聯記川王涼粉 (Moved) New Location

太公和某嗜辣的同事，早已對聯記川王虎視眈眈了好一陣；不過，約定之時，要不店家放假關門，要不就是臨時有要事而未能成行。終於，在某週五的午膳，我們可以成功一嘗聯王之味。聯記川王店面很少，主要是做外賣生意 - 基本舖位內不設座位，只在舖位外有三數張摺枱和一些膠椅子；不過，既然空調，大熱天時，還是外賣回公司開餐較好。回到公司，一聲令下，一眾嗜辣同事呼嘯而至；六個人，一人一粉，再加個回鍋肉和水煮牛肉share。太公要的是羊串麻辣粉；聯記的辣，未算很「地獄」，但非常的香；光我們這六人已使整個辦公室充滿辣香，被辣香吸引而前來查詢的同事，不下五人；的確聯記的辣香是我在本港吃過的同類食肆中，做得最出色，無怪乎可以稱王。湯底偏油，不適合喝；薯粉夠爽口彈牙，非常好味；羊肉串反而因擱得太久，竹籤味都滲進羊裏，結果光吃到竹味而無羊味，失敗；反倒是隨粉附送的豬耳夠爽口，令人有意外驚喜。水煮牛肉要了小辣；牛肉切得較大件，但很嫩滑而且富牛味；湯裏附了一大堆芽菜，索了辣湯後味道很好；不過那幫傢伙吃到最後都受不了辣而投降，結果這堆芽菜要由太公清碟。回鍋肉做得肉質豐膄而肉香四溢，也很不錯；這沒有太辣，適合初級辣鬼食用。太公

本身無辣不歡，成日都好想試聯記，之前某個星期六，同男朋友食完三河屋，順路過埋嚟，佢同隔離間時新都排長龍圍滿人。不過估唔到佢0既設有座位，原來係係鋪位前放一兩張枱，有D人仲用發泡膠箱當枱係度食，環境認真麻麻，而且極之唔環保，全部都係發泡膠兜&盒，係度食都係，雖然唔夠人手，但咁樣真係唔好囉。不過唔緊要，最緊要D嘢好食，難得嚟到，兩個人買咗四樣嘢(全部小辣)︰口水雞($40) - 個汁好正，唔會淨係得個麻辣，仲有香味，好鍾意個汁，雞份量都OK，但骨比較多囉酸辣粉($16) - ，本身唔係好好酸味0既粉，不過見個個推介就試吓。返到屋企D粉已經吸晒D湯，搞到D粉仲辣咗，濃濃的酸辣味，好味，正~蒜泥白肉($40) - 只有五塊，但塊塊都好大，而且入口唔覺得肥，蒜泥汁好味得嚟唔太辣，正~雞絲川北涼粉($18) - 未食過川北涼粉想試下，個汁得個辣字，好少雞絲，而且唔太鍾意川北涼粉個質感，爽爽的...見佢個廚房得兩個伙記做嘢，而且好多單做到冇停手，仲驚會唔會四個辣汁都一樣味，點知又唔會，隻隻唔同得嚟仲好好味，不過小辣都好辣，男朋友唔食得辣就陪我癲，食到身水身汗，但佢都覺得好好味，好想再食呀

今日衰佬放假,諗住帶佢去附近食麻辣米線,點知搵極都搵唔倒間野,可能星期日休息掛,跟住就決定同衰佬黎呢間聯記川王涼粉度食,嘩!!!行近小小已經陣陣麻辣味飄入個鼻度,所以我咁鐘意食辣都只係敢叫中辣,點知都係食到我鼻水都流埋,勁...不過夏天黎食就慘小小,冇冷氣要坐街邊,唔緊啦,好食咪得law 老闆介紹話正既泡椒鳳爪,白雪雪咁唔方辣la得,咁諗就錯,絕對係辣死人呀 水煮牛麻辣粉,牛肉好(林),辣味雖然好重,但仍然食得到牛肉既味道,薯粉煙煙un un,正 肥腸麻辣米線,肥腸即係豬腸,同樣係中辣,同樣係薯粉,正正正... 蒜泥白肉,呢個就冇咁辣,但都好食

