發記甜品 (Closed)

今日放工後和友人吃完晚餐，就打算去食埋個甜品做結尾。雖然已經有段時間無食過發記，但見轉個街角就係，就決定同友人去食。我哋叫咗腐竹薏米同紅豆沙。我哋一心覺得呢啲基本嘅中式糖水應該唔會太差，但最後每碗食咗兩啖就決定走人。腐竹薏米嘅薏米少之又少，由第一羹開始就已經只得三數粒。腐竹糖水嘅豆香欠奉，入口就只得糖的甜味，而甜度亦太甜。入囗感覺猶如暖暖的加糖維他奶。紅豆沙外觀正常，但一入口甜度過高，往後是微微嘅酸味，相信是紅豆變壞了。連最基本的中式糖水嘅水準都如此，真係失望。

我哋食完飯唸住開開心心食個甜水我哋其中一個叫左梳乎厘黎既時候都覺得佢只係好marginal既熟但食到底發現仲有 蛋 汁！有咩可能一個熟既梳乎厘會有蛋汁咁我哋咪要求換過過熟既俾我哋啦本來都好好地。個妹妹拎走左我哋個個唔熟既梳乎厘點知佢哋個主管拎番個個唔熟既梳乎厘出黎佢死撐嗰啲係糖水 唔係唔熟仲不停話我哋食到個底先出聲覺得我哋特登想攞佢哋著數好啦 佢唔肯換過個俾我哋 咁我哋咪提議唔收呢個甜品既錢佢又話唔得佢話呢間舖佢係最大 但連改單都做唔到wor佢既態度真係差到離曬譜又話自己係日本學點整梳乎厘但出黎既甜品枱枱都唔同隔離枱個個又無蛋汁！再不停重複我哋特登食到個底先出聲總之就離晒譜!

旺角發記甜品已經開咗好耐對上一次食到好耐之前因為隔離聰嫂好多人所以就過左去發記依家個Menu多咗好多野揀唔再剩係得中式甜品 西式甜品好似窩夫嗰啲都好多應該都可以照顧到唔同人嘅需要但係美中不足嘅就係最基本嘅椰汁西米露都冇希望可以改善下啦

嘩好似食緊水泡餅同雞蛋餅lol 好似焗香蕉蛋糕冇落發粉咁...60幾蚊/_\ 食得好辛苦, 又硬又粉..............................明將好似好味啲

新年食甜點~貴左都要食(新一年同朋友都必會食個甜品先得)不過食親都預左貴過平日)今次未食飯先食甜品，叫左紅豆粒蛋白燉鮮奶 同陳皮紅豆沙+湯丸，紅豆粒蛋白燉鮮奶清潤得黎較Light

希望發記老闆見到呢個comment唔好再賣厚鬆餅pancake。我咁大個人未食過咁難食pancake, 一心諗住連街邊果d都ok, 有鋪店應該唔會差，加上價錢都算貴、拍得上日本名牌果d......點知中晒伏.....1. 叉唔到，3塊餅痴埋一齊......2. 入面完全未熟的感覺，食落去成口泡3. D味好蘇4. 配碟無論椰果或小丸子甜到傻希望其他人唔好再中招，咁貴真係唔值，食街邊野好過.......最恐怖係食落去成口泡、真係想嘔返出黎

依家潮流興食麻辣嘢，因為食完之後都好暖位，但每當食完之後，口同脷都會有麻的感覺，所以每當食完辣嘢之後都要食返，甜品中和口入面麻辣嘅感覺。而係旺角甜品舖就超多，我一般都會選擇去分店多的甜品舖，感覺會係比較企理而衛生程況會有完善嘅管治方法，蛇蟲鼠蟻都少啲，始終都係賣甜嘢嘅舖頭。首先我就叫咗綠豆沙，綠豆份量多，基本上每一啖都有好多粒綠豆，甜味感覺就偏重，但可能男仔比較怕甜。而友人就叫咗紫米露，超多紫米！差不多成碗都係！所以好好食。

其實係比相吸引入內的相如果影得唔吸引 就算價錢同環境吸引我都未必入去食主要係有我想食的食物行先 其次係野食外相之後就係價錢港式糖水舖都有近期最熱門的甜品 souffle pancake心郁郁底下 放棄lunch 直接食甜品我呢個早餐+午餐+下午茶 $78，➗返開都試得過 🤣足足等左我30分鐘 先出來港式souffle pancake第二次食，呢個外相好得，但一叉入去，分唔開，要用刀幫手分隔 好似食西餐食牛扒咁其次係蛋味好濃口感同一杯杯的soufflé一樣除了難分開要用刀砌外，其次係一叉開，就開始塔左 扁扁咁 越食越扁 日本同港式的分別就係質感不同 口感其實港式的係偏水 濕濕地咁 同埋蛋味濃

