湄南.河泰式船麵

Open Now

Now Closed

今日去左千色匯食泰國菜—＞湄南.河泰式船麵聽店員話佢地呢邊最出名既就係船麵，所以就當然要試一試；所以最後揀左個２人泰北風味餐，入面包左：２份主食：泰式肉碎煎蛋飯同埋豬頸肉船湯河，２份小食：泰式酸辣鳳爪沙律同單骨雞翼仲有甜品：椰汁糕；同埋兩杯飲品：青檸梳打水。食物方面：豬頸肉船湯河有一大份既豬頸肉，肉質好嫩滑，加上秘製既甜酸醬，味道一流，十分配搭。而泰式肉碎煎蛋飯既份量亦都十足，肉碎無想像中咁辣；反而泰式酸辣鳳爪沙律有驚喜：酸酸辣辣，非常開胃，份量十足而且鳳爪骨軟到可以食埋。然後就係單骨雞翼，炸得十分香脆可口，加埋炸香蒜，更加香口。最後就係青檸梳打水：梳打水係泰國醒獅牌玻璃樽梳打水，倒出黎足足有兩杯咁多。裝住冰既杯入邊有一片青檸同埋青檸汁，加埋梳打水後，酸度直衝味蕾。

好耐冇去過荃灣，今晚專登約朋友去荃灣行街兼晚飯。泰國菜一向都係我至愛之選，見到有間起千色店2樓- 湄南.河泰式船麵好似都幾吸引 就入去試下。見到餐牌好多選擇，而家主餐仲做緊優惠價全日款款都係50蚊咋，追加小食及飲品都只係加多12蚊，非常抵食。清新青木瓜沙律酸甜中帶微辣，非常醒胃船麵一定要試，叫左個湄南大船麵好多料，有美國牛肉片、泰式牛丸、豬肉丸、魚蛋、扎肉、鴨血、蘿蔔，湯底夠晒濃香鮮甜。金邊粉幼滑。泰國特色小色拼盤有炸蝦餅、魚餅、炸雞棗、春卷炸蝦餅外面脆口，裡面蝦肉彈牙。魚餅香料味十足，夠惹味。炸雞棗同樣香脆可口。串串沙爹雞肉（半打）雞肉嫩滑多汁點埋沙爹醬食好好味最後飲埋柸青檸梳打，夠晒清新，好滿足

今日我同朋友去咗荃灣一間好特別嘅泰國餐廳，全日冇+1收費，一聽就知道佢哋想吸引食客！一入去就感受到濃濃嘅泰國風情，餐廳裝潢色彩繽紛！因為我哋兩個都好肚餓，於是決定叫多啲食物，最後叫咗三個主餐，再加一個沙嗲牛肉串燒。我叫咗冬陰功香茅豬扒扎肉金邊粉，而我朋友則選擇咗大雜錦喇沙參參，裡面有魚蛋、牛丸、豬肉丸、牛肉同豆卜，聽到都令我流口水！首先，上到嚟嘅係冬陰功香茅豬扒扎肉金邊粉。金邊粉滑滑的，搭配住濃郁嘅冬陰功湯底，真係好開胃！豬扒煮得剛好，肉質嫩滑，香茅嘅香氣令成碗麵更加提味。湯底酸酸辣辣，真係好過癮，食完一碗都唔夠！接著，我朋友嘅大雜錦喇沙參參就上咗。佢一睇到就好開心，因為裡面有咁多款配料。有魚蛋、牛丸、豬肉丸、牛肉同豆卜，真係一碗唔少得嘅豐富選擇！佢話喇沙嘅湯底濃郁，味道層次分明，牛肉煮得剛剛好，特別嫩，豆卜吸收咗湯底的味道，真係好好味。而且，我哋仲叫咗海南雞飯，雞肉切得薄薄，搭配雞油飯，飯粒粒分明，香氣四溢。雞肉鮮嫩，配上特製嘅醬汁，簡直無法抗拒，食落去好滑口，真係好滿足！小食方面，我哋叫咗沙嗲牛肉串燒，呢個就係必試嘅選擇。牛肉串燒外脆內嫩，每一串都充滿肉汁，搭配沙嗲醬更加美味！飲品

