松坂庫 (Closed)

一直都有留意到松坂庫有手卷壽司食, 但次次都係食飽左先經過松坂庫今次終於有機會啦, 仲唔使排隊雖然尖東個邊好似都有幾間出名食手卷, 但好似都係室外立食或者外賣而松坂庫都無櫈坐, 但就有BAR 枱可以俾人立食, BAR 枱仲係鋪頭入面, 可以邊涼住冷氣邊食BAR枱亦擺放左紙巾, 日式豉油, 芥辣叫左3款手卷由左至右, $28松坂回味卷, $22 海膽手卷, 10螺肉手卷松坂回味卷, 包左帶子,甜蝦, 蟹籽, 手卷幾飽滿, 鮮甜度OK海膽手卷, 賣相比較弱, 雖然話係馬糞海膽, 但味道普通, 鮮味不足最抵食螺肉手卷, 幾飽滿, 性價比最高

收工係尖沙咀經過見到就去試下個手卷買左馬糞海膽手卷食試下啦要先去收銀處付款先店員主動地話買任何飲品可即減十蚊我就即刻拎左支烏龍茶($8)，加埋就$53 減$10就即係$43啦其實真係好抵，平時出去就甘買都要四十幾一個手卷啦-馬糞海膽 足半板 $35 (正價$45)(買任何飲品即可減$10)其實之前係旺角分店已經試過三文魚䰵手卷架啦，比我既感覺係幾好食吾會太腥冇乜特別 價錢都好合理。但我食第一啖呢個馬糞海膽手卷後真係覺得好驚喜海膽味道完全吾腥幾勁易入口夠哂凍之餘仲有幾層係面之外中間飯入面都有啲海膽。總之中意食海膽既您就一定要去試另外店內有好多日本零食比大家揀

我哋一向都鍾意食日本嘢😍😍尤其是壽司，卷物，魚生，就更為鍾意😛😛😛今日行過尖沙咀一間零食舖，發現依間零食舖側附設咗一個食手卷嘅地方，於是乎我地就試下。吞拿魚碎魚腩手卷，好好吃哦 滑滑嘅吞拿魚加上打到起交嘅狀態，配上食飯好好味，有魚味又唔 醒三文魚籽好大粒，晶瑩剔透，放响白雪雪嘅白飯上面，就係睇到就已經想食嗱😍😍咬落去個d三文魚籽“卜卜聲“，之後有d咸咸地嘅水响粒魚籽度爆出黎😚😚簡直人生一大美食哦😎😎😎😎

一直都係好鐘意食手卷嘅人，個人唔會當正餐咁食，主要係好多時正餐唔夠飽，然後去補飛嘅。是夜同朋友打完邊爐，實在唔係太夠，所以回家途中，行經松坂庫，決定食多條手卷先番歸，以免夜媽媽先嗌肚餓。手卷款式都幾多，左拼右拼都有超過30款，基本上想要嘅款式都有，價錢由10蚊至45蚊不等，視乎款式。最平嘅係螺肉手卷($10)，比較貴價嘅有蟹膏、半版海膽、拖羅、和牛海膽、鵝肝等，都係45蚊，而我見到有優惠就話惠顧飲品，可以以35蚊換購呢啲貴價款，價錢都算幾大眾化。客人要先去收銀處落單，然後等師傅握好手卷，店內有幾張高枱可供即時食用，客人亦可外帶。因為只係兩條手卷，同買左一盒壽司，唔會花好多時間，我地就即時食埋先走。火炙蟹籽帆立貝 $25：帆立貝有兩大粒，加左少少燒汁，幾好食，入口爽，幾新鮮架。而且火炙過味道更香。面頭有少量蟹籽，口感更豐富。只係我之前食過同款手卷，雖然面頭係帆立貝，但因為蟹籽份量都平均卷起入面，所以食到尾都會有少量蟹籽，不至於太單調。不過今次呢條大概食到一半，就冇哂料嚕。

松坂庫都食過幾次，本來覺得價錢唔貴，質素穩定，點知今次去到，三文魚縮哂水，很是傷心。手卷嘅款式都幾多，而且價錢合理，定價 $10-45。有四款比較矜貴嘅海膽、黑松露鵝肝、和牛海膽、拖羅原價係 $45，只要買任何飲品，都可以優惠價 $35換購，不過我睇大部分飲品都唔平，十幾蚊。因為男朋友唔食，所以只係點左一條。海鮮回味 (三文魚/帶子) $26我上次已經食過呢款，原本有三片三文魚，今冷一接上手已經覺得份量少左兼變成碎片，何來肥美唔好以為用塊大小小嘅帶子，可以遮到啲咁稀疏嘅三文魚；但帶子係大粒左，而且冇雪感。始終三文魚太小家，食到尾預期之中冇料到；紫菜較厚身，影完相即食，所以都仲脆 

