Video
Introduction
The owner of the restaurant is from Taiwan. The soup base of signature beef noodle is cooked by 10 catty of beef marrow bones for at least 30 hours which is MSG free. The noodles are made from a local factory. Besides, Taiwanese bentos are also provided in this branch.
continue reading
Opening Hours
Today
11:30 - 20:45
Mon - Sun
11:30 - 20:45
Public Holiday
11:30 - 20:45
Public Holiday Eve
11:30 - 20:45
Above information is for reference only. Please check details with the restaurant.
-
Online Booking Service Not Available
放假相約老朋友出黎食飯聚舊, 選擇了近APM附近一間樓上嘅台灣料理餐廳。餐廳以木系傢俱為主, 氣氛很有台灣風味。餐廳全日免加一, SCAN QR code自行下單, 而餐廳中央設自助區放有飲用水同埋餐具。我地揀咗---二人豪華套餐 HK$258皮蛋豆腐: 凍豆腐配有少少溏心嘅皮蛋, 加上了鹹甜木魚片、甜甜地嘅台式醬汁, 清新消暑。炸花枝丸: 表面炸得金黃微脆不油, 口感彈牙, 食到花枝嘅鮮甜。炸墨汁墨魚扒便當:墨魚扒肉嫩厚實彈牙, 表面炸至金黃酥脆, 米飯吸收了滷汁精華, 配有鹵蛋、醃製小菜、沙拉蕃茄仔, 平衡了整體油膩感。紅燒牛肉麵:湯底味濃不澀, 幾有咬口嘅麵條同埋牛肉稍吸了湯汁, 牛肉有肉香而且軟腍。鹵肉燙青菜: 生菜保持爽脆口感, 加咗豉油同埋滷肉, 增加一點肉香。+$8 珍珠奶茶: 口感順滑, 珍珠熟透帶少少煙韌。+$5 薑母鮮奶茶: 濃郁薑香與順滑鮮奶融合, 薑嘅辛香在口中慢慢散開, 隨後有奶香柔和, 特別適合寒冷天氣飲, 很暖胃。炸甜不辣 HK$30表面炸得金黃微脆, 內裡煙煙韌韌, 面層加咗鹹甜梅粉調味。涼伴麻辣牛展頭 HK$38牛展頭切粒, 口感爽得黎唔硬, 有肉香之餘加上麻辣汁, 麻辣過癮。
continue reading
仲有唔夠一個月就到聖誕節，所以近排都收到唔少朋友邀約，出嚟見下面、傾下偈，順便食餐飯，提早慶祝聖誕。友人愛吃煲仔飯又鍾意打邊爐，今次就揀咗呢間一次過可以滿足兩個願望嘅「六両三.台灣食堂」。店內設計簡約，裝修以木系為主，帶點日式餐廳 feel。煲仔飯即叫即做，需時 25 分鐘製作，所以要耐心等候。揀咗個金牌豉汁排骨煲仔飯套餐 ($108)，包窩巴煲仔飯、滷肉燙青菜、小食及台式飲品一杯。一打開煲蓋就傳來滿滿飯焦香，真係見到都流晒口水。排骨份量非常之多，而且以瘦排骨居多，肉質粉嫩，入口啖啖肉，搭配靈魂嘅甜豉油，滋味無窮。青菜爽脆嫩綠，加埋可口嘅滷肉汁，生色不少！酥炸花枝丸金黃香口，而且滿有彈性；薑母茶薑味濃郁，飲完全身暖笠笠。另外點咗個番茄昆布鍋套餐 ($128) 包自選肉盤、台灣好丸及時令蔬菜、主食&台式飲料一杯。湯底清香，帶番茄嘅鮮甜原味。美國 Prime 牛頸脊 (+$36) 嘅色澤同紋路都非常漂亮，肉質新鮮，雪花均勻，咬下去有鮮甜牛味，十分可口。加點嘅澳洲和牛後腿肉眼 ($38) 同 日本鹿兒島豚梅肉 ($38) 水準亦唔錯，前者細致嫩滑、後者富肉香又不羶！拼盤有燕餃、豬肉丸、貢丸、墨魚丸、芋頭、粟米、蘿蔔、芋絲、椰菜同生菜等，超級豐富，份量十足。主食揀咗關廟麵，麵質彈牙滑溜，食完再嘆埋杯蜂蜜咸金橘，生津保健。
