十三少酸菜魚 (Closed)

十三少酸菜魚，個名幾特別，吸引左我同老公入去食。門口個介紹好簡約，一看就知什麼是招牌菜　專登影低個筷子托，好靚。口水雞～ 可以辣同唔辣，我地㨂小辣，重點個雞真心嫩滑。主菜來了！酸菜魚！！！來到熱辣辣，即刻想飲湯先，好鮮甜有椒香又唔係太酸。重點唔覺口渴，應該無味精。唔覺意飲左兩碗先開始食魚XD 魚肉 好嫩滑但入到味。 我平時食好少飯，但因為呢個魚我都食左大半碗飯。可想而知個魚係一定要叫。菜類：土豆絲～少少辣～送口一流

自從男朋友開始帶我食辣野...好似開始慢慢接受到辣, 然後就俾朋友捉左去試酸菜魚..."十三少"又係得一個Meau, 之前睇過openirice, 佢碟"酸菜魚"都幾大兜,所以就嗌左: -酸菜魚(辣)  -口水雞-紅糖糍粑-鮮魚湯浸翡翠苗-酸菜魚(辣) : 唔係真係好辣, 可能因為辣椒唔係剪開, 裡面的辣椒梓無一齊滾個湯, 酸菜好多, 但都無至於好酸; 個魚片好滑, 裡面仲有D菇菇, 不過索左湯就有D麻有D辣, 湯面好多花椒粒,一咬中就好麻....-口水雞: 口水雞對我黎講, 真係頂唔住, 真係好辣!!個"口水汁"好"杰"完全掛係個雞到....所以我食左一嚿已經放棄, 朋友話好好食,個汁會上癮(誇張)-紅糖糍粑: 糍粑真係第一次見, 好好好好食!點果個"紅糖汁"超級解辣!個面係脆既有黃豆粉, 裡面似年糕煙煙韌韌!我食左好多舊...-鮮魚湯浸翡翠苗:寫單的時候都唔覺, 一食先知係菜苗, 最近菜苗平咩?佢都幾大兜下~成餐飯最爽就係個甜品!!我可以一個人食晒一兜~

天氣凍冰冰，梗係要食下辣野啦！一直想搵間好食既酸菜魚，見到依間環境唔錯，唔似街邊環境污糟，舖面光光猛猛感覺唔錯！選項雖然唔算多，但魚可以揀辣同唔辣，可惜辣度固定冇得揀少辣。唔食得辣既朋友唔需要擔心，因為佢既魚真心唔算辣，建議食得辣既朋友可以加辣，$198既版本份量大概夠2-3個人食。酸菜魚魚既上面有芝麻，一放上檯已經勁香！魚亦算嫩滑而且無骨。酸菜唔係勁酸個種，唯一就係冇薯粉食，否則加個薯粉就prefect池雖然佢可以加白飯，但朋友們決定食多幾個小食仲開心口水雞辣度比酸菜魚辣，但個汁好香。雞既份量好足，絕對對得起$68依個價！$48既菜俾既係豆苗，抵食！最後黎多個甜品- 紅糖糍粑有黃豆粉同紅糖漿，合格。因為我地一邊食一邊傾計，就算凍左都依然味道唔錯！

昨日同老公路經大角咀埃華街， 見到餐廳門口煮有川菜「 酸菜魚 」的大名，我的嘴巴有已經開始冒口水?源起四川重慶、前身是泡菜魚的酸菜魚，是川菜鹹鮮味型的佼佼者，傳統會用草魚片烹製，集滑、麻、辣、香及酸於一身。惟中國地大物博，根本沒有所謂正宗，來到創意先行、各出奇謀的香港，做法自然更不囿於「 酸菜 + 草魚 」 的傳統組合。究竟哪家才是最美味，讓人萌生追吃的慾望?今次食十三少酸菜魚， 湯底好正， 麻、辣、香及酸味道適中， 恰到好處。另一個店舖主要菜式川式口水雞， "口水雞"這名字乍聽有點不雅，不過這名字的來歷倒卻有著文人的溫雅。郭沫若在所著《賟波曲》中，有："少年時代在故鄉四川吃的白砍雞，白生生的肉塊，紅殷殷的油辣子海椒，現在想來還口水長流……。"烹調賜拈來"口水"兩字，倒成就了大名鼎鼎的"口水雞"。口水雞之所以叫口水雞是因為有很多花椒，吃了會麻到嘴巴癱瘓不由自主流口水。 風味： 口水雞具有麻辣、鮮香、嫩爽的特點。今次食十三少酸菜魚的川式口水雞， 辣中帶香，皮薄肉嫩，啖啖都係嫩滑雞肉，另外配上底部嘅青瓜絲同辣而酸嘅醬汁，惹味十足 ！

