倫敦大酒樓

Open Now

Now Closed

三次聚餐也是在這裡，做了我們的私竇了......每次也叫牛柏業，真心爽😋😋易咬，本身我唔食，因為他喜歡，獨食吃會叫的，即管一試，便愛上了..........芋角是我最喜歡的，要整的好，高難度挑戰，最怕糊口的餡.......這間不錯，最重要的餡夠乾身，外層脆口，叫略厭不夠熱......煎腸粉無得輸，即叫即煎，香口脆脆，簡單贏掌聲......餐包超大個，沒因大而餡少，足料......講起也想吃；爆碟雞札，有圖有真相，雞件再大，仍是滑滑的；最後.....雲吞定水餃加菜，從來沒想過他會叫的.......😂😂😂因爲他早到，叫了這個，重點是我到埗，雲吞也沒淋，菜仍爽👍🏻👍🏻👍🏻👍🏻👍🏻

鍾意飲茶, 星期六同屋企人聽友人介紹呢間係懷舊, 少有仲有推車仔既酒樓, 見網上又咁多好評, 點知食左先知係伏 ! 2點去到, 好多人, 心諗多人食應該係好野。亦因人多要搭檯。燒賣又硬又實無香味, 一般酒樓都好食過佢。蘿蔔糕好硬食唔到有蘿蔔咁滯。鳳爪正常。小籠包係有湯汁, 但無鮮甜味, 肉餡唔香。雞扎普通。服務方面, 有個姐姐幾好既會主動幫食客加水收碟。但個負責埋單既男經理定唔知部長(黑色西裝外套), 2點45分走過黎催人埋單, 最後基本既機械式多謝都無聲。兩位叫左7樣野, 埋單盛惠242蚊, 極差, 無下次 !

童年回憶.....小時候住在油麻地，星期日定必在彌敦道某某酒樓享受家庭樂。現在沒有時間的加鎖...當在油尖旺時，定必到這間酒樓，皆因有熱騰騰的點心車盛裝不同的點心在穿梭，客人可以隨著喜好作出選擇。兩個人嘆個早茶，即叫即煎蝦米煎腸粉，由外熱到內，口感外脆內軟。咸水角漲卜卜，真材實料，一口咬落去，有脆的口感，值得一試。本身未能吃辣的我，首次嚐試咖哩魷魚，內配上彈牙魚蛋，傳統咖哩的風味，對我來說是少辣但可接受，同行友人說不辣及好味。最後推介雞札，簡潔及大件。路過不坊一試......

今天老細請食春茗，早兩日先通知...無人會估到咁遲先春茗。選址旺角區，交通十分方便。來到見到菜餚餐單，今次打破傳統，只有六道主菜的春茗套餐不過算啦。其實咪又係食餐飯有得食就食啦，好過無。呢晚都幾多人，有成十多圍，好不熱鬧。侍應送上一道菜餚，鴻運乳豬全體..例行公事：飲杯！起筷！熱鬧地碰杯祝賀後！咁唔客氣啦，先夾為敬...乳豬皮脆, 肉相當嫩，都幾好味... 成班餓鬼，唔冼五分鐘全碟連豬腳都清哂好快趣第二度菜餚又到了...上湯龍蝦伊麵，個上湯味道都可以...但係龍蝦就麻麻, 頭爪甚多⋯⋯好彩有幾個唔食蝦。我都可以分到6件！其中兩件龍蝦尾好爽伊麵唔差. 唔會太腍，可惜好少⋯⋯可能個個肚餓又喜歡食麵瓜.....紅燒花膠雞絲翅湯幾鮮甜, 但稀得緊要！翅又少，幾乎搵唔到翅。分哂十二碗。碟底仍留下少量翅可分多兩碗不過我好彩，剛剛坐在起菜員身邊。唔客氣，唔該添少少。我可以食到兩碗上瑤柱豆苖果陣影張相後！有朋友來電行去煲十五分鐘電話老友真唔通氣，事關除左翅之外。這酒席沒有伙記分菜.回來時比人食哂，睇落就好似好味⋯⋯清蒸大海班好大條，起碼兩斤有多。但蒸得幾滑，火喉剛剛好炸子雞就失色咗d, 雞比較肥。味道