continue reading
今日5點幾去左觀塘食台灣菜。餐廳喺國基集團中心4樓，餐廳都幾大，座位闊落，水吧同廚房各一邊。呢到有火鍋餐，台式牛肉麵等，我見有煲仔飯餐，就叫左一個黎試下。餐廳落單用qrcode，非常方便。我就叫左煲仔飯套餐。主角 咖哩牛筋腩煲仔飯，上枱熱辣辣 滋滋聲。咖哩味香濃，大大件牛筋腩，撥開面頭嘅咖哩，見到飯粒乾爽，煲底仲有金黃飯焦。咖哩香濃，配料處理得好細粒粒洋蔥食落好有咬口，好啱撈埋乾爽嘅飯粒。牛筋腩大大件，咬落真係件年都帶筋，肉質軟嫰，一絲絲嘅牛腩肉質都唔乾，牛味都好香。食到落底都仲keep到個溫度，真係風味十足。仙草奶茶 去甜去冰，茶味淡香，奶茶質感幼滑仙草落足料，啖喺清新爽口仙草凍。滷肉燙青菜，生菜配上滷肉汁，生菜爽脆，啱哂配重口味仔飯，適量滷肉味道更香。酥炸甜不辣，少少胡椒調味，新鮮炸起，外脆，裏面彈牙，非常香口。餐廳選擇多，環境舒服，價錢都合理，係觀塘區打工仔唔錯嘅選擇。
continue reading
今晚，相約了好朋友在觀塘一間樓上鋪吃飯，是位於觀塘巧明街國基集團中心4樓的六両三. 台灣食堂。我們品嚐了二人同行火鍋超值套餐，一人一鍋，整體而言是非常滿意的用餐體驗。首先，套餐包括前菜、餐前小食的選擇，我們選了皮蛋豆腐和炸澎湖花枝丸（五粒）。皮蛋豆腐份量十足，豆腐口感滑嫩；花枝丸外皮酥脆和肉質鮮嫩，兩者令人回味。火鍋湯底有五款選擇，我們分別選了昆布蕃茄鍋和牛骨沙茶鍋，兩種湯底各具特色，昆布蕃茄湯底清甜中帶有微微的海味，而牛骨沙茶鍋則有著濃郁的牛骨湯底和香辣的沙茶味道。火鍋配料也相當豐富，肉類可以從7款自選兩款，我們享用了美國Prime牛頸脊120克和澳洲黑安格斯牛肩肉120克，兩者切成簿片，鮮嫩的肉質，有肉味且入口即化，好滿足。此外，還是台灣好丸及時令蔬菜兩份，好丸包括台灣燕餃、貢丸、鱈魚丸、花枝丸、薑母鴨丸等；自選主食兩份，選了王子麵及關廟麵，各種食材好新鮮且份量十分豐富；飲品點了冷泡冷萃茶和蜂蜜鹹柑桔；由於食物份量太多了，我們最後雪糕也吃不下，沒要了。六両三.台灣食堂的二人同行火鍋超值套餐絕對是一個物超所值的選擇。餐廳環境舒適，坐滿人也不覺得嘈吵，是一個美味又溫馨的用餐環境。如果你對火鍋感興趣，我強烈推薦你來六両三台灣食堂一試，相信你也會愛上這裡的美食！
continue reading
約咗舊同事去觀塘食飯，佢提議去食台灣菜，六両三位於巧明街樓上舖，店內擺設以木製為主，好有台灣格調，主打一人火鍋、煲仔飯和台灣小食。煲仔飯套餐金牌豉汁排骨煲仔飯：煲仔飯即叫即做，上枱時熱辣辣香噴噴，排骨份量十足，肉質鮮嫩唔會好肥，臘腸加排骨簡直是無敵組合，白米飯吸滿配料的精華，飯焦脆卜卜好滋味！滷肉燙青菜：生菜加上滷肉和汁醬，爽脆之餘，味道更香更濃。酥炸台式花枝丸：花枝丸炸得香口，肉質鮮甜彈牙。熱蜂蜜咸甘吉微鹹帶酸，味道芳香。一人一鍋有多款湯底選，更有不同火鍋配料自選。番茄昆布鍋：昆布熬製的高湯風味甘醇，搭配上番茄湯底，味道輕盈、解膩、高營養的湯底。日本鹿兒島豚梅肉：豚肉的味道濃郁而鮮美，脂肪甜美而不膩。鱈魚丸、貢丸、花枝丸：鮮味彈牙。時令菜盤，有生菜、娃娃菜、蘿蔔、金菇，粟米、蕃茄仔等，全部都好新鮮。加多舊嫩滑嘅豆腐。台灣粗麵口感Q彈。凍檸檬紅茶散發淡淡檸檬果香，解膩去油。鹽酥雞口感酥脆唔油膩。黃金地瓜條：油炸後呈現金黃的色澤，一口咬下外酥內鬆軟，帶有地瓜自然的香甜風味。台灣腸：口感紮實，嚼勁十足，煙韌多汁。
continue reading