媽咪雞蛋仔

Open Now

Now Closed

在附近看電腦產品後，和朋友想找點小食，於是到了這裡吃雞蛋仔haha自從他們轉了新標誌以後，我還沒有光顧呢，今次終於可以再吃。好像比以前多了更多口味，而且飲品的種類也很豐富，顏色相當吸引。店內空間不大，主要以製作食品為主。我們點了一杯清新的檸檬水和冰檸檬茶。檸檬水感覺酸甜適中，而且冰不會太多。至於檸檬茶，亦是有鮮榨檸檬，茶味香濃。雞蛋仔方面，我們選了抹茶紅豆和香橙朱古力口味。抹茶紅豆味道濃郁，裡面的紅豆都很有咬口，個人覺得軟一點比較好。至於香橙朱古力口味，這是限定口味，感覺很香甜。很喜歡吃朱古力的我表示超級喜歡這個口味，因為香橙的酸甜和濃郁的朱古力互相配合，很有特色。與炎炎夏日當中，鮮榨檸檬飲品的確很解渴。而且能和朋友分享雞蛋仔，亦是相當的喜悅。總括而言，雞蛋仔是香港特色街頭小食，這間店口味以及款式很多，下次再來試另一個口味。

一直都很想嘗試灣仔點獨家販售的朱古力牛油果雞蛋仔（$35），滿滿的朱古力加上牛油果蓉，質感特別而且不會太膩，絕對會一口接一口地吃光光。另外買了黃金雞蛋仔（$35），即是鹹蛋黃口味，是前些年因為鹹蛋黃很流行的時候發明的口味。鹹鹹的餡料配上滿滿蛋味，每一粒都很飽滿，絕對不會太鹹。如果想買飲料解渴的話，在這裡只要購買雞蛋仔，就能獲得飲料的折扣優惠。每杯飲料都會減$4，可以選擇新鮮榨的檸檬汁，或是港式奶茶也十分好喝。這裡的飲料都是滿滿一杯，沒有加冰塊，不會太冰卻也不會太甜。

媽咪雞蛋仔咁多款色一路都好想試曬佢，所以每次雞蛋仔癮起都會揀一款未試過嘅，今日揀左黃金味（$35），即係鹹蛋黃味，仲有栗子味（$32）！兩款都好有驚喜。鹹蛋黃味熱辣辣出爐嘅時候係每咬一啖都有爆油效果🤤，可想而知鹹蛋黃嘅份量都唔少，🥚甜甜嘅雞蛋仔皮包住味道帶鹹香嘅鹹蛋黃真係好特別。另外栗子🌰都好正，係將栗子打碎再放入雞蛋仔入面，味道無鹹蛋黃咁重口味，🤩帶濃濃嘅堅果香，仲好有咬口添！另外飲品就揀左鮮榨檸檬汁（$20-4）同港式奶茶（$20-4），檸檬汁加左糖漿之後無咁酸，味道清爽🍃。另外港式奶茶又幾貼近茶餐廳嘅味道，錫蘭茶葉嘅香味同🥛淡奶嘅順滑配搭得宜，🥤凍飲都無失準，果然有質素。

不嬲都好鍾意食雞蛋仔👀今次喺灣仔經過間媽咪雞蛋仔就順便買咗🙈-🍵抹茶雞蛋仔🧇-一整完熱辣辣食🥰咬落去蛋香奶香好濃，脆卜卜咁，外脆內軟，綠茶味都好突出好香，但可能因為揀純綠茶味🍵(個人對朱古力同紅豆無咩興趣🤣)所以口感唔係話太豐富👀綠茶味甘甜，清清地，完全唔會滯，所以冇咩罪惡感😛如果之後出麻糬內餡就好🙈-評分：8/10價錢：$25-📍媽咪雞蛋仔 灣仔📍

抹茶港式格仔餅配意大利金沙醬榛子粒，格仔餅口感外脆內軟，抹茶味道清香、有微甘；意大利金沙醬味道香甜，榛子粒口感脆口，好足料，配上格仔餅食用，可中和抹茶嘅甘香，而且內裏亦加入左花生醬、植物牛油、砂糖、煉奶，令格仔餅嘅口感、味道好豐富，但甜而不膩。紫薯蕃薯雞蛋仔，食落有大量蕃薯粒、紫薯粒，口感軟腍、綿密，甜度主要依靠住紫薯、蕃薯自身嘅甜味，食完依份雞蛋仔會好有飽肚感。鮮榨檸檬水2杯，味道酸溜、清爽，有啖啖檸檬肉。