好耐冇見過咁舊式嘅酒樓，仲推點心車，即時好似回到兒時，好親切！見到周圍D茶客，都有番咁上下年紀，老人家都好多。食物質素……又唔錯噃，估佢唔到，有番傳統酒樓嘅水準，價錢亦唔貴。水夠滾，一冇水就有人加滾水沖茶，食完嘅碟、蒸籠，好快有人收。而家大部分D酒樓茶室，唔叫都冇人嘢，叫……都好耐至得閒睬你，尤其係加滾水，有D擺個熱水壼比你自己加水，水……未必夠滾，一係……叫得嚟，索性自己去加滾水。當然，舊即係舊，裝修及乾淨就唔及新嘅酒樓喇，不過，勝在唔洗背脊黏背脊囉。所以，呢間算係……性價比高。

新年搵地方食飯其實唔易，好彩提早1日都訂到位。本來想訂個杏汁猪肺湯，但可惜酒樓話趕唔切，只好現場再點其他。得9個人，大家新年又餐餐都食到飽飽，今餐就簡簡單單算啦。叫了個“龍馬精神” 半席套餐，再加半隻片皮鴨，牛肉芥蘭，冬菇栗子浸豆苗，1份銀絲卷，豆沙餅，炸煎堆。個“龍馬精神”套餐配搭有點問題，其中《翡翠花支蝦球》，以及《碧綠炒龍球》，都是西芹炒，攞上枱面以為佢重複咗添。另外個《紅燒海皇翅》就好點欺場，我開頭以為上錯咗個海皇羹，好難先搵到條翅其他菜式就可以接受，沒有特別出色。服務員就比較熱情勤快，好多時都在枱邊等候（我個人覺得係等候緊“利是”可能我多心）。

哩間係一間懷舊既酒樓，佢仲有D姐姐推住食物車仔，經過就會問你食唔食XXX呀咁。要既話，姐姐就會講熱辣辣既食物放你台面，哩種餐廳真係買少見少了。蜂巢芋角芋蓉入面混住一D鹹肉碎，外皮都幾鬆脆，好食。鮮竹卷鯪魚球煎釀三寶哩個係姐姐推住煎野既車仔度點既，即場煎俾我。係新鮮熱辣辣，不過就稍嫌油左D，唔可以食太多 XD豬肚粥都幾綿幾足料整體D食物味道唔錯，好多傳統款式，都幾有趣。不過有樣野實在係太麻煩，就係拎位。因為佢係無得拎飛等位既，要自己行去搵位。企係食緊既人隔離等，又或者係唔知邊個等緊邊台，實在係麻煩，同埋無所適從，如果黎樣野可以改下就會好D。

小時候上酒樓，已經是人生大事，一盅兩件，無數的歡笑聲仍然深深在腦海之中🤗人大了，今日想尋回往日的足跡，於是去了倫敦大酒樓嘆吓茶！隨着時代的進步，點心紙也用上彩色印刷，價錢貴、平暫且不說，只希望尋回往日的舊記憶😬仍然保留着傳統的車仔，為客人們即場煎煮食物，相信現今酒樓已經越來越少了👍🏻先叫了幾個傳統的點心嚐嚐，煎腸粉，煎得太乾身，亦不軟滑🙁牛肉和蝦餃唔夠熱，勉強合格，蘿蔔糕芋頭糕可以😅牛柏葉夠腍，很入味，容易咬開唔痴牙，不錯👍🏻最滿意的就是我最期待的蜂巢芋角，已經唔係咁多地方可以食到，今次專程為佢而來都算做有個交代！最後價錢方面，三個人消費$270，個人來講覺得都幾貴，招呼方面，不過不失，有改善的空間😬

