Video
1-min walk from Exit C, Causeway Bay MTR Station
continue reading
Telephone
23384488
Introduction
This dim sum restaurant is designed with an ancient tea house in cartoon style, which is young and colorful. The dim sums are made by experienced chefs and are presented with modern plating.
continue reading
Opening Hours
Today
08:00 - 00:00
Mon - Sun
08:00 - 00:00
Above information is for reference only. Please check details with the restaurant.
About Reward Scheme
Offers
每次我有親戚係外國返來，都好想同佢地試呢間點心，望落乾淨得來有舊式情懷，加上標榜創意點心，我都試下點樣又懷舊又有創意？👀/龍記陸寶燒賣拼盤$70/🐟蜆蚧魚肉燒賣：咬入去，十足十食到蜆蚧鯪魚球嘅味，蜆蚧味夠曬鹹香！🙂↕️🦀星加坡黑胡椒蟹燒賣：好食到差啲想encore一籠呢個，個黑胡椒醬，夠thick，重黑胡椒香但唔辣🫢，燒賣面頭仲真係有蟹肉，真係好食到激死我（作為燒賣愛好者點解咁遲先遇到佢？）👀👀🌶️香辣雞軟骨燒賣：雞軟骨增加左好多口感，幾趣致。入面嘅辣油偏向「麻」嘅感覺居多，味道仲有啲似譚仔麻辣三小，amazing！🍄黑松露珍香燒賣：黑松露味好清香，無煤氣味，黑松露片仲要幾脆身👍🏻十年陳皮燒賣：比懷舊燒賣味道更濃郁，更鹹香，讚！🫰🏻懷舊燒賣：啖啖肉感，遊客必try/羊肚菌牛肉球$46/雖然我唔明點解牛肉球底要有咁多豆🫛...但係呢份牛肉球嘅創意係十足嘅。牛肉球本人有舊式茶樓嘅味道，羊肚菌本人幾索汁，又有好感，佢哋意外地夾😽😽😽/馬拉小籠包$48/小籠包本人都幾鹹香，而且湯汁好鮮，記得嘆曬d湯先加醋呀～🫶🏻/厚切叉燒腸粉$48/朋友大讚！皆因佢食落啖啖肉，皮又夠薄，而且叉燒本人唔柴🍖/鳳爪排骨飯$58/鳳爪好入味，排骨入味到癲左，我好少會讚排骨多過鳳爪🙂↕️🙂↕️🙂↕️/豆腐布丁$30/我本身對佢無咩期望，因為我唔係豆腐控。但係，佢係super-encore-able!!! 又白又滑，上面加左少少芒果醬同莓乾，真係超級match，好食到我自己獨食左（sorry同行朋友你無得食）🥭🍓🍮
continue reading