✨平時行開千色店都有好幾間舖頭想食，今日me time時間去咗呢間食泰國嘢。✨餐牌都幾多選擇，見細船麵可以自行揀餸，叫咗三個細船麵、泰式酸辣鳳爪、同青檸梳打水。✨3碗傳統細船麵🍜：1. 秘製泰式豬頸肉河粉：有三片豬頸肉，肉質好嫩滑，好味到不得了，一定要大贊👍🏼2. 泰式牛丸河粉：細細粒牛丸都幾有咬口。3. 豬紅金邊粉：豬紅食落就冇乜味，配埋濃郁既船湯同其他配菜例如芫荽又唔差喎。✨泰式酸辣鳳爪：份量都幾大碟，酸酸辣辣咁，非常開胃。有兩塊大生菜薦底，仲有其他配菜例如洋蔥、西芹、芫荽，蕃茄仔，都係我鍾意食嘅，都俾我成碟清晒😋✨青檸梳打水🍹：梳打水係泰國醒獅牌玻璃樽梳打水，倒出黎足足有兩杯咁多。裝住冰既杯入邊有一片青檸，個人認為加多一兩片青檸會更好味😋

呢晚喺荃灣千色店買完嘢 見呢間湄南.河泰式船麵幾旺場價錢又唔貴 仲唔洗加一 於是入去試吓入面裝修幾彩色繽紛 好多一家大細嚟食餐牌選擇幾多 船麵、泰式咖哩、叻沙摻摻、生菜包、串燒 應有盡有奧運期間仲有$58小食套餐飲住啤酒望住門口商場部電視睇比賽 正啊！泰北風味二人餐都好抵食 $238有沙律、小食、飯、船麵、甜品同飲品 叫咗個set試吓酸辣鳳爪份量比想像中多 鳳爪好爽脆酸辣味道濃郁 食完條脷會少少麻好開胃 鍾意食辣嘅朋友一定會鍾意 單骨雞翼即叫即炸 外皮炸得好香脆 入面雞肉嫩滑juicy 加埋炸蒜 好香好惹味泰式肉碎煎蛋飯同樣份量好大 肉碎、洋蔥、豆角、辣椒同泰式香料一齊炒勁香 味道好夠 送飯一流 豬頸肉船湯河豬頸肉煎得好靚 微焦嘅外表見到都流口水食落去爽脆嫩滑船湯河湯底香濃 河粉掛起湯汁 好食😋加點咗2個小食 泰式春卷同泰式蝦餅跟餐加都只係$22一個 好抵2款都係即叫即整 熱辣辣 食嘅時候要小心熱😆春卷外皮夠薄夠香脆 入面勁多餡料蝦餅同樣炸得好香口 入面蝦肉彈牙甜品今日冇晒椰汁糕同千層糕不過有泡芙都唔錯咬落去朱古力湧晒出嚟 好食！飲品加咗$8升級椰子水同青檸梳打椰子水清甜解渴青檸梳打好

入咗荃灣探朋友，順便在千色𣾀覓食…….在2樓見到一間泰國餐廳看似不錯！朋友又話想食船麵…….於是跟朋友就決定食呢間🤪海南雞拼豬頸肉冬蔭功湯⋯⋯有河粉金邊粉米粉濚選擇，我揀咗金邊粉..…..首先份量好足😱豬頸肉燒得好入味, 爽口彈牙！美國牛肉片大船麵，牛肉份量不少🤭湯底香濃惹味😚😚加$22有小食……炸蝦餅同炸雞棗各四件香脆軟內軟！泰式豬肉生菜包….碎豬肉炒得好香，但少少辣很惹味生菜夠新鮮不錯！