年尾朋友聚聚會，食下晚飯傾下計，大家聯絡友誼，之前一早訂好位，所以一上到去就有位，坐位屬於坐得幾舒服，待應亦隨和同有禮貌👍食完臨走時部長仲多謝前多謝後👍👍👍見到有幾多套餐，幾抵食，半席都係1288，六個人食加埋一都係1500元埋單，食物都吳錯，又吳會限你時間，食得幾自在✌️✌️😊————————————————————@乳🐷拼盤——-叉燒，乳豬，油🐔，味道可以，不過不失👌@海皇翅———-拎出黎，好夠熱，最鐘意係熱辣辣甘食就最好味，又足料，有翅，帶子，瑤柱，🦐，尤魚，魚件，啖啖食落囗都甘實在，好味😋😋@翡翠花枝🦐仁——-花枝蝦仁都爽口👌@碧綠炒龍躉球——🐠肉幾滑，西芹爽口✌️@清蒸龍躉頭腩——味道都👌多薑又多蔥😋@燒🐔———皮吳夠脆，但就夠熱，肉都夠嫩滑，都可以👌@臘味糯米飯——-炒得吳夠乾身，但臘味夠多，味道👌@笑口棗——-就快新年應節幾好😄@生果盆——☺️☺️☺️全晚都食得幾開心😉😉😉😉我都會再去食✌️✌️

倫敦酒樓，歷史悠久，在此不打算寫那些蝦餃燒賣叉燒包大家由細食到大的點心（不過這裡的山竹牛肉真係堅好食好有牛味），而是推介這個每次一出爐都秒速被搶掠一空的椰皇燕窩燉奶。這食品冇得 order，只可去美食亭排隊自取，看見那條長長的人龍，真的有點卻步，不過，從來想食好西都要付出代價吧！說回食物本身，真係冇得輸，首先，它大大個只售$30，性價比高，食完燉奶，再挖埋椰子肉來食，已經飽咗一半；至於味道方面，雖然只有零碎燕窩鋪面，聊勝於無，但燉奶依然香滑，不會死甜，更食到淡淡的椰香，雖未算驚為天人，但一想到在甜品店食動輒都要五十蚊，就真心覺得好抵食。唯一要改善的，是希望可以限制每人所取的數量，當日所見，不少人都會取四，五，甚至六個，排在後面的，以為終於輪到自己，誰不知願望再次落空，又要等下一輪出爐，真的十分沮喪啊！

第一次黎食倫敦大酒樓，全港有推車仔既酒樓唔多啦，所以就黎試下，感覺還可以，幾大碟既不過就唔算好吸引我吧，星期日大中小點都係26蚊，一般價錢啦。蘿蔔榚係夠大件既，不過可能太厚關係，口感就一般啦，不過不失吧。山竹牛肉大大粒，都唔粉所以還可以的，唔錯。蝦餃，皮比較厚不過還可以接受，而且有4粒既。雞札大大件，不過得雞，棉花同冬菇，不過入邊配料都夠大份既。咸水角，應該比出面黎講算唔油既一次，不過我本身唔太好咸水角既但都覺得可以，唔錯。春卷就唔夠熱了，可能要3樓拎上4樓所以凍左。。。豬腳薑，無咩特別不過豬腳還算軟同入味。鳳爪沒有特別，不過不失吧。有叫燒賣不過無影了，還算是大粒同埋都有4粒既，還算好。。你話食懷舊既我又覺得唔算好懷舊，車仔車頭都沒有插牌，而且好多姐姐都沒有叫食物名所以就唔係好懷舊咁 總結試一次就夠了，沒有特別吸引既地方。

