瑪寶鮮

Open Now

Now Closed

自從龍華乳鴿今非昔比後，一直都食吾到一隻有當年龍華水準的乳鴿，直至食過瑪寶鮮的乳鴿才尋回失去多年，美味乳鴿回憶，無論鴿的大细，脆皮及鎖住肉汁程度均可以同當時名滿沙田的龍華乳鴿一較高下，唯一不及龍華的就是鴿種本身，因當年龍華可以自置鴿場能用新鮮鴿而今時今日的瑪寶鮮衹能用鮮鴿奉客，但仍能做到有當年龍華八成水準嘅乳鴿實在難得，喜歡食乳鴿的朋友一定要試吓，不過記得要早一日預訂，另外蟹肉炒粉絲及花竹蝦乾汁炒介蘭圽可一試，反而乳豬個皮雖然好脆但肉有豬騷味就吾建議食。

呢個世紀之疫嘅力量真是無遠弗屆，各項生活模式也隨之而變動，及至早前限聚令再次放寬至四人後，補足友人的遲來生日飯終可成行。此店的前身正是多年前 的Top One 卡拉ok ，當年經常到此消遣，最後一次還是大火前的幾天，故雖事隔多年；印象仍是非常深刻！言歸正傳，訂座時已預留了姬松茸燉響螺及生炒蟹肉粉絲煲，聽聞未必能即叫即點。姬松茸燉響螺($288/盅)～鮮甜滋潤，姫松茸爽脆軟滑，四人可各分兩碗，很受歡迎，難怪友人要早作預留。生炒蟹肉粉絲煲($168/例) ～ 蟹肉鮮甜，粉絲炒得乾身入味，索盡蟹的甜香；每口也是精華，盡顯大廚功架。椒鹽龍躉衣($218/例) ～ 衣即是皮，以椒鹽烹調非常惹味，此魚皮膠質特重，脆口得嚟又帶點煙韌，好正！金皮鹽香雞($168/半隻) ~即係脆皮雞，一句講晒、皮脆肉嫩，水準之作。生啫花竹蝦干椰菜苗($148/例) ~ 大家都想食菜，椰菜苗不常吃，這個菜爽嫩有咬口，跟惹味的花竹蝦干很是搭配。水準不錯，且價錢公道，會再來的。瑪寶鮮地址: 尖沙咀寶勒巷6-8號盈豐大廈3樓電話: 23670030

Marbo Seafood Restaurant is one of my favorite pick for big group gathering. One of the best place for barbecued pork, roast suckling pig, roast pigeon, and sliced chicken. Remind to book a table and dishes to avoid disappointment. Always have wonderful night with wine, food and friends here!

呢間野唔算隱世小店，價錢都唔平，但大大份，對得住個價。好多時同外母食飯都會去呢間，佢好中意食，我間唔中都會去食。不如就介紹下我覺得好好食嘅野。蟹肉粉絲煲，啲蟹肉（佢話）每日新鮮起肉，好鮮甜彈牙，無一粒肉係梅嘅。粉絲炒得好乾身，加少少肉碎，少少辣味，豐富左個味道，好惹味。乳鴿，好好好好食，好多汁，好好肉，個皮都好脆。最緊要係個鴿胸肉一啲都唔鞋口，又唔會話好軟好乾，咬咬肉真係好正。片皮鴨，都係好好食。鴨皮好脆，下面啲鴨肥油仲增添唔少鴨香味。至於啲鴨肉仲好多汁，唔乾。

適逢同事聚會，大家嚟到尖沙咀嘅一間中菜館慶祝新一年嘅開始。由於人數眾多，所以一早預訂左菜單。合共$6600 ，共12人，為返起$550位包埋加一同酒水。適逢同事聚會，大家嚟到尖沙咀嘅一間中菜館慶祝新一年嘅開始。由於人數眾多，所以一早預訂左菜單。合共$6600 ，共12人，為返起$550位包埋加一同酒水。翡翠功夫老虎斑蒸魚時間拿捏得相當準確，除左不失魚本身既香味之如，不失嫩滑☺️☺️☺️堂剪妙齡乳豬乳豬色澤燒得均勻， 外層燒到帶金黃香脆，有多層既味覺享受☺️蟹肉粉絲煲蟹肉一啲比得都唔孤寒，蟹肉除咗唔會有嚡十十嘅感覺之外食落口仲好有蟹肉既鮮味，係撈飯嘅最佳之選🥰🥰🥰粉絲除咗味道適中之外，又唔會有乾爭爭嘅感覺👍🏻👍🏻👍🏻瑪寶燒鵝皇燒鵝最重要嘅係第一口食落嘅口感， 吃落第一口就感覺到干香脆皮👍🏻👍🏻👍🏻👍🏻 皮既肉汁鎖緊左係肉質內，皮香肉嫩😳😳😳鹽燒南非四頭鮮鮑魚鮑魚好食不外乎爽口彈牙 ，哩兩樣野都做到晒☺️☺️☺️除咗同同事聚會之外，呢度都係一個同家人食飯聚在一團嘅好地方，黎緊既團年飯可以考慮喺呢一度食😘

