聯威茶餐廳

Open Now

Now Closed

【油尖旺區】【聯威餐廳】上年聖誕節，因為我要返工，所以都冇乜得同朋友食飯。難得大學同學耀哥話佢有時間陪我，咁我梗係唔會令佢失望。本身諗住同佢去山林道金鳳鋸扒，點知鬼咁多人，唔知點解。嗰吓先記得，係喎，聖誕節係乜鬼嘢西餐都全場爆滿仲要排隊，連金鳳都係。咁我哋就喺附近搵啲嘢食，行吓行吓就貢咗入去三角公廁對面凹咗入去嗰個位，幾棟大廈夾住嘅一個空地。嗰度有幾間餐廳，我哋作為麻甩佬，就食茶記「聯威餐廳」。入到去發現門可羅雀，幾乎冇客，我哋都擔心究竟係咪伏，不過我嗰吓都冇乜時間，照食。耀哥食 $88 嘅「皇袍鰻魚叉燒飯」配 $5 嘅「紅豆冰」，佢話佢個飯勁好食，鰻魚鮮嫩，叉燒高質，蛋又滑，搞到我好羨慕。因為我鋸 $72 嘅「澳洲牛扒」配洋蔥汁飲 $8 嘅「凍檸茶走甜」就真係差咗啲，揀錯嘢喇我。埋單 $173，有人歡喜有人愁。。。（地址：尖沙咀柯士甸路15B號嘉華大廈地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty

作為一個廚師，我只可以喺平日三四點出外覓食…今次近近哋行咗去公司對面嘅茶餐廳，呢間嘢我都經過咗好多次，但由於佢日要行入去大廈入面再穿過去，所以我成日都冇入到去食…地方簡潔明亮，客人唔算多可以坐到卡位，不過就係啲舊式卡位，張凳都幾硬下嗌咗個西多士，對家嗌咗咖哩牛腩飯，西多士正正常常，非常之正常嘅發揮，唔似依家啲茶記，又芝士又朱古力碎，九唔搭八…咖哩牛腩飯整得有啲hea…甜椒洋蔥都唔拉下油，生嘅咁揼落個咖哩汁度…至於舊牛腩，無炆過，就係蒸熟咗，好難咬…咖哩汁就幾好食，不過咁求其嘅話好難有下次茶走同凍檸茶算係幾好飲

<港式鐵版餐>滿地百元港幣起跳的鐵板餐裡面這個價錢相當親民才64個大洋 沒有配餐包跟湯反正我意在鐵板上的食物 那些湯點就算了吧港式的意思是 味道是小時候的那種而非吃肉味 是那個調味 文字確實難以形容那個平民級別的豬扒 薄牛扒 充滿香草味 全都是調味料的口味肉質就是那種適當地以鬆肉粉處理過的 未有到散肉 也不會緊繃繃般 完全是當年在柴灣漁灣村的海運餐廳一樣薯條跟雞翼新鮮地炸到脆脆 由點餐到上菜只有十多分鐘 討厭之極的三色豆當遇上濃濃的黑椒汁 頓時也能輕易入口 沒有半點厭惡感餐牌上寫著：「熱飲加5蚊 、改凍飲加8蚊、改紅豆冰加10蚊」沒有半點猶疑下 立即衝出「紅豆冰」三隻字 畢竟我嘛 那麼精打細算的窮小子 內建大賢者🤭（格價版本）😂然後再看多一下餐牌，什麼改凍飲？改紅豆冰？本來就沒有飲品附餐，哪來的改？ 同檯的不斷嘲笑著的職業病發作☹️最後的打單也好久不見了

今朝食個早餐，叫咗沙嗲火腿煎蛋出前一丁，個沙嗲汁好特別，喺出面未食過，提昇咗成碗麵，火腿食得出係金妹牌，個蛋煎得非常出色，食得出個出前一丁是即煮的，平日早上無乜胃口嘅我，次次都食唔晒一份早餐，今日竟然成碗食晒😆😆😆奶茶非常好飲，好有茶味，茶與奶的比例剛剛好，這杯奶茶絕對係本年度最好飲👍🏾👍🏾👍🏾感覺這間小店與出面啲連鎖茶餐廳好唔同，不是出面的粗濫製作，每樣食物都用心經營，好開心找到你，成為我的食堂😋😋😋

香港地時常有餐廳隱藏喺大廈之內，今次如果唔係同事帶路都唔識嚟。話說某日外出工作，lunch時production同事想喺尖沙咀食平民野，唔好咁貴又飽肚，就帶咗我去呢間聯威，佢個門口要進入大廈大門，然後見到一個好似天井位竟然有間茶餐廳喺度，堅隱世。不過隱世又是否一定好味呢～環境☑️☑️呢個環境當然唔會係好靚，純粹老茶一間，聽講呢度係好多司機大佬、導演攝影師嘅飯堂，即係好多男人！味道☑️☑️☑️佢成個Menu最吸引就係啲「皇袍乜乜物物」，個皇袍其實係用鮮奶炒蛋，所以個蛋會帶點奶白色，會較為滑身。我今次揀皇袍叉燒飯，個蛋幾滑唔錯，只係個叉燒較為差，切得厚之餘又有少少乾身，完全好貼切男人竇食男人嘅粗豪叉燒飯。性價比☑️☑️☑️一個碟頭飯加杯凍檸茶，盛惠$63，喺尖沙咀唔算貴唔算平啦，勝在坐位唔逼，又唔趕你走。

