倫敦大酒樓

Open Now

Now Closed

今次真是要大控訴，同家人去飲茶選擇了旺角的【倫敦大酒樓】，味精超重的點心😫😫，價錢都幾昂貴，只是懷舊下可以見到點心姐姐推點心車、大排檔、用點心紙去拎食物等......，三樓及四樓都好大分別，原來點心車、大排檔都是主攻三樓，難怪我地四樓不見太多點心車，於是問下職員，原來要我地客人自己到三樓拎食物及搭lift,要客人自己搭Lift上上落落，食物都好易受污染。😥到約1：45pm已經沒有太多點心推出，差晤多約接近三點時樓面及點心姐姐已經開始執拾及沒有新出的點心推出，唯有去三樓看看有冇其他食物可以叫，衛生情況晤算太乾淨，例如的紙牌整日搖搖欲墜已經好危險，我們已經陣未跌已經扶了幾次，差點趺落我們點心上面，勝在服務都不錯😄，都好主動斟茶及收碟，😄點心姐姐都好helpful，幫我們用個tray 放點心，我地選擇了的點心有以下……我們4人埋單六百幾元，晤太抵食，食完都好口渴了整日，攪到晚上條脷都好渴，最後要去其他食店食點雪糕解下膩😔😮‍💨✨️咖哩魷魚魚蛋~晤太辣，整體都OK，咖喱味都不太差。✨️豬大腸~夠腍身都彈牙入味，份量都多。✨️蘿蔔糕、馬蹄糕～煎得好燶，糕都好削，是馬蹄糕味道較好食，粒粒馬蹄都爽口，糕身

一連串的活動同儀式完成後，宴席就開始了。先來的是鴻運燒鹵拼盤。有鵝、雞、燒肉，燒骨、素鵝同海蜇。以酒樓味部出品的標準來說，這是不錯的。燒肉肥美帶脆，鵝、雞都有油香、肉香，而且海蜇很香口，很爽口，整體來說，很好。翡翠美果玉蝦仁，就是西芹、果仁伴豬肉粒同原隻蝦仁。是日的席宴，都是老人家居多，所以會有這一個令人感覺清爽健康的席珍。有腰果，令到這一個菜式香口，有肉有蝦又不失大體。香酥百花球，是酒樓席宴的基本菜式。如不是炸蟹蚶，就會是炸蝦球。好的，是夠香口，充滿蝦的鮮味。不好的，就是不夠脆。彩鳳花枝片，肉片，魷魚片，加上西蘭花。多菜少肉而又不失禮的菜式，無論是婚宴酒席同社團酒席，都會出現這一個清爽的美食。如果，配的是甜豆而不是西蘭花，一定會更好味道。

🍠炸芋角呢款睇著姨姨喺廚房攞出嚟熱辣辣香噴噴當然要試下外皮炸得酥脆 裏面芋蓉綿密順滑係多款試過點心入面嘅最愛💜🦐蝦餃餃皮厚薄適中蝦肉新鮮爽彈🐮鮮竹牛肉球🌶️香辣金錢肚🐽燒賣🥢叉燒腸粉       鮮蝦腸粉🥟生菜雲吞

因為小米之父得到一張現金禮劵, 左計右計, 還是覺得飲早茶最化算, 所以特地到此飲早茶.  早已知道這家早茶有點心車, 就教小米<自己動手, 豐衣足食>, 我的母語 - 廣東話<想食咩就親自己去拎啦>就座&洗過餐具後, 就帶小米到點心區, 看看有什麼好東西.  親自點選,  然後托著點心回來, 全程靠自己.     炸芋角  在點心區托回來的.外層炸皮不太厚容易咬, 中層芋蓉綿滑, 無呀阿婆都食到.      鳳爪  鳳爪大大隻, 表面炸皮很鬆化, 配濃郁香辣的蒜蓉豆豉醬, 讓人回味.     在手推點心車<搶>回來的.  也許是魚翅餃吧! 餡料豐富, 令蒸餃看來很飽滿.  燒賣  味道正常, 但没有特別驚喜之處.     鮮蝦腐皮卷  即煎腐皮卷熱辣辣, 餡料足, 有芽菜木耳絲肉碎和蝦仁. 蝦仁肉質爽口但有蝦味, 不是霉霉的長期雪藏貨, 不過,  一分錢一分貨,   這個腐皮卷價格比較貴,,蝦餃   同樣, 蝦仁肉質爽口, 跟腐皮卷所用的高質蝦仁相同口感.  雞札/鴨腳扎  自己最喜歡外層吸盡精華的軟綿綿腐皮.   星期六點心價格較高,

