文華冰廳餅店 (Closed)

有食友推薦這裡的菠蘿包，成日經過，都未試過。適逢單車樂之日，早了起床，見還有時間，亦見菠蘿包剛出爐，熱辣辣的，就來幫襯一下。呢度係地道茶餐廳格局，不過意外的是沒有人煲煙，就只要了菠蘿包及奶茶走糖少甜。菠蘿包幾大個，比平常見到的都大，漲鼓鼓的，賣相不俗。包的質地不錯，吃落夠鬆軟，但椰蓉皮就不夠脆，又不夠香甜，亦薄薄的，拉低了整体分數，似終都是蛇竇的菠蘿包最出色；奶茶幾滑，夠茶味，「走糖」當然是比較香甜一點，算有水準。埋單13蚊，幾抵食。

20041222 1pmlunch time 同另外兩個同事o黎呢度, 佢地介紹, 貪呢度夠平. $19一個特餐.講真, 食就真係麻麻. 特餐有沙嗲牛麵+火腿庵列+餐包+餐飲(凍飲+$2). 沙嗲牛麵可撥入難食一類, 麵太腍, 沙嗲汁係求其到不得了, 牛肉當然係梳打果隻啦. 庵列都幾過份, 成塊絲薄火腿唔切炒埋就叫庵列. 餐包就比較之下算好好食. 起碼軟熟.彈完, 有讚. 埋單$63, 收銀阿伯見我地無散銀($3散銀), 豪氣地話:"得啦唔洗! 我請你!" 好! 就憑你呢句!!! 你o的o野唔好食我都會再有幫襯......買個包食下啦!

估唔到呢度o的侍應個個都好似古惑仔咁樣，但係服務態度都幾好，有次入到去搵位，個侍應主動話冇卡位，叫我坐住圓檯先，有檯再轉俾我。之後有位佢真係主動走過o黎叫我轉檯....o的餐都幾多，仲幾好食，o的餐包仲鬼咁新鮮......就算o的炒粉麵都好有水準。咪睇o的侍應染晒金髮，連我女友都覺得佢地好好人.....