是日放工，去到松坂庫行個圈想買些零食看到門口有個牌 推廣手卷有4款手卷原價 $45於店內購買任何飲品就可以減 $10也就是說再加 $35 就可以換一個 價值$45的手卷這個優惠看起來幾吸引 碰巧自己亦有些肚餓於是就買了一罐蘆會飲品加一個黑松露鵝肝手卷等待了大約3分鐘職員送上手卷鵝肝跟圖片一樣有兩片煎得剛剛好鵝肝外層脆脆的咬一口 有點入口即溶的感覺味道十分濃郁吃的時候 煎香的鵝肝飄來陣陣香氣而手卷的飯中和了鵝肝的油膩感覺亦吸收了鵝肝香濃的油份所以一直都覺得吃鵝肝手卷/壽司比單吃鵝肝更完美!而黑松露也有一點香味 不過好像比鵝肝的風頭稍為蓋過XD店內有2至3張枱子枱上放有芥末和豉油供客人自由添加更體貼地放有紙巾供客人使用無論食物質素 環境 服務都十分滿意會再次光顧

又要講下個尖沙咀海膽手卷喇，我發現佢地既飲品成日都唔同，所以每次黎食都會覺得好似試新野一樣，配不同飲品到到今日都有買飲品可以減10蚊既優惠，姐係手卷只需要35蚊姐！個飲品9蚊左右，加埋都只係44蚊喳👍🏼👍🏼👍🏼海膽保持水準，鮮甜，不過如果個卷可以大少少就好喇，好似三兩啖就食哂咁，不過呢個價錢呢個份量呢個水準配對係值回票價既！提外話，我發現佢有個蟹餅超好食！就擺係門口附近，98蚊有少少貴，不過真係好味到爆！下次要買幾包反屋企一路睇電視一路食！

鮮蟹膏蟹肉蟹籽手卷（$40）馬糞海膽手卷（$22）👅第二站食同樣係尖沙咀既手卷😆😆呢間啲海膽係飯入面都放左啲😍仲要係creamy又鮮甜😋😋都只係$22😳😳另外個個啲蟹膏好咸鮮味👍🏻👍🏻雖然紫菜都係淋身，但啲飯有醋味又夠凍😆即刻贏左勁回味😎仲有好多款都好吸引嫁🙈🙈

手卷？近排愛上左海膽手卷，所以周圍四岀去搵好味既海膽手卷，fb介紹過呢間尖沙咀賣零食既鋪頭現家有賣即做手卷，仲要五錯！咁得意賣零食鋪做埋手卷？難得經過當然要去試下啦佢地只要買支飲品，就可以用優惠價買手卷啦我的最愛，海膽手卷！好新鮮，好鮮甜，好好味，食完一個都五夠喉想再Encore男友試左黑松露鵝肝手卷，估五到都十分正值得推薦，每樣都好新鮮，估五到賣零食既鋪頭做手卷刺身咁有水準！大家都可以去試下吖

識我嘅都知我係手卷控，飯前飯後任何時間都食得落，一直覺得松坂庫嘅手卷水準穩定，價錢合理！每次經過呢度都忍唔住要食番條。手卷款式不少，一般材料都係$10-$28，有唔少好評嘅海膽類就$45~我同男朋友食嘅款式黎黎去去嗰幾款，所以好快就去收銀處落單。落單後居然聽到有位店員話購物滿100蚊會送手卷 lol，當然我未有再追問送邊款手卷。如果有啲特別價惠，其實店家都應該可以喺收銀處提出，唔係話一定會為左條手卷而買100蚊野，但不妨等客人有多個選擇。等候期間，居然又見到有第二個優惠，男朋友就呻笨，如果早啲見到呢張餐牌，我諗佢會揀日本拖羅嗰款凡購買任何飲品，可以用$35換購 半板海膽/火炙黑松露鵝肝/火炙和牛海膽/日本拖羅配黑魚籽，抵啦！希望我地下次再黎嘅時候都有此優惠…海鮮回味 (三文魚/帶子) $25係少數三文魚拼帶子手卷，足料得黎而在30蚊樓下。(我諗起上次喺熊築地中伏，當時點三文魚帶子，收我廿八蚊，居然每樣得一片！)三文魚有三片，新鮮肥美，食到尾係基本！帶子雖然只有一粒，不過size不小，冇雪感。紫菜一如以往脆！炸軟殼蟹手卷 $20即炸，仲要有埋蟹籽，廿蚊雞邊度搵由於熱辣辣，以免影響紫菜脆度

