媽咪雞蛋仔

Open Now

Now Closed

夜晚9:00去買，買咗個法式檸檬芝士雞蛋仔&原味格仔餅，雞蛋仔又軟又林又油一patpat !!! 真心從來都未食過一pat咁難食嘅蛋漿粉團！格仔餅都係一樣！食緊一Pat唔知乜嘢嘅粉團咁！又林又油！真心好垃圾！ 以後都唔會再買！難怪以前好多人排隊，而家差唔多唔使等！買嘢嘅時候，收銀員極之冇禮貌，全程邊黑面邊玩自己電話！想要有差嘅體驗，絕對可以嚟呢間分店！真係差到極致！所謂嘅雞蛋仔同埋格仔餅咬咗兩啖之後就冇再食！真心放唔入口呢啲垃圾食物！

好耐都冇食過格仔餅啦！今日嚟咗元朗搵嘢食，又係“掃街”嘅時候啦！食完啲辣辣地嘅嘢，就要食個甜品啦！格仔餅同雞蛋仔就決定揀格仔餅呢間媽咪雞蛋仔都幾多人排隊，等嘅時間都比較耐，同朋友叫咗一份格仔餅分享嚟食，當然兩個決定都係要原味。服務都幾好，同佢講咗格仔餅要切開，佢真係同我哋分開等咗十幾分鐘，終於到到手了，格仔餅外脆內軟，有好香嘅花生醬，煉奶，仲有少少嘅砂糖，配埋個格仔餅，口感豐富，還有好香嘅蛋味。下次真係要多醬，應該仲好食。一個格仔餅兩個人食啱啱好。

今天探險到媽咪雞蛋仔，食完之後真係要大讚一聲，佢地嘅伯爵茶朱古力雞蛋仔真係正到爆！伯爵茶味濃郁得嚟回味悠長，朱古力呢，可能唔係戲肉，但一啖一啖食落真係過癮晒🍫。至於啲紫菜肉鬆雞蛋仔，喂，呢個鹹甜嘅絕妙組合實在係配到無得頂，咸香味噌噌地，令人停唔到口呀😋。奶茶方面我諗呢家應該有隱藏版奶茶達人，因為奶茶豆花同沙冰都淋到好正！奶香打足，茶味夠韻，豆花軟滑過癮，飲到心都暖笠笠🍵。而且呢，佢地個雞蛋仔做到外酥內軟，Q彈得嚟唔會太油膩，係咁樣先至叫做一流街頭小食呀！下次有機會，我會再嚟，繼續試吓其他新口味，因為呢個味覺旅程，真係令人期待到不得了！👍

依家講到雞蛋仔，大家都會諗起媽咪噹噹嗰個千色匯入面嘅熱門鋪頭。今次我嘗試咗佢哋嘅經典原味同埋牛油果朱古力既創新口味，直頭係撩味到爆燈💥！原味一如既往，外皮酥脆、內層Q軟，食落去正宗得滯，好似食咗一個童年嘅回憶😌。轉頭試呢款牛油果朱古力，我先唔講我有幾驚喜。牛油果香滑嘅口感配上小細粒嘅朱古力，冧咗！賣相上都靚仔好多，食落去咁滑溜，味蕾會有種娘惹既甜蜜感覺🍫。我仲要讚下佢地嘅優質服務，好客氣，等得耐少少都值得。下次想試下佢哋嘅紫薯番薯口味，望住啲色彩繽紛嘅雞蛋仔，我已經實想快啲放工再去排隊啦！點止雞蛋仔，黎到呢度仲有得揀飲品，好似宇治抹茶牛乳豆花咁，清新抹茶味道撞正甘甜豆花，兩者完美配合，真係食完雞蛋仔之後再嘆一杯，方圓十里都搵唔到第二間可以咁滿足我！🍵

雞蛋仔，格仔餅係我最愛，一見到有雞蛋仔都會買，而且一定係食原味。呢間雞蛋仔一拎上手，見到個皮令立立，第一眼真係好似模型🤣。比起天水圍新北江果間雞蛋仔，媽咪雞蛋仔扁平啲，入面都有啲啲鬆軟，外面勁脆。新北江果間雞蛋仔厚身啲，有口感啲，入面鬆軟啲，蛋糕感多啲，外面都脆嘅。佢個格仔餅賣相都好吸引，不過作為飯後甜品，真係食唔落花生醬同煉奶，下次空肚去試先😆兩間都好食，各有特色，鐘意脆口就媽咪雞蛋仔；鐘意有口感，食鬆軟啲就新北江雞蛋仔。

今次嗌咗芝士雞蛋仔，一如既往好多人排長龍，等咗差唔多半個鐘，不過攞到新鮮滾熱既雞蛋仔上手，好滾動。好味程度唔洗我形容，d 芝士味好出，一個食一個會好流，兩個人share都會好飽了🤩

🧇班蘭朱古力雞蛋仔 $28一拎到格住口罩都聞到好大浸斑蘭味但食落去有啲差別，朱古力味蓋過晒班蘭味。有d位冇朱古力但都係食到好微弱嘅班蘭但都係食到好微弱嘅斑蘭味。個人覺得可以叫返粒粒朱古力雞蛋仔。

