LOF10 Bistro (Closed)

之前同妹妹去過上環嗰間辦館覺得唔錯，所以今日同朋友仔經開灣仔就想嚟呢間分店再食過😋黑松露野菌溫泉蛋長通粉💲90雞蛋同黑松露係完美嘅配搭，淡淡蛋香加上濃濃嘅黑松露香氣，長通粉同野菌吸收晒兩者嘅味道，質感滑溜，香濃惹味！紅酒燴澳洲和牛臉頰配薯蓉 💲118牛臉頰燴得好腍，肉質嫩滑可口，味道剛好😋手沖咖啡☕️應該係每日推出都唔同，呢杯係危地馬拉特級安提瓜，豆類係卡杜艾，波旁，咖啡純滑，有啲黑朱古力又帶有啲煙燻嘅回味，好特別！棉花糖朱古力杯入面有好多棉花糖，賣相一流，唔會太甜，好飲💕鍾意飲酒嘅朋友都有好多款酒可以選擇🍻另外仲可以加配小食，不過我哋太飽冇加到，下次要再黎試埋佢哋嘅晚餐

位於灣仔近金鐘的商業區，OL及商務人聚腳點。見完客約了朋友食晏，來了這間在告士打道旁的休閒小館，感覺食物也多元化。我們叫了兩份lunch set及小食餐湯是西蘭花湯，口感濃郁🍷🍛紅酒澳洲和牛面頰配薯蓉紅酒入味，牛面頰好冧，薯蓉落咗好多忌廉好香滑🍝🦐明蝦蒜片辣椒炒意粉蝦大大隻配蘆筍asparagus 感覺好清新此外，叫了日式餃子🥟黑松露炸薯條🥟日式餃子煎得香脆，食落也不覺油膩黑松露炸薯條，望到隔離枱食，都聞到香味飲品方面我叫咗杯黑糖焙茶鮮奶，因為坊間並不多咖啡店有，調教不錯，焙茶味亦很濃至於凍沫茶鮮奶🍵茶味也很出另外，倚窗有間房，私隱度高可作商務及朋友聚會，店主話現在準備晚餐Menu作晚市用加上這裏有酒提供，適合上班族放工後落嚟happy hour 🍷🍸聚一聚

#跟住我食唔中伏.之前同寶寶去灣仔做評估經過發現告士打道開咗間辦館反正未食lunch，即興入去試下啦😋.Lunch set 都好多選擇✨香港區價錢唔算貴😍［蘆筍蟹肉忌廉意大利飯］軟硬度OK，調味好合宜👍🏻蟹肉好多，而且配蘆筍好夾寶寶都食咗勁多😆.［紅酒燴牛臉頰配薯蓉］估唔到咁好食！😎suprise me好少餐廳牛臉頰做得好，夠冧又夠香✨好味！.咖啡味道正常，拉花唔太靚😅紅豆抹茶牛奶 (走抹茶)有真紅豆食❤️寶寶很欣賞～.餐廳環境幾好，都幾多打卡位，啲野食水準OK👌🏻過開呢邊可以再去😋....#ca師奶餐廳_灣仔

有喺灣仔做嘢嘅朋友話俾小編知最近原來灣仔寫字樓新開左一間Cafe，所以就同朋友嚟咗試吓，環境幾舒服😌亦有不少打卡位，值得一讚店員服務不錯，今次試咗佢哋嘅午市套餐，價錢$80左右包餐湯/沙律，以灣仔區來講定價都合理，味道都唔錯㗎😄_🌶明蝦蒜片辣椒炒意粉 $86食落去幾香口不會太辣，蝦肉嘅份量非常充足，爽口彈牙，鍾意食炒意粉嘅朋友就一定要叫嚟試吓_🥩紅酒燴牛臉頰配薯蓉 $98網上見到很多人推介這道菜式，果然沒有令人失望，牛臉頰非常入味軟諗，薯蓉入口綿滑，旁邊亦有蔬菜包括蘆筍、紅蘿蔔等等，十分清甜，值得一試_☕️手沖咖啡小編推介大家可以試吓呢度嘅手沖咖啡，今次試嘅係名為「彩雲之南」嘅手沖咖啡，飲落去帶白蘭地酒香，欣賞店內有提供咖啡豆嘅介紹小卡，另外佢哋仲有得單買咖啡豆，詳情請向店員查詢_☕️法式燉蛋焦糖泡沫咖啡 $39店員推介我哋試吓呢杯燉蛋焦糖泡沫咖啡，平時好少見到餐廳有賣，未飲嘅時候已經聞到好香焦糖味，飲落去唔會太甜幾特別

