邁爵斯 (福華街)

Open Now

Now Closed

試咗三道菜，整體感覺係性價比高之餘，味道都交足功課！以下係逐樣分享一下：.經典卡邦尼意粉.上枱果一刻即刻感受到社交平台真相無修圖——份量超大！兩個人夾埋食都絕對夠飽。麵條煮到剛好，掛汁力唔錯，淋上一層濃厚嘅忌廉醬，濃郁得嚟又唔會太膩，好creamy。特別要讚下入面嗰啲細細粒嘅炸蒜，為成道菜增添咗一層香氣，而且啲黑椒同芝士仲可以任加唔嬲，成件事好過癮！感覺呢碟已經秒殺好多商場連鎖餐廳嘅卡邦尼，份量大但食到尾都唔會覺得無聊，值得推薦。.香脆芝士鮮奶卷.一咬落去炸得香脆嘅外皮即刻俾人一個驚喜！入面嘅鮮奶餡香滑濃郁，唔會太甜亦唔會散開，呢種炸物做到咁有質感實屬難得。不過，食多幾件可能會覺得有啲油膩，建議配返杯熱茶平衡下，當茶點一流～總括嚟講，呢個係一道唔錯嘅小食之選。.烤鴨胸墨西哥捲餅.首先個外皮非常香脆，無諗過個包皮可以做到咁有層次感，燒汁同沙律醬淋得啱啱好，令整個捲餅變得酸甜開胃。入面夾咗滿滿嘅蔬菜，令口感更加清新，不過鴨胸嘅份量就稍嫌少咗啲，只係偶爾會食到鴨胸碎。整體來講，呢道菜可以話係重質不重量，但勝在味道係高分野味，值得一試！小貼士.呢間餐廳人氣好高，星期日下午排隊差唔多要十幾人，想

邁爵斯 @m.y_majesty 📍：深水埗福華街15號地舖🚗：太子地鐵E出口 步行7分鐘📞：+852 9457-9068💲：~HKD50/head for lunchFood quality✔️：白酒蜆意粉、蜜桃酸尾尾 總結：😋呢間簡直係深水埗區嘅窮人恩物飯堂 平靚正兼大份 非常推薦本區嘅人糧尾瘋狂光顧🥰😋試咗佢哋嘅白酒蜆意粉🍝 $38本身嗰價錢已經夠cls 點知嚟到仲要勁大碟 完全係平時餐廳百幾蚊碟x3嘅份量嚟 質素要求當然唔會高 不過比我想像中好食 蒜味出同埋蜆嘅量都唔少😋我係瘋狂咁逼自己食最尾都淨超多 我問餐廳拎食品盒打包 最尾係滿咗一個盒 (睇下嗰份量幾驚人咁多)😎😋飲品比較下就無食物咁抵食 試咗嗰蜜桃酸尾尾 又幾好飲同埋好足料🤔服務就幾自助 不過唔收加一好合理 去櫃檯落單畀錢就上碟 畀到三分係因為員工係畀我+$1拎嗰食物盒🤣

今日天寒地凍，行過深水埗，好肚餓，諗住搵間專食澱粉質嘅餐廳嚟食。見到呢間邁爵斯，網上面好多人介紹，好大碟嘅意粉，我哋就試試。我哋係非繁忙時間去食，好彩冇乜人排隊。入到去店舖唔係好大，但環境舒適，餐具同水都係自助式。我哋太肚餓就叫咗每人一碟意粉，想到嚟真係大大碟，堆到成座山咁。1）肉醬意粉-肉醬多，香濃嘅蕃茄味2）傳統卡邦尼意粉-配料多，配上芝士粉好惹味味道唔會五星級，但勝在份量多 ，係性價比之選！！

今日同朋友一起來幫襯食左好多年的餐廳，好在仲係度 唔係少左間性價比高的食堂。呢個通脹咁勁嘅社會仲有一間反通脹嘅食肆而且佢個份量十分之足夠一個意粉可以有兩個人share食都夠飽今次點左一個意粉 一個小吃，兩杯芒果爆珠珠乳酸飲品，一個香辣海鮮意粉，一個是薯角薯角最好吃，上面淋左蜜糖，又香又脆 。頂呱呱。然後就係個香辣海鮮意粉，香辣惹味意粉煮到啱啱好，又唔會太腍 唯一覺得佢不足就是有點濕 可以乾身點更加好。飲品一般般用來解渴都OK嘅.飲品可以再平啲更加好@

一大碟意粉，真係成座意粉山咁！份量多，味道也非常豐富香脆炸雞外皮金黃酥脆，肉質鮮嫩多汁第一次嘗試水牛芝士條奶香濃郁，好味到爆！滋味洋蔥圈濃郁的洋蔥味，正。蜜桃之戀飲品解渴又提神雖然餐廳人手少，但員工都有禮貌服務。餐廳環境乾淨,似裝修完,都吃得安心。餐廳自己去收銀俾錢後送餐,都好方便。吃左一餐開心的晚飯