夏日炎炎，通常冇乜胃口，食泰國菜就最啱😬😬👍🏻首先,我哋試咗佢哋嘅三小碗船麵,包括鴨血、豬頸肉同豬肉丸。😝佢哋用料相當實在,湯頭清甜鮮美,完全唔會有任何膩感。鴨血入味十足,豬頸肉軟嫩可口,而豬肉丸更是彈牙多汁,絕對令人垂涎欲滴。🥹🥹🫶🏻另一道是泰式酸辣無骨水晶爪,個爪肉既脆又嫩,完全沒有一絲油膩感😁😁。佢哋獨特嘅酸辣醬汁別具風味,酸中帶甜,相當開胃,讓人忍不住一口接一口。🥰再來就係扎肉豬扒清湯河,個湯頭清甜鮮美,豬扒外脆內嫩,同時帶有一絲淡淡香料味。🤭至於河粉就十分Q彈,吸收住湯汁嘅香氣,實在是一道營養又滋味俱佳嘅菜式。😗另外,我哋試咗佢哋嘅沙嗲串燒雞,👏🏻個雞肉鮮嫩多汁,外表烤至金黃酥脆,配搭特製嘅沙嗲醬,味道獨特醇厚,醬汁非常惹味，個雞唔會烤到冇晒汁😼🤭最後,我哋試咗佢哋嘅泰式炸蝦餅,🥰每一件都炸得金黃酥脆,蝦肉鮮甜彈牙,吸收咗特製醬料嘅香氣,實在太誘人。👍🏻😆除咗以上嘅菜式,仲試咗佢哋嘅解渴梳打水,雖然只係一杯飲品,但係口感清新爽滑,非常好去配襯一頓豐富嘅泰式大餐。🥰

今日（19-7-2024 Fri）又係老公去團契嘅日子，晚飯我又自己買嘢食喇，今次我想食海南雞或者生煎包，但天氣熱，我又唔係堂食，都係唔食生煎包啦，咁我就搵海南雞啦，荃灣邊喥有海南雞？原來上嚟openrice search，係有好多泰國食肆，最近又最方便我嘅就喺千色匯，於是走嚟，睇睇Menu，發覺佢哋星期一至五晚市時段，燒豬頸肉飯做半價， 咁佢就提醒咗我好耐冇食豬頸肉，但我又想食海南雞 咁點算呢？再睇吓睇吓啲menu，發覺原來有$80.00嘅海南雞拼燒豬頸肉飯套餐，於是要呢個外賣，要可樂，外賣加$2.00。等咗一陣就pack好拎得，返到屋企打開睇，兩隻肉嘅份量都OK，雞件去咗骨，食落，雞肉嫩滑juicy，有啲雞味，唔錯；飯就唔係油飯同好濕，好失望；豬頸肉冇乜肥位，係爽口但唔彈牙，而佢係有燒香，味道唔太濃，蘸佢唔太辣嘅醬食就好味啲。詳細嘅味道分係：海南雞：5分 飯：1.5分 豬頸肉：4分抵食係1.5分

發覺荃灣真係好多好嘢食，又有朋友約我去荃灣食嘢 😛 今次食泰國嘢，我的至愛 😍🔸泰北風味二人餐1. 酸辣鳳爪：唔會太辣，好開胃2. 單骨雞翼：切開咗好方便食！炸得好乾身好香口 👍🏻3. 泰式肉碎煎蛋飯：微辣，加咗洋蔥入去層次好豐富4. 豬頸肉船湯河：湯底好濃豬頸肉好腍，油脂岩岩好唔會太肥，好食 😋5. 芒果糯米飯：飯有正常口味同埋斑斕味兩款，好鍾意斑斕味 ❤️6. 泰式奶茶：同喺泰國飲嘅口味一樣偏甜🔸其他小食1. 泰式炸蝦餅：好彈牙，細細粒好方便食2. 泰式春卷：即叫即炸，食嘅時候要小心熱 🤓本身諗住二人餐唔夠食，所以嗌多兩個小食，點知二人餐份量好足夠，最後食唔晒要拎走 🥸🥸

