龍江茶寮點心·籠仔蒸飯專門店

Open Now

Now Closed

已第二次來食，所有食物都係即叫即做，蝦多士燉湯極力推介，籠仔蒸飯食過兩款，都係傳統好食，炸兩同平時食嘅唔同，裏面唔係油炸鬼，但係又好好食喎， 行過渡船街，可以幫襯下小店呀！不過趕時間就最好唔好嚟喇！因為每樣嘢都係即叫即做！

我們今日特登去食點心，這間是新年之前想去的，但未無門，今日星期日就同男友黎食。環境是舊式中式點心店，可以出去攞野食；服務都幾好，好客好人都幾多野食，前後2邊；有粥、飯、小食、甜品等等，選擇都多！我們點了4個點心。（點心拼盤）包了一個叉燒包、奶黃包、2粒蝦餃皇及2粒鮮蝦菜苗餃，好適合我們的配搭！（鮮蝦菜苗餃）皮透明又煙韌，菜苗好香嫩、蝦好爽（蝦餃皇）鮮蝦好爽口、有芹菜，口感一流！但係皮好易爛，都薄（奶黃包）內餡金黃色，好香又滑；包都軟！叉燒包好味、有口感、叉燒肉好軟腍易咬（蒜香蝦春卷）蒜香味唔濃、外脆內軟；脆口內餡蝦好爽點上喼汁，酸酸甜甜開胃美味！（魚網炸兩腸粉）腸粉好薄又香滑；炸兩好脆口好鬆化！中間原來夾咗蝦噢！好特別！好味又有口感！（惹味蒸鳳爪）顏色好靚好軟腍好香

同公司同事做冬 都係食中式好啲始終中菜岩哂咁多人好味同事好好咁搵左間特式點心店有好多好有誠意製作既點心仲有好多而家好小機會可以係出面見到既點心添首先要介紹既當然係佢地最出名既籠仔蒸飯啦我地叫左四個黎share 各有特色賣相最靚既一定係蒜蓉粉絲鮮蝦蒸飯但令我拍案叫絕既一定係章魚肉餅飯雖然佢賣相無蒸蝦飯咁靚 但味道簡直一流肉餅彈牙一啲都唔「梅」 有味得黎又唔會太鹹 一定會再encore點心方面都好出色 蝦餃漲卜卜😋當中我最鍾意既係炸兩佢地既炸兩等十五分鐘先食都仲脆 熠熠聲仲要入面係有一隻彈牙既蝦超級有驚喜強力推介俾一家大細既朋友去試絕對係物超所值

芝麻蝦多士，貨真價實，鬆化，鮮蝦配大量芝麻，滋味非常。佢哋既蛋散都不可少看，熱辣辣上枱，入口鬆化，一人可以食晒一碟4件。炸網腸粉有酒樓水準，腸粉薄滑，內脆口，好味道蒜蓉蒸蝦配粉絲，以為食晚飯先有，原來lunch time都有，蝦有蝦味，配上大量蒜蓉，excellent!最愛喝湯，無論蟲草花湯、木瓜湯、魚頭燙，碗碗都係盅上，而且三十幾蚊咋。一個蒸飯一盅湯已經暖粒粒令我回味。雖然位置不顯眼又不方便，但食物水準足以令我再encore.

星期六日下午仲頭痕緊食啲乜嘢？你又唔想揀大路嘢，呢一間就係隱世小店，有大師級嘅點心，又係街坊嘅價錢。位於油麻地文蔚街，對於一些人來講可能不太方便，但係揸車嘅人來講其實好容易搵到咪錶位，不過如果真係要搭巴士同埋地鐵其實都好簡單，落車行大概5分鐘都已經到了，但是都是值得的，因為真係超好食。第一樣必食係龍仔蒸飯，有很多選擇，我哋最鍾意的是鳳爪排骨飯，不是一般的鳳爪排骨飯，呢間餐廳係用荷葉墊底即刻蒸的。所以菜單上面都寫住要等大概20分鐘。第二樣必叫的是千島醬蘿蔔糕，又係師傅即刻整，一上枱熱辣辣，上面啲木魚仲喺度郁下郁下就知道個溫度，咬落去外脆內軟。第三樣必叫嘅係山竹牛肉球同埋各式各樣嘅點心，同樣道理都是即叫即蒸，大大粒。