一直聽聞有間好鬼大碟又抵食嘅餐廳今日終於有機會黎試下有真係有鬼大碟 一個人真係食唔曬味道雖然去唔到話好好食 但係呢個價錢 呢個質素 真係冇得輸睇到隔離檯嘅牛角酥都好似幾好食下次再黎試下先

bookmarked左呢間好耐今日終於一試點左南瓜雞肉牛角包（+$24下午茶套餐跟沙律）先去counter點餐付費 再揾位等食其實係幾大份嘅牛角包有叮過（唔係烘過）不過有d乾硬南瓜蓉不冷不熱 雞肉更係凍嘅鋪面嘅芝士都係乾身嘅一d都唔拉絲又冇咩調味 成份牛角包就係乾噌噌d味道一d都唔夾沙律菜更係眼見嘅唔新鮮 都有d黃&謝晒沙律醬更係敗北味道好似醃菜醬咁 酸酸醙醙食一啖就令口腔充斥住嗰陣味係越食越難頂跟餐嘅熱紅茶成杯綠茶咁嘅色仲要冇咩茶味成份餐都令人冇晒胃口餐具都係自助形式不過餐具嘅衛生情況係令人有d卻步自助區嘅餐具都有d水漬望落好似有d唔乾淨咁唔知係環境定係食物因數影響我對呢度嘅評價真係麻麻唔會再有第二次

接受到態度差可以去食，野食大大碟，但侍應態度極差😡食過一次真係唔會有下次。侍應安排座位好似趕客咁，坐低都冇主動同我地講要櫃枱落單，語氣勁差話依度落單，落完單又話賣曬😓最接受唔到都係態度語氣差😅

份量認真好多，第二次過嚟食都覺得會再返轉頭食份量多、好抵食，所以大家要體諒吓佢哋舖頭細細同埋出餐時間比較耐，今次仲叫咗玫瑰雞翼，未放上枱已經聞到好香玫瑰嘅味道，不過可惜嘅係冇咗以前嘅薯蓉另外仲叫咗南瓜三文魚飯，味道啱啱好，三文魚都好大件！不得不提起佢哋嘅嘢飲，超級大杯又好解渴食咗勁多嘢加埋都唔使$300 餐廳夜晚比較多人，所以位置唔係好夠，坐接近門口會有啲熱，不過都唔會太大影響見到好多人都有叫到黑松露薯條，好似好好食咁！

呢間野已經唔係第一次食，頭2次都係食意粉，今次叫左碟意大利飯食，雖然portion感覺冇意粉咁大兜，但味道都唔錯。除左飯，仲叫左碟玫瑰雞翼，黎到個賣相都唔差，仲要配埋一大堆沙律，連埋2杯野食，2舊水都唔洗，2個人都食飽曬。

側邊三張枱吉晒，冇人執枱，冇人安排出邊嘅人入去，等左半個鐘，起碼10個人等緊，好心就請多幾個員工，望住入面啲人食完我都未入去，碟又唔執 0分 bad experience

你間餐廳絕對係抗通脹嘅物價一碟意粉有40幾次$80不等 重點係份量超超超超大 估計有三個普通意粉嘅份量🥹所以嚟到嘅朋友仔記得唔好叫一人一份 會飽肚食唔晒 除非你係大胃王🫣見到有其他食客兩個人叫咗兩碟意粉，結果有多過一半食唔晒就走咗 會有d浪費我同朋友叫咗一個香辣海鮮意粉 味道叫做不過不失 係用蕃茄汁做底 海鮮有魷魚同埋青口 份量都唔少 味道正正常常但係有見呢碟意粉只係$50都唔使 性價比真係超級高然後嘢飲叫蜜桃yogurt 超大杯就不在話下 仲有啲爆爆珠同埋蜜桃果粒😊總括嚟講呢間餐廳主要係性價比超高 食物質素對得住個價錢 就算好大適量嘅人都一定會食得飽

第雪次過來光顧了,上次過來吃的是墨西哥餅卷配薯 角今次過來試的就是他們著名的意粉意粉山好像好誇 張的名副其實,真的大大碟 我想一個人應該會吃不完來個小吃,也就是陪襯先說說個味道芝士味和蒜味都有,但是不是很濃那種剛巧合適我的口味 如果吃得十分之鹹的人應該會 略覺得這個是較為淡的 雞肉串燒不過不失略為覺得不夠熱,下次可以再弄熱 一點醬汁配上這個雞柳串是OK的總括用餐時間不是很長,但是認為覺得出餐時間應該 可以再快一點。。

现实的说一句，味道还是可以OK的，这价钱我们是没有质疑的空间。我们买了两个外賣回去，一个是卡邦尼意面，一个是玫瑰鸡翅，一个炸薯条。是一百多元，不过我觉得这餐厅要改新的地方可能是外带盒子要买一些比较硬的，这个有点软，回去的时候有点压到了，可能我走路的时候 总体这个来说要改善力的可能Ok。但是这个味道是可以的，回去的时候也不会太软意面可以的，没有太软。这个意大利面的味道不会太过油腻，玫瑰鸡翅炸的也是OK的，不会太过火里面的鸡翅比较嫩的。生过一世以后我还会再过来了

第一次过来这边吃饭，都是朋友给介绍过来的感觉这家餐厅装修简单，但是还坐得蛮舒服的。最起码也没有给人催着接单，因为这里是先付后吃的。不过歺具是要自己拿的怕麻烦别來🥶因为没收服务费的。两个人吃饭，大概每人平均也是说个几十元，感觉大家都吃得起不要去考虑什么。我们点了卡邦尼意大利面，味道是ok的。份量大几个人能吃饱，多欣赏老板不赚钱去做这件事情！！而且饮料是送的还挺好喝的啊还像是玫瑰花红茶还看见有很多玫瑰花在里面的，有机会再去试其他