今日去咗銅鑼灣一間叫「龍點心」嘅餐廳食新式點心，餐廳嘅裝修好有心思，採用懷舊茶樓嘅傳統特色去做裝修嘅主題，環境乾淨企理，而且餐廳門口有售賣香港特色嘅食物，例如大地魚粉、油浸馬友、蝦醬等等，充滿香港情懷。🍊 港原味2.0燒賣拼盤點心全部都係即叫即蒸，一籠可以試哂6種唔同味道嘅特色燒賣，全部配搭都好有心思，而且唔同顏色嘅燒賣皮都好靚，包括梅菜扣肉燒賣、大澳蝦醬墨魚燒賣、蘇薑馬友鹹魚燒賣、香辣雞軟骨燒賣、芫荽馬蹄燒賣同XO醬帶子燒賣，我最鍾意係大澳蝦醬墨魚燒賣，食落十分惹味🍊 原隻紅燒乳鴿呢隻紅燒乳鴿真係必嗌，乳鴿皮好薄身同燒到卜卜脆，乳鴿肉非常嫩滑，一啖咬落去入面滴晒油，真係好推介大家去試，每兩位只限用超值價$32.8叫一隻，性價比極高🍊 龍餃子一籠可以試晒四款唔同嘅餃子，餃子皮嘅顏色非常鮮艷，包括筍尖蝦餃皇、蟹粉菠菜香蝦餃、酸菜魚鳳眼餃同松露野菌晶瑩餃，松露野菌餃嘅菇菌味好濃郁，而蝦餃皇亦都皮薄餡靚🍊 脆脆富貴紅米腸粉紅米腸粉嘅表面係紅色嘅腸粉皮，中間夾住一層一層非常脆口嘅炸粉，內裏係口感彈牙嘅蝦滑，一啖咬落去口感層次非常豐富，表面灑上一層沙律醬，鍾意濃味嘅朋友仲可以點埋豉油、麻醬、甜酸醬🍊 陳皮醬龍躉球蒸陳村粉龍躉肉喺啖啖肉，食落去完全冇骨，魚肉煮得好腍身，而且用味道濃郁嘅陳皮醬去調味，配上清淡嘅陳村粉真係好夾，而且陳村粉加入豉油去蒸令到表面好滑身🍊 章魚肉餅飯蒸肉餅飯嘅份量好大好足夠，肉餅嘅厚度適中，章魚粒係炒香咗之後再放喺肉餅上面，而唔係混入喺肉餅之中，章魚粒食落去非常香口惹味，肉餅同飯一齊食好有屋企嘅味道📍銅鑼灣波斯富街24-30號寶漢大廈2樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊
continue reading
主打新派粵式點心，揉合傳統與創新口味的，創意十足。一般飲茶多以普洱、鐵觀音、香片等為主，這裡竟然有伯爵茶選擇，確實令人驚喜！伯爵茶茶味清香，淡雅解膩，別有風味！牛腩蒸陳村粉牛腩滷得入味，醬香濃郁，軟嫩不柴口，而陳村粉吸滿了牛腩醬汁薄如蟬翼，滑溜柔韌，醇厚爽滑。鳳爪拼黑椒金錢肚鳳爪非常入味，膠質感十足；黑椒金錢肚則帶有微辣，爽脆彈牙，兩者都味香辣，非常惹味。斑蘭麻蓉桃子斑蘭的桃子麵包，香氣清新，麻蓉內餡香甜不膩，綿密細滑。醬帶子燒賣燒賣鹹香微辣，當中帶子鮮甜彈牙，香辣惹味。生椰拿鐵包包料鬆軟爆漿，入口帶有陣陣椰香和淡淡咖啡香，微甜不膩，口感獨特，充滿驚喜。黃椒醬排骨排骨軟嫩多汁，有嚼勁，加上黃椒醬，蒜香十足，辛微惹味。一口鹹水角的骰可愛，一口大小，食得更方便。先是香脆的外層，隨之而來是軟糯煙靭且帶微甜的角皮，最後是充滿椒香的內餡，味道層次豐富，比起傳統的更好食。
continue reading