美國朋友來港探望，小妹當然要盡地主之誼帶她去吃傳統的港式美食不少得的必定是點心但中午時段在酒樓吃點心是正價，又貴又沒有優惠～倒不如找間專吃點心的這間剛好位於她民宿附近這裡除了點心，還有粥品、籠仔飯、湯品等等而且價錢比酒樓的正價便宜點～這碗鹹菜胡椒豬肚湯是小妹超喜歡的，辣辣的，喝起來很暖，而且料超多的鹹菜軟軟的，不像外間吃到的有衣的！豬肚爽口有小妹愛的白果跟腐竹湯濃濃的，好喝燒賣也好好吃！平常在酒樓吃一籠都要大點/特點，這裡是$25，小妹覺得化算！因為很足料，很香，吃起來豬肉味很香濃～惹味的這款釀茄子跟平常在酒樓吃到的有點不同！可能是因為加了照燒汁，蓋了煎釀茄子的油膩感但有點過甜了～要不就完美了這個炒蘿蔔糕也非常的惹味推～微辣的！很好吃！但用來炒的蘿蔔糕應該用質感較實的比較好！這裡的上湯鮮竹卷跟平常吃到的有點不同～是料不同很足料的！好像吃到魚肉，但不敢肯定這碟叉燒腸粉很滑本來小妹想點黃沙潤腸粉，都是$21而且，但美國朋友不敢吃，所以沒有點沒關係～這間點心可以encore的！下次帶爸爸來吃

有日我地去完 elements 個邊拎完野就準備去醫肚啦！我地都唔想係圓方入面食咁貴，所以就決定落返去，睇下個頭附近有咩食~~~~-行下行下，見到有間細細地既餐館，茶餐廳既格局但有點心食，我地都好耐無食點心啦！一於試試先都有唔小款式既點心啵肚餓就樣樣都想食咁添我地最終叫左三款食物：糯米雞、點心拼盤同腸粉糯米雞大大隻，係飽肚之選！但食落味道一般，入面醬汁太多，令到啲飯濕得濟點心拼盤勝在咩都有啲，可以試多幾種點心！蝦蛟同燒賣都好咸，反而包點唔錯，奶黃包同叉燒包都好鬆軟腸粉都係一般般，尤其係蝦腸既蝦唔太新鮮......-整体都比較普通，但唔洗加一都幾抵既

精緻點心-鳳爪排骨籠仔飯 ($38)同一般食開既盅頭飯有啲唔同，呢間點心店主打籠仔飯，用籠仔同荷葉包著飯一齊去蒸♨，打開荷葉見到好多蒸氣冒出，食指大動！飯蒸得火喉剛好👍🏻，唔會太過淋身，同時餸亦都幾多，份量足夠兩人食，性價比好高。-流沙包 ($20)流沙包等得比較耐，但一撕開個包就知道佢值得等待既☝🏻，做到流沙既口感。但略嫌咸蛋黃醬唔夠「沙」🤔，味道較淡。-叉燒腸 ($21)即叫即拉既叉燒腸，叉燒量夠足，腸粉好滑身。-日式蘿蔔糕 ($20)司令最驚喜既菜式😻！又係見佢新產品上市，抱著我不入地獄誰入地獄既心試一試，打定又中伏既輸數啦。點知又幾好食喎🤔！蘿蔔糕先經過酥炸，做到外脆內軟，十分香口🙌🏻。加上大量千島醬同埋木魚片，味道有少少似食緊章魚小丸子🍡，又幾特別喎！

朋友三間揀左呢間食晚飯,樣樣都是即叩即煮的,看得出師傅心機,腸粉皮薄材料新鮮.蝦餃大大隻蝦爽.皮蛋瘦肉粥粥底好綿.灌燙餃最耐先嚟夠晒入味,係個叉燒包爭小小,師傅話晏左飽麻麻地^^夠老實

連續三星期既星期一都黎左lee間餐廳，因為佢既蒸魚飯實在太吸引，52蚊有魚有飯有湯，而且即叫即蒸，非常鮮味。魚亦有幾款選擇，仲可以揀用梅菜/清蒸等等既配料一齊蒸

剛剛經過見到有點心、籠仔飯食，就入去試下，點了窩蛋牛肉籠仔飯丶炸兩、燒賣及棉花雞。籠仔飯加上煲仔飯豉油，十分惹味，飯軟硬適中。之後，再試下炸兩，炸兩內有蝦肉，有驚喜，油炸鬼脆口。另外，燒賣及棉花雞，也算不錯，棉花雞份量十足，下次也會再來。p.s.照片中燒賣應該有4粒吃了先記得拍照😜

因想食籠仔蒸飯，便约了表妹一齊試一試。蒜蓉海蝦籠仔飯，42元，即叫即蒸，上枱即聞到香噴噴的蒜蓉味，正呀！五件開邊蝦都好大隻，飯加少少鼓油都好好味，冇來錯。加8元，送菜一碟，連菜都好青綠，配上腐乳， 簡直一流。原來叫龍江蝦餃皇，吾怪得咁大隻啦， 蝦餃內有荀混在一起，吾錯。鮮竹牛肉球，非常彈口，有牛肉味。海皇醬炒蘿蔔糕就遜色了，冇蘿蔔味，又吾夠 海皇醬。鮮蝦菜苗餃，好有水準。總括而言， 食物水準比想像中好。

點心種類不算多，但一般的都有，即叫即蒸，下午茶特別低食，2點至5點八折。最出名的是蒸飯，用苛葉包起來蒸，感覺新鮮。今日吃的是牛柏葉和春卷，仲有雲耳蒸雞飯，暫時仲係免茶錢