十三少 (Closed)

十三少樂富店環境舒適，交通方便，約人食飯真係好就腳。一坐低店員就送上前菜土豆絲，酸酸甜甜好開胃！👉🏽椒麻皮蛋，皮蛋黃呈深黃金色，皮蛋非常糖心，川味椒粒蒜蓉好有特色，同皮蛋一起食，開胃美味。 👉🏽十三少酸菜魚店員介紹系每日以新鮮魚熬製湯底，可以食之前先飲啖湯，服務好貼心。湯底好鮮甜，鱸魚魚片嫩滑，鋪滿芝麻的一大盆，有酸菜，萵筍，雜菌，非常豐富。👉🏽乾扁四季豆有鑊氣，夠乾身，大大一碟份量十足。配上噴香米飯，是一個好有營養的午餐。

♡♡♡📍十三少 (樂富)樂富聯合道198號樂富廣場1樓1211號舖餐廳環境都幾闊落，而且坐位方面都幾舒適😙～覺得有個地方幾得意既就係筷子托係用左粒花生去承托住，粒花生係真既😂！都幾搞笑😂😂～💎二人蟹逅滋味餐🍽涼拌土豆絲土豆絲切得岩岩好，唔會太幼或者太粗，呢度程度就PERFECT😝～味道適中，作為涼菜就最好啦😙～🍽十三少酸菜魚成個酸菜魚真係勁勁勁大份😮😆！酸度岩岩好，都幾惹味！魚肉都幾滑😝，夾起既時候都唔會散哂，咁都幾好🤣！平時最驚就係一夾就碎哂而呢度酸菜魚就唔會咁～覺得真係唔錯😙。🍽十三少蒜香荷葉蟹飯（細）見到呢個十三少蒜香荷葉蟹飯真係驚親，見MENU寫係細以為係一碗點知個份量係咁大😂😂🙏！覺得同一般既份量無咩分別🤩！而且仲有蟹，蟹膏都幾蟹同埋係金黃色既🥰🥰～睇到已經覺得好吸引😹❤️！

同中同約食飯，佢話想食酸菜魚，我就上網睇下附近有乜酸菜魚推介，見到呢間十三少好多人推介，就去試下。🤩無諗過平日晚市都咁爆，超多街坊幫襯。😂的確係好正，坐得幾舒服，而且食物質素真係好高，我同朋友都好鍾意，係值得推介。👍🏻十三少酸菜魚 (小辣)一上枱真係嚇親，勁大碟，以為叫錯咗勁量版。😅其實只係正常size。麻味足夠，不過辣比我想像中冇咁勁，下次可以叫中辣試下。湯底好入味，又唔會飲到好口渴，唔錯。魚超滑，呢碟應該係我食過嘅酸菜魚Top 3。😋麻婆豆腐 豆腐好滑，個醬都做得好出色，麻辣得好過癮。👍🏻送飯食真係一流。椒麻皮蛋 皮蛋口感唔錯，有小小流心既感覺。味道係幾好的，如果再麻d就仲正。🤩係值得一試。

之前去過黃埔嘅十三少， 今日行開樂富見到佢有分店就入嚟試一試， 樂富商場有唔同區， 佢喺b區大家記得唔好行錯啦。前菜嗌咗我哋最鍾意食嘅尖椒皮蛋，香辣得嚟又好開胃。 黎十三少梗係試佢嘅酸菜魚， 有唔同辣度揀我哋揀咗小辣。 主角魚肉鮮甜，入口仲有少少彈牙， 畀嘅配菜亦都十分多有酸菜芽菜， 個湯送飯一流。今次試左地新推出嘅籠仔蒸飯， 我哋揀咗蟹肉， 蟹肉嘅份量唔算多但都帶有蟹膏， 同時亦都有好香嘅蒜蓉味。 分量兩個人食絕對夠飽， 啲飯給曬汁好好味。

「十三少」呢間川菜館聽就聽得多，不過今次係第一次食！經過樂富，見到二人餐幾抵食，咁就試下先🤗環境幾乾淨，坐得舒服！🍽️二人餐 $338🥔凉拌土豆絲土豆絲切得幼細均勻，食落微酸少少辣，口感爽脆，作為前菜幾好！🐠水煮魚好大盤呀😍魚肉係爐魚，配料有豆芽、青瓜同埋寬粉🤤呢到嘅水煮魚冇得揀🌶️辣度嘅，好彩食落唔會太辣帶有些少嘅麻，我諗大概小辣咁啦，魚肉嫩滑冇骨，都幾惹味🥙乾煸四季豆每次餐廳有呢味菜，我都會忍唔住叫🤭四季豆炒得好乾身好夠鑊氣，加埋肉碎真係好香口，好惹味，忍唔住一口接一口，送飯一流😋👍🏻總結💕食物整體幾好，二人餐好抵食，聽講酸菜魚好出名，下次要嚟試下先🤗

