滿屋日本料理 (大鴻輝(荃灣)中心) (Closed)

通常食放題都唔會expect 啲食物有幾好味🫢主要食個種類同滿足感，但呢度啲松葉蟹腳同海膽真係唔錯，蟹腳剪開一大條，肥美又鮮甜，就算有時去食自助餐都無咁高質素，我哋至少食咗十幾份🤤海膽亦都係比想像中好，新鮮無苦澀味～大中拖羅食得好滿足，睇賣相都知唔差😚大赤蝦同帶子竟然A餐都已經包埋，我覺得好食過壽x郎😳鵝肝煎得唔錯不過比較油。另外比較特別嘅小龍蝦同避風塘炒蟹，味道值得一讚👍🏻小龍蝦夠曬香辣好入味，但無手套提供，食得有啲麻煩，避風塘炒蟹亦都非常惹味。

一向都鍾意食日式放題，因一個價錢，就可以任飲任食，感覺滿足幸福。荃灣大鴻輝中心的《滿屋日本料理》有一個高級的放題「極緻放題組合」，有貴價食材，大/中拖羅，松葉蟹，海膽，鵝肝，經典類有刺身、壽司、炸物、燒物、鍋物、天婦羅，一品料理，雪糕甜品等重點刺身，拖羅，松葉蟹🥢大拖羅，肉質軟滑，有入口即溶感覺🥢中拖羅，紋理清晰，入口油脂豐膩🥢松葉蟹啖啖肉，入口鹹鹹哋，有蟹鮮味🥢海膽creamy鮮甜🥢刺身拼盤，三文魚、油甘魚、赤蝦、甜蝦、帶子、北寄貝，保持一貫水準，夠新鮮🥢明太子拖羅，火炙芥末牛肉，火炙三文魚海膽卷🥢小龍蝦麻辣味濃，香煎鵝肝入口油潤，飽魚軟腍好入味🥢牛舌、雞串、雞軟骨，燒菠蘿肉厚超甜價錢雖然係高一點，但大拖羅、海膽真係好新鮮鮮甜，真係多食幾片拖羅都己經可以回本😋

荃灣大鴻輝的日本料理放題滿屋日本料理，位於十樓，餐廳一整層，卡位舒適。放題有經典刺身、經典壽司、經典串燒、經典一等料理、經典廚師推介、經典天婦羅、經典炸物……，飲品甜品任飲任食……餐廳有自助區自取及qrcode點餐，自助區有湯、沙律、青口、東風螺、灼蝦、炸薯條……等。qrcode點餐都很快，也沒有漏單。因為不太食生嘢，所以壽司及刺身等都沒有點，不過就要了個燒汁鮑魚仔軍艦，鮑魚細細隻，有飯及鮑魚的煙韌，口感豐富。鹽燒雞翼、芝麻雞翼、鹽燒雞軟骨、榴槤炸彈，是我最喜愛的炸物及燒物，尤其是嫩滑的芝麻雞翼及流心的榴槤炸彈。還有燒完很香的鹽燒海蝦、鹽燒牛舌、黃金燒扇貝、汁煮鮑魚當中的西京比目魚更是特別有魚味及香。燒羊鞍更是必食，很多黑椒及調味，燒的時候非常有誠意，有很多的調味料，調味很好！還有蒲燒鰻魚、燒新鮮菠蘿、虎蝦天婦羅、溫室南瓜天婦羅……法國黃金螺、和風汁牛柳粒、御品鮑汁燴花膠、湯烏冬……， 非常多款式，當然是揀自己喜愛食的~~放題的結尾，當然是色彩豐富的甜品~~~

最近睇完美人魚，突然令我好想無拘無束地食海產啊（籍口）今日放假約咗朋友嚟到荃灣呢間滿屋日本料理食佢既午市放題🐟🍤🍣🍥呢間日本放題之前聽朋友介紹過，佢嘅選擇可以話係琳瑯滿目而且自助餐區都好多嘢食😍今日就order 「D」嘅極緻餐，可以無限食松葉蟹腳同極品拖羅🤤以下係幾讓我印象最深刻：極品大拖羅🍣近呢一兩年開始明白點解日本人鍾意食拖羅多個三文魚😂眼看精緻油花，口感入口即融，聞住四溢油香！油脂細膩豐富、魚香濃郁、入口即化，食完真係返唔到轉頭😩松葉蟹腳北海道「四大名蟹」之一既松葉蟹🦀
肉質帶有淡淡既甜味及鮮味😎，極為綿密緊實🤤人味道細嫩容易入口，好容易就會食唔停😆澳洲海膽刺身通常食放題海膽都會配手卷或者壽司，但呢度係真.任食🥰海膽乾淨挺身，顆粒均勻，外表金黃而有光澤，非常鮮甜和creamy除此之外，放題仲有好多好珍貴嘅選擇，好似花膠鮑魚仲有避風塘炒蟹等等😋😋😋絕對滿足到唔同口味客人嘅需要🙌🏻