我地7個人去到食，見到餐牌d相真係好吸引，超級靚，d野食上到黎都係好靚。我地叫左杏仁糊，蛋白鮮奶，朱古力心太軟， 榴槤雪花冰，芒果雪花冰，榴槤浴缸布甸，鴨鴨芒果布甸(全名吾係好記得，大概係感)。杏仁糊:有小小药水味。蛋白鮮奶:幾乎冇味，亦吾滑。朱古力心太軟: 好甜而且有陣煙燻味。榴槤雪花冰:榴槤味好假，配吧紅豆醬好甜。芒果雪花冰:一開始食幾好食，但係食到尾死甜。榴槤浴缸布甸: 應該係雞蛋布甸入面加榴槤蓉，個布甸係勁難食。鴨鴨芒果布甸: 個布甸係同榴槤布甸一樣味，但係轉左加芒果。我地打算一路傾下計一路食，幾個朋友食完後，店員就一路望住我地，好有壓力。 價錢方面平均每樣都要50-60蚊， 我貴唔貴呀平唔平啦，但係呢啲質素真係好差。一定吾會再食。

很久沒吃飯後甜品了，難得跟友人相聚，飯後仍意猶未盡，便去了食糖水。本身想到發記旁的糖水店，但人龍太長，恐怕要等上一小時，於是我們便進了還有大概一半空桌的發記。朋友把餐牌翻了又翻，說選不到想吃的，價錢也澎漲了不少呢!好不容易，總算選好了。我選了一般很難出問題的芒果西米露。結果，職員在端上食物時，完全不見椰汁的蹤影呢!吃下去，果然--味道前所未有地淡，而且芒果是酸的(很酸很酸)。最後，總算把西米露吃完，但卻完全得不到吃甜品應有的滿足感，這種質素的糖水還敢索價38元，只想說一句:「冇下次!」

食完晚餐7個女仔做咩好?嗯!當然去食糖水啦~(PS 女人黎講糖水同甜品係放係第2個胃) 果日超凍好彩唔洗等好耐位就入得,我地本身叫咗淨湯圓(6粒),蕃薯糖水,熱蛋白燉鮮奶,熱芝麻糊,熱芝麻糊加湯圓仲有原味梳乎厘班戟(有3塊加一個雪糕3種味揀咗雲呢拿味)同埋叫呢個要等20分鐘! 睇餐牌見較大份所以諗住2 個人Share 到點單嘅時候店員話每人要起碼叫一樣野所以我地就叫多一份糖不甩另外蕃薯糖水都冇哂我朋友就轉咗熱芒果蛋白燉鮮奶! 點知淨湯圓黎到發現佢個糖水底都係蕃薯糖水,都幾有趣,但就係冇蕃薯糖水!仲有一個熱蛋白燉鮮奶漏咗單~ 要追單先有! 總括黎講糖水嘅味道都係正常冇咩特別算過得去啦~ 而原味梳乎厘班戟都真係幾大份建議share 啦!

星期四晚同朋友食過晚飯, 那餐廳沒有甜品, 我地只好轉場食甜品, 最就近係發記, 入到去已滿坐, 剛好有一枱客走咗, 唔洗等就入坐，一心諗住好彩.我一打開menu, 真心講款式無乜得揀, 翻來翻去只勉強揀咗 "養顏蛋白燉鮮奶" ($32), 價錢合理嘅, 但等咗好耐, 我d 朋友個個都食緊, 我仲未有, 等咗15分鐘, 我終於忍唔住問, 原因佢忙到唔記得咗好在 蛋白燉鮮奶都好滑, 甜度適中, 不過發記嘅款式真係唔多啱我心味, 所以下次都唔會再嚟喇.

週三晚上與友人路過甜品店，想入去嚐一嚐鮮，店入面限最低消費係情理之中，畢竟mk不溜人多，店舖為租金要低消所以都可以理解。點知店中服務員叫極唔黎，跟住又落錯單落少單，點少一份燉蛋，又落左熱紅豆沙，叫佢落翻正確單比面色比客睇、服務態度極之惡劣。令人憤怒。唔會再光顧.其後，改翻單連一句唔好意思都冇，等到炆然後上甜品慢、仲要唔比cancel ，趕住辦事都要繼續等。成個店舖體驗非常差勁惡劣，下次係絕對唔會再光顧。

今個冬天，都好少去食糖水，最近天氣又寒冷又乾燥，最適合食多些糖水滋潤返下。所以今晚同朋友食完晚飯四散後，同老公二人世界，拍拖去食埋個糖水先歸家。幸好近近地就有這家糖水舖，地點方便又多位 (真好，不用久等，立即有位)。今日晚飯太多煎炸食物，因為怕熱氣所以我食得好少，唔係好飽，所以諗都唔洗諗揀咗個"熱金粟紫米露"，一來我鐘意食，二來聽說"紫米"有補血作用，三來可飽肚，哈哈！紫米露味道都唔錯，又唔會太甜，食完個肚充實好多。老公就食得清好多啦！揀咗個"熱腐竹薏米湯水"，佢話食完熱氣嘢，最好食Lee個潤一潤兼降火喎！我試咗少少，味道都好好，清甜，有些似熱豆漿。

第一次寫食評，真係好離譜先會寫。第二次嚟食，比上次的經驗差好遠。6個人6個甜品，兩個中式糖水冇乜特別；兩個pancake 都好厚皮，芒果冇味，唔甜，好似整定好耐咁；最難忙係兩個窩夫，似隔夜蛋糕多D。窩夫似非即叫即做。唔知係未想加快返枱，晚上9點左右到，所有要等的食物都sold out. 例如：心太軟丶疏乎里pancake, 全部sold out.最失望小朋友食嘢哽親，想攞杯水，第一次見食肆冇水供應。(p.s. 我都係做飲食業，都做咗2X年，今次真係大開眼界）