Made in HK Restaurant (Closed)

自從報咗咖啡拉花班之後，好多時都係旺角呢邊食飯。今日上完堂就拉埋同學一齊行下朗豪坊醫肚，睇場戲。因為係門口俾呢個巨型扭蛋機吸引住，就入去開餐了。原來做緊新MENU推廣，所以先有咁大個扭蛋機。因為開始時唔算太肚餓，所以都係單點咗幾樣就夠了。酥皮忌廉湯。用料好足之餘酥皮好鬆脆，加上忌廉湯夠杰身飲落暖暖笠笠。金沙薯條。酥脆嘅薯條被炒得香濃嘅咸蛋黃醬包裹住，食落香口惹味又唔算好油膩。作為餐前小食恰到好處。龍蝦配肉眼扒。龍蝦大大隻而且用上大量芝士千島醬焗製，油脂滲透入蝦肉度，食落唔乾身而且啖啖肉。牛扒五成熟恰到好處，油脂唔會勁多而搶咗牛肉味。加上份量真係幾大兩都人分享食先清得晒。士多啤梨熱情果/青檸薄菏梳打，兩杯都係清爽酸甜嘅味道，好開胃。而且果香味中和牛肉同意粉嘅飽濟感，感覺唔錯。食到一半先落單送上時間啱啱好，清一清味道再食過。鮮魷筒伴意粉。魷魚一開始以為會韌同乾身但點知食落又幾腍滑喎，焗完之後再用火熗再燒表面，多咗一陣焦香味令淡口嘅魷魚肉更好食。意粉就唔算特別不過勝在份量又係好多，啱晒大食人士即係我地，哈哈哈。食食下發覺唔夠飽，再追加一個牛柳焗飯。可能天氣寒嘅關係都係需要一啲飯落肚先得。牛柳

朗豪坊放工，想係附近搵間比較好坐的餐廳有一定的難度。。。最近公司樓下開左間新的港式餐廳，見啲位幾寬敞，就入去試下～食完覺得要推薦俾其他係旺角搵食的朋友，因為餐廳服務態度好好，係旺角區呢個價位的餐廳少見的！同個friend叫左1個前菜，2個主菜，原來全部都好大碟！前菜係凱撒沙律，意想唔到咁大碟！$55俾左一個大湯碗分量，好足料。生菜新鮮，沙律醬同芝士粉都恰度好處，煙肉碎同麵包粒夠脆口。主菜一:肉眼扒拼春雞配焗薯，又係好大件。肉眼扒做到七成熟，唔會太靭，有嚼口;加埋紅酒汁幾惹味。春雞有部分嫩口，但近雞胸部分肉比較粗。焗薯配酸忌廉，唔會太稔身，味道標準。餐湯有粒粒粟米。印象深刻係侍應會係我地面前淋好醬汁，拎住等大煙過左啲，先放係我地台面，等我地唔會俾油煙攻鼻，成身油煙味，呢樣好讚👍🏻主菜二:焗鴛鴦炒飯，好多芝士！用熱辣辣的焗盤上，白汁飯用左魚肉梅菜，係比較罕見的配搭，魚肉大大件，加埋梅菜又幾新鮮，香檳忌廉汁香濃。紅汁用肉醬牛柳塊，牛柳軟硬適中，而且有好多件，一啲都唔吝嗇食材。整體嘅食物水平不錯，分量超越價錢，平均每人around$210！最值得讚嘅係餐廳職員嘅服務態度，超級有禮貌，好help

早兩日去左朗豪坊睇戲~ 睇完朋友話不如食埋飯先返屋企, 於是我地近左MADE IN HK ~~反正未食過~去到都有D 人等緊，不過我地好多計傾，所以時間都好快過～我地叫左一個DINNER SET ,包麵包及餐湯, 揀左磨菇忌廉湯, 幾CREAMY~另外單點左個酥皮金必多忌廉湯，呢個真係好正，太耐冇入酥皮湯，超脆呀，入面又夠熱～～個MAIN 揀左肉眼扒大蝦伴薯菜，唔好講笑，塊肉眼扒都幾大份，食落鮮嫩，大蝦就非常彈牙，而薯條即炸的，食落好香脆～我地仲叫左個焗鴛鴦炒飯，入面有魚肉梅菜香檳忌廉汁及肉醬牛柳，食落味道好match ，幾好食～而且份量勁多，食到一半已經好飽！overall 價錢一d 都唔貴，每人around $200內，已經好飽肚～