After having some delicious temaki rolls in Tuen Mun, I decided to try my luck here with the handrolls.The one I had was very messy because when I took a bite, the salmon roe balls just fell everywhere and the seaweed was not crisp.I had to tug it like a dog to tear it apart.As for the taste, it was ok but the let down was the seaweed.

行下尖沙咀又未到食飯時間見到松坂庫又心思思食反個手卷先手卷45蚊，買野飲就減10蚊，今次買枝紅豆水飲下，一手卷一枝500ml既飲品盛惠46.9元我就實係食馬糞海膽架喇，今次望落似加拿大海膽既？不過依然好鮮甜，仲有一個值得讚既地方，今次係我最中意既激脆紫菜呀！有些人比較中意半脆，因為咬落去紫菜先唔會散，但我個口咁大，4啖就食哂啦，仲散乜喎

星期日喺尖沙咀食手卷，原意並唔係想食松板庫的，係想食新新地開嘅手卷野村，但去到發現無開成條手卷癮起，旁邊嘅勁回味就休息，咁就諗起松松庫喇。先喺收銀處落單，然後再喺呢度取手卷。手卷嘅款式都幾多，而且價錢合理。分別點左蔥花吞拿魚腩碎 $25、火炙蟹籽帆立貝 $25男朋友比較鐘意食呢款，見到個賣相都唔錯，料夠多。食過有啲手卷真係好唔大方，幅圖就影到吞拿魚腩勁多，結果出到黎得一半。松板庫起碼冇欺場，同圖片吻合。味道方面，男朋友都覺得唔錯，雖然都係要頭有料，下面係白飯手卷，但至少都食左幾大pat吞拿魚腩先~至於我嘅火炙蟹籽帆立貝都唔錯！帆立貝有兩粒，大粒講唔上，但冇霉，火炙過亦都當然唔會有雪感。蟹籽份量都算多，到手卷超過一半都仲食到，起碼唔係成條白飯~至於紫菜，由於係即食，所以都好脆~白飯就冇乜味。整體黎講都覺得呢間嘅手卷唔錯~

膽固醇含量高的食物我無一不歡，其中最中意嘅就係海膽，而家周圍都有海膽手卷，聲稱足半板，通通只售30玩到60元不等平時行開尖沙咀，金馬倫道松坂庫永遠門口都有人企係度，做乜？咪就係排隊買手卷囉！海膽手卷只售45蚊，如果買埋野飲，手卷只售35元，買支平平地既野飲，兩樣野加埋都唔到手卷既原價！十分抵！海膽入口creamy又鮮甜，壽司飯完全煮熟(要提及呢樣野因爲我真係食過某壽司店既手卷啲米係未完全熟透，無論刺身有幾高級，都影響整個口感同滿足感)，食到底既壽司飯都仲有海膽既汁液，鮮味無比！除左尖沙咀松坂庫，葵涌廣場同尖東都有我認為性價比高既海膽手卷，等我快啲再去食然後同大家介紹一下先！

上星期在尖沙咀行街, 途經松坂庫, 見到門口有介紹, 原來有手卷和壽司食. 我就被吸引了入去睇下, 原來只需要在店內購買任何飲品, 便可以用$35換購以下其中一款即點即制的手卷, 包括足半版馬糞海膽手卷, 火炙黑松露鵝肝手卷, 火炙和牛海膽手卷和火炙左口魚手卷. 最後, 我選了火炙黑松露鵝肝手卷. 店內有一些企位供客人買了後即場食, 枱上並放了紙巾, 芥茉和豉油. 手卷送上來, 內裡的鵝肝份量也不少, 絶不欺場. 紫菜夠脆身, 鵝肝燒的時間夠適中, 入口帶少許甘甘地. 對於我來講, 鵝肝和黑松露是最佳拍檔, 兩者味道好夾. 再配上我選的茶, 茶可以解油解膩, 食多一兩件也不怕. 所以我忍不住再點了一件壽司, 選了足8吋極上海鰻魚. 真是好大件海鰻魚, 特別有口感. 配上醬油, 更加好味道.