#灣仔 💁‍♀️近來多咗返灣仔 office, 放工後相約好友食個飯, 飲杯咖啡☕, 吹下水😙! 朋友話佢公司附近有辦館, gogogo…🦀蘆筍蟹肉意大利飯 $86 ~ 🦀蟹肉份量出乎意料之外的多, 無腥味無蟹殼,…意大利飯煮得相當正宗, 配以幼滑 cream 及鮮甜蟹肉, 味道清清哋, 不錯! 🐄紅酒燴牛臉頰配薯蓉🥔 $98 ~ 牛臉頰份量好多啊…燜得相當腍及入味, 入口即化的! 🥔薯蓉是全蓉的, 入口幼滑, 當然不是啖啖肉啦, 貼心的伴以與牛臉頰同燜的🥕紅蘿蔔及配以蘆荀及醃制的小蘿蔔, 解膩! 🌹玫瑰鮮奶咖啡 ~ 跟餐半價! 濃濃的玫瑰味, 同咖啡味好夾, 味道好平衡, 誰也搶不了誰的風頭! 🍯柚子薑蜜 ~ 跟餐半價! 天氣涼涼的, 飲落好舒服, 唔太甜, 讚! 

好耐無去灣仔食野呢次同朋友黎到辦館食返個lunch先繼續行街環境設計好舒適外地方一啲都唔細唔擠逼同知己同事黎食坐得太舒服唔想走分別點左溫泉蛋肉醬長通粉有我最愛既肉醬🤤🤤🤤🤤溫泉蛋配埋肉醬特別美味紅酒燉牛臉頰配薯蓉牛臉頰好定熟入味望落細細份咁驚唔夠食？咁係錯覺黎架飽到剛剛好而且岩曬口味略清既朋友黎食所以朋友好喜歡話我無帶錯佢兩杯咖啡都好好飲到處都係打卡位係灣仔附近返工既你黎堂食同外賣都係唔錯選擇啊😆

小編去食個日都見到好多人飲酒嘆咖啡，感覺好嘆好chill🤫環境比較清靜，座位都幾闊落，好啱約朋友傾下計，又唔使驚俾人趕🙌🏼以灣仔呢個地段黎講，lunch set算係幾抵食，而且質素都有返咁上下🙈.🍷牛頰肉配薯蓉有少少似西化咗嘅薯仔炆牛腩😂薯蓉好滑好creamy，小編不嬲唔太鍾意薯蓉都覺得幾好食😆牛頰肉都炆得幾入味，不過有少部份有啲啲鞋口🤫呢個set份量比較少，適合鍾意輕食嘅女仔😚.🍷蘆筍蟹肉忌廉意大利飯非常推薦呢個飯，好多好多蟹肉，估唔到呢個價位都咁足料🥺另外個飯做到好正宗，飯偏硬身，好多餐廳俾貴一倍價錢連呢點都做唔到😍跟餐叫咗杯紅豆抹茶鮮奶，唔會太多紅豆變得過甜，搶咗陣抹茶味，抹茶味亦濃得黎唔會太苦澀🤤.🍽味道: 3.5/5 🏙環境: 3.7/5‍👨🏼‍🍳服務: 3.5/5💧衛生: 3.5/5💰價錢: 3.5/5

今日同媽媽去港島區行街, 無意中發現呢間餐廳, 門口好大個辦館logo, 先發現原來佢地有開西餐廳, 所以同媽媽去試下! 叫左蘆筍蟹肉忌廉意大利飯 $86 & 紅酒燴牛臉頰配薯蓉 $98  & 蜜糖雞翼 $25 (3隻)蘆筍蟹肉忌廉意大利飯看似平平無奇, 但面層有好多已撕開既蟹肉, 多到好似每啖飯都有蟹肉! 正!意大利飯好creamy, 再有蘆筍增加口感!牛臉頰肉質好嫩滑, 完全唔需要用刀切開, 用叉好容易一絲絲拉開! 以紅酒燴唔會好重酒味, 感覺幾適合我同媽媽食!薯蓉放係牛臉頰下面, 所以食到薯蓉吸收左少少牛肉汁既味道, 除左滑之餘仲好有牛味!蜜糖雞翼係追加小食, 以焗既方式烹調以成, 最後加上蜜糖, 蜜糖味幾天然, 唔會好甜, 幾喜歡!飲品方面, 店員推介我地手沖咖啡, 所以媽媽試左一杯彩雲之南, 中國雲南既咖啡豆, 有少少酒香味, 唔會好苦! 個人本身唔喜歡咖啡, 但呢隻真係唔錯, 好易入口, 重點係唔苦!味道好特別! 果然無推介錯! 另外我要左杯黑糖焙茶鮮奶, 同平時飲既焙茶鮮奶味道有d唔同!可能加左黑糖, 唔會著重哂焙茶味, 會有輕輕黑糖甜味! 好好飲!因為過左繁忙既lunc

