞到我食到太飽!唔好食的有:豬下青-D紅色的汁味有D怪小肥羊的公關,待應,部長,傳菜員都幾OK,不過清潔阿肥嬸就多口啦,人哋洗手又話小心D,唔好整濕,真麼煩!就是肥嬸拉低小肥羊的服務分!今日我認為小肥羊整體上都幾好,食得過!

星期六想和女兒飲早茶,原本去利舞台的客家好棧,但又怕多人等位,於是去小肥羊睇睇多唔多人,出乎意料之外,大把吉枱,心想...唔通好難食?以前都試過任食下午茶,OK啦,一於入去,招呼尚好,那時已近11點,趕快落單,叫了:醒晨孖寶(义燒腸粉+瑤柱雞包仔)..好味山竹牛肉(女兒至愛)..好味蝦餃(差了,蝦有酸味)..失望燒賣(又係上面隻蝦累事)..再失望冬菇棉花雞..好味鮮什菌素粉果..幾好流沙奶皇包..唔流沙,都唔難食北菇雞飯..食唔到,部長回來說賣晒,期間離我枱不遠,酒樓員工開飯,竟然見到四盅北菇雞飯放在枱上,我和女兒都笑說一定係好好味了,我們行遲一步。時近12點,又係埋單時候,兩茶位連加一$60大元

和阿媽、名阿哥一行三人來了食任食點心下午茶好好味的有春卷：唔會太油，外貌特別蝦腸：細細條，料好足奶皇包：個餡甜度適中蝦餃：大大粒，蝦很多鮮蝦菜苗餃：唔油煎家鄉薄撐：個邊脆脆的，又唔厚杞子雪耳糕：清香又甜度適中，非常好馬蹄露：同杞子雪耳糕一樣，又香又唔會好甜綠茶煎堆仔：個人認為最好味的，餡不是紅豆，反而是紫米餡，正！蔥花卷：細細件，又軟淋淋炸雲吞：夠脆，配埋甜酸醬，一流幾好味的有海蜇頭："燕燕UN UN"，有咬口馬拉糕：又係唔會好甜，好鬆軟口水雞：雖然冇咩雞味，但Ｄ醬好味，雞肉亦唔"鞋"油菜：叫了幾碟（分開幾次叫的），碟碟都唔同，唔係同一款菜@@個味OK的有柴魚花生粥& 皮蛋瘦肉粥：細細碗，料唔會話太少紅油抄手：味唔算凸出，可以試下的可以唔食的有灌湯餃：餡太少，個湯好似豬骨湯咁既色，味道麻麻什菌蒸翠瓜：太油，什菌切得太細粒、太碎蟹籽燒賣：豬肉太多，蝦就得一舊，不喜歡茄子炒米粉：唯一食唔晒的食物，幾好味但太大碟...D人都幾有禮貌，但亦有漏單的情況出現（大約漏o左3-4碟到)會再去的！

小肥羊，我一家人都認為，除了湯底，不太值得再去鴛鴦底，清湯及麻辣，兩邊都一樣美味。這地盤人人對其羊肉評價都不錯，但我們就覺得切得過份薄，每次都「羊沉大海」，一放下去，轉個頭便變身極極極細粒，放入口，就好像沒有放入口一樣，不知道係咪因為我地點錯食物至此？遲下再去，再驗證過銅鑼灣這間，侍應們都是懵盛盛，不知是否老細不在場？問非所答，答又唔識答，又要問番人...但都算有禮貌可以再去，食物不特別，而且貴，食了5-6碟，埋單近$400，又不是特別鮮特別好味再去，都只為鍾愛湯底未試過，一試無妨

有人建議去食小肥羊任點任食點心下午茶餐, 每位$44 (連加一), 覺得好抵食…五個人(三男兩女)食左五十碟點心(無誇張), 海蜇頭–先來兩碟, 再加二碟, 海蜇頭好脆口, 唔UN, 香麻油味及有少許葱花酸薑皮蛋–兩碟, 松花皮蛋, 薑較辣…蝦餃(必食) –叫五籠, 只來了兩籠, 皮不算太薄, 但勝在即叫即蒸, 熱辣辣…灌湯餃(必食) –每人最少吃了一個, 有人覺得好好味再叫, 味精不算重手.春卷(必食) –又一新鮮熱辣出品, 長條型放在玻璃杯內, 賣相特別, 皮脆, 但吃時小心辣親口水鷄 (必食) –先叫了兩碟, 由於太好味唔夠分, 另外再叫了三碟. 口水鷄辣辣地, 有鷄胸, 鷄髀或鷄翼部份, 肉質唔會太老, 細細碟好吸引蟹籽燒賣–沒有太多肥肉, 但不算突出牛肉腸/ 义燒腸–細細條, 粉不算厚, 但又不是滑嘟嘟, 還好啦…另叫了油菜(x 2) / 鳳爪(x 2) / 排骨(x 2) / 綿花鷄 (x 2) / 煎薄餅/ 粥…重有好多, 不能盡錄…可以唔食嘅有…紅油抄手/ 豬夏青/ 义燒包(因為太大個, 食完一個己經可能飽一半)總括而言, 四十幾蚊想點呀, 或者唔係話非常好食, 但咁嘅