十三少酸菜魚 (Closed)

朋友發板，跟佢食好野，食酸菜魚🐟。真係好耐無食喇😚，黎到全院滿座，不過好快就有位👍🏻。⼃🔻 十三少酸菜魚 $238🔻一碟好足料，有大量嘅酸菜同咸菜，食落爽口，仲有萵筍同雞脾菇，魚肉大片而且嫩滑😋，完全夠晒2個人食👍🏻。酸菜湯底咸辣十足，幾惹味🤤。叫個白飯加的湯真係一流😍。🔻川式口水雞$78🔻大大碟，幾乎有成半隻雞😙，份量好足👍🏻。依個川式幾啱我，唔係得個辣字，麻香味幾濃而帶少少咸🤩，雞肉結實得黎又好滑，依個小食幾有驚喜👍🏻🔻紅糖糍粑$43🔻超正呀🤤，外邊脆卜卜，裏面軟綿綿😚，表面灑滿黃豆粉，再點啲紅糖食，真係自己都可以食晒一碟🤤。🔻桂花烏龍冷泡茶$22🔻人生如茶🤣，冷泡烏龍茶，伴住清香桂花味👍🏻，飲落幾Fresh。******************************🍽 十三少酸菜魚📍 大角咀埃華街88-102號大全樓地下B及D號舖******************************

好似好耐冇食過酸菜魚咁，諗起之前喺呢度試過印象中係幾好味，所以帶埋🐢🍯過嚟試吓。我哋兩個人今日都好肚餓，所以嗌左個勁量版。佢個碗真係超級大，仲大過個洗面盆。魚片都好多塊，塊塊都大大片， 又夠晒滑，不枉我咁遠水路過到嚟。而佢啲酸菜都唔錯，唔會太咸，酸度都啱啱好，仲要好多都大大塊嘅添。入邊唔使加錢已經包咗我最喜歡嘅萵筍，啲萵筍都好爽口，食落沾滿湯，酸酸地咁，好開胃。最難得嘅係佢呢度啲湯都飲得嘅，酸辣得來仲有魚嘅鮮甜味，未開始食魚都飲咗一碗湯先。另外我哋仲加咗佢個口水雞，佢呢度嘅口水雞唔會好辣，但係啲雞就好嫩滑，而且仲見到佢皮同肉之間有一層啫喱，聽講嗰啲係骨膠原嚟嘅，都幾好食㗎。呢個價錢雖然貴咗少少，但係喺香港食到咁嘅味道都好難得。

我地兩個人叫左個大份量既酸菜魚，個樣同份量都ok，食落味道都ok，但魚差緊d鮮味，湯都好似差緊d野咁，但整體算ok。不過食完之後我地兩個成晚都勁口渴，要係咁灌水，應該個湯好重味精下

好耐冇食酸菜魚，朋友介紹黎十三少，星期四平日夜晚8點walk-in黎等左兩張飛就入得😌✌🏻前菜：皮蛋叫做同心目中的味就相似，係唔夠辣小菜：口水雞$78呢個價我認為份量算幾足唔似出面有d餐廳偷工減料放好多青瓜做底味道夠濃而且雞肉都好滑，雞皮又薄👍🏻😋重頭戲：辣酸菜魚(正常份)+寬粉酸菜就好多但一啲都唔辣😂可以加重3倍辣！魚的部分係用魚片，如果有埋魚腩就更好啦～寬粉屬正常發揮no comment😇PS. 鐘意食辣的朋友下次去可以事先叫定佢加辣*

我一入個舖頭，首先果個女人就用一種「你入來做咩」嘅眼神望住我，我行到佢面前佢先識得幫我度體溫。度體溫又唔講嘢，我頂唔順先問佢，有無位？佢先問返我「你幾位？」 邊有人咁樣做生意嘎？見到客人梗係要問人地幾多位嘎啦，等客人來同佢搭嗲喔，我開open rice睇，第一個食評就係話佢服務態度差。

個服務員行埋黎我張枱講左句，（喂，你地仲有5,6分鐘咋）我心諗，你態度好少少咁講唔得咩，講到好似我仲有5,6分鐘命仔咁，除左服務唔得，食物仲唔得，有心去試嘅話就自求多福

