Main Place

Open Now

Now Closed

今日同朋友想靜靜地傾下計 又想飲番杯食下嘢 就嚟咗花墟附近呢間bar 七點嚟到唔太多人只有兩枱客 鋪頭播歌唔係太大聲好啱我哋 裝修係一般嘅酒吧格局 燈光較為昏暗所以侍應喺枱面放咗盞檯燈 好有情調牛魔王簡咗個16安士牛肩胛肉 用鐵板上 上面好多香草側邊有啲炸香咗嘅原粒蒜頭 牛肉好厚身而且幫你切咗好細心 外面焦香入面仲係粉紅色 火候掌握得啱啱好 望落去舊肉好瘦 但係食落口好林亦都重牛味 香草同埋蒜頭都係脆卜卜 夾埋啲牛一齊食好香之餘又可以減低肉味嘅油利感 另外仲叫咗個黑松露春雞 上枱嘅時候好驚訝 春雞份量唔細 食落口好滑 隻雞唔洗點汁都已經好夠味 皮燒到脆卜卜肉又多汁而且好嫩滑 黑松露汁亦都好香好足料 不過量嫌茄汁酸味太重 配上炸粗薯條好食 另外就係餐廳推薦嘅鵪鶉鵝肝釀飯 鵪鶉size好細 入面嘅飯唔多 食落暗春有少少蘇味 入面嘅飯搵唔到有鵝肝 亦食唔出有鵝肝味 比較推薦係黑松露燒雞同埋牛肩胛肉

My friend and I went to a gastropub called " Main Place" located in Shop 1, G/F, Greenview Court, 227-231 Fa Yuen Street, Mong Kok(旺角花園街227-231號翠庭閣地下1號舖)There are outdoor seatings and a patio at one side of the restaurant which allow customers to chill and having Shisha.The cocktail bar here serves arrays of innovative cocktails and mocktails.US choice chuck tail flap 16 oz16安士美國純天然高級牛肩胛肉HKD$230Super tender, soft. ..With the whole clove of garlics . Yummmmmm...The favourite dish of the night.Fre

花園街一帶有好幾間酒吧, 在太子附近行了一圈, 最後決定去呢間環境比較有格調而清靜既酒吧西餐廳用餐, 可以同朋友傾下計relax一下。呢度有唔同款式既酒類飲品、Mocktail同埋幾款小食供應, 而且聽閒仲有水煙食, 係一個同朋友gathering既好選擇。【金獎英倫蜆肉周打湯】HK$55個湯較杰, 很creamy, 湯入面有蜆肉粒同埋野菌粒, 啖啖都滿足豐富口感。【蜜椒甜薯粒】HK$30每粒蕃薯粒表面平均包著薄薄地既蜜糖, 外皮蜜糖燒焦邊位略帶點脆, 整體甜甜地, 亦係一個不錯既送酒小食。【白酒芝士忌廉煮藍青口】HK$98忌廉味較重, 個汁很杰, 青口味道甘甜, 不過芝士味唔太突出。【炸墨西哥青椒釀車打芝士】HK$68 (8pcs)煎釀三寶食得多, 青椒釀車打芝士都係第一次食, 表面炸得香脆, 雖然入面既芝士不是有拉絲, 但芝士味很重, 夾埋很林既青椒, 確實要以"外脆內軟"形容這個小食【法國鵪鶉釀鵝肝飯】HK$196(2pcs)以鐵板上既法國鵪鶉, 上檯時散發出香噴噴, 鐵板熱得沙沙聲, 鵪鶉身體已被去骨, 再塞滿鵝肝飯, 鵝肝大概是熱溶了令飯質很黏。鵪鶉肉質juicy, 想不到酒

今日同個朋友係花墟附近行下，到晚餐時間就係附近搵餐廳，咁岩見到間bar咁既餐廳，但又唔怕多人又好嘈，就入去試下啦，結果都有驚喜既入面環境都幾暗，bar就是這樣的格局吧今餐最欣賞既蜆肉周打湯，餐湯份量都幾大碗丫中要真係好足料，好多蜆肉。味道方面唔怕咸，好濃既忌廉味芝士味濃既蒜茸包，反而蒜茸味唔太重，個人就幾喜歡濃郁既芝士味，個皮都焗得幾脆香草帶子天使麵，香草味都幾重，幾香，d帶子煎到外表少少脆，不過內裏就保持住軟身，唔會過熟由於我地都唔飲酒，就嗌左杯無酒精既virgin pineapple marti，味道係酸meimei又甜甜地，好開胃，飲一啖之後就忍唔住好快飲晒去！半份豬仔骨，比我地想像中大份，燒得幾香口依到唔止坐得飲杯野咁簡單，西餐食物都有返咁上可質素，唔錯唔錯