好友約我吃荷葉蟹飯，服務員奉上並斟檸檬水，我們點左必吃十三少酸菜魚：超大碟呀！奶白色的魚湯很清甜，魚肉很嫩滑又無骨啖啖肉真美味，少少辣最岩我，滿足感爆燈。👍👍👍炸黃豆：卜卜脆，勁香口。💕💕💕椒麻皮蛋：切開糖心皮蛋的心都溶化了，透明蛋白爽口彈牙，配辣椒蓉、蒜蓉，少少鹹少少酸少少辣，好好味😋😋😋十三少蒜香荷葉蟹飯蒜香味香濃，蟹味鮮甜配荷葉清香蒸的飯，蟹雖然細細隻但鮮味十足，超正😍😍😍

酸菜魚魅力沒法擋，作為一個酸菜魚迷。今次去試吓朋友介紹嘅十三少酸菜魚。主打「兩鮮」：魚每日新鮮，湯底亦都係每日新鮮熬製。晚市時段都幾滿座，可能要有耐心等一等。食物選亦都豐富（小食涼菜/主菜/小菜/香鍋等）。上菜前，用花生做筷子座幾特別哈🤣。椒麻皮蛋（金蛋）🥚第一次食金黃色嘅皮蛋，幾特別。採用四川醃法，外層的質感似軟身啫喱，晶瑩通透，蛋黃仲係流心。配埋辣椒香蒜，作為小食惹味又開胃。13少酸菜魚🐟份量非常足，一大盤上。記得先飲湯再食魚😊，湯底好有魚香，魚片肉無骨👍🏼啖啖肉。配料亦都好多，大量酸菜外，仲有蘿蔔萵筍等。索晒湯底，非常滋味。送飯一流！十三少蒜香荷葉蟹飯（細）🦀雖然寫住細份，但上菜見到有驚喜。份量都唔少，幾大籠。荷葉飯不嬲都唔少野，飲粒充滿荷葉香。呢個仲要加上蟹鮮味同蒜香，每啖都好滿足，撈埋後個飯食多幾碗都得！食物質素好，坐得舒服。有機會會再Encore 食多次😚。

來到樂富的十三少，諗起四川，諗起酸菜魚，諗起水煮魚。再諗諗下已經好耐冇食過水煮魚啦，因此今日都係下定決心，食個辣辣的水煮魚吧，再點個新品“十三少蒜香荷葉蟹飯”。喺兩個飯餸未上之前，叫個小食“涼拌土豆絲”，點解叫呢個呢，因為我覺得自己喺屋企都煮唔好，煮唔出呢種味道，首先我沒有師傅的刀工，切到齊齊整整土豆絲，亦調較唔到個涼拌汁，都係乖乖哋喺度食好啲，而且嗰蟹飯都要成廿分鐘先至整好，一邊食一邊等幾咁好。其實我唔係好食得辣，但亦唔想次次叫酸菜魚，今次豁出去了。誘人的紅紅辣椒舖滿面的水煮魚上枱了，一陣鮮，香，麻，辣氣味迎面而來，嗯，感覺好好，試吓舊魚片先，好嫩，好滑，辣度亦可以接受，仲有芽菜，紅薯寬粉，青瓜相伴，正，好耐未試過呢種感覺。而荷葉蟹飯有香口微辣的蒜蓉和青綠色的葱花配搭，好靚嘅擺碟，好滿足。

劣食餐廳我叫咗大盆花菜。肉片有豬肉腥味。椰菜花预先拖油，上碟不熟的，還有未煮融的粗鹽粒😅😅😅⋯⋯我好肚餓，食得最後想吐出來🤮向職員反映，只是輕輕一句向廚房反映，沒任何跟進意欲。大家想中伏，就來這間餐廳吧⋯⋯

之前食過一次十三少既酸菜魚真係令好難忘，今日路經樂富見到有分店情不自禁就再要去食啦今次叫左個二人酸菜魚套餐，包括左一款涼伴小食，酸菜魚/水煮魚同埋荷葉蒜香蟹飯小食叫左個土豆絲，加入左醋酸酸地幾開胃，口感幾爽脆主菜就緊係酸菜魚啦，個湯底係魚湯，但一d都唔腥，味道好濃郁，酸度岩岩好，魚肉份量都幾多，而且好嫩滑，裡面仲有萵筍呀，好入味好好食最後就係蒜香荷葉蟹飯，蒜蓉撈埋個飯一齊食真係令人食唔停，個蟹仲係羔蟹黎架食完飯食埋個紅堂糍粑做甜品就非常好啦

聽講今年大閘蟹失收，睇嚟今年都冇得過吓蟹癮但呢間酸菜魚，搞咗個二人蟹逅滋味餐，雖然唔係大閘蟹，但都好有秋天氣氛唔好睇menu話蟹飯係細份就信，不知幾大籠，兩個人食都差啲食唔晒！用荷葉蒸出嚟嘅飯，除咗好有葉香，仲令到啲蟹香入晒啲飯粒度，每啖都爆香蟹鮮。雖然蟹唔算大，但都多膏㗎嚟得十三少當然必定食酸菜魚，好多人會嗌辣，但其實唔辣都正，可以飲埋啲湯，大胃未試過食酸菜魚飲咁多湯，呢間嘅湯底真係做得好好，飲咁多都唔覺渴魚肉又香又滑溜，夾埋茼蒿同菇食，滋味又滿足小菜今次就揀涼拌土豆絲，菜簡單就最考功夫㗎喇！粗幼一致，質感爽口，絕對夠開胃呢間食物質素高，服務態度又好好，待客非常殷勤有禮。前菜勁令人食唔停口，好彩有好大壺檸檬水任fill啫