今餐好豪簡左個set D：極緻大拖羅&海膽&鵝肝滄海三重奏，食物&飲品種類都幾多選擇，150分鐘任食，時間都幾充足～🍣極品大拖羅大拖羅色澤粉嫩無根，入左即溶～🍣加拿大海膽Set D 的海膽仲放左三文魚籽粒粒，海膽完全都無怪味，幾fresh😽😽👅鵝肝香煎鵝肝好香口，煎完鵝油味更出更綿滑～Set D獨有😈😈，質素真係唔錯😍，另外，其他食物質素都唔錯，個人覺得鹽燒牛舌都幾出色，燒得剛剛好，好爽口！食完仲有好多甜品雪糕選擇，仲有popcorn 可以拎😋😋😋

荃灣好多嘢食，就揀食日式放題，食物多種類又可以坐耐啲。午市都可以食150分鐘。又有成110款式選擇我哋兩個人就落單，點左多款刺身，下單後都好快送到空運大目吞拿魚刺身日本油甘魚希靈魚仿鮑片大赤蝦北海道帶子刺身泰式生蝦加拿大海膽我食咗好多鮪•極品大拖羅燒汁鮑魚仔軍艦呢款嘅飽魚仔都唔細隻山葵八爪魚漬軍艦入口都彈牙澳洲海膽冇苦味松葉蟹腳好多蟹肉汁煮鮑魚好入味炆花膠好厚身兩款雪糕焦糖布丁味同綠茶味選擇三款冇糖飲品粟米鬚茶、玫瑰洛神花茶、青桔百香果

滿屋 位於荃灣可以選擇A B C D餐最後簡左D餐 係豪食之選 選擇最多多人食 先試到多啲菜式必食極品大拖羅 肥美 無根 油脂分布平均加拿大海膽刺身 呈橙黃色 無怪味 新鮮香煎鵝肝 入口即溶 鵝肝表層脆 青瓜解油膩紅燒汁煮鮑魚 鮑魚充滿燒汁味 而且又唔煙靭回本之選當然唔少得 刺身 甜蝦赤蝦帶子樣樣齊避風塘金沙焗雞軟骨 味道足夠 又唔會太乾身雪花牛肉鍋 牛肉滑身 壽喜燒湯底 豆腐滑 菜軟蟹棒天婦羅海蝦天婦羅樣樣都食齊 新鮮炸起 熱辣辣 十分脆燒菠蘿 大愛 厚身菠蘿片 甜 又唔會多根香芋丸子外脆內軟 香芋蓉 帶甜特別在有炸雙皮奶 甜品畫上句號 雲呢拿雪糕最好食放題食足兩個半鐘 上菜快 職員態度佳 正

放工約咗同事一齊食放題見近近地就去咗 滿屋佢同其他放題店好唔同係分4個level，價錢由$258-588不等返工志在食，我哋豪一豪叫左最貴既D 極緻 食足2.5小時真係飽到癲咁最貴既餐有咩唔同呢，就係多咗大拖羅刺身，香煎鵝肝，加拿大海膽刺身，同埋幾樣特色食品大拖羅真係想像唔到放題有咁既水準，有出面壽司舖既質素！ 出面一件壽司已經幾十蚊啦，呢到仼叫，食多幾件都回本！海膽呢，就配青瓜同三文魚籽，呢個組合天衣無縫！正呀至於鵝肝，係即叫即煎，煎得外脆內軟，好正 🤪 （肥仔係我）至於其他推介包括北海道帶子刺身比出面更大粒，更加甜！又唔似其他餐廳越比越少！松葉蟹腳有酒店水準呀！蟹肉係實淨，有海水味架！汁煮鮑魚好入味，而鮑魚肉又唔太靭！另外 大推！燒菠蘿 好甜好多汁呀，encore 左幾次炸香芋丸同燒牛舌都好正！真心，佢啲水準係超乎我想像尤其放題既熟食黎講，佢好出色