疫情之下都好耐冇同一班朋友出嚟同枱食飯，平時都要分枱坐。朋友搵到間有D區嘅酒樓，唱歌嘅唱歌，打牌嘅打牌，大家食得開心，飲得放心，過咗一個開心嘅晚上。上湯焗加拿大龍蝦三隻（伊麵）龍蝦新鮮啖啖肉加埋掛滿上湯嘅伊麵，個個都爭住食。鴻運乳豬全體乳豬皮夠脆，咬落仲有卡滋卡滋聲，肥瘦均勻都幾好。香酥百花球蝦肉夠晒彈牙，幾唔錯。香酥荔芋卷都好耐冇食呢個餸喇，外皮酥脆香口，芋泥綿密。紅燒花膠雞絲翅呢個又係好正，魚翅同雞絲都幾多。蟲草花菇絲扒時蔬蟲草花份量都幾多，菜心清甜，加埋切成絲狀嘅花菇一齊食，簡單嘅菜都變成不簡單。清蒸游水沙巴龍躉條魚蒸得好滑，蒸一條份量十足又好食嘅魚真係唔簡單，火喉控制得好都係大師傅嘅功力，超讚。倫敦脆皮燒雞燒雞皮脆肉滑，本來都已經好飽，都忍唔住食咗兩件。生炒糯米飯腊味糯米飯炒得好香，又唔會太黏口又太乾，好食。長春伊麵味道唔錯，伊麵彈牙，明明已經好飽，都試咗幾啖，唔錯。

周末约上朋友一起，经常在旺角看的这家伦敦大酒楼，本以为是游客旅游团才去的酒店，后来发现很多老年人喜欢这家早茶。已有几十年历史。这家早茶要自己找位，找到坐下，也没有餐单，而是自己去拿各种点心，同时也会有阿姨推着蒸笼车不断走过，都可以叫住他，选择！非常有意思的老式体验。再说味道，整体水平在线，最有名的就是椰皇炖蛋，浓浓椰味儿

嗰日一心同個朋友去紅磡紫荊閣飲茶，因為嗰度啲點心好懷舊。點知去到先話俾我聽原來間嘢11月1號就冇咗中菜，激到我死╭(╯^╰)╮ 於是，我同我個朋友即刻轉場睇吓有乜懷舊嘢可以食，搵咗好耐，終於去咗旺角嘅倫敦大酒樓。 去到發現原來啱啱好夠鐘飲下午茶2:00。嗰度地方好寬敞，啲枱唔係好迫，人都唔多，可能係閒日啦。雖然地方感覺有啲舊，但係都良好。 難得仲有少量推車仔。 嗌咗芋角同蝦餃，芋角有啲偏咸，但係熱辣辣，冇扣分。蝦餃啲蝦好重手，評價OK。 粉果好有特色，讚。 裏面有松子，好特別，味道好好，我會為咗佢再返嚟( ´▽` ) 嗌咗個黑椒豬腸，聽阿姐講呢個喺呢度好出名(仲有蒸魚雲)，不過我就唔食嘅，但我個朋友就話真係好好食，啲豬腸冇臭味。睇得出係用心，連啲鹹菜都有自己醃製過，唔係街邊貨。 蝦腸係好味嘅，但冇乜特別，淨係可以話佢唔夠熱囉。 盛謂$163，都ok。

自從疫情開始後，食肆限聚，可以一班朋友聚首一堂的日子已經不復見。2年過後，香港疫情稍微好轉，再加上打咗疫苗後，現在食肆可以逐步放寬聚餐人數，所以一班朋友相隔2年終於再聚首一堂，所以特別來到倫敦大酒樓，一來地方較大，二來朋友們喜歡食懷舊菜。敦倫大酒樓是舊式酒樓，所以環境都是舊式格局，像極小時候跟父母飲茶的茶樓，很有一番回憶。今次朋友預先跟酒樓預先寫菜單，可以根據你的要求而改動，這樣很不錯，可以tailor made. 今次比較印象深刻的菜式如下：🔸乳豬：很久沒有吃乳豬了，這個乳豬不油膩，而且皮肉之間的肥膏剛剛好，不太肥，皮脆肉香，好味😋🔸香酥百花球及荔芋卷百花球彈牙爽口，也不油膩；至於荔芋卷，最喜歡芋頭的我真係愛不釋口，有芋香，又香口，正🔸清蒸游水沙巴龍躉每次去飲去到魚就會放下筷子，因為魚通常都蒸得過火，變嚡，但這條大龍躉卻做得剛剛好，魚肉嫩滑，而且老套啲講句，魚真係有魚味😆😆🔸生炒糯米飯呢個好好食，飯粒粒分明，唔係翻蒸又翻蒸爛飯既糯米飯，而且調味適中，有臘味既香，所以即使好飽都食咗一碗總結：環境是真係老酒家格局，地方較舊，但有房，環境算闊落，適合一班人聚會，食物質素okay, 特別是