睇完戲出嚟行陣街就嚟咗呢度食晚飯，方便就腳。 之前呢個位嘅餐廳生意麻麻，但係轉左Made in HK 就旺場好多。晚市套餐最抵食，有餐湯或沙律、主菜同埋餐飲，都係百幾至二百幾蚊不等。 好多嘢食都仲可以升級或加配，食豪啲啲。飲湯有餐包送，而今日餐湯係忌廉蘑菇湯，夠稠身，不過味道就一般般喇。加$38可以升級龍蝦湯，我覺得呢個係必加，質地唔係好杰身嗰啲，比較輕盈，龍蝦味好香濃，入面雖然冇龍蝦肉，但係就會有一粒雲吞，幾搞笑。天氣凍，最啱就係揀番個鐵板餐，熱辣辣，味道又香。龍蝦及肉眼扒鐵板晚餐$258嗰半隻龍蝦係最吸睛，大大隻又燒過。 肉眼扒就好大塊，而且薯條特別多。是日鮮魚餐$168今日係三文魚，魚肉好厚身，魚皮亦煎得香脆，最誇張係下面嘅薯蓉，分量大到食極都食唔完。肉眼扒拼大蝦伴薯菜$183兩隻大蝦都算幾大隻，肉質彈牙。 不過薯條就炸到好乾身，有啲硬。 肉眼扒好大塊，叫咗五成熟，中間仍然顏色粉嫩。 而且仲配搭左好多蔬菜，均衡飲食。餐飲我最鍾意嘅就係即磨咖啡，香濃美味，聞到都已經好香！

去旺角吃飯的話，當然朗豪坊就最多選擇又方便啦！格調和氣氛都不錯，坐得又舒服，可以選坐裡面或外面。焗俄國牛柳絲藜麥飯 $108很少見藜麥飯，於是就叫這個來試試。好大碟，抵吃！蕃茄汁令人很開胃，很多大大條的牛柳絲，名符其實！而且還有不少蘑菇，有素又有肉，很balance! Cafe latte $32好香好滑，有鮮奶的濃滑但又不會太甜，有咖啡味但又不會太苦。溫馨提示：趁熱喝最好喝。另外，我們叫了個Dinner set ，包沙律或湯，主茶和飲品。沙律好正！！！有很多西柚，而且沒有加醋！！！一整個就是清新！4號餐肉眼扒拼春雞（ 七成熟、 蘑菇汁）$198這個餐勁飽，一次過滿足你兩個肉類的願望，而且仲有焗薯，你一定夠飽！肉眼扒肉香四溢，又香口又有嚼勁。但最美味的就是春雞，醬汁超入味，而且肉質真的很嫩滑！朋友讚這個熱朱古力好喝，又香甜又溫暖，在寒冬喝就再適合不過了。

成日行朗豪坊，竟然無留意到原來戲院果層有間主打港式風味的餐廳。當個個都以為港式就一定好麻甩或者係環境衛生較差的時候，來到Made in HK就會發現，港式都可以好舒服，而且一點都不會麻甩！小食方面我點了個香草白酒煮蜆。香草白酒汁相當不錯，酒味清新，蒜味夠香，一上桌香味四散！蜆肉方面，完全無沙，粒粒都好鮮甜，而且份報量很多。一大盆蜆殻 可見份量絕對大方！食到好滋味！鐵板系列方面，我點了脆香鵝肝牛柳。賣相滿意，鵝肝更是出乎意料的厚切！鵝肝吃起上來是名乎其實的外脆內軟。軟腍的程度令人一試難忘，簡直想大喊聲 是幸福的感覺呀！每口都是鵝肝獨有的油香和軟滑感覺，絕對會來再吃一次！牛柳方面，有兩塊，點了五成熟，熟度控制得不錯！粉嫩程度令人滿意。另外配茶方面還有一整個焗薯及蔬菜，balance一下！火焰雪山蛋糕餅底配上雲尼拿雪糕，再鋪上白色雪山，侍應會淋上酒再點火，很好看的情境！很喜歡蛋糕＋雪糕＋雪山的配搭，口感豐富！

