聯記川王涼粉 (Moved) New Location

小弟係聯記常客~近日發現聯記d酸辣粉同川北涼粉份量小咗,唔加底真係冇可能會有飽既感覺~唔通生意真係咁難做~不過味道都係冇變~一樣都係咁好味~一定要食酸辣粉&川北涼粉,有好多配料揀,雞絲,牛肉,牛脷,排骨,口水雞.....等等...仲有好多小菜都未食~食左再介紹比大家~

女友人在隔鄰醫飽肚後 我急不及待跑去空椅上坐底聞到一陣陣的麻香味 令我食指大動餐牌在收銀入邊位置 我走到前面看 實在太多選擇 全部都是我想吃的那個老闆不耐煩地問我要吃什麼 但後面又沒有人排隊 我已經向他表示我仍在選擇 但他問了第二聲 而且聲音越來越大=="之後我點了 口水雞涼粉 他問我要大中小辣 我想了1,2秒 本想問他大辣有多辣 而知道這是廢話問題== 最後都沒有問 結果我點了中辣 一打開很快聞到麻辣味 份量不算很多 撈一撈之後 紅卜卜的辣油染滿白雪雪的涼粉 入口後覺得我還可以吃大辣 辣的味道不多 而麻的感覺就非常多 雞味道一般 沒有雞味== 感覺非常冰鮮 涼粉咬口好得意 吃了一陣 慢慢感覺到頭皮好像被蟻咬般 還開始覺得有點冒汗 吃完後 嘴唇就好似被針吉一樣 哈哈 非常過癮我一定會再去試其他菜!!

食了聯記3年多...由初初無咩人食, 到而家等一個飯要我等45分鐘...食物質素每下愈況...麻辣牛脷係貓爸至愛, 每次必叫...但近日食既牛脷量少了一半芽菜近乎無...講質素, 牛脷完全無晒牛既味...仲要切到碎濕濕...Size係以前既1/3...酸辣粉一個剩粉$16叫左個大腸酸辣粉, 得3片大腸貴$9, 得3片係唔加價但量得番一半質素又下降...味又差左!!唉!!失望!!

聖誕去左成都玩，四川既涼粉令人一試上癮，返到來香港一定要試下呢間有賣川北涼粉既食店行過去已經聞到陣辣味 川北涼粉 (小辣): 份量太少，得半個外賣盒份量，比想像中更少，失望。食落唔太辣，又唔覺得香，overall 麻麻地酸辣粉(中辣): 呢個真係辣D，大碗D，可惜花生唔脆，整體都OK涼拌三絲 (中辣): 三絲即係粉絲、海帶絲，同好似蘿蔔絲(不過唔多見有)，呢個真係好香好辣，食完條脷又麻又流鼻水，正! 正! 正! 涼茶﹕唔太甜，解辣必飲同大陸既平民涼粉店比較佢都只係一般而已，但係香港黎講己經好正宗，未有機會返大陸玩之前去呢到頂下癮先順帶一提，老闆真係有D串.....不過算啦，都係一種風味黎既

好吃的店，特色是：老闆同你唔客氣老闆唔得閒招呼你仲要好大陣味這不是讚美，也不是批評，只是你要有心理準備。以前吃過大理涼粉，也是同一類東西，今回經蔡生一講，跟風都去試。因為無位坐，人太多，局叫外賣。口水雞涼粉，盛惠$28。返到屋企品嚐，發現個份量不能與大陸同日而語，怕左少左一半。好在味道係真o既，食完萬蟻挑唇，當然少不了那種不吃比吃更麻的吊詭感覺。雞的調味中規中矩，白切雞不老不嫩，不過份肥腥，已是合格。會否再來？還可以啦，試多幾味先，尤其小吃。但真係辛苦左少少，成班朋友，得我一個食到，真係有排試。隔離唔掂咩真係？我試過，好唔掂。咪當有辣椒就係四川先得o架。

呢日想出尖咀...見紅隧口好塞車..就轉左入紅磡食d野先..去左呢度...等左一陣就有位了~叫左 "口水雞酸辣粉$30" ,"水煮牛酸辣粉$28", 蒜泥白肉$40 同 肚絲 $28已經叫左少辣!!!但都係勁辣...!!!!頂唔順買左2罐可樂!!!其實佢既味係幾好//// 香料好ok...但對於我同honey 都係辣左d ..(其實我地都好食得辣)所以我懷疑佢係咪唔記得左少辣...如果下次再去...睇黎要叫" 小小小辣"...先得lu...