今天和友人一起在大角咀附近，想嘗嘗酸菜魚，決定到這間店舖試試。 去到門口，看見店內差唔多坐滿。幸好剛好有人離開，就可以直接進入店內了。坐到最裏面，餐牌上有簡單幾款午餐。我們選了酸菜魚套餐和口水雞套餐。套餐包括飯、餸菜、青瓜小菜和飲品，算是合理。 口水雞先到，吃了一口，雞肉較凍，好像是剛從雪櫃拿出來。雞肉的肉質正常，少少辣，帶點甜，若然再辣一點會更好！雞肉下面是青瓜，因與小菜青瓜重覆，所以沒有多吃。小菜青瓜不錯，正常口感。酸菜魚到了！湯的味道不太辣，偏酸，適合香港人的口味。魚肉薄切，沒有骨，質感很滑，很美味。魚肉像是生魚，一個人的份量算是理。酸菜魚內有切片的荀、菇片、酸菜、白蘿蔔，吸引了湯的精華，吃起來很不錯。飲品選了菜蜜，友人選了酸梅湯，味道可以。建議口水雞可以稍微在室溫放一放才給客人，而口水雞的底可改放豆芽，盡量與小菜不同會更好。下次經過有機會可再食！

趁着前排端午節放假，俾阿媽休息吓，帶佢去附近嘅十三少酸菜魚食晚飯。得兩個人食飯，冇辦法嗌得好多餸，阿媽又要求要有菜有肉，先至均衡營養。於是乎我哋嗌左份水煮魚、干扁四季豆同兩碗白飯。水煮魚因為我同阿媽都係嗜辣之人，所以就嗌咗份水煮魚。水煮魚上枱嘅時候，我哋見到密密麻麻嘅辣椒都嚇咗一跳。食落味道麻辣又惹味，送飯食就啱啱好，魚肉口感彈牙而且冇雪味，質素above average!干扁四季豆干扁四季豆炒得幾有鑊氣，肉碎都幾多。估唔到十三少嘅份量咁多，兩個人食兩餸已經好飽，價錢超值!

疫情嚴重，今次就係網上外賣平台🦘落單一間從未食過既川菜🌶，買滿$100蚊有85折，兼且又無收額外錢💰，變相同堂食一樣價🥡-川式口水雞🐔（外賣價$84）-⭕️⭕️必點必點⭕️⭕️睇到呢篇食評麻煩你即刻叫多碟口水雞🐔份量都算大，辣油🌶、麻醬、花生醬🥜、蔥花、芝麻，雞肉好嫩滑非常入味，個味道整得勁好，係我食過最好食既口水雞😆十三少酸菜魚🐠 （外賣價$251）-總共有2️⃣份，一碗係魚、一碗係酸菜居多。魚肉質都算滑同入味、味道偏酸，辣味都足夠。酸菜份量都好多，入面都有不少萵筍同菇片🍄。但酸菜魚味道就無話好驚喜🙈蒜泥青瓜🥒（外賣價$32）-新鮮蒜頭配上蒜油十足浸住青瓜🥒🧄，留意番係無辣的！我後來將每一舊青瓜沾滿口水雞個辣麻醬，勁惹味😆米飯🍚（外賣價$12）-Hashtag🔆#comfort_zone_foodie#czf大角咀

#oldszefood #CCBin大角咀-老屎忽實在太鍾意食酸菜魚☺️ 同埋呢排太熱既關係 食d酸野先有胃口 收工去左大角咀食十三少😋-🍴十三少酸菜魚($238) + 寬粉 ($20)一上枱見到勁大盤 魚片份量好多 唔會太多骨 而且肉質嫩滑 最啱d唔識食骨既人 兩個人食足夠有餘 爭啲食唔晒 而且佢啲配菜都好多 個人鍾意食酸菜 仲有啲萵荀 執埋啲浸埋好入味😋Rating:8️⃣/🔟-🍴涼拌土豆絲 ($28)夏日天時一定要食下啲涼菜 但我個人覺得佢蒜味比較重 有d蓋過土豆味 不過加分為係佢啲刀工好好 全部都好幼細 而且辣辣地都幾開胃Rating:6️⃣/🔟-🍴紅糖糍粑($43)老屎忽真係好鍾意食甜野 尤其是係黑糖😋 糍粑炸得好好 唔會太硬 點埋黑糖簡直一流🥰Rating:🔟/🔟-🍴四季春冷泡茶($22)我就覺得麻麻地苦澀味比較重 有啲似凍嘅鐵觀音 可能因為我鍾意飲啲易入口既茶🙈🙈Rating: 5️⃣/🔟-🍴桂花烏龍冷泡茶($22)相比之下桂花味好出 而且好甘香 極力推薦💕 Rating:8️⃣/🔟十三少酸菜魚 (大角咀)📍大角咀埃華街88-102號大全樓地下B及D號舖十三少酸菜魚 (香港仔)📍香港仔崇文