港式西餐能登大雅之堂，Cafe Deco Group 旗下的 Made in HK Restaurant 由12月10日起，行政副總厨 Kevin Chan 於餐桌上呈現一系列經典菜式及多款新派創意之選，Menu ~新推出的菜式包括 :鹹蛋金沙薯條 : 炸得金黃通透的薯條 , 再用鹹蛋黃和牛油同炒 , 味道鹹香油潤 , 令人愛不釋手 ~法式焗田螺 : 大大粒的田螺肉 , 先用蒜蓉洋蔥燒汁及白蘭地爆炒 , 再釀入田螺殼及塗上香草牛油同焗 , 底下的薯蓉沾上香草牛油 , 味道實在不俗 ~焗俄國牛柳絲藜麥飯 : 很經典的港式西餐菜式 , 是以番茄醬及酸忌廉作基調 , 再加入牛柳絲、洋蔥、蘑菇、甘筍絲及芝士等 , 鋪滿在營養豐富的藜麥飯上焗香 , 味道可口又有益 ~鐵板黑松露豆豉汁原隻魷魚意粉 : 用上了日本原隻魷魚 , 煎熟後配上炒意粉 , 由大廚 Kevin Chan 自家調製的黑松露豆豉汁 , 既能嚐到豆豉及松露醬的濃香 , 也可食到魷魚肉的彈牙 , 真是 fusion 無極限 ~荷蘭汁焗龍蝦拼肉眼扒 : 味道鮮美爽口的半邊波士頓龍蝦 配上了幼滑的荷蘭汁焗香 , 伴隨厚切肉眼扒 , 是名

約左朋友睇戲.見呢間餐廳就係戲院格離又未試過, 所以晚餐就黎食喇。.環境都不錯.只係送餐速度偏慢,.食物質素中等, 唔算令人難忙, 但又唔係難食。.卡邦尼意粉係3樣之中最好食.黑松露薯條就失望.因為冇黑松露味, 應該轉番叫芝士薯條比較適合。.另一個龍蝦汁大蝦意粉, 龍蝦汁唔夠香.餐廳勝在近戲院, 所以方便睇戲前食既。.IG: foodiebuddy18 .衛生♥♥♥人手♥♥♥可逗留時間 ♥♥♥食物質素♥♥♥禮貌♥♥♥選擇♥♥♥♥送菜速度♥♥♥座位數量♥♥♥♥攝影環境♥♥♥♥5♥為滿分.Total$405

一向都好鍾意食西餐當中本人覺得焗飯，焗意粉就一定冇得輸 首先會係熱辣辣新鮮出爐， 而且透過焗呢個煮法亦都可以令到醬汁更加入味見到旺角呢間新開嘅西餐廳做緊promotion， 就叫埋朋友一齊去試下啦。我就揀咗呢個肉醬芝士牛柳粒野菌焗飯醬汁香濃牛柳唔會韌 而且切開仲見到有啲紅色 咬入口都幾有口感 一啲都唔會難咬。朋友嘅係白汁焗海鮮飯， 相對嚟講就清淡啲 ，普普通通啦。見到附近幾枱都嗌咗豐富嘅鐵板餐， 下次都會想再嚟試下食