呢間由紅磡起家嘅雞蛋仔愈做愈大，之前食過一次紅磡總店已經覺得質素唔錯，今次去元朗嘅時候順路就順便食一底喇～ 當日星期日下晝1點零都有5-6個人排隊，人氣可見一斑😂 原來呢間都係米芝蓮推薦，聽落好似$20底抵咗咁🤪原味雞蛋仔 ($20)即叫即整，拎上手仲係熱辣辣🥳雞蛋表面超脆，內裡鬆軟而且有蛋香，真正做到外脆內軟，食落超滿足🤤而且紙袋啲窿窿令到雞蛋仔唔會焗住，食得耐都唔會變淋～不過佢係屬於比較飽滿嘅雞蛋仔，如果係追求一半空氣一半蛋漿嘅雞蛋仔嘅話呢間就未必啱你了🫢見佢仲有好多其他口味，下次見到都可以試吓😋

我好鐘意食格仔餅😋，次次經過小食店都會買，但唔係間間好食，媽咪雞蛋仔啲格仔餅就有蛋香味，水準算保持到，我最欣賞佢係包裝打橫放嘅，咁啲煉奶啊，砂糖啊，花生醬啊，唔會漏到周圍都係，🥰呢方面我覺得佢好細心，好抵讚同埋件格仔餅比起街邊小食店果啲，真係又厚又有咬口，23蚊食完都好飽整得算幾靚仔，我叫左多練奶，少砂糖啲醬料多到滿瀉，好開心，啖啖都好豐富，好滿足等左都有10分鐘先出到，如果唔駛帶口罩，我真係會即刻開黎食

昨天，吃了綠茶味，今天吃了伯爵茶味，兩款都好好味！這裡的雞蛋仔，外脆內軟，很喜歡。加上服務員態度良好，好好。下次，我如果要再吃雞蛋仔，我會試：咖啡味、香蕉味、原味。

成日都俾媽咪雞蛋仔陣味吸引著👃🏻，即叫即整，長期都排哂長龍，一等起碼25分鐘以上，為左個好食既雞蛋仔都值得既。————————————♥————————————- - - - - - - - - - - - - - - - - - - - - - - - - - - - - - - - ♥️ 粒粒朱古力雞蛋仔 $27職員溫馨提示等幾分鐘先食會再脆口啲，紙抽袋有疏氣窿窿，唔會焗到淋哂。香噴噴雞蛋仔味，水準一如既往保持到外脆內軟既質感，咬開入面係溶左既朱古力甜度剛剛好。- - - - - - - - - - - - - - - - - - - - - - - - - - - - - - - - ————————————♥————————————

第一次寫食評，但絕對不是第一次吃！已經吃過超多超多遍的媽咪雞蛋仔，每次到一樣點招牌朱古力味！唯一可以批評就是價錢太貴，但味道和口感都一流。＾･ꀾ･＾偶爾奢侈一次之選！連包裝也超可愛的，疏氣設計讓雞蛋仔保持外脆內軟，但也有可能讓病菌走進去？？（誤）

不嬲都有幫襯開既。黃金雞蛋仔真係冇得输。即叫即做係我最鐘意幫襯既原因之一。凍冰冰既天氣食住熱辣辣既野。真係好暖胃。老婆食完仲話唔夠喉。我話下次黎再買過比佢食啦。

邪惡美食呢個就係邪惡食物上面加左好多邪惡配料平時食開雞蛋仔 都覺得好香蛋味同好脆今次就試下格仔餅-💡原味金沙醬 $27格仔餅蛋味同樣咁香佢D朱古力醬多到瀉唔係講笑 係真係瀉出嚟 邊食邊滴入面仲有D榛子粒係甜左D 但都幾好食-🤫唔夠熟嘅朋友/未做情侶嘅 一律建議食雞蛋仔邊食邊滴好狼狽

建議：如果外賣記得要走膠袋，防止倒汗水出開#元朗 見媽咪雞蛋仔等既人唔係太多，決定買番底雞蛋仔 同格仔餅#試伏 🧇 今次試左：▫️抹茶金沙醬格仔餅 (HK$30)🍫金沙醬姐係金沙朱古力醬 X 榛子粒，電視覺效果好爆漿，不過食落似#Nutella 榛子醬 同只有好少量榛子粒🙈 如果平時唔係太好Nutella，應該會覺得暴甜🤣勝在現場即整，不過唔知係咪因為無吹過，所以餅底唔係太脆，口感比較軟身，而且抹茶味唔係好出。份量都算大，而且厚身。食完好夠飽😌▪️法式檸檬芝士雞蛋仔 🍋 (HK$35)見住店員撈完蛋漿加左超多芝士𢇁🧀 再睇住啲蛋汁係部雞蛋仔機流出黎，真心充滿期待🤣 雖然未有好明顯既拉𢇁效果，不過檸檬味同芝士係幾夾，似檸檬芝士蛋糕甘🍋 但檸檬味食落就唔係好天然。#雞蛋仔 食落亦唔係好脆，可能係比膠袋焗左一陣🙈 要留意番依家外賣係會用膠袋。拎到外賣後，最好就直接拎住雞蛋仔/格仔餅既紙袋，因為膠袋散唔到熱氣，啲倒汗水實在係太勁 🤣 以前食九龍區既#媽咪雞蛋仔 ，好似係會比有窿既手抽紙袋，唔知係咪依家轉左呢🤔#情報開心Share 🥤▫️買野食加埋野飲會減HK$4