七哥麵當

Open Now

Now Closed

朋友帶完我去食之後，覺得好值得介紹呢間超濃滋補豬骨湯！而且回訪幾次，通常每次都會買埋湯包！特別天氣凍的時候，需要飲返碗暖身滋補湯水！湯頭係超白！超！濃！郁！如果鍾意辣辣地可以食胡椒豬肚湯！食得出真材實料👍🏻除咗胡椒豬肚湯仲有喇沙湯～堂食環境乾淨企理，老闆亦超友善，會出嚟搵食客傾偈，問吓大家覺得啲食物點～除咗堂食仲可以買急凍湯料包返去煮！有打邊爐湯底、豬骨或者豬腳等等！喺屋企隨時隨地都可以整返熱嚟飲☺️⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10打卡： 5/10CP值： 10/10推介值：9 /10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

經過幾次都想入去試吓先，今日終於有機會，餐廳內及QR code點餐沒有食物圖片，湯底只有豬骨、普通辣及大辣胡椒湯，見到已經失望，最後選擇海老胡椒拉麵，海老唔新鮮，拉麵唔好食，湯底極普通，完全冇日本拉麵味道。更加不知道是日本那一派系的拉麵。起初諗住食完個𪍑再加個小食，最終都係放棄，暫時觀塘工廠區未搵到一間好食嘅拉麵，食完有啲後悔，浪費我一餐飯嘅quota，不會再去。完！

一月一日，星期日大約中午一點到店。店位喺走廊盡頭，唔係咁明顯，而且一望似係賣凍肉嘅地方。第一次來到，裏面暫時沒有顧客。睇食評話豚骨胡椒湯底好正，就試下。點左個豬軟骨拼豬肚拉麵，雙拼同單餸都係$58。佢賣相係好簡單普通，但入口個湯好暖好順口。店主話啲湯無落味精，係用左十斤豬黎煲。豬肚同個湯好配，豬軟骨嘅骨位輕咬就斷。其實唔食麵，就咁飲佢個湯都好抵，唔明點解會無乜顧客。一間可以飲靚湯，又健康而一啲都唔貴嘅麵店，讚！

必試胡椒湯底👍🏻😋湯底好濃 餸亦好足料 老闆娘好好人 知道我地係第一次黎 會講比我地知有咩食👍🏻價錢唔會太貴 $58一碗豬肚、豬軟骨胡椒湯拉麵😋店內仲有啲雪藏湯包 可以買翻屋企整👍🏻

之前嚟駱駝漆工廈行街發現咗呢間小店，當時店主夫婦(七哥夫婦）好熱情咁介紹佢哋嘅招牌菜，可惜嗰日啱啱食飽飽，無緣試到呢日同朋友嚟開觀塘，捉埋佢一齊試吓先一人一碗招牌胡椒雙餸湯麵，再加多個小食🔸招牌胡椒豬手豬肚湯麵胡椒豬肚湯湯味濃郁，胡椒味突出得嚟唔會太嗆喉，啱哂我口味湯帶膠質，無油膩感，健脾暖胃豬手骨膠原十足，豬皮軟滑豬肚軟嫰麵條軟硬度啱啱好，分量亦適中個麵唔係淨係啖啖肉同麵條，仲有甜甜嘅椰菜㗎～🔸招牌胡椒豬手豬軟骨湯麵朋友都覺得個湯好好味不過，好辣嘅佢話個胡椒味可以再重啲朋友話啲豬軟骨超級超級軟淋，一啖咬落去有肉有軟骨，高度推介（七哥之後話我哋知啲豬軟骨係嚟自鹿兒島嘅，唔怪之得啲豚肉味咁出色啦！）🔸深海劍魚腩七嫂話係刺身級劍魚腩，舖頭可以幫你煎埋，仲有九折添！佢介紹第一啖先試魚嘅原味、第二啖就加檸檬汁，第三啖就加即磨海鹽同胡椒～我鍾意加咗檸檬嘅，因為可以提升魚嘅鮮味，朋友就鍾意加咗海鹽同胡椒，口感重啲～呢度除咗胡椒豬手豬肚/豬軟骨湯，仲有眉豆花生鳳爪湯，七哥請咗我哋試，佢話鳳爪係日本貨，嚟自岩手縣，味道好之餘乾淨企理，朋友勁鍾意，話啲湯好有媽媽煲湯嘅味道，隻鳳爪好淋好入味😋呢間小店嘅招

有緣地入咗呢間舖頭睇下買咩因為見到好簡約,望下個雪櫃有咩買個老闆娘就介紹,我直接地講周圍睇下㗎咋,佢好有禮貌地講隨便睇！因為屋企人鍾意食胡椒豬肚就畀盒嘢吸引住咗！個廚師係依個時間突然間出現喺我隔離同我講佢啲產品跟住即刻去咗廚房拿啲畀我試下!一啲味精都冇同埋胡椒味好足夠!唔食辣嘅我、辣到我儍左！佢就即刻去攞咗啲豬骨湯畀我解辣! 買左一盒比家人可以2-3人、88蚊,我成盒出嚟煲熱沒有加水. 家人話好味、會再來！🥰