酸菜魚係香港開會愈來愈普遍，但真係好正宗又好味既就唔係好多。不過大角嘴呢間酸菜魚幾有驚喜，味道同深圳某間有少少似🤩7點半左右到，都滿左9成，估唔到咁多人😱好在等左一陣間就有位。入面裝修走簡約風，無乜花巧既裝飾，感覺另一番風味。最令我印象深刻既係個筷子座。以為粒花生係假，點知原來係真😂我哋四人，點左十三少酸菜魚（辣/ 勁量蝦）店員建議4人食呢個就岩岩好。大家都比佢嚇親，因為真係好大份😯第一下大家都怕食唔曬，點知。。。🤣味道方面酸菜味好足，辣味亦岩岩好，辣得黎又入到口，唔會食到流晒汗，就咁飲個湯都好酸辣，飲上引。魚質方面，幾入味同肉質幾嫩滑，食落唔覺好老好un ，仲有濃烈嘅酸菜味，食落有啲似深圳某二既酸菜魚，真心好食😍食酸菜魚當然要配白飯，白飯都ok，算幾煙韌，撈個酸辣魚湯就岩岩好，好快就扒曬碗飯😅整體來說，除左位置上可能有少少唔方便外，食物質素同服務都好好。

***今天到訪大角咀的十三少酸菜魚晚餐，位置不太便利，位於奧運站和旺角站之間，好處就是人不太多。店內菜式選擇不多，但就更能令店家集中烹調菜單上的食物。首先點了一個麻椒皮蛋，皮蛋有點辣，皮蛋Q彈Q彈的，不錯。口水雞也挺好吃，也不算辣，但調味香濃，份量也算多，性價比算高，可以點來吃吃看。重頭戲，今天就是為了吃它們家的酸菜魚，點了辣味，辣味只有一種，不能調整辣味，但感覺也是不太辣，挺合廣東人口味，反正廣東人也不太能吃竦，魚感覺新鮮也滑。喜歡他們的酸菜，好好吃，而且湯裡有菇類，也令人挺驚喜在酸菜魚找到菇類食材。

上星期二又過去奧運睇戲，當然又要去大角咀搵好野食行到埃華街見到新開酸菜魚試業，最近半年都無去大陸食，即刻同老婆入去止下咳Menu菜式唔多，主力攻酸菜魚同水煮魚（但試業仲未有水煮魚）同點左個細辣酸菜魚，口水雞同土豆絲就等開餐酸菜魚第一樣黎，夠多之餘仲好好食，口味偏麻少酸味，湯幾甜。魚肉用左鱸魚，無骨之餘都好滑。配料除左酸菜仲有菇同萵荀。辣度就一般，反正可當湯飲程度，但啱本人口味口水雞雞件夠滑，但以胸肉居多，有翼。另外夠晒辣好野味土豆絲唔辣啱啱好可以balance 口水雞辣味又唔會好清，夠爽呢餐兩個人食好豐富，食到飽咁多野埋單都係一人$160，抵食

冬天一到，都好想食辣野，於是同朋友去咗依間餐廳食下酸菜魚，四個人食可以叫多啲菜式，招牌菜係十三少酸菜魚，我地好大食又中意食辣所以叫咗辣同勁量版，$298，而且唔食得辣嘅朋友亦可以揀唔辣㗎。勁量版真係好大碟，有幾隻手掌咁大，不過幾個人食其實差唔多，再叫白飯送西菜同魚，天氣凍食到出哂汗，正！其實啲魚唔算好辣，啲菜反而好吸辣，不過我本身都係食得辣嘅哈哈。而小食價錢亦唔貴，涼拌土豆絲都係$28一碟，食辣野嘅時候可以配涼拌小食，好適合😋最令我驚喜係川式口水雞，$68一碟，都係涼涼地嘅小菜，所以其實辣得黎好過隱，啲雞皮都好滑、雞肉夠嫩，下次想再食！野飲方面有餐廳推介嘅四季春同桂花烏龍冷泡茶，如果唔想飲凍飲，餐廳本身都有免費檸檬水可以飲，用黎解辣就啱哂！