日式放題好耐都無食過喇！諗起海膽、拖羅、松葉蟹等，真係口水都流哂出嚟！ 呢日中午就同男友去咗位於荃灣嘅「滿屋日本料理」大飽啖啖新鮮肥美嘅刺身口福！ 🧡 極緻大拖羅x海膽x鵝肝三重奏（$528/位）見到有齊海膽、大拖羅、松葉蟹嘅放題當然唔可以放過，110品真係多到無可能試得哂！食放題就係要豪邁又爽快！ 呢度用QR code落單，簡單又方便，每樣食材基本上都可以1件起叫，所以唔洗怕叫一份會太多，可以試好多款式，真係好窩心~ 呢度嘅刺身夠哂新鮮，海膽、大拖羅、松葉蟹絕對係呢個set最值嘅一個位，encore完再encore都係食得好爽，平時真係無咩咁嘅機會豪食呢幾款刺身！ 松葉蟹多汁肉甜易處理，好過好多酒店buffet貨，海膽綿滑鮮甜夠哂香，拖羅亦肥美新鮮勁高質！ 除咗刺身三寶外，汁煮鮑魚同鵝肝都係極力推介，鮑魚彈牙又入味，鵝肝表面焦香十分滋味！ 其他仲有太多壽司、刺身、燒物、小食等，真係講極都講唔哂，總結就係大大滿足嘅一餐，開心！

好耐冇食放題🤭記憶中放題一係大喜屋，一係就係滿屋。今次冇揀係旺角放題集中地食，而去咗荃灣，一來就個朋友，二來冇咁多人🫢🫠.🍱💸 D極緻 $588@1.不得了！真係好不得了😂癲咗真係可能一生人一次，今次叫最貴嗰個set🥹😳 可以任食海膽、拖羅、長腳蟹等等🤩🤩 當然其他食物都包括可以任食啦！食物種類太多啦，我都記唔曬，大約講下我有印象嗰啲啦😜.🍣🥢刺身🥢🍣第一次食放題係海膽、拖羅、長腳蟹任食，佢重有分大拖羅同中拖羅🤩🤩 兩款拖羅都好新鮮又冇筋，重要好重油脂，雖然佢每一次落order都有限數量，但叫咗幾轉都比足！長腳蟹食咗幾隻啲肉都好實淨又鮮甜，冇得彈！海膽我去當日佢都有兩款，兩款都鮮甜，大大舊，冇明礬嘅怪味！👍🏻🍣🍣壽司🍣🍣我主要都係食拖羅嘅壽司😜有一款係有白松露係面，另一款係明太子。唔知點解覺得壽司上嘅拖羅更加肥美，油脂更多😳🤤🤤🍖🍖燒物🍖🍖我食咗牛舌，幾唔錯，厚薄適中又唔會燒到好乾。汁煮鮑魚，好好食❗️強烈推介，佢煮得好入味，甜甜地又夠腍，唔會好韌👍🏻同埋D餐重有煎鵝肝，雖然唔算好厚，但係入口都creamy又唔腥🤤🤤🍘🍘炸物·天婦羅🍤🍤食咗咁多舊都係即叫即炸，熱辣辣。選擇同素質都係一貫嘅

平時食放題，第一輪下單時都會按人頭 兩個人就x2 諗住可以試多啲款式，然後覺得好食就再點⋯⋯今日真係眼界大開，臨截單前見到侍應捧住一大盆生蝦刺身到我右手邊嗰枱三代5口之家，目測有3、40隻🤭！跟住又捧住兩大盤香煎鵝肝到我左手邊嗰枱😳前面嗰枱三位加大碼女士亦都接連點咗幾十件壽司！究竟係我多年嘅策略錯誤，定係我唔適合食放題？😐🙄😵‍💫😮‍💨🤔下次一定要松葉蟹腳x20🤭松葉蟹腳好大隻，多肉味鮮🫰🏻🫰🏻回本靠佢香煎鵝肝汁煮鮑魚火炙將燒廣島蠔壽司燒羊鞍御品鮑汁會花膠竹笙瑤柱蟹肉翅燒新鮮菠蘿🍍番薯天婦羅南瓜天婦羅虎蝦天婦羅鹽燒牛舌鹽燒海蝦榴槤炸彈避風塘頭抽炒海蝦黑松露赤蝦壽司三文魚腩壽司海膽手卷鹽燒左口魚壽司火炙牛肉壽司龍蝦沙律手卷火炙芝士鰻魚壽司吞拿魚刺身、北海道帶子刺身、仿鮑片、北寄貝、酒煮榮螺片綠茶、雲呢拿味雪糕