𓄳 𓄳 𓄳踏入銅鑼灣的龍點心，霓虹燈飾搭配復古花磚，既保留老香港情懷，又注入摩登活力。這裏主打巧手捏製的點心，每一籠都宛如藝術品般，是對「飲茶文化」的重新詮釋。𓂑龍餃子 $50「筍尖蝦餃王」蝦肉彈牙鮮甜，筍尖爽脆畫龍點睛；「酸菜魚鳳眼餃」則酸香微辣撩撥味蕾；「蟹粉菠菜香蝦餃」的濃郁蟹黃與清雅菠菜共舞；「松露野菌晶瑩餃」一口咬下黑松露香氣爆破，菌菇香氣馥郁。四款餃子各領風騷，展現主廚對傳統與創意的精準拿捏。 𓂑甘筍汁流沙包 $38橙黃飽滿的外皮以天然甘筍汁染製，掰開瞬間，鹹蛋黃流沙如熔岩傾瀉，甜中帶鹹的黃金比例，搭配淡淡甘筍清香，十分滋味。𓂑 XO醬帶子燒賣 $40XO醬的微辣鮮香，豬肉餡柔嫩多汁，每一口都是「鮮」字的立體詮釋。 𓂑紅燒乳鴿 $32.8外皮如琥珀琉璃般酥脆，肉質細嫩滲出肉汁，醃製風味深邃卻不搶本色，以超值價位重現經典粵式功架，絕對是必點推薦的招牌菜式！ 𓂑雞骨草椰棗燉豬横脷 $52個人私心推介！湯色清澈卻滋味濃郁，雞骨草的草本甘醇、椰棗的溫潤甜香，與豬横脷的獨特口感完美交融，一碗下肚，彷彿廣東媽媽的暖心呵護，療癒感直達脾胃！𓂑鳳爪排骨飯 $58澆下豉汁瞬間，香氣撲鼻而來，鳳爪軟糯脫骨，排骨肉香飽滿，米飯吸盡精華，底部微焦的飯焦更是靈魂所在，重現大排檔的鑊氣魂！ 龍點心以現代手法復刻傳統靈魂，每道點心皆如精緻藝術品，價位親民卻不失細節堅持。尤其乳鴿與燉湯展現出超越點心店的格局，絕對值得為它專程赴銅鑼灣一戰！ 已附上單據以供各位參考𓄳 𓄳 𓄳
continue reading
普通點心平日就食得多啦！咁精緻又有特色嘅點心你又食過未呢！店舖位置係銅鑼灣，店門口仲有自家品牌嘅精品賣，店內環境好大，裝修仲好特別[ 一龍大滿足 ] $72：酸菜魚鳳眼餃 - 辣味十足，用咗酸菜同魚肉，味道好豐富；蟹粉菠菜香蝦餃 - 配上鮮嫩菠菜，食落有海鮮嘅鮮味；筍尖蝦餃皇 - 清甜筍尖同蝦肉好夾，餃子皮薄透；鹹蛋黃墨魚燒賣 - 食嘅時候小心爆汁，鹹蛋黃配上墨魚，口感豐富；松露野菌晶瑩餃 - 皮薄餡多，松露味好突出，餡料仲好多，食落去有驚喜；斑蘭麻蓉桃子 - 綠色壽桃造型好可愛，好香斑蘭味[ 港原味2.0燒賣拼盤 ] $72：梅菜扣肉燒賣 - 梅菜扣肉味道濃郁好味；XO醬帶子燒賣 - 香辣味令帶子更添風味，燒賣皮薄餡多；大澳蝦醬墨魚燒賣 - 墨魚配上濃郁蝦醬味，好特別；蘇薑馬友鹹魚燒賣 - 鹹魚嘅鹹香味配搭姜絲，獨特又有層次；芫荽馬蹄燒賣 - 脆口馬蹄配上芫荽，清新又不膩；香辣雞軟骨燒賣 - 爽脆雞軟骨配上香辣味，口感豐富又惹味[ 脆脆富貴紅米腸粉 $52 ] - 外層紅米皮又薄又香脆，中間用油炸條包住隻蝦，外皮層上有沙律醬，另外再配上三款醬汁，最like就係中間個款辣辣地嘅醬汁[ 龍炸拼 $78 ]：龍芋酥 - 外形似月餅，外脆內軟，咬落去有餡料，有驚喜；一口鹹水角 - 皮薄餡多，內裡包住咗餡料，口感煙韌；蘿蔔絲酥 - 外脆內嫩，一絲絲清甜蘿蔔，香脆嘅外皮；大澳蝦醬鮮魷卷 - 網紋皮炸得酥脆，鮮魷配大澳蝦醬，鹹香味濃點心後甜品就叫咗呢款 [ 宮廷桂花糕 $28 ] 玫瑰形狀嘅桂花糕好精緻，香甜可口，帶有淡淡嘅花香
continue reading