今日去尖沙咀有活動，8個人活動前先一齊食個飯，人多都唔知可以去邊度食，所以都係揀左食小菜。1. 魚香茄子煲 - 鹹魚夠香，茄子入味2. 咖哩牛筋腩煲- 中式咖哩椰香味濃3. 黑椒薯仔牛柳粒- 牛柳夠冧，薯仔都好食4. 涼瓜炆班腩-有鑊氣 涼瓜應該出左水無咁苦5. 西芹炒鮮尤- 有鑊氣6. 滑蛋炒蝦球-蝦球無咩味7. 咕嚕肉-酸酸甜甜，好受歡迎8. 海鮮什菜粉絲煲-正路叫多個菜整體環境屬於一般餐廳咁無咩特別，味道都唔錯，價錢都好經濟。

本人住係尖沙咀，屋企屬於無飯家庭，早午晚三餐都係外面食，今日經過去左聯威茶餐廳，隱世餐廳，要知定先會識去，今日叫左個豐富早餐，猪柳好好味，今日見隻蛋生生地，叫佢幫我剪熟d，店員立即幫我拎去再煎，牛油多士好味又脆又有牛油香，咖啡今日少奶落半包糖好味，我呢d甘麻煩嘅客人，有位頭髮比較小的侍應哥哥仍然笑面迎人大家經過可以試下，午市開始，有個黑椒雞扒飯都可以試下，我以前仲係尖沙咀返工嘅時候最中意食，炒得好夠鑊氣咖

如果有去過呢間茶餐廳嘅朋友，應該都會同意我用「別有洞天」去形容佢，如果唔明嘅朋友，你自己去下就會知道。呢間茶餐廳除咗有般茶餐廳食到嘅嘢之外，值得一提嘅有兩樣野，一是佢嘅鐵板扒餐，二是佢嘅鹹魚煎肉餅。先講鐵板餐，份量唔算大，不過卻保留住典型後期加工扒嘅味道，同埋必試佢嘅經典洋蔥汁，真係保留住嗰種舊式茶餐廳嘅味道。至於個鹹魚煎肉餅，鹹魚夠香卻唔太鹹，又唔會好似出面有d餐廳完全無鹹魚味，唯一缺點係油咗少少，不過無計啦，茶餐廳口味就係要油油地先似樣啦！

差唔多20年前，喺附近做嘢嘅時候，經常都幫襯，今日經過特登再試下佢嘅早餐，水準依舊，服務態度仲好好添，好似隔離枱個食客話多士有啲凍，個侍應即刻將個多士揼咗，馬上換過新嘅，真係好少有咁有人情味有服務水準嘅茶餐廳！

行到聯威茶餐廳嘉華大廈地下好久沒有在這食食慾大增⋯⋯聯威是真正街坊代表食店再詳細看看開飯食記友的食記乖乖不得了淨係杯奶茶我也要立即飲金牌奶茶問男神侍應叉燒靚不靚？他說好像我那麼靚唯有叫鰻魚叉燒午飯了⋯⋯一個茶店鰻魚是新鮮的雖只有兩舊：但肉厚肥美多汁，再看其他食評，真是非常高興的確物有所值78$連奶茶從前我年輕氣盛-捨不得出錢的-一味地又要人家平又要多-⋯⋯ 一種貪婪不仁的心態：現在集思廣義，多看食評個人成熟練歷很多識貨

真系無賺盡的良心小店，一定要支持6點幾由佐敦Austin road一直行搵地方食飯，吾系吾想食就系話訂滿，剛剛行到目的地都搵吾到，特然見到一個茶餐廳餐牌，但睇吾到個鋪面，再望入條巷仔，又有幾個人不斷行入去，我地就跟住行，即刻見到好大的茶餐廳牌啦。入到去已經坐了80%客，好似大部分都系熟客或者街坊。餐牌上真系幾多選擇，我地叫左個特別推介同煲仔飯，亦因為系餐廳門口有個地方做煲仔飯，好似幾好。支竹羊腩飯(76)～真系幾多羊腩咖，無因為系餐就做定好多或者好早做吧，炆得吾會林bat bat， 皮很有彈力，無肥膏，冬菇也很爽，支竹也應該是食才放落去，吾會散曬，唯一系個汁無乜應該有的南乳味。鰻魚排骨煲仔飯(88)～都要等10分鐘左右，有大概1/3條鰻魚，排骨多到食吾曬，加上濃濃的鼓油，蓋住5分鐘，慢慢聞到飯和飯焦香；鰻魚好好味，排骨帶小小肥，無雪櫃味，飯焦不多，剛剛好。油菜(18)～菜心就比較差，凍同埋吾系太熟。例湯(3)～粉葛湯又系吾夠熱，煲得吾夠時間，太稀啦一邊食，見到後面張枱叫了一個烏頭魚餐，好好好大條啊！只系66蚊，去邊搵啊！亦可能系咁，所以咁難搵，裝修老化都咁多人去，