地方清靜，交通方便，廣東菜很好味，特別是龍蝦湯脆米湯飯，小炒也不錯，中午點心更是無得彈。可惜因為在樓上，很多人忽略了這地方，這類酒樓已買少見少，要多些幫襯，才可維持，所以大力推薦。

4/5食物有水準，價錢合理。Good food fair price.(中英雙語，Chinese and English review)叉燒角肥咗啲，係肉質軟淋嗰款叉燒，我鍾意有咬口嗰啲叉燒多啲，但呢個味道係可以的，甜咸適中。羊腩煲其實味道來來去去都係咁，呢度味道冇問題，羊腩都冇問題，煮得入味又淋身。(Google translate)The char-grilled sautéed pork is succulent and soft-smoked. The char-grilled pork is delicious. I like to have a bite, but the flavor is okay, and the sweetness and saltiness are moderate.  In fact, the taste of mutton stew in the pot taste good. The mutton is so good n tender. #foodblogger #foodporn #food #foodie #foodphotograph

星期六基本上喺唔使返工，不過，今次就特別加班，幫老婆手搬文件返公司，唔喺講笑，袋「紅白藍」重過我平常長旅行嘅喼。而辛苦過後，佢話請我食晏，晌附近有家酒樓嘅泡飯好得，夾埋佢同事，就嚟到晌寶勒巷嘅「瑪寶鮮」。餐廳位處商廈全層，地方都算大，不過，就絕唔喺搞咩婚宴場，而裝修較為一般中檔嘅中菜館，感覺屬平實類型。午市嚟得中菜館，都喺打算食吓點心，而基本有咩點心，就印晒晌張點心紙度，並列清楚晒特、大、中、小點價錢，以及每位茗茶收$10。不過，有另一種午市套餐供選擇，感覺好划算，因為每份賣$118，可任選兩款點心，以及一款粉麵飯，而粉麵飯更有招牌嘅泡飯可揀。此外，仲有一款4人用嘅午市套餐，賣$468，但菜式就豐富好多，不過，睇其份量，覺得5個人都夠食。XO醬炒腸粉 $58我哋除咗點一份二人套餐，仲另外散點一啲想食嘅點心或小食。呢度好奇怪，喺無蒸腸粉，所以，就揀咗一客炒腸粉。其實搵XO醬炒乜都惹味好食，炒腸粉都唔例外，軟滑嘅腸粉炒得均勻，又辣辣哋，唔錯。XO醬肉末虎皮尖椒 $78老婆之前試過佢哋啲虎皮尖椒，覺得好正，故今次再翻兜，不過，今次做法唔同咗，煎好嘅尖椒再淋上XO醬肉末，感覺比較油，無上次釀虎

夜晚和大夥朋友幫襯過幾次這裡，印象深刻，招呼周到，最重要的是餐牌上幾乎每道餸都非常滿意。是日同屋企人來試一下午市的水準。午市有少許點心和優惠套餐提供，其中$468的四人套餐非常吸引，燒味、燉湯、點心、小炒、時蔬樣樣有齊。先來雙拼，燒肉皮脆肉嫩，叉燒軟淋、肥瘦均勻。是日燉湯為姬松茸燉響螺，原盅上，用料十足，非常清甜。上湯浸時菜：蝦餃、沙律明蝦角不過不失古法蒸龍躉腩： 魚肉新鮮彈牙，配料有瘦肉、雲耳、草菇、蒜子，搭配在一起非常美味脆皮牛坑腩：外皮松化，牛腩肥瘦相間，非常惹味總體來講小菜比點心更為出色，午市套餐超值

就是為了乳鴿去的，誰知伙計說要預定，那就來煲魚翅，也要預定，這裡的鮑參翅肚都要預定，遺憾，只能叫了半個脆皮鹹香雞，陳醋骨，菌菇炒藕片等家常菜，即使這樣，味道卻很好，特別是脆皮雞，皮脆卻不油，肉質也鮮嫩，陳醋骨的味道也是極好，酸酸的，若是再加點糖可能更是神仙味道了，來這裡吃飯的多數都是一大班人，叫上名貴食材，開支紅酒🍷，下次約上朋友再來嚐海鮮！

復活節假期最後一日，死黨話要盡興， 今晚帶我食粵菜。 一開𨋢門見到呢個招牌， 我問有冇去錯地方， 佢話坐低先講啦！雖然個招牌寫住海鮮酒家，但係原來都有唔少粵菜㗎!個餐牌由鮑參翅肚到小炒都有，好多款式！先嚟一個蜜汁叉燒王， 唔好畀幅相誤導咗，因為太好味啦，食咗幾件先記得影相！ 叉燒半肥瘦，肉質嫩滑，個汁好蜜味！呢個小炒王好食，芽菜爽口、 韭菜香甜、魷魚鮮味，蝦乾肥美！ 夠鑊氣！呢個蟹肉粉絲煲都好受大家歡迎， 蟹肉新鮮又份量多， 粉絲炒得夠透夠乾身， 唔會一舊舊。翡翠山珍雲耳炒藕， 原來翡翠係翠玉瓜， 山珍係雜菌， 再加埋三色椒同爽口蓮藕， 好鮮味！食完好嘅一餐，聽日又再努力啦！