手挽手同步踏進店燈光昏暗氣氛有情調酒吧式西餐廳愈夜愈精彩先點了一客黑松露野菌湯黑松露香氣十分濃厚未開動已經令人食指大動果然松露味突出蘑菇味濃雜菌餘韻仍在舌頭上久久不散是不可多得的優秀野菌湯扒原隻鮮龍蝦是豪華之選不只賣相討好肉質也鮮嫩整道菜色香味俱全值得推介澳洲羊T骨說穿了就是普通的Loin Steak羊排的騷味濃郁肉質還算鬆軟表面上的油脂邪惡得令人愛不釋手法國鵪鶉釀鵝肝飯比較特別細小精巧的鵪鶉釀滿了鵝肝飯金黃色的鵪鶉皮香脆肉嫩飯也充滿了甘香的鵝肝香泛黃的燈光下的柔情蜜意中你說你今晚有話要跟我說

weekend 去太子飲下 o野食下 o野依間 bar restaurant o係酒吧街過一條街我中意佢氣氛好但唔會好嘈,可以傾計舒服 d估唔到食物都幾好食 o添mocktail 同 cocktail 我都有試到依杯係叫 flamingo o既 mocktail係漸變 o既粉紅色, 好靚~味道係開胃 o既酸甜果味frozen cocktail Oreo Monkey朱古力味再加上易入口 o既 baileys好好飲!! 黑松露野菌湯比較杰身, 好濃郁~依個係將芝士釀落青椒度再炸, 非常有特色!炸芝士都幾流心, 而青椒令到個成件事唔會好油膩食多幾件都 ok 澳洲 T 骨羊 o既肉味好濃不過一 d 都唔騷呢鵪鶉釀鵝肝飯, 真係原隻鐵板上!好有心思 ar, 睇到到覺得好食!鵝肝飯都好好味 切開一半就見到粒粒飽滿 o既飯 la仲可以 shisha~

同同事放工想揾嗰位傾下計，方便大家向太子近火車站揾酒吧，呢間酒吧向花墟附近，門口好chill，有戶外座位但太熱入室內避暑🙈唔明點解呢間酒吧咁少人幫襯，地點又就腳環境寬敞好坐。不過少人好處係私隱度十足，昏暗燈光加上音量適宜既音樂，簡直係一個放鬆聖地！啱啱落坐就送上一份炸蝦片用來送酒，未點菜已經有零食醫下肚，幾窩心。天使麵軟硬程度剛剛好，帶子夠嫩滑兩邊都煎得夠香，配菜亦為整碟菜式增加層次感👍🏻肚餓得濟青口唔記得影相，但每顆超大粒有半隻手掌咁大👀，冷盤凍上，附上泰式醬汁幾開胃。周打蜆湯充滿海鮮既鮮甜味，啖啖蜆肉，同事怕奶味但對呢碟湯都贊不絕口，絕對唔係一般劣質既忌廉湯👍🏻非常期待就焗龍蝦不負所望，原隻龍蝦開邊放喺鐵版上，送上已經香味四溢，蝦肉厚實，鮮嫩多汁，上面既芝士只作搭配冇蓋過主角既味道，點綴埋我好鍾意既火煎菜，yummy😋呢杯mocktail真心推薦！椰子同菠蘿淆埋原來好夾！沙冰打得幼細飲落軟滑真係一飲透心涼❄️另外值得一贊係員工非常細心，上菜輕放，冇打擾過我同同事，我地2個忘我好chill咁傾計，幾乎冇為意佢地唔經唔覺幫我地枱上既食物重新排好位置，食完青口要又偷偷地換碟，嗰種細緻既服務