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！話說，小弟係一個極之麻甩嘅人，麻甩仔當然要配茶仔啦！我未婚妻聖誕前一直話佢搵左間好出名嘅茶仔要帶我去試，佢搵茶仔同我一齊食喎，其實真係好窩心的，不過一直都撞唔啱時間，偏偏今個聖誕大家都無乜計劃，所以佢就帶左我去佢口中所講嘅茶仔，就係呢間聯威！係The One落車一路睇google map，都行左成15分鐘先黎到，好有探險feel！聖誕呀大佬，無人會係茶仔過聖誕架，所以食客都係街坊為主。一坐落伙計就熱情招乎，同我地介紹有乜食。洋蔥汁瑞士雞扒鐵板餐呢個真係食回憶必點。細個同未婚妻拍拖嘅時候，成日會去一間好up dup嘅茶仔食鐵板餐，個時都係講緊25蚊。過左咁多年，今時今日一舊水走唔甩，但呢度竟然只係$55就有交易！除左回憶之外，就係識我嘅人都知「熱未必一定好

在尖沙咀的心臟地帶，要找一個平民飲食地，要找一個平價用餐的，可以說是不易。不過，若是有心找的，平民的茶餐廳其實近在咫尺。是次，就先說一說位於柯士甸路深處的一間工友飯堂型食店，叫做《聯威餐廳》。 地方的確是隱蔽的，因為就算你行在大街大巷，都未必會留意到這茶餐廳的存在。原因就是這餐廳埋藏在大廈的天井位置內，大家需要由一個狹窄的出入口入來，才會見到此餐廳的存在。而曾經，在此店旁有一家馳名的海南雞飯店，可是，該店現在去了那呢?肚子太餓了，我直接點了一個咖喱牛腩飯做午餐。濃濃香香的港式咖喱，並不是每一間茶餐廳都會做得好，而《聯威餐廳》的出品，是少數令我會拍手叫好的咖喱。入口的感覺很 creamy，而且牛腩很腍，牛肉的味道滲入了咖喱汁，而咖喱汁的味道又藏在牛腩肉的內心處，非常之美味。 我來過都好幾次，幾次都對這店的奶茶有不錯的評價。今次杯奶茶並沒有令我失望，有齊合乎我喜好的濃、香及滑，越飲越開心。 對上一次來，已經係好多年前的事了。這一次回來，除了招牌變光鮮了之外，味道上同餐廳的內在，都保持到水準同古早味 respectively。好食的平民餐廳，絕對值得大家去多多支持。

昔日在附近讀書時已經光顧聯威。茶餐廳隱匿在柯士甸路中一條小巷，店舖內外裝潢衛生一般，倒是食物不賴，能滿足大塊頭的食量。職員風趣幽默，還會捉弄客人學生。幾年前聯威翻新後也未有再來。這個週末回到母校與朋友同桌留下倩影，事後順道重遊舊地。我們走進巷裡，抬起頭望就是社交媒體的打卡熱點。驟眼一看，餐廳由牌面、格局規模至價錢跟數年前有莫大的分別，跟成行成市的新型冰室大同小異。若不是當年學生時代曾經目睹其傳統面貌，也許不會有如此強烈的對比和陌生感。那時我未有想吃碟頭飯的意欲，於是點了一份常餐（$ 43）。等候其間，我們仨一邊閒聊、一邊整理剛才的合照。看到某幾位見過面的店員帶熟悉的面孔，讓向來性子急、很認生的我出奇地享受此時此刻，教人安心。與此同時，往事浮光掠影在腦海，和心裡物是人非的無奈，令人百般滋味在心頭。終於等到我的常餐，包括了鮮牛肉通粉配火腿奄列、白方包去牛油、和熱黑咖啡。牛肉味道夠濃，質地嫩滑沒有筋，帶微微的沙嗲咸香。通粉熟度剛剛好，清湯沒有下了很多味精。火腿奄列蛋味算足很滑，應該加了不少牛油，和方包一起吃能減低油膩感，配合一杯咖啡就是完滿地的結束。或許經得起各種考驗的人事物所剩無幾。會留下

雖然係茶餐廳，佢嘅鰻魚飯比香港好多日本料理店，甚至比日本築地市場嘅鋪頭更好食。賣相亦好吸引，價錢又平。.隨餐附贈中湯，幾好飲紅豆冰都超正.位置略隱蔽，但值得專程黎食