今日翻查返之後，先知原來呢一間舊底叫做運通泰酒樓，小時候每個星期日都幾乎係呢度飲茶，食我至愛的燒賣、千層糕、麻蓉包。想起舊日的日子，服務都有啲舊式，侍應粗粗鄙鄙咁，但卻揾唔番舊式味道。餐牌上雖然有一啲私房菜，但係要兩日前預訂。 由於去到先知道，所以無緣食。 只係簡單叫咗啲餸菜。荔芋香酥丸唔知點解叫做香酥丸，佢明明就係一塊餅嚟㗎! 新鮮炸起，少少油膩啦!不過都幾香的，味道都唔錯。當紅炸子雞好明顯係兩隻雞溝埋一齊，有幾舊比較新鮮，但係其餘好似係翻炸咗咁的，啲肉都唔係好嫩。栗子豆苗出街食菜要成$100 真係有啲唔抵㗎! 好彩呢個豆苗都冇苦味。龍躉兩食，一個清蒸，一個炒不過我覺得呢碟太多油，啲魚肉唔夠嫩。 西芹好老，有根。清蒸嗰個龍躉啲肉比較嫩，好食啲。上湯龍蝦伊麵伊麵完全掛唔到汁，不過佢用的好似係舊式的伊麵，冇味。 龍蝦啲肉唔夠彈牙，味道都唔夠出。

地方幾大，3-4 樓兩層，3樓必需搭枱，4樓不用搭枱，茶錢就每位加$1。非假期（1-6）11:30am 前結賬有優惠。午市大中小點同價。無點心紙，自己用枱咭到大排擋位自取或在酒樓內推來推去的點心車取。閒日11:30後在3樓巳有大半枱坐滿了。剛有人埋單，可坐於窗旁，由於位於旺角中心地帶，這裏能讓人看看熱鬧的彌敦道。芋角一籠3件，酥脆內軟綿滑，一上枱相都映唔切，已經俾人搶晒了。蒸蘿蔔糕，吃到很多蘿蔔條，真材實料。雞扎，腐皮相當多，可卷住雞肉、魚肚、冬菇2個圈呢！味道尙可煎腸粉，可以煎脆些。煎腐皮卷，很多蔬菜和碎肉餡，皮有些靱。焯生菜頗大碟，這是吃去了一半才映的份量。雞飽，飽皮厚乾，餡料不多。

哥哥一家人在加拿大回港又要同一大班親戚食晚飯啦一早訂位，三圍酒席有間房仔乳豬全體酒席一定不可缺少的一道菜，乳豬燒得紅彤彤的，溫度夠，皮夠脆，不油膩，肉也香、幼嫩，想多吃幾件。上湯焗加拿大龍蝦加伊麵底，酒席常見菜式。蝦肉幾鮮爽，最鍾意佢個汁，稀杰度啱啱伊麵滲透了龍蝦汁，非常美味紅燒雞絲翅...魚翅湯充滿了雞油香味，雞肉滑滑，不是太幼的翅。沒有絲毫像漿糊的感覺，有翅，有肉，有花膠味道感覺出色清蒸大海班差不多是飲宴的指定菜式。這條大魚，肉質實而爽滑，剛好夠熟，保持到魚肉的滑質，豉油香，更是惹味，有水準的蒸魚。瑤柱扒荳苗。翠綠顏色, 以味道濃濃的瑤柱汁撈上去新鮮爽甜的荳苖，混合出來就是香濃惹味，這也是一碟沽清的菜式脆皮燒雞這一隻是又嫩又滑，味道極之香口，皮下脂不膩，感覺到的只有脆脆的雞皮，加埋嫩滑的雞肉，很是好，而這是我搶著帶回家的極品。最後是服務態度，每個員工都有笑容個個態度都好好，令我一家呢餐都食得好開心

Dim sum can be found every where in Hong Kong. You can get it in cute little styles, all day and night, high end hotels. The choices are limitless. But they all have one thing in common. You order by checking off a piece of paper.But originally, dim sum was served by people pushing a cart of dim sum around the restaurant. Growing up in Canada, that was how it was served in Chinatown. But not in Hong Kong. Or actually, the only place that seems to still do this is Maxim's Central branch.  But if