媽咪雞蛋仔-人氣雞蛋仔專門店雞蛋仔一向是深入民心的港式街邊小食，說起雞蛋仔，一定知道媽咪雞蛋仔，榮獲米芝蓮的街頭小食店，分店多款式夠，每次經過都有人排隊。 一看餐牌發現秋冬限定的紫薯番薯雞蛋仔和牛油果朱古力雞蛋仔，更加特別是聯乘澳門木偶葡國餐廳合作推出馬介休口味雞蛋仔。雞蛋仔即叫即製的雞蛋仔，熱騰騰新鮮出爐，外皮香脆內裡軟綿綿，濃濃的蛋香味。伯爵茶朱古力一咬開時香濃的伯爵茶茶香，香醇的伯爵茶，餡料是綿綿軟心的朱古力，煙煙韌韌。肉鬆白芝麻鹹香的甜味肉鬆，脆口的白芝麻香，配上蛋香十足的雞蛋仔，鹹中帶甜。鮮榨檸檬茶純手工調製的檸檬茶，新鮮檸檬榨成汁，當中有檸檬渣，不會死甜之餘也有少許檸檬酸酸苦澀，非常正！港式奶茶香滑的牛奶加上清純的茶底，茶香加上奶滑，香滑的港式奶茶。

放假係灣仔行街，經過呢間久仰大名既媽咪雞蛋仔😛，決定買鹹牛肉雞蛋仔同埋好吸引既芝士雞蛋仔。😋 。。。鹹牛肉雞蛋仔十分熱辣辣😍，外脆內軟，餡料剛剛好，平時食雞蛋仔都係甜既，今次竟然係鹹食😚，創意100，而且味道good，食落鹹香吾係油膩，幾出眾，👍幾乎啖啖都食到鹹牛肉， 真材實料 😚雞蛋仔用既應該係上乘日本面粉，蛋味濃， 食完唔會太制 ，食落輕盈。👍

終於再去食雞蛋仔🥰當然係食全港數一數二嘅媽咪雞蛋仔啦👩🏻.牛油果朱古力雞蛋仔🥚呢款口味係灣仔店獨家😲牛油果除咗俾果蓉之外，仲有少少新鮮牛油果粒🥑牛油果味都幾濃，亦幾 creamy🤤朱古力粒溶咗之後令整體甜啲🍫呢個組合都幾夾.伯爵茶雞蛋仔☕️食落外脆內軟😋每粒都好飽滿😆伯爵茶味頗濃☺️不過係後勁比較重茶味😌同時仲好有蛋香味，圍邊嘅位置都非常脆.2 杯鮮榨檸檬水🍋檸檬汁落得幾多😛所以真係幾酸㗎🤗

「媽咪雞蛋仔」一向都好出名，但成日都排哂長龍 ，所以成日經過都冇買。難得今日得兩個人排隊，仲要係黃店，所以就一人買左一底黎食！！💛太耐冇食雞蛋仔，爭啲唔記得咗呢樣神級港式街頭小食系幾咁正！今日試左咸蛋黃味同伯爵茶味。我較中意前者，咸甜夾雜系比平時更好食!! 難怪會比車胎人睇中嘅🥳 天氣太熱，順便叫多杯凍港式奶茶。奶茶比意料中更香濃順滑，重點係非常解暑，好抵飲！-媽咪雞蛋仔 灣仔灣仔道181A至181G地下D2鋪

疫情之下，不方便在街上脫去口罩進餐，光顧街頭小食的意欲大減。今天經過【媽咪雞蛋仔】，聞到其誘人香氣，又有期間限定新品，再也把持不住，買了雞蛋仔和飲品就立即駕車回家享用。媽咪雞蛋仔於二○一六年榮獲「米芝蓮街頭小食推介」之美譽，至今已連續五年獲此星級推介。 雞蛋仔即叫即做，交給客人前還會以吹風機冷卻塑型，做到外脆內軟糯。加上不時推出新口味，分店門外總時排著長長的人龍。灣仔分店曾參與8月5日三罷，店內亦貼有"登記做選民"的呼籲，是值得支持的同路人。紫薯番薯雞蛋仔是秋冬限定 ，剛好在四月最後一天趕及品嚐。回到家雞蛋仔仍微暖帶脆，內餡充滿紫薯泥及蕃薯泥，食味突出。吃下香甜中帶綿滑口感，非常暖胃，屬飽肚之選。雙重芝士雞蛋仔每次必點，材料用上車打芝士及水牛芝士。前者鹹香突出，後者拉絲度強，鹹甜香氣及蛋香互相襯托，滋味之餘亦不會過於飽滯，讓人吃不停口。購買雞蛋仔加配飲品可減$4，選了港式奶茶與鮮榨檸檬茶。飲料預先冷凍，沒有加入冰塊，茶味濃郁。鮮榨檸檬茶帶絲絲果肉，醒胃解膩，冰涼消暑，剛好平衡一下烘焙的熱氣。