餐廳的環境幾有FEEL，BAR當然係暗暗地，未有波睇果時會播緊流行音樂既MV，聽聞仲有水煙食，幾有係諾士佛台的感覺。同肥仔兩個人食, 先黎花生食下先。黑松露野菌湯$48勁多野菌粒，飲落好有口感，加上黑松露的香味，推介的湯法國鵪鶉釀鵝肝飯$98鵪鶉非常香嫩，內𥚃釀有鵝肝和飯，飯完全吸收左鵝肝和鵪鶉的味道，推介。特色燒美國豬仔背骨$150 好大條!!豬仔背骨大舊得黎又唔會只係得舊骨，燒到個皮好香脆又多蜜糖汁，仲有好多肉，咬落去啲肉汁流哂岀黎。必食!!Peach Lady $88White wine, peach Liqueur, Strawberry 🍓酸酸甜甜幾開胃，本身都驚有士多啤梨會似藥水，但原來幾易入口，女仔都可以飲。Oreo monkey ( frozen) $ 78Baileys, banana Liqueur, Kahlua, Oreo 其實係oreo沙冰，加女仔至愛既Baileys，已經想像到咩味，推介！好少拍拖都去酒吧食野，但估唔到呢到Ｄ野食又幾好食！仲可以飲下野傾下計TIM。

去旺角聚會唔想成日去D大型的食肆，想飲下cocktail 食下野又gathering 下，去呢間bar & restaurant 就最啱，仲有水煙食。多玻璃的裝修令人感覺開揚。Menu食品種類都幾豐富。蝦片很香脆喔。金獎英倫蜆肉周打湯$55，好足科，有大量蜆肉，味道濃郁。白汁芝士忌廉煮藍青口$98，個sauce好creamy，青口冇腥味，連洋蔥都好甜。瑞士葱油腸$68，腸豬肉質扎實，帶香草味，味道不俗。香草帶子天使麵$148，除左帶子，材料都幾有特色，有橄欖、磨菇、蕃茄乾和芝士，很健康。Strawberry Yoghurt cocktails $68 (9pm 之前happy hour)，賣相吸引，原粒草苺挑花上，味道清新。

太子花園街個邊有條著名既酒吧街，好似九龍區既小蘭桂坊咁，附近呢排開左唔少新餐廳，同男朋友有日放工拍拖，見到呢間餐廳都唔少人，好似唔錯，就入去試下啦！入到去環境昏暗，每張枱上面有盞小燈，充滿情調，餐廳播英文歌，又有唔少外國人黎happy hour, 真係好似之前係英國係bar到同朋友聚會咁！我地首先叫左個黑松露野菌湯，一黎到超大碗，完全係2人份量黎，飲落黑松露味好香，個湯好creamy, 但又唔膩，一啖接一啖完全停唔到口！main course方面叫左3款。第一款係燒豬仔背骨，半份原來都好大份，2個人食實夠，蜜糖味好甜，但略嫌d 肉太乾身第2款係鵪鶉釀鵝肝飯，呢個大推！！！！ 因為真係好好味，佢好似乳鴿釀d飯係入面咁，但鵪鶉更幼滑，咸咸地，切開d就見到d飯，鵝肝味竟然無掩蓋d鵪鶉味，好夾好正，細細份但又夠食！ 最後一份main course係黑松露春雞，上菜已經幫你切開2邊，好細心，雞好嫩，一d都唔un, 個汁係黑松露汁，真係好香，unexpected! 同雞好夾，比起平時配燒汁正好多！！！野飲方面，呢間係bar, 酒類都比較貴，所以叫左杯果汁就算，叫左M &O, 即係芒果橙汁，

星期日，冇事做，約朋友出嚟啤啤佢，嚟一個Weekend的Happy Hour。為咗方便，當然揀旺角太子一帶，交通方便。特厚薯仔皮殼，濃濃的芝士，配上焗得香噴噴的薯皮，作為頭盤醫吓肚，一定要推介吓。薯皮焗得微脆，口感。澳洲法式7支骨羊架，主菜有點左右做人難，最後決定要個羊架，7支骨，兩個佬都夠食。羊架燒得很香，肉質不韌，用刀輕輕的切，也可以。結果7支架威力強勁，完全滿足我們的肚腩。Hoegaarden & Hoegaarden Rosee，話明啤一啤，又點可冇佢哋？