家族冬至晚飯，一於搵間廣式酒家一家人共聚天倫。～ 蜜汁义燒頭採用肩肉部位，有咬口、有肉味，做前菜送吓酒唔錯。～ 堂剪妙齡乳豬乳豬大小適中，肥瘦均勻，燒味部師傅底子厚，能做到皮脆肉嫩，當然，越南冰鮮乳豬食味上相比以前嘅新鮮乳豬都差一截、不過始終都是一大班人共聚開心必吃之選。～ 薑蔥生炒大肉蟹大大碟份量十足，2 隻大肉蟹非常新鮮，師傅功夫好，上到枱重係熱辣辣鑊氣十足，喜歡食薑蔥的朋友更加係至愛。～ 鮮果咕嚕肉童年回憶，小朋友至愛。要挑剔的話肉排和甜酸汁入口有點油膩，如果可以改用山渣做汁底，酸甜比列可以再落多些功夫心機會再做好D。～ 清蒸黃皮海老虎班（2斤）魚身上枱剛剛熟，師控制火喉得宜。2斤嘅魚魚身嫩滑，合格。～ 生拆蟹肉粉絲煲基本上每次幫櫬必點之一，主角其實係粉絲，師傅功夫足，能夠做到粉絲熱辣辣香氣十足但唔油膩、粉絲加上蟹肉肉汁嘅鮮味混合在一起真係無得頂。～ 薑汁炒芥蘭夠鑊氣，真係由生炒到熟，要挑剔的話今次碟菜油咗D同老身咗小小。～ 花竹蝦干生啫泰國椰菜苗合格，大大碟熱辣辣火喉足，香氣撲鼻。～ 金瑤貴妃大扇鮮雞原隻大扇冰鮮雞份量十足，雞肉夠嫩滑有肉汁，足見浸鷄師傅功夫底子夠，時間掌握得宜

（外出旅遊一個星期，係時候返黎繼續寫下食評）又係覓食嘅時間，今次有大有細，朋友推介有個好正嘅泡飯，睇黎唔食唔得啦。今次係我第二黎，都隔左好一陣子。由於假日幾乎滿座，店員安排我地去VIP房（一定係知道我地會嘈啦🤪）。呢間坐得舒服，啲嘢又乾淨，睇埋價錢，你都會覺得抵食。午市套餐，108元兩款點心加一碟飯麵。我地覺得食套餐都好抵食，而且係大份（睇埋落去你就明）。另外有個多人套餐可以選擇。點心都係一般價黃金豆腐粒，必點，48元，外脆內軟，完全炸得剛剛好，唔會過油。鮮茄雲耳浸時蔬，68元，俾大家一個對比圖，無呃你，係好大碟，而且係多餸。重點黎啦，泡飯！唔係講笑，真係好大鍋。啲飯係炸過，加埋啲湯，真係好好味呀！點心係大大份，唔係精緻個種，係絕對食得飽嘅。櫻花蝦龍肉炒飯，粒粒分明唔在講，啖啖都有肉，炒得非常均匀。黎到尾聲，好似都有啲唔夠喉咁，店員送上甜品一客，紅豆沙！啲豆夠哂「沙」，又唔會太甜，成件事好滿足！每人都係80元，抵到喊！

年近歲晚，唔係升職飯就係歡送飯。今次在尖沙咀瑪寶鮮晚飯聚會歡送好兄弟。兄弟相聚，當然要開懷暢飲，所以點了不少下酒菜如豬手、叉燒、鮮魷、九肚魚等等。叉燒和豬手不過不失，鮮魷和九肚魚等香口菜色則相當不俗這裏食物水準不俗，重點是這裏免開瓶費，服務亦到位。難怪在尖沙咀這個競爭激烈的地區，還要是樓上鋪，依然屹立不倒。我也很喜歡這地方，地點就腳又免開瓶費，在現今香港免開瓶費的地方買少見少，可說是我兄弟聚會飲番杯的不二之選。

成日同團契啲朋友仔星期日去呢度飲茶每次食個泡飯，我最多只可以食兩碗我今日一定要自私食，叫左老公陪我去撐枱腳🤣🤣老實講個午市套餐$108真係好抵佢有兩款點心一個主食我哋叫咗牛肉，豉椒排骨，另外老公驚唔夠飽，所以叫多咗個XO醬炒腸粉當然個主食我就一定係揀龍肉西施泡飯佢個所謂龍肉其實係蝦🦐佢好味在個泡飯另外有一碟類似米通嘅飯焦物體，你可以食嗰陣先至畢D落去，咁就會脆D，我率之同老公撐枱腳嘅情況底下自己食咗五碗🤣🤣巧滿足點心夠熱好味👍🏻後記：竟然星期日團友仔都黎呢度開餐被發現自私食添😆😆說好的減肥呢😭