剛食完媽咪肚雞蛋仔,本來係要去時新食o既,但係天意弄人,時新休息於是轉去隔離o既聯記我地order時佢地已經賣剩沒涼粉了,真好生意~~~~~我地3個人點左2個口水雞涼粉(中辣),1個麻辣牛肉涼粉(大辣)過左一震我地就有得食嚕~~~~我點的是麻辣牛肉涼粉,佢D涼粉滑滑的都幾好吃,不過第一次食我無得比較XD至於D麻辣牛肉我就唔係好辣啦~~~~~而其中一個唔太食辣o既朋友仲話佢條舌好似比人醃緊好~~~哈哈~~~~~~(我地食緊中途,佢地連涼粉都賣光~~~~~真恐怖~~~ 一,一)

今日獨去前往川王...係上星期先同老公食完...雖然我叫左''大辣'' 但係程度係小辣!-_-所以真係失望左. 但佢d味真係好香好吸引=(所以今日又再去朝聖=(一到步已經見到好多人係門前.但都係外賣既多.我要左麻辣牛肉飯+coke light 大辣.今日老細奇怪地好人.又nice...仲同我傾計..-_-乜食大辣好出奇咩...今次抱住一絲ge希望黎到. 佢ge牛肉好'un' 吾得. 亦都吾係大辣ge程度...所以食完之後一陣就無哂辣既感覺...相比起第1次去食果陣時.食完之後行到搭車ge時候 個口都仲係辣緊.但而家...=(唉 失望而回. 川王改變了=(

四川料理擅於運用香料與醬汁。主要用茴香、辣椒、豆瓣醬、蒜頭和胡椒等的香料和醬料調製而成，風味獨持。住係聯記川王附近, 好方便, 不時都會黎這小店到食辣野, 所以第一篇就選擇了它!!四川料理雖然以麻辣馳名，但口味變化極多, 而這家小店既四川小吃都有好多口味雖然喜歡這兒既 酸辣粉 - 冬天食這個不錯, 酸酸辣辣, 好暖胃川椒皮蛋 - 簡單既一道川菜小吃, 個汁做得幾好夫妻肺片 - 麻油味好香, 麻辣得黎幾有口感但今次我就轉一轉食川北涼粉, 蒜泥白肉 (兩款都點了中辣)川北涼粉 - 個口感幾得意, 涼涼地又滑, 超麻好過癮, 不過油有點兒多蒜泥白肉 - 蒜味都幾香, 麻中有肉味, 如果白肉可以薄一點, 味道一定更加好

第一次去紅磡，就是為了這間openrice上佳評如潮的食店。因為想同時去隔離更加出名的時新快餐店，今次只點了一道「雞絲川北涼粉」。雖是嗜辣者，但第一次去先只敢點小辣。結果對我來講是很溫和的辣，可以很順的一直吃下去。涼粉很特別，似果凍咁，一碰即斷。整體味道都幾好。去的時候是星期一的傍晚，很多人輪候外帶，但等佐不到十分鐘就有得食，速度ok。下次還會想去試其他菜色。

麻辣牛肉酸辣粉 - 個粉口感幾好, 幾彈力, 幾好趙。 個湯底就油左D, 但係酸同辣都同平均, 牛肉無嘜牛味。 蒜泥白肉 - 頭果幾啖幾好味既, 食食下就覺得好普通, d豬肉幾好味, 肥瘦適中。 川北涼粉 - 完全無辣味, 一味得個油字, 好似飲緊油咁。夏天既時候真係唔好黎食, 坐係街邊真係好熱總括黎講, 全部野都好油同埋唔係太辣, 食一次就夠架啦。