我係紅磡街坊,佢d廣告賣到咁行,梗係行路去試下.外賣了川北涼粉和辣鳳爪,盛惠$40大元,接過外賣盒輕飄飄,心諗不妙,回家可能仲要煮面至夠飽.一路行一路見紅油滲出,我d口水亦漸漸滲出.打開個盒,每樣都裝得一半,川北涼粉夠麻夠Q,冇肉,好吃但少少少,分左d比阿印就更加少...辣鳳爪確實辣到跳舞,但d鳳爪全部切剩兩隻瘦腳趾咁上,中間舊厚肉掌唔知去左邊?得d腳趾皮食,腳趾以上d皮肉筋骨打哂斧頭?!食開鳳爪的人都知邊忽最好食,佢賣呢d野人工貴過成本好多啦,點解都比咁少d客,鳳爪都唔比成隻人呢??雖然只試了兩款食物,但以佢個裝潢及食物分量計,實在太略水

前幾天吃了水煮牛, 毛血麻辣粉,蒜泥白肉!雖然辣左少少, 但愈食愈好味!3樣最好食係蒜泥白肉, 水煮牛既牛好彈口, 好有口感, 但咸左少少, 而麻辣粉都唔錯.

這店聞名已久,試完漢堡包,立刻去隔離試這名店. 和同事一行三人, 分別叫了: 牛舌酸辣粉, 五香牛肉酸辣粉, 和涼面. 已聽聞這店幾麻幾辣,大家便叫了小辣.另加了三元涼茶.所有食物不用五分鐘便有,我選了牛舌酸辣粉,一看湯頗油,立刻試了口湯,真的好麻. 那碗面看來頗細,但其實內裡也不少. 粉的口感頗特別,我覺得味道可以,但沒人說得那樣好,但真的好麻好辣.

係隔離買左個漢堡飽，食住走過黎聯記川粉王，繼續食食食….去到5:00pm，冇咩人，坐低叫野。叫左:羊肉串串香酸辣粉 – 又麻又辣，D湯好辣，但又忍唔住飲左好多啖 蒜泥白肉 – 蒜泥好香，白肉好大片麻辣口水雞 – 幾香全部都要小辣，但己經夠晒，一路食一路出汗。去開紅磡都會再食架…..再接再辣，正。

35蚊的夫婦肺片係姆 好食既~野野都有d不過都真係太少了~下次都係買佢d酸辣粉食經濟d唔會再咁叫!

聽友人講呢間好好好好食不過唔係日日開,咁岩今日放學經過,又見到開住買了一個牛脷酸辣粉 (小辣)拎到返屋企已經索哂水,無乜湯好似變左涼伴酸辣粉食第一啖已經麻到想飛上天條脷麻到震哂,絕無誇張由於太麻太辣,最後決定要拎隻碗出黎食都仲好辣其實碗野真係好足料,牛脷份量不少酸辣粉不太林,都幾好食下次要係果度食,d湯會多d

今日試了這間出名的食店,叫了水煮牛肉酸辣粉(中辣)同夫妻肺片.水煮牛肉酸辣粉 - 夠辣但唔夠酸同麻,叫得酸辣粉,酸同辣比重差不多吧.下次加酸應該會好食點.這不是我在香港食過最好的酸辣粉而且味精都幾重.夫妻肺片 - 很多辣油味道不錯而且刀功不錯啊老闆!下次會試小炒,不錯的小店.我住在對面竟然不知道有這樣地道風味的食店,已後放工回家前可以去買外賣了.