今日下午，去旺角朗豪坊看電影。看完後已經是六時半，剛好是晚餐的時間。戲院門口有一間西式餐廳，應該是新開的，以前未見過。有位女經理在門口做宣傳，聽到鐵板餐及飯是買一送一優惠，如不同價錢就會收價錢高的那款。只要在facebook like這間食店就可以，優惠期至本月14日。看過餐牌，鐵板餐跟飯都可以，價錢亦相當優惠，於是就進去一試。除了優惠的鐵板餐及飯，餐牌上都有很多選擇，也有相可參考，賣相都頗吸引。識計數就當然要選同一價錢，沒有差價。我跟老公都是選了鐵板鋸扒餐，龍蝦及肉眼扒，有三、五、七及十成選擇，我選的是牛扒五成熟，晚餐配菜是焗薯。我們怕不夠飽，所以再多點一個意粉，香蒜蟹肉意粉。這些餐是沒有湯，沙律或飲品。今天我喜歡不配飲品，因為從早到晚已飲了很多甜的飲料，看電影的時候已經飲了一杯大橙汁汽水，飲水就最好不過了。大約五分鐘左右，香蒜蟹肉意粉送上。還未吃就已經嗅到蒜香的味道，入口吃到少少的蒜味，蟹肉是有的，吃到有輕微軟的蟹殼，意粉內夾著三色椒及洋蔥，很爽口，調味調得不錯，鹹味剛好。再過15分鐘，鐵板鋸扒龍蝦肉眼就到送上，賣相很吸引，我點的是黑椒汁，所以有點微辣。雖然我點的肉眼扒要五成熟，但

今日同朋友黎到旺角想食扒，咁啱經過就入咗去。因為我哋都好肚餓，所以叫咗個雜扒餐😂呢度嘅服務都做得唔錯，應有嘅都有，而個雜扒餐，明顯對女仔而言，真心大份，我同朋友都係食到一半多啲😅😅，味道都幾好👍🏻

Made in HK restaurant🇨🇳~~~~~~~~~~~~~~~~~~~~~~~~~~~~~~Made in HK restaurant 開左分店係旺角，人流唔算多，lunch time 搵位唔難。吉列豬扒青蘋果焗飯（$108）餐湯係蘑菇忌廉湯，湯比較「傑」身，飲完已經好飽，個味有D似某某牌子黑色罐頭蘑菇忌廉湯嘅味道。吉列豬扒炸得夠脆，少少雪味，焗飯茄汁唔會太酸，芝士幾好味，焗得燶燶地，好好味，青蘋果嘅味唔太重，但食飽食佢可以消滯。～～～～～～～～～～～～～～～～～～

同朋友出去旺角行街加買嘢！行到倦就想坐吓順便食埋晚飯！覺得這間餐廳環境都企理，就入去試試！我們三個人點了牛柳X 2、酥皮威靈頓 X1!飲品叫了冇酒精嘅mojito, mojito酸酸地都幾好飲！牛柳煮得剛剛好五成熟，唔太生、唔太熟，牛味相當唔錯，可以下次再幫親！酥皮威靈頓好都好特別，牛油酥皮包住菇及牛柳，牛柳肉質夠林，加埋菇嘅香味，味道不錯！坐位都算舒服，我們都可以坐係到慢慢食同傾計！價錢每人大約二百幾，以旺角食晚飯嘅價錢都算合理！

今個星期同太太出旺角睇戲，係朗豪坊睇完戲後肚餓想食嘢，剛好戲院隔離有間餐廳，望落環境都不錯，座位都幾寬闊，睇完餐牌覺得都可以，所以入去試吓！我們叫了一分牛扒，一分威靈頓！牛扒有幾種汁選擇，我太太叫了黑椒汁，她的至愛汁！我們都喜歡食比較生一點，所以點了medium! 牛扒味道都夠濃，其實好多時都好怕間餐廳會over cook ,但佢煮得剛剛好！☺️☺️☺️威靈頓個酥皮鬆化，入面有磨菇，塊牛都好腍，有驚喜！😋值得推介！👍👍👍嘢飲叫了鹹檸七，都幾好飲！

坐落係旺角朗豪坊,主打港式快餐，行時尚風格，店內有好多不同既吊飾，加上較暗同柔和嘅燈光，環境係不錯的，坐落都舒服可以俾自己好好咁放鬆、享受個lunch。食物方便，整體都有8分。值得一讚個雞扒夠入味同夠滑嫩👍👍👍另外個意粉都整得不錯，食材新鮮，個汁夠濃😋服務方面，可能食既時間不是peak hr，服務員會主動不時去觀察客人的需要。總括來說，位置方便，坐得舒服，食物不俗，咁既價格都算係中上了