木蘭館 (Closed)

最近因為留在家中工作，我就開始發掘附近嘅食店，而這次我找到這間位於白田邨的日本料理。佢哋有2間店舖，一間是門面，收銀和廚房，另一間是給食客坐低堂食，同時有賣一些日式食品。厚身浦燒鰻魚飯 (HK$69)打開蓋，嘩咗一聲。乜咁大盒呀？仲要係好滿㗎！一塊超大塊又厚肉嘅浦燒鰻魚係面，啖啖肉，又燒得好食，好正！下面係厚厚一層飯，我食咗3/4左右已經飽死，到咗晚上，我仍然好飽，所以沒有食晚餐呀。日本紫芋甘栗薯餅 (HK$24/2件)好厚實的2件炸薯餅，炸得脆口，但有點太油，不夠乾身。入面有滿滿的紫芋泥和2粒甘栗夾係中間，味道幾好。我食咗一件，第二件隔日食都美味。一個鰻魚飯，2件炸餅，HK$100有找！呢個價錢，填飽我午晚2餐，非常抵食，值得encore👍🏻

見到這間小店的名字就覺得好特別,可惜晚餐要回家,所以只能買小食支持。睇過食評,最出名是榴槤炸彈,既然無得去馬來西亞吃榴槤,不如一試。微笑的榴槤炸彈  4.2/5分   36元有5粒1. 即叫即炸,等大約10分鐘2. 好好味,入口會爆醬,充滿榴槤香味3. 食完會好開心,所以我改為微笑的榴槤炸彈,哈哈其實此店主打日式飯,價錢都幾中等,見到係超級想試,兩位男店員一邊做一邊送外賣,確實厲害。我覺得住在石硤尾區的朋友一定要試,因為實在吸引~希望大家都多多支持小黃店啦~

同女朋友一齊去左食日本野女朋友叫左厚切鰻魚飯$69鰻魚真係幾厚，飯量偏向碗半有多，岩大食人士食味道上唔錯，飯入邊味道都算均衡本人就叫左芝士豬扒+芝士雞柳飯，$58原本以為雞柳係碎雞柳點知係原條直上，入邊係流心芝士飯就可以簡汁，咁隨便簡左燒汁芝士豬扒都唔差，2樣野連 紫菜燒汁飯一齊食，幾好味另外加左 $10 3粒 椰汁炸波入邊係椰汁西米露餡個人對甜野無咩愛好，不過女朋友好鍾意食所有炸野新鮮炸起，熱度同食物份量都好好味道份量

#中意嘅請分享請點讚🍻----------💛#黃店💛2/9, 3/9, 11/11, 13/11/2019 罷市----------😋馬來西亞榴槤炸波 $36五件榴槤炸波即叫即炸，外脆內軟，好鬆脆，入面嘅榴槤蓉好香，榴槤控必食。-🐣唐揚炸雞拼日本漢堡扒飯 $49有3件炸雞同2塊漢堡扒，漢堡扒肉嫩，炸雞有少少淋左。飯上面有紫菜同燒汁，撈飯一流。----------店舖比較細，位置大約只有3至4個，可以外賣。----------📍木蘭館🔎石硤尾偉智里1-3號白田購物中心地下5號舖

大家都大推木蘭館既鰻魚飯抵食，我食過一次，是不錯的，之後就嘗試餐牌既其他菜式，還是鯖魚飯會一食再食！鰻魚有分三個等級，價格係49-89，價錢的確吸引，而且有大條鰻魚。至於鯖魚飯就更加抵食，四十蚊有找，份量夠多，所以有時要求要少飯。鯖魚整得很香口，鯖魚下面的飯係鋪上紫菜和照燒汁，再加上黃蘿蔔片和玉子，感覺唔會單調同dry。呢個係石硤尾街內的小鋪，所以我一向外賣多。但近排老細告訴我旁邊也租了一個鋪位，可供大家堂食啊！

同朋友黎食，三個人食，叫左兩個飯，鰻魚飯同吉列芝士豬扒拼炸鱈魚飯，鰻魚飯都有分三個價錢，我地就咁叫左最平個款，黎到估唔到會有舊玉子tim，朋友食鰻魚飯話唔錯，我個吉列芝士豬扒都唔錯呀，好多芝士食到流晒出黎，大家食既時候小心熱呀😄個飯有紫菜碎冇咁齋，個飯好夠汁，岩晒鍾意多醬汁既我😁另外我地有叫小食，芝士蘑菇雞翼同紫芋甘栗薯餅。又係有芝士架😝鍾意芝士既朋友應該都會鍾意，下次要再試埋佢個芝士漢堡扒🙊個紫芋甘栗薯餅好少見，食落好特別，好鬆脆，見到粒粒甘栗，呢個幾飽肚🙈同朋友都話要再encore 😎🙊呢個價錢咁既質素真心唔錯呢🤭