之前在深圳食過毛家飯店的四川菜, 麻辣菜式令我食上癮. 及後睇雜誌介紹呢間聯記川王小店四川食品, 就好想去試下. 上星期日要去紅磡朋友家, 就順道買左2樣食品黎試下. 麻辣牛脷涼粉(小辣) - 牛脷好好食, 涼粉就比較"淋", 少左煙韌嘅感覺...好似毛家飯店的好食d. 叫左小辣, 不過越食越辣, 最後朋友都投晒降, 得我一個食晒佢! 蒜泥白肉(小辣) - 嘩!! 我未食過咁好味的蒜泥白肉!! 白肉正, 個醬汁勁好味, 連埋墊底的青瓜包住一齊食, 好回味呀~因為太好食嘅關係, 我買左去朋友屋企一齊食完之後, 走o固陣再去買多一盒回家自己食. (極度推介!!)一定會再幫襯. 下次希望搵到d食得辣嘅朋友, 再試多幾樣唔同嘅餸. (不過一定只係可以叫小辣)講下食物以前外嘅野....環境 - 呢間擺明就係街邊小食店, 唔可以要求佢有VIP房! 我覺得店外的環境都唔算太差, 又離開馬路有d距離, 未至於食晒塵. 地下都唔見有垃圾及污水, 係可以接受的街邊檔.服務 - 可能我之前睇飲食雜誌介紹過老細, 知佢係唔多出聲的人, 所以當日我買野時, 佢對我一句起兩句止, 我都唔覺得佢係"串"或者"無

之前想試呢間野好耐..4日難得同個fd出到黎,專誠黎食ga.我地搵左好耐先搵到,好彩未收咋=_=haha.但係1去到已經full哂,,可能因為佢少位關係啦!!我地點左4樣野食.麻辣牛脷涼粉同埋麻辣牛肉涼粉,口水雞+麻辣青瓜.d野食好快就黎到喇. 食之前已經知道會好激動,,>_<'正呀食左少少條脷同個咀已經麻哂la.但係果種感覺真係好正wo又.青瓜好爽. 好味,口水雞都ok.wo.我既涼粉都好好味..多麻and多辣,,正呀!食左4樣野加埋two cups of coke都係103蚊,,又抵又好味!!1定會有下次!!不過食完之後個口好慶,,ha嗜辣既朋友1定要黎川王!

本來係去tst食野既~不過我媽突然話去紅磡好啦~於是就去食聯記一去到~當然要買定飲品啦~第一次去~就叩叫毛血旺酸辣粉呢個個湯汁一般~豬皮唔好食~但其他的就好食~不過好麻好辣而再叩左個麻辣牛脷~好好好食~係好麻~不過牛脷好爽身又好肉地~薄薄地一片同埋d大豆芽食就好好食~我叫小辣~都好辣媽咪就話太麻頂唔順~不過d野係幾好食~下次再食過啦~

味道好味係我再去的原因..唔再去係因為老細態度實在唔太好..一碗得三片牛肉的麵要$20,實在不值最後係地方問題...食食下隔離一大埋垃圾加人地食淨既湯..當然好味唔計較地方,但咁多原因加埋,,實在令人卻步..

同得好友食家"乜都放入窿"食飯, 當然唔會係得一間食店咁少啦, 所以當師傅喺時新落單嘅同時, 好友食家亦喺隔離(即係呢間食店)柯打左另一樣食物, 皆因呢間人氣食店亦係好友食家"乜都放入窿"同師傅從未食過, 既然黎得呢度當然不能錯過, 所以大家都非常期待!由於事前已經商量, 所以好友食家"乜都放入窿"就柯打左麻辣牛舌涼粉(小辣)同埋麻辣豬耳薯粉(小辣)行街!先講下麻辣牛舌涼粉(小辣), 麻辣牛舌真係幾麻辣, 香香嘅辣味配上少少嘅麻味, 麻辣味道點到即止, 洽到好處, 好正; 而牛舌又夠腍夠鬆, 肉身唔鞋, 一d都唔韌, 掂呀; 涼粉就夠爽口而且夠滑身, 加上係凍吃, 感覺係辣中帶涼, 勁正; 而麻辣豬耳薯粉(小辣)係熱食, 麻辣味道依然搶口, 熱食亦份外覺得惹味, 至於豬耳切得細細片, 入口夠爽, 薯粉又係爽爽滑滑, 非常好味, 真係好味到停唔到口!總括黎講食物質素甚佳, 地方都係細, 環境係坐喺街邊, 不過價錢唔貴, 絕對抵食; 師傅同好友食家"乜都放入窿"一面食一面讚, 所以好肯定一定會再黎; 由於人氣食店嘅關係, 所以都幾多人, 加上又要等, 所以都幾冇癮, 好希望下次唔使等啦,