午餐去食飯，分別揀咗酸菜魚同埋口水雞套餐。既然個店名都用酸菜魚作招徠，一定要試一試啦。酸菜魚辣勁十足，但酸味偏向似醋酸味。魚肉尚算新鮮，如果厚薄度比較一致，口感會更好。個人評分：7/10反而口水雞十分令我印象深刻，四個字形容曬，香、麻、鮮、辣！四種元素都十分平衡，層次感十足，每一啖都係享受。而且雞既份量都唔算少，仲有少許青瓜墊底吸晒啲精華，配多碗白飯黎食都仲得！個人評分：10/10此外，套餐飲品推薦揀酸梅湯，識食辣嘅你一定知點解要咁揀

是次到店時間係晚上7pm左右，由於食晚飯時間，所以都需要排隊等位置，大約等左30-45分鐘左右。店舖有提供消毒酒精同會為客人探熱，客人離席後會用消毒酒精清潔枱面，乾淨情度感覺良好。十三少酸菜魚:可選擇辣或者唔辣 個人選擇辣 夠野味 刺激味蕾 2人食選擇正常份量 3人以上同如果係大胃王建議選擇勁耐版 因為魚肉略嫌偏少 不過勝在配料足夠 有炸香過的菇 酸菜同有蒿筍 蒿筍夾口 口感一流 酸菜魚既湯配白飯無得輸 湯都好飲蒜泥青瓜: 小清新 夠哂夾口 fresh 蒜泥夠味亦不算濃

香港好少有好味道嘅酸菜魚，呢間13少我經過幾次，次次都想食但係次次都好早就無魚。所以我今次終於的起心肝，提前打電話訂魚～餐廳菜品款式唔多，其實總共得幾款，不過佢主打就係酸菜魚，淨係食魚都夠殺，味道正宗，不過唔好就係辣度冇得揀，我唔係太食得辣但係又唔想揀無辣，所以尾段我食到噴火！薯粉好好咬口，吸晒啲湯汁一定要試另外帶咗口水雞、土豆絲、皮蛋、紅糖糍粑，個人覺得皮蛋可以唔使叫因為得好少唔抵食，紅糖糍粑剛剛炸起外脆內軟，正，下次叫多幾個朋友再食

又喺大角咀搵到好嘢食今次係好味又抵食嘅酸菜魚之店！行過餐廳門口又啱食嘅午市套餐仲要唔使加一！決定一試快靚正咁樣決定咗要口水雞同埋酸菜魚套餐唔係講笑！呢個價錢食到呢一個份量嘅川菜真係抵到暈！川式口水雞平時食過口水雞 都應該試過食到啲雞又瘦又柴皮呢間餐廳上菜嘅係大大隻嘅又肥又滑雞脾雞皮唔會好油好肥之餘 中間仲夾住嗰一層令人流晒口水嘅晶瑩剔透啫喱味道方面我覺得辣到適中（可以再辣啲） 13少酸菜魚我自問係酸菜魚嘅愛好者最鍾意食到又滑又啖啖肉嘅魚片呢度酸菜魚嘅湯頭味道適中 唔會得個酸字 雖然我嗌左辣味 但係我都係覺得可以再辣啲 不過味道係很不錯的！菊花蜜、桂花烏龍冷泡茶涼拌土豆絲

2/5皮蛋的味道單薄，調味還有點怪。酸菜的味道洗掉太多，湯底只剩清幽，味道也只是過得去，欠缺層次香氣。魚也只有一種，泥味偏重，沒骨頭就是了。The taste of preserved eggs is thin, and the seasoning is a little strange. The taste of sauerkraut is washed away too much, the soup base is only quiet, and the taste is just passable, lacking a layer of aroma. There is only one type of fish, with a strong mud taste and no bones.#queenbeoly_middine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeol