小茶匙 (Closed)

第一次嘗試小茶匙🫶🏻叫咗一杯香芋珍珠奶綠半糖正常冰😋本身諗住叫微糖但係原來半糖都唔係好甜啱啱好🥰🥰🥰☺️☺️好飲珍珠好有咬口，好煙韌👍🏻👍🏻之後會再試其他嘢👍🏻👍🏻😊

今日落大雨經過土瓜灣既海悅廣場，本身諗住避雨，然後見到有間茶飲店，本身都係抱住一個求其買既心態諗住買杯野飲下等雨細啲。行到入去店員又好好態度好耐心推介有咩好飲，咁我就試左一杯少甜既巧克力奶茶+奶蓋，買完之後其實好快就拎得，再試飲第一啖: 好香濃既朱古力味，同埋係我好鐘意既奶蓋，真心講句賣奶蓋既茶店雖然有好多，但係佢地既奶蓋綿密得尼又好滑溜既感覺真係一試難忘，雖然得原味，但係溝埋杯朱古力真係好夾，好好飲，希望遲吓有賣芝士奶蓋啦！好耐都無飲過啲咁高質素既野飲，重點係好平，性價比好高，我諗我之後會為左佢特登過尼幫襯，下次再試下其他野飲先😋

見新開鋪就走去幫襯下，選擇算多同價錢比較平，試左幾款有手指公既飲品(茉莉花蜜椰果綠茶、鳳梨椰果綠茶、四季春)都唔錯，就算揀無糖都好飲，同埋佢地既仙草又幾好食喎🤤