收工約咗朋友出去食飯，突然好想食酸菜魚，而且又醒起十三少嘅分店非常多, 所以就同朋友去咗十三少（樂富分店）食飯。呢個地方好就腳，係樂富地鐵站一出就到樂富廣場。我哋一入座嘅時候，店員就已經將小食奉上，而且佢哋仲好nice，同我哋講解咗廚推薦師酸菜魚嘅食法！另外，值得一提嘅係佢哋嘅擺設好得意, 係用真嘅花生放筷子！涼拌土豆絲（前菜）土豆絲大大碟，食落去口感爽口又有香辣味道，作為前菜一流！酸菜魚 (唔辣)廚推薦師酸菜魚嘅食法數先係品嘗湯後食魚，而且份量超多！湯底係魚湯，味道酸辣辣，仲可以飲到魚湯嘅鮮甜味。因為佢哋選用新鮮鱸魚再起肉, 每日新鮮熬製，煮得非常鮮甜。鱸魚每片都大大塊，啖啖肉！酸菜口感爽脆，酸度同辣度都剛剛好。十三少蒜香荷葉蟹飯用了蒜、蟹、香葱同荷葉蒸，充滿香味，而且好有賣相！一上枱就有好香嘅荷葉香同蟹味，啖啖飯都充滿蟹汁同蒜蓉香味, 佢嘅蟹都分支好哂, 同埋勁多蟹膏，啱啱好食到一公一乸嘅蟹，可以食到兩種蟹膏，用嚟撈飯食真係一流！！！

今日放工經開樂富廣場，試左十三少酸菜魚。出名果然係有原因！價錢上非常合理之餘食物質素上級。一定會再嚟！我同朋友點左個套餐。酸菜魚少辣首先，個湯底係用鮮魚熬製，有多種香料嘅香味，有好多材料，有香菇片，酸蘿蔔片，荀絲，萵筍片！魚味又超鮮甜！飲到停唔到口。啲魚好爽滑，完全冇泥味。個份量好大，我哋兩個食完盤酸菜魚已經飽咗。涼拌土豆絲少少香辣味，土豆絲好爽口，唔會太濃味，十分開胃。蒜香荷葉蟹飯啲蟹多膏到你唔信！有兩隻蟹！係咪難以致信。佢唔係用低質蟹，隻蟹好新鮮，蟹肉好實，絕對唔係得個樣，你唔親身嚟試過真係唔會信😂荷葉飯質乾爽，陣陣荷葉香味，加上蒜蓉香味冇得頂！黑糖糍粑甜品好特別！外脆內軟！沾上黑糖，味覺同口感十足！呢間餐廳未到晚上七點已經坐滿左人，你就知性價比極高！服務員態度都好好！必試食肆推介👍🏻👍🏻👍🏻

想食十三少的樂富店已經好耐啦，今日終於搵個機會食咗，呢間環境唔錯吖，開在樂富廣場入面，近商場門口，交通十分便利。裝修簡潔，不乏卡位，很好坐。一坐落嚟，店員就奉上香脆的炸黃豆小吃。椒麻皮蛋，晶瑩透亮，啫喱口感，不會太辣，好岩我食。主角系十三少酸菜魚，可以揀辣同唔辣的做法，我哋揀錯唔辣。大大盆，份量十足！店員同我哋講啲湯系用咗新鮮魚煲出嚟，建議我哋先飲湯。魚肉肉質鮮嫩扎實，有好多酸菜、芝麻、萵筍，湯底料十分好味。最令人驚喜嘅係十三少蒜香荷葉蟹飯💕賣相超級吸引，蟹仲非常的新鮮吖！蟹肉飽滿肥厚，豐富蟹膏，鮮味十足！香噴噴的荷葉飯混合蒜茸蔥花，實在太好味啦，忍唔住一啖接一啖，尤其喜歡佢豐富的我蒜茸，令到飯底好惹味。

之前朋友同我食生日飯，佢問我鐘唔鐘意食酸菜魚，酸酸辣辣嘅野我至啱，於是佢就揀左呢間起樂富嘅十三少同我慶祝啦。我哋點左個滋味2人套餐，有十三少酸菜魚，乾煸四季豆，椒麻皮蛋，有兩個白飯，加28蚊仲有個紅糖糍杷。個酸菜魚果然唔錯，酸度剛好，魚肉夠滑，四季豆夠惹味，送飯簡直係絕配👍,糍杷煙煙韌韌，唔點糖漿都好好味，非常滿足的一餐😊