鴻師傅 (Closed)

鴻師父呢間食店，喺好多地方都有好多分店，小編今次嚟到旺角新商場 ( 即係舊嘅工業貿易處 ) 地牢嘅 food court，見到有間鴻師傅，小編未試過，所以就試下啦~小編諗住用電子點餐機點餐，因為唔想要飲品，只是想飲老火湯，點知點餐機不能選擇冇飲品嘅，最後都係去咗櫃檯付款處點餐…… 小編叫咗蟲草花蒸雞，配咗個老火湯。蟲草花蒸雞，整體味道尚可，蒸雞肉質不太韌，但係蒸雞有有好多油，怕油嘅人士要自行選擇喇~ 老火湯幾好，足料好好味~

喺觀塘嘅時候，我都幾鍾意去食鴻師傅嘅叉燒煎蛋飯，所以今日喺旺角唔知食咩好嘅時候，就去咗呢一間鴻師傅度食叉燒煎蛋飯。 其實一見到個叉燒飯嘅樣已經心知不妙，平時食係比較乾身嘅叉燒，蜜汁係已經燒到比較乾身，一拎上手望落去嘅時候就已經係好多醬汁，並唔係平時嘅香口樣。食咗第一啖，已經知道完全唔係觀塘嘅水準叉燒係冧既仍然，但係完全冇物質嘅香味，只係有一對唔知乜嘢嘅甜美醬汁嘅味道。食到最後真係頂唔順，唔想再食，好失望。

同朋友睇完一條食評片之後想試下.....但真係好差勁，樹皮般嘅叉燒。如果叉燒做得唔好，ok! 起碼都有個靚飯安慰下。但連一個稱為好嘅叉燒飯最基本因素，就係個白飯底。佢連呢樣都做唔好， 竟然可以自稱為叉燒皇。 我當堂嚇一跳，然後得啖笑。真係好耐未食過啲飯會係爛嘅叉燒飯。$60價錢食柴皮叉燒+爛飯，心情會跌到落谷底。質素真心講句，同“美X“ 不相伯仲，但價錢就更貴，真係好失望。 寧願食樓下廿蚊外賣叉燒飯。最後真心講句，對叉燒飯有少少要求嘅朋友， 勸你唔好去試呢一間。嘥你地時間去食，又會蹝你地嘅時間去寫負評。

新開張food court都叫易搵位叫左個叉燒蛋飯同叉燒撈麵友人同我都叫左要肥叉燒肥叉燒的確好食 有口感 又唔會好油 叉燒撈麵 唔知點解佢無比肥叉 差好遠 厚得黎好’un’ 咬極都唔斷 又好鞋個麵係生麵黎既 幾好食 比較濃鮑汁味總括黎講 要叫肥叉先好食 依個food court 係要自己收餐盤 所以食完記得要自己執

環境：⭐️⭐️⭐️⭐️位於商場地庫Food Court, 環境清潔，坐位亦多且舒適，午市繁忙時間亦不用等位，不過收餐托盤的服務員服飾設計有待改進，有點同商場整體設計格格不入！食物：⭐️⭐️⭐️⭐️出名的义燒皇煎蛋飯不再在此推介，反而介紹一款以健康為主題的「黃金泡飯」，以南瓜湯底做飯，入口清甜，南瓜味濃，配合粟米粒、冬菇絲、肉粒及雞絲，很有營養！不過份量對於一個男生來説，會略為不夠！服務：⭐️⭐️⭐️⭐️店內設自助售票機，並提供以八達通、信用卡、支付寶付款，確實貼心！店員落力隔三十分鐘叫一次歡迎光臨鴻師傅有點機械化，且影響客人進食心情！註：⭐️⭐️⭐️⭐️⭐️五分為最高分，⭐️一分為最低分。

如題，叫左個叉燒煎蛋飯，正常野，可以講大塊都唔算硬嘅叉燒，算係咁。不過$58就我個人唔會encore。凍飲+$6，咁我問有無湯啦，佢話有，+$28，我驚聽錯問多次，佢話係無味精靚湯黎所以+$28，諗左1秒答左(好啦，試下)，飲兩啖，個湯如果無落味精的話，咁我諗佢叫添加劑，都算，令我第一次亂食完要搵番間野寫我人生第一次食評，係碗湯$28有3分之2係湯渣，果然係食神叉飯，d湯有咁少得咁少等班卜卜齋飲完就買過啦，呢d野唔駛我教啊。。。

今日去了旺角突然想起TOP商場新開了“鴻師傅”，我之前係觀塘食過，佢哋d叉燒好好味架，令的念念不忘。😁😁😁見3點3食過下午茶，馬上order 了叉燒煎蛋漢堡，等待了5分鐘左右，食物就完成可取餐。🍔賣相好正常，未食隻🍳雞蛋已經在漏出蛋黃汁😬😬，一啖咬落去覺得叉燒好鞋口，超級煙韌好難咬開🤣🤣🤣打開睇叉燒太好瘦了，而且吃不出味道。真心有點失望😢😢😢之前很美味的叉燒去了哪兒🤔🤔唔通要去返觀塘先好食。

同朋友8號去旺角行街，去咗新開既美食坊食lunch,人流不算多。朋友點咗泰國菜咖哩湯麵。朋友話好難食，份量又少。我就點咗鴻師傅叉燒煎蛋飯，一早我係觀塘都食過一次，印象普通，好似食大家樂咁。但今次去到旺角，接近$60一個燒味飯，感覺吾平，但有質素。叉燒好淋，吾乾有小小火燒既香口，又入味，蜜汁叉燒一流。煎蛋係太陽蛋，篤穿個蛋黃流蛋汁落個熱辣辣既飯到，一流。而個汁係鮑魚汁，吾似出面普通既豉油，有水準。下次會再試

新商場有個細food mall都想試下。本來想食雞，但見到呢間有冷麵食喎！夏天食啱晒！呢碟本來係素雞冷麵……不過廚房話冇素雞，得手撕雞。是旦啦，好在我吾係素食者。味道幾好，係辣嘅，不過吾好食。sorry, 啲麵太淋喇！！一夾就散曬，吾得我仲叫咗杯凍檸檬咖啡。阿姐問我咩係檸啡？！！搞錯呀！ 你俾齋啡加兩片檸檬我啦……好彩當一般凍飲收費啫，算啦。其實吾少茶餐廳當特飲收多十蚊八蚊咖。well……可惜吾好飲。咖啡好淡。個場未俾班學生進佔，都有幾多位仼坐。又有冷氣，同朋友吹下水都吾錯。

去過兩次。 一次早餐時段 一次晚餐 時段。 經歷完全不討好。早餐 餐牌明明 有招牌叉燒 但竟跟我說沒有。 那我幫襯你幹什麽？晚餐終於是到招牌叉燒了。 58蚊一個套餐 感覺比一個25蚊叉燒飯更難食。 叉燒非常的硬， 乾， 俾我試過 同類型入口即溶的差很遠很遠。 你收人58蚊一個叉燒飯 得出這樣難食的叉燒 還是自己是大師傅。 不知廉恥。總括來說 我求其喺旺角 食一家 30蚊的叉燒飯也比這一個身稱大師傅的叉燒飯好得多。 強烈不要結意大家浪費金錢去試