厚燒鰻魚堅厚，濃濃的滿足感，炸物不油膩，香脆可口。味道和份量也是滿分。店舖在這時勢仍屹立不倒，門庭若市，可見食物質素確是港人首選。希望多點解這些小店，給港人更好選擇，別讓連鎖店充斥市面。

呢個鰻魚飯真係不.得.了!! 鰻魚燒得超香，肥厚又勁juicy，仲要零雪藏/腥味。鰻魚按厚度分3個等級🐟($49~$89)，呢個只係中等級厚已經好正😋。飯底係飽滿Q彈嘅日本米，比好多日本料理店做得好。可以話係我暫時食過最有驚喜同返尋味嘅鰻魚飯⭐。另外🐷日式豬軟骨飯就相對失色...肉汁不足，肉質有點粗嚡。老闆話佢嘅鰻魚飯係平賣，喺小區但求薄利多銷。小店舖位好細，得幾個位，見唔少人過黎買外賣拎走。

主角鰻魚飯有三種重量選擇，暫時無緣嘗試200g級別，店主會適時於面書公布，真的可遇不可求，但其實150g級別的已十分滿足，配以紫菜飯，外間需要過百元的，味道和份量都不能相比，性價比極高。除了鰻魚飯外，小店亦有各式各樣的炸物，未及一一嘗試，試過炸蠔、黑毛豬及芝蔴雞翼，炸皮不會厚，味道不錯。小店堂食座位有限，三兩位光顧，和店主閒聊幾句，風氛不錯。由於地點關係，暫時亦未有外送服務，外賣也是個不錯的選擇，希望下次能與200g碰面。

星期六行街攰攰地，阿仔話肚餓想食飯，路過是但見到有間木蘭館就入去試下，雖然店面不算很大，但勝在乾淨企理，坐低望下餐牌有咩食，我地揀咗三樣食物，浦燒鰻魚、吉列炸蠔和馬來西亞榴槤炸波、下單老闆即叫即做，好親切又健談。自問阿仔都是咀刁，好食先食，佢把成盒鰻魚清光光，我就食炸蠔和炸榴槤，兩樣都好好食，個炸蠔又脆又爆汁，榴槤脆得黎唔油笠笠，食多兩粒都唔漏，真心誠意推介👍🏻下次會再黎試其他野，多一個飯堂了🤗

呢間小小店既鰻魚飯真係好出色 塊鰻魚超厚 汁又超多 連d飯都係鰻魚汁個玉子燒又勁滑🤤加埋呢個爆汁吉烈蠔又吾腥加埋老細自家制既honey mustard sauce真係好好食 $49但好食過你出面200幾蚊個既鰻魚飯質素 痴線！真心出色！各位石硤尾既朋友可以試下最緊要佢係真係超級平靚正 加埋野飲成個lunch先$77 抵食又好食到飛起#我無收錢賣廣告純粹支持小店

中午時份去到，見鋪只有兩吧櫈同門口一枱兩櫈，但太陽曬到正，所以有位都選擇外帶返車食。講返d野食，同老婆叫左兩個鰻魚飯，賣相滿分，有心機既，飯用珍珠米幾軟熟幾好食，份量都夠我大男孩食，再者係飯有加味粉同海苔，非常日式食法；主角鰻魚好香，燒到小小燶好好味，原條無剪開；最後加上黃蘿蔔片同玉子，舊玉子又係出色系列，燒得好香，色香味！值得一提個鰻魚汁佢應該係先加起飯度，再放鰻魚，汁既份量都非常不吝嗇👍🏼價錢$49 超值！呢個鰻魚係我食過最正最出色，值得Encore!

我點咗個鰻魚飯，等咗大約五分鐘就有得拎走。拎走的原因係因為堂食只有五個位，環境並不闊落，而且沒有冷氣。鰻魚尺寸合適，飯面有紫菜碎，飯量同汁多少少就更好。此店星期一休息根據openrice資料收AlipayHK，但係店員話暫時未用得。

去開石峽尾， 見到有間小店門面細小但選擇多多，睇返openrice食評講有串燒食， 就諗住試試， 點知店主話因電壓問題， 無整串燒了，好可惜。。。於是兩人行叫左一個鰻魚飯同一個流心芝士漢堡扒飯外賣拎返架車度食，等候過程比想像中快， 10分鐘內完成， 而且見到係即造的，食物賣相很好， 而且飯很多，合男士或家庭3人食2盒都得，鰻魚面頭用火鎗燒過，好香，亦好夠味，流心漢堡扒岩岩好夠熱， 芝士亦好香好味，飯盒中有小量菜，如果有多點就更好了， 但最欣賞係飯中加了紫菜粉，成件事立即提升左，加埋一罐飲品都唔洗$100 , 絕對係值得支持既小店

本來無咩大期望，叫了49元鰻魚飯，點知，最好食，唔係hea你一塊，係真係燒出黎放上去，粒玉子仲好甜，先唔講價錢，個味道真係勁好食，不過唔好係得外賣。值得推介。覺得下次可試咖哩。