今次同同事嚟到 #滿屋 食下佢哋嘅午市放題💖餐廳主打各式日本料理吃到飽~ 主要分左4個等級, 星期一至四最平 $248起就有啦💓可以由12點食到3點!! 我哋就揀左食D級極緻組合💁🏻‍♀️ 每位$528 加一✨.基本放題組合都包左沙律、飲品、炸小食、各種魚生、壽司、粥品、天婦羅、甜品雪糕等🦐其實已經好多選擇好夠食💖極緻放題組合最大嘅分別係有松葉蟹腳刺身、澳洲海膽刺身、海膽海葡萄大赤蝦壽司、火炙芝士和牛壽司等、香煎鵝肝等~本身好喜歡食海膽,但都好驚海膽唔新鮮會有臭同苦嘅問題🥲澳洲海膽刺身就冇呢個問題,非常鮮甜🤤.總結: overall 食物質素都好好,魚生都新鮮🦑 可能因為轉左手機落單,都冇漏單嘅問題,上菜都好快!! Staff態度都幾好😆💟高質日式放題🍵

一行五人去食，坐位大少還好啦。佢哋嘅魚生還好，始終多人流量大，所以質素唔太差。不過熟食就麻麻喇。碗仔翅個芡超級杰，鮑汁炆花膠芡厚唔在講，色係夠㪚，但係無味。阿妹同妹夫食麻辣小龍蝦，飯後半個鐘就痾到癲。另外好多嘢食都無味或者怪味。不過佢哋嘅雞翼同串燒係好食嘅，食得出新鮮炸起，醃得夠入味。嘢飲方面都算多選擇，不過限制於場地大少，要行遠啲先可以去到另一個雪櫃攞嘢飲。如果係鐘意飲酒嘅，佢哋都提供咗涼同熱嘅清酒，無飲到但睇落唔錯

今晚約咗屋企人食飯屋企人話想食放題喎，於是就去咗滿屋我哋最後揀咗極緻放題有得任食海膽 大拖羅 蟹腳 煎鵝肝🤤大拖羅🐟好肥 入口即溶 超正海膽亦好新鮮 冇咩腥味蟹腳有酒店buffet嘅水準🦀我地Encore左四次海膽🤭其他刺身 例如油金魚都唔錯熟食方面 花膠炆得好淋 汁煮鮑魚 燒鱈魚 燒鰻魚 清酒煮蜆 焗蟹蓋 芝士焗帶子…不能盡錄😅燒菠蘿🍍我至愛CP值好高👍🏻👍🏻🤣出面有自助冷盤、沙律、小食、湯、熟食同埋甜品🍰除咗有多款嘅飲品之外，仲有清酒/啤酒任飲🍶🍺最後每人一杯HD雪糕真係超級大滿足😬我擔心食完重咗起碼兩三磅🤣😂

最近天氣變熱，又想吃日料，這天來了荃灣的滿屋吃日式自助放題，價位有四種選擇，來都來了我們就選了最貴的D餐，包了一些偏貴價的食材，如海膽、鵝肝跟拖羅，而且這是可以吃150分鐘的！先說說偏貴價的食材，拖羅品質很高，有中拖跟大拖選擇，單點刺身或配壽司都有，是厚切的所以吃下去口感跟味道都很可以。推介大家多點大拖羅刺身，絕對是回本位！鵝肝也是大方的給，不是很少一片，但油脂很充足，所以多吃兩塊就很容易飽了。其他部份我覺得他們炸物不錯， 有一個叫「相思雙皮奶」的，就像是炸牛奶，好食大推！天婦羅也可以，我們把四種都點了，分別是南瓜、蕃薯、虎蝦跟蟹棒，都挺不錯！比起刺身，我覺得他們壽司更吸引，推介花之戀跟火炙玻璃蝦壽司。熟食選擇也不少，連小龍蝦都有。最推介的是紅燒汁燒鮑魚和法國黃金螺，鮑魚很入味而且不是那種很難咬/咬不斷的。黃金螺看上去好像沒有什麼調味，但吃下去很不錯，有一種甜甜的醬汁。甜品方面當日有movenpick的雪糕，但只能夠點一次，外間甜品櫃也有一些小蛋糕跟雪櫃裏有一些雀巢雪糕跟雪米滋。整體食物選擇齊全，各種手捲、串燒、熟食都有，除了在QR code下單的菜單，外頭也有放了一盤盤的炸物、凍海鮮