中午食晏時間去駱駝漆買嘢，順便搵野食，在3樓A2舖有間叫七哥麵當，入門發覺唔止有麵食，還有凍肉，沙律醬，麵食及飮品等等提供。還有牛扒可以按份量及要求幫你煮，但我時間唔夠，未能嘗試那牛排，只叫了一碗胡椒豬手，豬軟骨拉麵。味道恰到好處，胡椒湯用豬骨淆，唔算太辣，咸淡適中，豬手是日本急凍貨，好處唔會食到豬毛，是爽口的，似白雲豬手，豬軟骨夠淋，兩者吸收了胡椒湯，份外美味，平時食麵從不飲湯，而呢碗湯我卻全部飲清，之後冇嗆喉感覺，真材實料，48元一碗值嘅👍🏻這間舖是今年7月23日才正式開張，暫時沒有太多人認識。

用料新鮮，豬肚爽滑彈牙，湯底香甜又不會過辣, 小店$48/碗價錢正常，天寒地凍食肯定渾身是勁，仲可以外賣孖寶胡椒豬肚湯$88 only。除咗招牌胡椒豬肚湯面，下次必會試埋喇沙湯麵

此店由一對夫婦經營, 有冷藏食物, 又有醬油, 拉麵, 乜都有。新張期間, 部分貨品有8折。最正係可以即場買扒, 魚, 冷凍食材, 幫你加工即食, 重會教埋你點煮, 老闆真係好有心。老闆娘親切推介食材, 老闆得閒又會跟食客傾計交流。我點了一現喇沙, 湯低非常好食, 食後唔會口喝, 好香, 味濃度剛好, 拉麵麵質皆。性價比高。老闆推介胡椒豬肚豬手, 買左一盒抽真空返屋企一試, 足料, 好好食, 可惜老闆話唔會再造, 賣晒就無。

觀塘駱駝漆大廈三座出名多食肆，七哥面當🍜新開張時食過佢嘅招牌胡椒豬手湯麵，是採用沙朥越胡椒做湯底，外面甚少食到咁好味😋。今次再嚟仲試埋即煎牛扒、西班牙黑豚豬脢扒同埋劍魚腩，肉汁鮮味，老闆非常好客，仲親自教我點樣煎牛扒😃，外賣仲有8折朋友叫咗馬來喇沙湯麵🍜，因為在門外就已經俾佢嘅香味吸引入嚟，原來老闆正在炒喇沙🔥，七哥面當嘅喇沙是每日新鮮自家製嘅，配料用上鮮蝦、獅子狗丸、馬來西亞西刀魚丸等，非常惹味😋😋，絕對是encore之選。

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗因為要去蘋果整機，有頗長時間嘅等待，唔想再行APM，就去咗行工廠大廈！其實我冇咩嘢要買要搵，係有少少想食嘢，不過剛好1點幾，度度都好多人又唔知食咩好！求其搭lift 去其中一層向下行，都有少少漫無目的咁…路過呢一間店，見到門口寫有喇沙湯麵，跟住睇緊時，有個妹妹仔話新店開張，依家只係$48碗，又幾吸引wor！見入面有檯就走入去試下！🍴馬來喇沙湯麵（$48）見到好足料！有兩隻蝦、兩粒白魚旦、兩粒豆卜、三條獅子狗，再有兩小舊青檸，少少芫茜… 試下個湯底先，好濃厚嘅湯底，味道濃郁，好香又好惹味wor！麵係用咗比較粗圓嘅湯麵，煮得啱啱好夠彈牙！蝦都幾大隻，肉質爽口，幾新鮮，蝦頭仲有少少蝦膏；魚旦係細細粒，都幾彈牙！以$48 嚟講真係俾足料又抵食！😋飲品有汽水、本地支裝飲品、日本果汁咁，自己去雪櫃揀，依家有9折！呢度其實都有貨架賣醬料、飲品同酒，亦都有雪櫃賣凍肉，可以買走或者即買即煮！呢度好家庭式經營，似爸爸煮麵，老婆收銀，阿女定係親戚做樓面，聽到佢哋嘅對話內容都係好似一家人咁，唔似老闆同員工… 佢哋會好細心俾隻碟仔我放蝦殼，我都見到隔離檯俾嘅碗仔

今日同朋友去行駱駝漆大廈行街， 因為上邊話好多嘢食同有好多地方行，經過一間新開張嘅麵檔，抱住想試下呢間新開嘅麵檔睇下好唔好食，佢地既招牌胡椒豬手湯麵原來好好食，豬手炆得好淋好入味同好有骨膠原，啲胡椒味好濃郁。今日好榮幸老闆特別煮左豬肚，有幸嘗試😋原來仲有喇沙湯麵同豬骨湯，下次先至試其他嘢