這是9月17日的外賣, 這篇食評我以為已提交, 原來尚未.....在openrice看到聯記的食評, 垂涎三尺已久, 但食友大都說聯記不宜堂食之餘更不易找到……對於路痴的我, 聯記是遙不可及吧? 怎料有一天, 如常乘小巴到黃埔吉豬島買餸時看到聯記川王涼粉……真的嗎? 回家上網看看, 真是大家所說的聯記啊, 怎會每星期經過一次都不知道? 第二天和幾個同屋苑的好辣日藉師奶商議後, 決定由我去試吃, ok的話外賣回來. 食友說川椒涼粉超讚, 所以點了一客堂食試味 -- 不得了, 麻辣得超過癮, 不過因為麻辣加上天氣炎熱, 我面上的化妝幾乎溶掉. 為保妝顏, 決定回家, 開點冷氣繼續吃. 同時外買幾個小菜和愛辣師奶一同分享. 川椒涼粉 – 辣味沒有麻味來得強烈, 舌頭被花椒麻得發痺!! 涼粉雖不是凍的, 但在麻辣的襯托下, 室溫的它, 顯得涼涼滑滑, 鷄胸絲不 “鞋” 口也有鷄的鮮味. 如果沒有味精, 這味川椒涼粉值100分了. 口水鷄 – 辣味比麻味強, 配合花生的酥香, 非常精彩. 鷄肉很滑, 可惜骨多, 吃得麻煩. 較有肉的都分給朋友, 我的一份只有骨!

大力女王與我都是嗜辣之人，但不是吃很辣很辣，是喜歡吃有濃濃辣"香"味的。而喜歡吃辣的人，身體每一陣子就會提醒你該再去接受從嘴唇一直到胃的灼熱考驗。自從循著蔡瀾先生的腳步來到，每當出現這種反應，大力女王的首選必定是聯記。做外賣的聯記沒有幾個位置，用又小又窄形容是十分貼切，用餐的桌上也不算乾淨，店子就在路邊沒有空調，僅倚賴一台老舊沾滿灰塵的電風扇左旋右轉，但吃路邊攤長大的我，對於這樣的環境卻是十分受用。應該是貪圖這樣的熟悉感，才會每次想要吃辣就會來到聯記。已經記不住來了第幾次，幾乎快將店裡每一樣食物都試過，但每次必點的還是那幾樣。而曾經有一次嘗試中辣，覺得沒有辦法享受美味只感到很辣，因此也不再做小辣之外的選擇。想著想著，在動筆的同時口腔的唾液也開始分泌。這就是辣的魔力吧！先從我覺得最特別的蒜泥白肉開始流口水！大且薄的肉質軟嫩、香味十足，伴著由蒜泥與各式辣椒香料混成的濃醬一口滑入肚，是我的標準吃法。是我見少識薄吧，記得我第一次看到時是相當訝異。不像台式的蒜泥白肉是切成小小一片，且多以鹹味的醬汁入味，聯記的蒜泥白肉真是讓我大開眼界而且大飽口服。當天還叫了水煮肉片酸辣粉，花椒的香味一直從鼻子直衝

之前去開時新食漢堡包,見到依間街邊四川菜,好似都幾好食, 但係大熱天時又要坐街邊... 真係"的"唔起心去試...上星期六晚, 去買左個蒜泥白肉同水煮魚上個friend屋企食(因為佢住附近), 只不過叫少辣, 但係我已經食唔到.....個蒜泥白肉($40)其實好ok, 個sauce好好味, 不過實在太辣喇!!! 個水煮魚($88)都係超辣!!! 同埋佢係用鰂魚, 好多骨 , not good...

相片是於六月尾拍攝的,上周六突然麻辣癮起,便前往聯記川王走一轉,沒有帶備相機的情況下唯有用回那兩張過氣相片。在一個休閒的周六下午,當到達聯記,見摺檯及鋼檯已被食客佔據的情況下, 便只好外賣了以下兩味最喜愛的川菜回家當下午茶的小點。蒜泥白肉--數大片薄薄的白肉片被那股撲鼻的麻、香、辣蒜泥汁淹沒下,令其相當入味。每片白肉都沾上了蒜蓉、紅椒及蔥碎的濃烈蒜泥汁液,不單口腔的蒜泥味久久不散,連帶整股蒜泥味也充散著整間房子。川椒皮蛋--那是用上四川皮蛋,因此沒有廣東出產的皮蛋般含鉛量高。皮蛋晶瑩剔透,稀軟金黃,而麻辣汁與帶甜的溏心產生一種甜味的麻辣感,令汁液有兩種交叉的味道。 溏心融化在舌頭內極其細膩幼滑,可惜分量少。吃至最後.乾脆地把剩如的蒜泥汁及川椒皮蛋的麻辣汁於雪櫃內,留待下回用來當餃子的醬汁或是撈即食麵來吃。