孖寶去骨海南雞 (又新街)

Open Now

Now Closed

唔行開元朗都唔知，呢度真係有好多間海南雞飯專門店！今次試下呢間孖寶去骨海南雞，去到餐廳兩點，過咗食飯時間都坐到八成滿👀去骨海南雞飯(中) $44估唔到呢個飯都有例湯送😆個湯充滿雞嘅精華，極度滋潤啊，仲有一隻雞腳食添！主角海南雞，都有好幾嚿，肉質都算嫩滑，中間仲有層啫喱，不過雞嘅溫度偏凍！至於油飯粒粒分明偏乾身，薑黃味道突出！食物整體評分合格啦✨P.S. 地下好油好跣，小心地滑🤣孖寶去骨海南雞 (又新街) (元朗)元朗又新街27號地下1號舖

今天去元朗行街街找些東西吃，綱上介绍此海南雞飯店，話味道好好，又有下午茶只要$36，見咁低吃，又到了下午茶時間，所以就找去試試。到店門見到都心知不妙，因衛生情度好一般，不過看到口碑不錯來到就入去把。一入去未坐定個亞姐就大大聲話無下午茶，叫就快賣完就無，好似要趕住收舖咁，所以就快快叫了份海南雞飯，飯來到d雞皮都滑，雞肉就無乜雞味，飯就微温近冷。後耒有兩個客人耒又可叫到下午茶，可能係熟客就有啦😒。如在這區想吃海南雞飯的話，可選其它試吃會開心d。

公司請員工食lunch，同事緊係選擇食好D啦，所以就選擇咗叫佢。我同另一同事叫咗去骨海南雞生麵，香脆豬扒肉燥飯，加油菜同一個蝦餅 share 嚟食。主角的雞肉鮮嫩好滑，啖啖肉，十分好食。呢個餐可以揀油飯或者白飯，亦可加錢改麵都得。豬扒肉嫰，肉燥份量都唔少。蝦餅好香脆，仲好大舊。而送嘅湯好足料，好濃郁😋飲完又唔會口渴！

元朗呢間孖寶應該好多人都食過，不過我係第一次，挑戰左佢果個海南雞+ 巴辣醬海南雞揀左中版 雞都唔少喎 唔見得比大嘅少好多，覺得比貴d揀左大呻笨雞好滑，無骨幾香嫩，但酸辣汁完全唔好食，偏甜，5分滿分我只會比0.5分佢個酸辣汁。最後我用薑蓉撈甜豉油膏黎食。巴辣醬口味勁咸，唔算好辣。雞肉好滑 但醬太咸我覺得好難受 而且佢唔係我食過最好食嘅海南雞 不過都唔差 平平地又方便都ok 但我會寧願食返原味都唔食巴辣口味套餐個油菜好大碟，2個人都食唔哂。個湯標明無味精，南瓜濃湯真係好好飲，勁甜，唔知係落左好多糖定南瓜真係咁甜，碗湯係好似糖水咁。凍奶茶正常啦。套餐$64 凍飲+6

好多想食嘅餐廳都冇開，決定四圍搵嘢食路過e間海南雞舖頭見有下午茶，大約$35已經有一個海南雞飯仲送埋嘢飲好似好抵食咁所以決定試吓同朋友一齊各自叫咗一個海南雞飯，大家都係要油飯再加多$8兩隻炸雞翼一上枱好似都唔錯海南雞真係完全冇骨，海南雞跟餐有三款醬汁薑蓉好夠味😋朋友覺得太鹹，醬油係甜醬油，最後就係甜酸汁飯就根本唔係油飯🤣係黃薑飯但冇咩特別味道好普通，黃薑味都冇乜加多$8兩隻炸雞翼一上枱我仲以為佢比錯😰一眼睇就明顯唔係炸我問店員，店員表示冇炸雞翼變咗滷水雞翼但佢咩都冇講我知，直至上埋枱都唔講直至我問先話冇，甘佢都上咗枱…唯有照食，雖然都幾香滷水味但心態上覺得好唔開心，炸變滷水望望佢個餐牌都幾平但隔離枱叫咗二人餐想飲豆漿，個店員話佢哋冇賣豆漿但睇返餐牌其實係有，店舖都貼咗大大支豆漿$20

早排禁堂食唯有晚晚買外返屋企食，有晚行經又新街呢間海南雞專門店，經門口店員介紹叫了套二人餐，同我講夠我地屋企三人食。心諗咁抵食即管試一次。最後我揀左半隻口水雞+糖醋排骨+油菜+兩碗南瓜湯+一大盒我最愛既油飯，呢度咁多野都係收160蚊左右，真係好味加抵食，重點係竟然夠三個人食。超值!!!唯一唔好既就係，門口等外賣既太多人，等既時間有啲耐，希望店主可以改善一下。下次必定叫個四人餐，可以揀多半隻雞同兩款餸，即係有一隻雞+三款餸，南瓜湯四碗(超好飲)。

