Made in HK Restaurant (Closed)

今日同同事放飯去左朗豪坊made in hk食lunch。 一坐低見餐牌百幾蚊一個餐覺得少少貴，不過見到有我最中意嘅魚就即刻叫左黎食。等左十分鐘左右好快就上餐，個魚真係好好食好有口感，加埋個汁真係絕配。一百蚊食到我真係覺得物超所值，我一定會再同同事去幫襯！

平時少黎旺角食野，咁岩今次行過朗豪坊，見到呢間Made in HK裝修好有香港味道，所以直接入左去試。店舖裝潢簡潔，望落好舒服。 一坐低就有人招呼，見到meun先知原來間野偏西式，立即點左西冷試試水準。食牛我食開半生，首先抵讚就係廚師功力好好，塊西冷岩岩好冇overcook，已經贏好多同價既餐廳。 份量岩岩好，我平時都算大食都食到我好滯（薯條都食唔哂）。 呢個價真係唔錯。

❣️龍蝦汁大蝦闊條麵大蝦肉質彈牙鮮美龍蝦汁本身是夠濃郁的可惜闊條麵麵身過厚而且明顯有點煮過了點所以吃下去就是麵粉的味道浪費了龍蝦汁的味道-❣️龍蝦及肉眼扒龍蝦是不錯的很新鮮甜美沙拉芝士醬不會蓋過龍蝦本身可是所謂的肉眼扒簡直是把我氣得想馬上拍桌走人扒身非常薄我點的是五成熟給我的是十成熟咬下去簡直是比街市的千年醃肉還要差味道就更不要提了配菜全身燙一燙完全沒有味道-❣️帶子蟹籽沙律配和風芝麻醬帶子是鮮甜的沙拉菜也算是新鮮整體來說是合格的-

朗豪坊，度度都要等位，見呢度新新地又唔駛排隊高就入去試下啦。香蒜蟹肉意粉: 蟹肉少左d，唔係好覺有蒜香味，勝在意粉炒得多乾身唔油。朋友叫左呢個。香口野我當然會偷食少少。吉烈豬扒青蘋果焗飯: 當我地order既時候，侍應話呢個係佢地招牌菜，我地當然有所期待，但係食物黎到，未食已經有d失望，睇見豬扒同塊吉烈皮係分得開既？？？食落就係甩皮甩骨既感覺，豬扒本身都夠鬆化，但以吉烈豬扒尼講，真係唔得，好彩既係焗飯拉番d分，茄汁焗飯，最重要多蕃茄味，夠多汁唔乾已經好好食。整體成個飯，只係僅僅合格。。呢度食飯，食物質素普通，價位偏高，但係如果唔想等位，又可以慢慢同朋友傾下計，都不失為一個好選擇。

叫咗兩個常餐，每個$73，如果係普通咁簡單，係好難食，煎蛋係燶嘅，又勁多油，炒蛋好淡，懷疑溝左水，牛角包菠蘿包完全冇香味，麵就正常啦，$40 都俾多佢，一定唔會有下一次。

2018.08.23晚上約19:00左右落到朗豪坊，食飯時間，四圍都排隊食飯，我本身好怕排隊，寧願唔食。偶然行到落去呢個餐廳，以前係泰菜，突然見到冇人排又新開，試下無妨。入到去，職員好好禮貌，啲枱又唔逼，坐得舒服又可以傾到計。叫左個蟹肉意粉，小食拼盤同燒春雞，佢地啲份量好足，野食真係好好食，值得翻食。埋單時，女經理都好有禮貌介紹佢地餐廳，因為新開，廚房師父需要啲時間配合，所以遲下有多啲選擇，都會有set lunch and set dinner。因為佢有得坐店內或店外，本人喜歡靜啲，所得揀左店內。值得推介，絕對可以一試。