午飯時間吾肚餓，孖同事走去行下Aeon 同灣仔道睇日用品。係灣仔道被雞蛋仔香味吸引而停下了腳步。原來係媽咪雞蛋仔，有聽過呢個名，係米之蓮推介既街頭小吃。原來開左一間係灣仔。同一般賣雞蛋仔既吾同，呢度係即叫即整，而且款式勁多，吾係朱古力，芝麻咁簡單，芝士，咖啡，抺茶，抺茶紅豆，鹽燒紫菜粟米，香燈朱古力，香蕉朱古力，牛油果朱古力，有機粟子，紫薯蕃薯，咸牛肉，午餐肉等等一次進化版，仲有2次進化版，就係雪糕雞蛋仔。勁👍我地叫左最經典既原味雞蛋仔，試清楚佢既真功夫，另外叫一個紫薯蕃薯雞蛋仔。由於即叫即做，仲要吹涼先入袋，都要等5－10分鐘時間。原咪雞蛋仔好香蛋味，焗得乾脆。紫薯蕃薯雞蛋仔，係有真既紫薯蕃薯係入面，2種蕃薯好甜，似食pancakes 既感覺，完全另一個風味。遲D天氣熱D，要試下雪糕雞蛋仔。😋

媽咪雞蛋仔款式多到日日食一款⋯一個月都未必試得哂🤩本人是抹茶控，所以抹茶系列試勻⋯⋯抹茶、抹茶紅豆、抹茶朱古力，抹茶味夠出，我自己較鍾意紅豆有𡁻口多啲格仔餅都有幾款🧇原味、抹茶、咖啡，醬都有得揀金莎、金莎榛子，我自己就鍾意番原此夾餅混醬多啲，仲要勁多花生🥜醬格仔餅配杯香濃咖啡☕️就是一個完美下午茶💯

雞蛋仔係大人細路都喜愛嘅地道小食，有時lunch諗唔到食咩，食底雞蛋仔就飽飽啦😋今日去咗灣仔道既媽咪雞蛋仔，買返屋企慢慢食。 呢間鋪頭嘅雞蛋仔口味真係包羅萬有，連臘腸味、午餐肉味都有😂😂囡囡柯打鹽燒海苔粟米口味，我第一次食咸嘅雞蛋仔，感覺都唔錯。另外叫咗期間限定嘅牛油果朱古力雞蛋仔，我向來都係牛油果控，原來牛油果同朱古力味道咁夾㗎😍❤️飲品有自家鮮榨嘅檸檬水同檸檬茶，真係feel到啖啖都係新鮮嘅檸檬汁，又解渴又健康，充滿維他命c👍✨

呢日同朋友去咗行灣仔電腦城皆因最近被迫Home Office屋企部電腦又太舊款所以決定去行下睇吓有冇心水shopping完之後就梗係醫下肚啦但係下午茶時間又唔想去茶記 (你懂的)於是就去好出名嘅媽咪雞蛋仔見到有期間限定梗係唔可以放過啦牛油果朱古力雞蛋仔味道真係好特別熱辣辣而且外脆內軟牛油果同朱古力嘅搭配香濃軟滑 除咗創意 真心好好味另外仲叫咗個招牌雙重芝士雞蛋仔聽到雙重呢兩個字千祈唔好覺得會太重口味個人反而覺得剛剛好雙重帶來的反而係口感層次更加豐富食完雞蛋仔當然要飲番杯野啦叫咗鮮榨檸檬茶同埋鮮榨檸檬水酸中帶甜而且好鮮味因為仲飲得出 成個檸檬鮮榨既味道除咗解渴仲可以中和一下飽膩感整體來說聞名不如一試 真係冇令人失望

一直是媽咪雞蛋仔的忠實擁躉，有時放工會特登行去上環分店買一底雞蛋仔食😋 以前食過鳳凰卷紫菜味，最鍾意係原味雞蛋仔，亦都因為原味最平，哈哈，所以經常都係叫原味雞蛋仔。最近試咗媽咪雞蛋仔的新出口味「紫薯番薯雞蛋仔」，香甜撲鼻，雞蛋仔入面充滿紫薯同番薯蓉，煙韌有𡁻頭，十分推薦😛 再配上「鮮榨檸檬茶」，消暑解渴😄灣仔分店嘅位置位於車道旁，從地鐵站行過去有少少距離，建議搭巴士去或者行開嗰頭去會比較方便。