來到一間叫做十三少酸菜魚的店舖，店舖非常光猛、 寬敞、碗碟都十分精緻，店員很有禮貌的安排了座位後，給了我們餐牌，餐牌是自己用marker筆畫的，很特別。我們點了以下菜式：店舖的招牌菜一定要點十三少酸菜魚 唔辣套餐連白飯和飲品*****-酸菜魚的配料味道都配得很好， 不太咸，因為我不是太食得辣，而這個菜式是可以選擇不辣的，太好了， 魚片肉質亦十分彈牙飲品菊花蜜****桂花烏龍冷泡茶*****如果朋友喜歡食辣配上這種烏龍茶，也是非常不錯川式口水雞*****椒麻皮蛋****鮮魚湯浸翡翠苗*****甜品：紅糖糍粑****這甜品都是我第一次嘗試一吃不膩，一定要試，很有咬口

大角嘴平時好少有好嘢食我做完嘢之後發覺有朋友都喺呢頭諗住即興求其搵一間食飯試咗呢間酸菜魚專門店好耐無食過酸菜魚本身我好鍾意食魚嘅，逢魚必吼入去見到枱枱基本上都只係叫咗一大盆酸菜魚照辦煮碗叫咗一兜問問侍應辣味會唔會好辣侍應提醒其實本身唔辣都已經有少少辣味唔太食得辣嘅可以直接叫唔辣一盆酸菜魚由普通份量$198到勁量版$298湯底好濃郁，酸味帶微辣湯料有好多酸菜魚肉每片都質感滑嫩而且全部都無骨好似好多塊都幾大塊，份量都算OK味道幾驚喜叫多個白飯都係$8/碗只係叫個白飯已經好夠

今日嚟到大角咀埃華街 88至102號舖，大全樓 B同D 舖， 十三少酸菜魚食中午飯， 入到店，店員很有禮貌問我幾多位，安排舒適優雅寧靜地方給我坐，椒麻皮蛋， 皮蛋很金香， 紅糖糍粑， 紅糖糍粑黑糖很香甜，鮮魚湯浸翡翠餃， 魚湯很鮮甜的翡翠苗， 川式口水雞飯套餐， 口水雞很滑的雞肉 ， 飯粒很軟熟，十三少酸菜煮套餐， 有很開胃的酸菜很鮮味的魚肉， 飲品熱菊花蜜， 很香噴噴的菊花不太甜啱唔啱好， 飲品桂花烏龍冷泡茶， 很香桂花， 烏龍茶茶質很濃郁

今日又同兩個朋友去食酸菜魚 呢間係新店黎所以裝修好新正 店鋪係黑白風格 感覺文青呢間鋪頭菜式選擇唔多 但認真今次嗌嘅都好出色佢得兩樣魚選擇 辣度得一種 我地3個人叫咗2大碗酸菜魚 真係crazy酸菜魚啲魚肉好滑 裡面落咗好多酸菜 我覺得都夠辣 怕辣嘅朋友可能會食到出汗 haha因為佢啲酸菜都好有辣味除此之外 佢仲用咗窩筍同杏鮑菇做底超惹味 我啲朋友話佢個味有太二feel我自己就無食過太二 所以比較唔到另外 我地仲嗌咗涼拌土豆絲 都好好味有麻香味川底口水雞都好好食 而且頗大碟 個辣度就無酸菜魚咁辣 但都正甜品我地嗌咗兩碟紅糖糍粑超好味 上面有啲黃豆粉 外脆內裡非常軟熟有一大兜紅糖俾你點真係好好味飲品方面無自家沖飲品我嗌咗桂花烏龍冷泡茶 都唔錯 幾清新過一過口裡面嘅濃味 跟住又食過