今日唔想食茶記冰室、意粉米線，見到呢間食泰式船麵幾特別，就同男友入去食晚飯湄南大船麵 $65呢款招牌船麵有好多料，包括泰式牛丸、豬肉丸、魚蛋、扎肉、鴨血同蘿蔔，非常豐富！湯底亦好濃郁，有種特別的香味；男友亦大讚金邊粉好煙韌串串沙嗲雞肉（半打） $78串燒擺盤幾靚，一啲都唔hea！雞肉嫩滑得黎有肉汁溢出，幾有驚喜；而沙嗲醬甜甜地，椰奶味突出，兩者配合起來幾有特色炸蝦餅 $22蝦餅炸得ok，外脆內嫩，不過略嫌細左少少。芒果糯米飯 $68芒果大舊又香甜多汁，糯米仲係溫熱的，現場食新鮮的芒果糯米飯，比起平時買現成的，真係唔同啲！泰式奶茶 跟餐加$8奶茶濃郁順滑，雖然有啲甜，但都幾好飲椰子水 $12唔知meko都有出椰子水，甜度唔高，每100ml只有5.2克糖，個人覺得甜度適中，比較健康

探尋荃灣泰國風味之旅前言:對於喜愛異國美食既食客來說,位於荃灣商場喱家泰國餐廳絕對係不能錯過既好去處。這家餐廳係菜品上呈現左濃厚既泰國風味，從經典既細船麵到美味既沙嗲雞肉,再到風味獨特既青咖喱牛肉,每一道佳餚都令人流連忘返。首先,我們叫左三碗細船麵，我揀咗扎肉，牛肉丸，同魚蛋，亦都可以揀金邊粉同河粉，湯底就一定要船湯底！味道夠濃烈，粉面入口好滑！適合女士們，細細碗，幾得意！隨後,我們又叫左一份大雜錦船麵。當這道大份量既泰式料理呈現係眼前時,我們不禁讚嘆不已。每一種配料都保持左原有既口感,鮮嫩多汁既牛肉肉片！另外我哋仲追加咗彈牙可口的魚餅，只係$10雞，好抵。另一道我們點左一客沙嗲雞肉串燒，份量相當多，有成六吋。雞肉肉質鮮嫩多汁,在香料的調製下散發著濃郁的泰式風味,搭配上特製既沙嗲醬汁,整個口感層次豐富而又獨特。每一口都能感受到雞肉既鮮美,以及沙嗲醬汁既香濃滋味,讓人回味無窮。最後,我哋仲嗌咗了一個青咖喱牛肉飯。濃郁香醇的青咖喱汁包裹著嫩滑多汁既牛肉,搭配上香噴噴既白米飯,整個視覺同味覺效果都讓人難以忘懷。食飯點少得飲嘢，我哋叫咗清新爽口椰子水同青檸梳打,更是為這次泰式之旅增添了一份獨特

餐廳主打船麵，細碗船麵仲可以自由配搭個人喜歡既口味。精選晚市套餐，跟罐裝汽水/瓶裝水/檸檬水，仲可以優惠價$10追加小食，套餐款式每週更新。泰式魚餅：鯪魚肉加左泰式香料再煎香，充滿泰式風味。泰式蝦餅：蝦餅炸到金黃色，咬落新鮮Q彈，蘸泰式辣醬更滋味。Maenam雜錦船河：大大碗有齊牛肉、扎肉、牛丸、豬肉丸、魚丸、豬紅、炸豬皮，配菜有芽菜、通菜粒、蘿蔔、香蔥，河粉又滑又薄又索湯，湯底味道極為濃郁，亦食到香料芳香。泰北海南雞拼豬頸肉飯：海南雞去晒骨，肉質無比滑溜，雞脾位更細軟，雞皮爽口，雞味甚濃；豬頸肉燒得香口，鎖住到肉汁，配搭酸辣醬更惹味。芒果糯米飯：芒果香甜厚肉，糯米飯有兩款，口感煙韌，好滿足。總結，食物地道又美味，份量十足，真材實料。