經歷咗差不多兩年嘅疫情後，大家終於可以坐埋一圍食餐開心飯啦！酒樓提供咗唔同款式嘅全包宴：▶️最先上桌的鴻運乳豬乳 - 豬皮脆酥香，嫩肉多汁，還有一點炭燒香氣，賣相最吸引眼球▶️上湯焗龍蝦伊麵 - 雖然是加拿大龍蝦，但每一件都啖啖肉，伊麵吸滿龍蝦汁，份外惹味▶️香酥百花球 - 蝦肉撻成蝦膠唧成蝦丸，炸得香脆彈牙，咬落嗦嗦聲，全晚最欣賞的一道菜▶️香酥芋茘卷 - 炸得鬆化，芋泥粉香，跟百花球是另一種風味▶️紅燒花膠雞絲翅 - 花膠雞絲魚翅份量十足，雖然不是名貴魚翅，但每一啖都貨真價實▶️蟲草花菇絲扒時蔬 - 菜芯脆嫩鮮甜，最意想不到蟲草花跟菜芯味道咁夾▶️清蒸沙巴龍躉 - 蒸魚火喉控制得好，魚肉又嫩又滑，經過濽熟油特別鮮甜美味▶️脆皮炸子雞 - 雞皮薄脆透光，雞肉嫩滑，好耐未吃過咁好雞味嘅雞▶️生炒糯米飯 - 臘味甘香，加入絲苗米令口感不會太黏口，最啱呢啲未太凍的天氣▶️長春伊麵 - 伊麵乾濕到適中，不會太油膩，太飽只吃少少餐後感：全包宴嚟講性價比好高，下次可以改改某啲茶式再encore!

倫敦大酒樓，去到先了解點解叫大酒樓，佢真係有幾層，地方非常之大，我地一行12人嚟晚饍，食物質素其實唔錯，我地唔係西客，對佢哋服務態度都好滿意。上湯焗加拿大龍蝦，有成三隻，隻隻好肉，伊麵索晒汁好入味。鴻運乳豬全體，唔肥，皮脆，一陣清晒全隻。香酥百花球，一碟16粒，真係食到你停唔到口，爽彈香酥荔芋卷，芋頭非常之棉滑，炸得好夠酥脆紅燒花膠雞絲翅，份量唔止12碗蟲草花菇絲扒時菜清蒸游水沙巴龍躉，超級大條倫敦脆皮雞 ，雞皮好脆，雞唔鹹，剛剛好生炒糯米飯，飯粒粒分明，乾身，味道非常之好去到伊麵已經打包走 份量全個餐都好足平均每人$430/位 包紅酒1支，啤酒汽水各6罐

中秋節假期去飲茶，友人提議試呢一間，因為呢一間酒樓大部份嘅點心都係自家製嘅，非常難得。因為5個人，分開2張枱坐，D waiter好好人幫我地安排。我地一輪衝鋒叩咗雞札、鴨腳扎、蝦餃、燒賣、排骨、咖哩魷魚、蝦多士、叉燒餐包、鮮竹卷、春卷、鯪魚球、胡椒豬肚湯、芋角、椰皇燉鮮奶等。D點心真係唔錯，當中好好食嘅包括蝦餃、燒賣、芋角、椰皇燉鮮奶。蝦多士係友人話一定要食，要另外叫，4件起，都OK，比想像中好食，又唔會好油。雞札同鴨腳扎都OK，印象中出面唔多地方有鴨腳扎。胡椒豬肚湯都做得唔錯，D豬肚洗得幾乾淨無「壓」味，其實樣樣都好食，係碟咖哩魷魚差D。

要自己搵位又要搭枱都唔緊要，至慘地方污糟啲員工態度又超級惡劣，啲點心阿姐又惡死好似當排隊攞嘢食啲客係乞兒嚟討食咁，又鍾意講啲客壞話你問豬腳薑得四件咋？跟住隔離嗰個阿姐搭嘴俾10件你好唔好😳😳！價錢已經唔係平仲要俾錢嚟飲茶又要受氣，以後寧願去尖沙咀飲起碼人哋有無敵大海景睇價錢差唔多，服務招呼又好又乾淨！

舊同事聚會，搵個地點方便，（旺角地鐵站行過嚟只需2分鐘），又可以坐得耐嘅地方，（坐了三個鐘）加上有傳統點心，呢度係唔錯嘅選擇。牛肉球、雞扎、鳳爪都保留到傳統嘅味道，跟其他酒樓味道真的不同，難得見到蓮容飽，我哋都立即攞咗。由於酒樓都是用點心車或自己去攞，所以點心到枱都係熱辣辣，好好味😋 不過，食客大部分都是老人家，環境比較嘈。另外，這裡的工作人員（特別年紀大的）都比較有性格，但有啲推點心姐姐都nice 😝

今日下午去到搵位，個經理要我坐近廚房風口位佢話全場都冇位㗎啦，我話唔坐，佢啲態度非常之差及惡劣，D伙記又唔理，比以前差好多。跟著我哋走，個經理話你咪走囉。簡直係倒老闆米😡

我覺得都幾多野食，有超多甜品地方都夠大白糖糕好酸叉燒腸幾好食係皮厚d魚翅餃同 煎腐皮卷足料椰皇好滑，香椰味，正過出面d甜品店有d推車姐姐係唔講野要自己問佢有咩食糯米雞料少，但香荷葉味