早排想話約朋友食飯，大家都中意食辣又想係香港試下食酸菜魚，就幾個黎左呢間餐廳試下港版酸菜魚。我地大嘅7點左右到餐廳，餐廳入面客人唔叫多，坐左2至3枱。但到8點左右就開始多人黎食，餐廳都慢慢坐滿曬。好得意，餐廳會用將每對筷子擺係花生上面，好有特色。野食方面，餐廳主要賣酸菜魚同水煮魚。我地去食果日咁岩餐廳話水煮魚暫停，不過唔緊要，我地梗係要試下佢個酸菜魚！如果大家怕淨係得酸菜魚唔夠，都可以叫下啲小食，餐廳都有多款涼拌比大家選擇架！我地就首先叫左個川式口水雞同涼拌土豆絲。口水雞賣相十分吸引，食落啖啖肉就唔會老。味道方面，辣味唔會太重，中意食辣嘅可以掂多啲辣油，食落就會有麻嘅感覺。土豆絲味道適中，份量都有不少。而且唔食太油，幾好食。到主菜，我地幾個人叫左個勁量版辣味酸菜魚。講到勁量級，我將土豆絲放係隔離做個對比，真係超級大碗！大概有5個手掌咁大！3到4個人食真係一定夠！酸菜魚入面嘅魚肉份量十足，煮到剛剛好而不老，配上啖啖酸菜直頭係perfect match!湯底雖然有胡椒同辣椒，但辣味都唔會叫太重！一啖湯，加上酸菜同魚，好好食！餐廳好貼心為每枱都會提供檸檬水，如果真係食唔到辣，檸檬水就會係你救

喺大角咀探完朋友 已經 七點 索性喺附近搵嘢食沿住埃華街慢慢行 發現有間叫十三少酸菜魚 開張唔夠一個月 決定試下佢🤨專門店嘅面積唔算大 全店得廿幾個座位 不過好簇新-👍🏻酸菜魚（$198）望下餐牌 魚類得酸菜魚同水煮魚兩款 係招牌菜式黎等咗大概十分鐘 一大盆熱辣辣嘅酸菜魚就擺喺我面前🤤先飲一啖魚湯 味道鮮甜冇腥味魚片分量唔少 難得每片都一切得薄 盡顯刀藝呢款菜式嘅主角雖然係魚同酸菜 但係其他配料都好豐富 例如蒿筍 鮑魚菇 菊花瓣湯底清甜 用來送飯 好快就食晒-👍🏻紅糖糍粑（$38）將一條條略為炸過嘅糯米年糕條交叉叠起 賣相滿分紅糖漿同佢係絕配 夾起一條鋪滿麻薯粉嘅糯米年糕 再每一面douq沾滿紅糖漿咁食 係會停唔到口🤤-👍🏻涼拌土豆絲（$28）每次食川菜都一定會叫呢個前菜 明明我平時唔食薯仔😂薯仔爽口 切得薄身 加左麻油調味賣相樸實唔起眼 但係味道絕對有驚喜 酸酸辣辣-📍十三少酸菜魚 (大角咀)大角咀埃華街88-102號大全樓地下B及D號舖

聽到朋友話想食酸菜魚，咁岩知道大角咀新開咗一間專食酸菜魚既餐廳，所以就決定約岩幾個朋友一齊去食。一開始諗住酸菜魚通常都好大盤，所以多啲人去先會叫到，但餐廳有分2個size，有普通版同埋重量級。普通版岩2個人食，而重量級就可以4個人食。我地叫咗一個重量級既酸菜魚，見到佢拎嚟既時候，真係嚇咗一跳，因為無諗過咁大盤，但4個人又真係會食得晒。入面除咗有魚、酸菜，仲有青瓜片同埋雞髀茹等。佢有得揀辣同吾辣，咁我地就揀咗辣，佢既辣度都吾會好辣，屬於小辣，因為無得揀辣既程度，所以要自己衡量食吾食到先叫。啲魚好滑，真係吾錯。我地仲叫咗口水雞同埋一個白飯，拎嚟撈口水雞。口水雞既醬汁好惹味，所以好開胃，依個都有一啲辣度。啲雞肉都幾滑，而且雞既吾同部分都有。最後，我地仲叫咗個涼拌土豆絲，雖然味道同我想像中有啲吾同，但依個煮法無咁油，同埋係吾辣既，岩晒我其中一個吾係好食得辣既朋友。