呢間餐廳之前食過午餐都好食，今晚同朋友再訪，佢晚市套餐，每日都唔同，價錢都唔貴。我地揀咗雜錦喇沙摻摻，好多配料，有魚蛋，泰式豬肉丸，牛肉丸，扎肉，白蘿蔔同鴨血芽菜等等，喇沙湯底超岩口味，香濃惹味夠開胃，摻摻有油麵同米粉，吸左湯汁夠晒入味，好食！套餐配咗個前菜，有小蝦餅，熱辣辣炸起外脆內QQ,入面嘅蝦肉夠晒彈牙！仲叫咗沙嗲雞串燒，雞肉燒得非常之嫩滑，外皮少少焦香，而且沙嗲醬汁亦都好濃郁，粒粒花生又夠香，一客6串都唔夠喉。朋友點嘅海南雞飯，雞好滑溜，同埋雞香味濃郁，雞肉嫩滑食落唔會覺得韌同鞋，配埋雞油飯同泰式醬汁，真係正宗又好味道！

今日放工係荃灣搵食，試左呢間menu多選擇價錢又親民既泰國船麵🍴傳統細船麵（可以自選三款湯底同配料）1.泰式扎肉船湯米粉第一次食船麵，完全冇既定印象係咩味道，都幾有驚喜，湯底係屬於清甜帶少少香料味，好岩唔食得辣，但又唔想食清湯既人，扎肉口感都唔錯2.秘製豬頸肉冬陰功金邊粉冬陰功湯底，酸辣開胃，豬頸肉值得推介👍🏻口感嫩滑得黎，外層又有陣焦香3.泰式牛丸麻辣河粉麻辣湯底，香辣惹味，屬於小辣以上，牛丸冇騷味，口感彈牙一個價錢食到三種唔同既口味，簡單係一次滿足晒三個願望，亦好適合同朋友開心share🍴泰式炸蝦餅即叫即炸，上枱熱辣辣好香口，咬落啖啖蝦肉，配埋酸辣醬一流🍴芒果糯米飯即叫即整既芒果糯米飯，芒果非常甜☺️糯米飯軟糯同濕潤，配埋香濃椰醬一齊食，係完美既配搭☺️#MAENAM #湄南 #細船麵 #泰式船麵 #boatnoodle #tsuenwan #kolourmallHK #荃灣美食 #荃灣食乜好 #荃灣好去處 #荃灣搵食 #荃灣友 #荃灣千色匯 #綠楊坊 #荃新天地🌟📍湄南.河泰式船麵 (荃灣)荃灣眾安街68號荃灣千色匯I 2樓2031號舖@MAPHK2021

老婆有飯局，咁就乘機約啲老死陪我食飯啦，兩個麻甩佬過到嚟荃灣食泰菜，皆因知道「湄南」跟「龍華」聯乘推出咗個乳鴿套餐，非常微妙嘅組合，仲以優惠價推出，咁着數，當然專登過嚟試一試啦。餐廳裝修簡約，但一室白磚牆，襯以青綠、鮮黃嘅座椅，加上夠光猛，望上去好醒神。而餐廳尾尾牆上嘅一幅彩繪，描繪咗好多泰國民間風情，非常吸晴。餐牌選擇多元化，有泰式沙律、小食、大碗船麵、細碗船麵、各式湯粉麵、飯品、甜品、飲品……等等，一應俱全。當中嘅傳統細碗船面非常有特色，$56有3小碗，可以自由配搭麵底、配料、湯底，而所有散點主食都可以以優惠價追加小食同飲品，非常有彈性。此外仲有泰式咖哩、喇沙參參、冬陰功系列、特別推介……等等。最正喺全日都唔收加一嘛！如果覺得散點眼花繚亂，可以晌啲套餐度著手，一個人嚟或各自嗌嘅可以選擇「精選晚市套餐」，如果兩個人嘅就不妨考慮佢哋嘅「泰北風味二人餐」，計落價錢都好划算。而上文提及嘅同「龍華酒店」合作嘅乳鴿套餐，就喺呢個：一大隻龍華乳鴿王再配一碗雜錦船湯河或者招牌海南雞飯，原價就標$138，但依家只喺賣$88，仲可以追加飲品、小食、沙律等等。呢度如大多數餐廳都用咗二維碼落單，如果唔太熟