早排禁堂食時，經過又新街呢間海南雞專門店，問門口店員三個人食有咩好推介，門口姐姐介紹左個二人餐比我地揀，佢話份量夠我地三人食，最後揀左口水雞半隻、糖醋骨、油菜、兩個南瓜湯、一大盒油飯。買到番屋企食完真係無介紹錯，好味、大件夾抵食。下次一於試下四人餐，可以試埋燻蹄同肉餅。

本身想買嗰個$5x 蚊嘅大海南雞飯外賣，門口個呀嬸態度極差，然後迫人買個有菜又有湯嘅貴餐$6x 蚊。話唔食菜咪換個湯俾你囉！ 唔該你冇就唔好擺個餐牌响到啦！仲要佢講嘅時候係用鄙視嘅眼神同語氣！！然後我俾佢激到一肚火之後即走啦！講真，附近大把選擇！咁串咀唔好做生意啦！幾好食都無用！！………………………………………………………………………………..

好味，又抵，值得再食。網上買仲有9拆，又可預早買，差不多有時才去攞，節省金錢又節省時間。最鍾意係跟餐的湯，真材實料，老火湯，沒味噌。海南雞飯的雞夠滑，口啲雞油黃薑飯好好味！

叫左外賣海南雞飯，落單後等左大約有20分鐘，見周邊差不多時間既都已全部取餐，上前問個侍應姐姐，原來我份外賣一早出左，只係姐姐一直無打包，而擺埋咗一邊一直再打包新嘅外賣，佢竟然好無禮貌咁同我講「一日有成四萬幾蚊外賣生意」，好似意思指錯係值得我理解？首先你舖頭做幾錢外賣生意我唔想知，咁凍嘅天氣我只係想叫個熱嘅外賣拎返屋企食，然後你將我個外賣由熱再擺到凍（d飯硬晒) ，再要我理解你嘅不禮貌對待？呢間餐廳不會再有下次。

兩個人食lunch叫左一個口水雞一個海南雞。首先口感真係好滑，雞肉係嫩滑，份量其實都幾大，叫個中飯已經夠食。另外叫左杯檸檬薏米水飲，真材實料。價錢亦唔算好貴，碗湯亦無味精，經過會再幫襯！

狀元燻蹄飯$52 +1外賣盒啲豬手煮得好林，一咬落去啲肉就鬆開左。加上見到燻蹄啲顏色係深啡色，就可以知道一定係煮咗好耐，啲肉上晒色，林晒。好鍾意佢啲汁，稀渴程度非常好。唔會太水咁樣啲汁就可以包住每一舊吞落肚嘅肉。餐湯佢啲湯講明係冇加味精，好難得喺街食飯會有冇味精嘅湯。同埋飲到最底會見到粟米、紅蘿蔔、果皮，依啲湯料

🇭🇰幾鍾意食呢間小店～海南雞飯👍🏻👍🏻d雞好滑 同埋攞埋佢個麻辣汁點 好正‼️雞肉好滑 唔鞋～有得揀油飯或者白飯😆跟餐嘅南瓜雞腳湯 超甜 好濃郁😋滿滿的人情味～住附近可以試吓🉑️絕對真實食評 非專業 純粹分享個人感受❤️謝謝支持🙏🏻🌟推介分數（3/5）📍 孖寶去骨海南雞 (又新街) (元朗)元朗又新街27號地下1號舖#Foodiehk #hkfoodie #comeeatwithme_yuenlong

之前網上有投票，又新街呢間海南雞飯係排名香港頭三甲，難得路過就買返屋企試吓。午市外賣準備速度都幾快，買海南雞飯有老火湯送，中式南瓜湯好濃非常入味，而且足料係湯入面仲係有餸嘅，值得加分。飲完湯到另外加嘅油菜，正常發揮，後來發現原來本身都有芽菜係海南雞下面，早知就唔洗加多個油菜。冇骨海南雞整得啱啱好，雞肉好滑而且新鮮，飯量都幾多，值得一提個飯算乾身唔會好油，幾啱一般香港人口味。餐廳提供左三包醬油俾大家點，我覺得三種都好夾。總括而言，我好少食海南雞飯所以唔識比較，但50蚊左右有咁嘅質素算係唔錯！另外我亦留意到午市價錢係平夜晚少少嘅，大家都可以留意番。

嘩！嚇親我同我老公！真係未食過咁難食嘅海南雞！海南雞冇雞味不特止，仲要有怪味。諗住用啲醬嚟充撐吓場面，點知啲醬都好難食，可能因為係外賣所以用啲普通外賣醬啦。海南雞理應層皮係好香好滑好入味，但係竟然佢層皮完全冇味，然後啲雞肉淋過毛巾，唔止煮嗰個有問題，個雞嘅選材都好差。其實海南雞好少可以整得咁難食，平時平過佢又好味過佢嘅店真係大把，但依間真係唔止難食咁簡單，仲要係一間海南雞專門店🤯，反而佢嗰時菜仲好味過佢個雞，真係好諷刺！