星期一至五日日喺灣仔食lunch揾嘢食試新嘢，今次比我揾倒喺告士打道有間裝修幾特別嘅餐廳 – LOF10 Bistro 辦館.  小小嘅門口別具風格，一入餐廳就見倒餐牌掛在當眼處十分可愛，餐廳裝潢係特色嘅懷舊風，坐位濶落舒適。午餐餐牌$58-96跟餐湯或沙律、加錢可追加飲品及小食。🍚丼飯set平均$58好似幾抵食下次會試！🍷紅酒燴牛臉頰配薯蓉🥩 $98 第一次黎食最吸引我嘅～ 味道香濃嘅紅酒汁，配搭煮得剛剛好嘅牛臉頰，牛肉汁豐富，肉質嫩滑有口感，加埋薯蓉軟滑唔膩，配菜有蘆筍，酸蘿蔔同煮到又㵉又入味嘅紅蘿蔔，份量啱啱好！性價比好高！讚！🌶️🍗馬來西亞喇沙雞麵🍜 $86 喇沙湯頭比一般嘅喇沙湯偏白，但味道特濃，食每一啖麵都掛湯，而且椰奶同辣味均勻。雞脾肉煮到軟身夠入味，配料仲有超入味豆腐卜同半隻雞蛋！份量好足，辣辣地好開胃，成碗食哂大滿足！最後點了我至愛凍檸茶！茶味好香！正！

Happy Friday 🎈 放工當然要與同事放鬆放鬆。我們今次選擇在公司附近的LOF 10 (辨公）吃晚飯。-它的位置在中國恆大中心地下, 推開門踏進去看見有一個大酒櫃、旁邊放滿了餐桌。另一邊是放雜誌架再走向前一點便是開放式的水吧,內有咖啡機、磨豆機等......牆上滿了不同款式的酒,最吸引我的雙眼持可口可樂的擺設。這間餐廳除了提供主菜（西式、日式及泰式等,,,,)小食外,還提供紅白酒及啤酒供客人選擇。這是一間多元化的酒吧餐廳😄餐廳提供口罩信封給顧客好細心哦！-HK$90日式唐揚炸雞咖哩飯~唐揚炸雞炸豬皮非常脆口肉質非常嫩口及多汁配上微辣又帶點甜咖哩非常惹味。-HK$90牛油果大蝦意大利飯~廚師將牛油果打至蓉與意大利米一起烹煮,每一口飯也感受到牛油果的香氣,味道是非常清新,飯粒口感就非常幼滑而大蝦非常彈牙。-HK$90/2紅酒~同事看見餐飲牌介紹紅酒是90蚊兩杯非常興奮！急不及待先點了一杯品嚐。-HK$36鮮奶抹茶~呷第一口已經感受到濃郁的抹茶的味道。抹茶與奶的份量誰也不搶走誰的鏡。-晚餐時分食客不算太多,一邊咬著脆卜卜的炸雞一邊與同事細聲聲分享工作上的事情,也不怕打擾其他人。整個餐

灣仔新開咗間餐廳，聽朋友講個名時，我仲以為係港式茶餐廳，原來係主打多國菜，仲提供咖啡及酒🍷🥂🍾餐廳裝飾好特別，有懷舊嘅鐵閘，又有西式嘅酒櫃，真係中西合璧。 食物都係有日式、中式，泰式等等。 我哋坐咗入一間房，入面佈置優雅，坐得舒適，仲忍唔住又打卡📸一番🤣燒汁炆豬軟骨飯（$86）豬軟骨炆得好腍，夠入味，伴有冬菇、蘿蔔、薯仔，都幾多料。 燒汁味道濃郁，伴飯食一流。泰式冬陰公湯大蝦金邊粉（$86）冬陰公湯底香濃又辣，夠哂惹味，最啱鍾意食辣嘅朋友。 大蝦🍤蝦肉彈牙鮮甜，吸引左湯汁更好味日式煎餃子🥟（+$20）炸得夠熱辣辣，夠香脆，餃子餡都係滿滿House White ($48)Green Tea Latte ($36)

喺啲商業區要用唔太貴嘅價錢又要搵到個唔錯嘅地方食嘢的確係有啲難度🤣🤣🤣前兩日坐車經過留意到有間咁嘅地鋪好似唔錯👅👅👅今日就決定去試下啦😚一入去環境都幾舒服感覺係一間幾令人放鬆嘅cafe個lunch set menu都幾多選擇有唔同國家嘅菜式可以揀有日式嘅烏冬🍲法式燉菜🥗西式肉醬意粉等等🍝一上到枱啲食物都ok精緻wo唔會求其用一隻碟上俾你就算數睇落呢份量好似有啲細但食落係剛剛好🤣啱曬呢頭做嘢啲OL胃口法式燉菜可以配意粉或飯我係飯筒當然揀飯啦🍚🍚🍚啲雜菜係用番茄醬煮架非常鮮味一啲都唔會油膩但因為我重口味所以覺得可以咸返少少🍅🍅🍅啲菜都切得細細粒非常易咬同易入口溫泉蛋沙嗲安格斯飯真係好香好香🥚🥚🥚香到隔嚟枱都嗅到令人食指大動隻蛋又真係好鬼流心蛋汁配充滿沙嗲汁嘅牛肉真係好夾🐷食完好滿足杯檸茶都唔錯唔好以為檸茶好易整呀要啲茶唔太苦檸檬又唔太酸澀其實真係睇天時地利人和我覺得個茶幾滑嘅幾好味😋