朋友相約太子 ，本身以為約食飯，原來朋友想同我傾下偈，把酒談歡， 朋友介紹去到，一間內裏同一般酒吧冇咩大分別，估唔到原來入面有水煙食，雖然我唔食，但已經覺得好似諾士佛臺。一去到已經有盤小食，擺喺我哋面前，仲要係我最愛嘅蝦片，塊塊都脆卜卜。野飲方面，Kronenbourg 1664 Blance，我的最愛。朋友就叫左Somersby Apple Cider，貪佢果味夠重。順便叫左小小野食，澳洲法式7支骨羊架，羊架煮得岩岩好，完全唔會太熟。最得人鍾意佢仲有兩種唔同嘅醬，分別係薄荷醬同芥末。朋友傾計飲兩杯啱曬

以前同朋友飲野既首選必然係太子既酒吧街，今次就試左呢間新既bar~感覺無論食物定酒都做得相當唔錯噢~T字骨羊架，表面微焦，內裏大約7成熟，係食羊最好既熟度~調味剛好，而且冇so味~枱離果一大堆既沙律菜都好好味~烤甜薯，份量都幾多下，外層香脆同時入邊係軟綿綿既甜薯肉，正~呢到既沙律真係要讚下，除左煮得口岩好既benedict egg之外仲加左炸過既becon，脆扑扑好有口感~Rainbow cocktail，靚到唔捨得飲~

週日黃昏帶咗幾位外籍舞友去旺角女人街及花園街一帶購完物，XO仔就同地膽舞伴行咗去街尾一間酒吧餐廳「Main Place」度邊食邊等探戈馬拉松最後一個舞會開場。店子門外可見主推食品o既廣告及歡樂時光o既優惠簡介。酒牌所示，各款酒品均有歡樂價格。但吸引到小肥o既注意力卻係啤酒頁中o既「Kronenbourg 1664 Blance Tower 2L」！小肥同女伴明顯都並非太過好酒之人，一樣都未聽過「啤酒塔」（$218/歡樂價；$298/正價），眼見2L都只係每人兩杯左右，所以都費事諗咁多，一於叫黎見識吓。嘩，啤酒塔成半個人咁高，當真極之震撼！靚女姐姐自己攞過黎卻毫不吃力，勁呀！可能見我倆對塔塔o既運作都有點陌生，佢仲好客氣地解釋兼示範添。酒吧隨啤酒送上花生小籃，只可惜小肥有敏感問題，未能食用。原來二人要飲哂2L啤酒塔真係冇乜難度架，飲完終於明白到啤酒可以一路保持冰凍其實係因為塔桶中間有一大條冰條，掂呀！跳舞前空肚飲酒實在太危險啦，所以兩口子就從厚厚o既食物餐牌中揀咗三款黎食。明太子釀雞全翼（$58/隻）：我地其實一埋位就每人食咗隻明太子雞翼，只係細佬因為太過肚餓唔記得咗影相。飽滿大隻o既雞

最近跟寶寶都酒癮又起，經常都會提議到酒吧餐廳晚餐。這次在太子，便選擇了Main Place，它在主要的酒吧街後一條街，感上比較寧靜。餐廳是一般酒吧格式，播著流行曲但不會太嘈，還是可以relax 地跟朋友談天。食品選擇不算特別多，但大部份都很精緻。帶子天使麵($148)一送上來就聞到很香的帶子鮮味，因為帶子兩邊都已經煎到金黃香口，所以味道散發得很厲害。加上磨菇和紅黃綠椒，還有些微的香料調味，令味道更香更多元化。天使麵煮得很乾身，而且硬度剛好。鵪鶉釀鵝肝飯($98)很花心思功夫的一道菜，將飯釀到鵪鶉內已經很多功夫了，還要是混入了鵝肝的飯呢。鵪鶉本身不算大隻，不過看得到裡面被釀了滿滿的飯，整隻都脹卜卜的。鵪鶉燒得金黃，外皮香脆可口；而裡面的飯除了帶有鵝肝味之外，亦有鵪鶉的油脂香味，兩隻味道都很濃但又很平均，配合得很好。Hoegaarden Rosee($78)還是點了最近的最愛，$78大大杯呢。意想不到這間位於太子的酒吧，食品都能有餐廳的質素，而且都是滿載心思的食品呢。而且價錢又不貴，地點又方便在地鐵站附近，所以已經約了其他朋友下次聚會再來呢。